وأخيرا وبفضل الله تم اللقاء

[nada242008]

السلام عليكم اهل اللمة الكرام

اليوم فرحتي لاتوصف بلقاء حبيبة القلب وتوأم الروح المشرفة عفاف الجزائرية
والطيوبة الغالية المشرفة شجون الروح
نهار قاتلي عفاف بلي جاياتك نهار الاثنين بقيت نحسب بالساعة والنهار وقتاش نشوفها
واليوم والحمد لله بعد 4 سنوات من الصداقة الصادقة المخلصة والاخوة
شفتها وتجسد المحبة على ارض الواقع
على قد مانحكي عليها قليل وعمري مانوافيها حقها
دايما معايا في كل الظروف
شفت منها غير الخير والمحبة
ربي يعطيها ماتتمنى ويفتحلها ابواب الخير
وان شاء الله نبقاو ديما مع بعض
بلا ماننسى الحبوبة سامية الحشامة :p واش دارت فيها ندى هههه
من بكري نحبها وزادت محبتي ليها بلقياها
سررت وتشرفت بكما في بيتي
// راهم في الطريق مازال ماوصلوش للمسيلة
بصح قلبي كلاني وقلت نسبق بالموضوع
:d

وهذي الاطباق لي حضرتهالها
من الفرحة تفرفشت وماعرفت واش نطيب
لي نتفكرها نقول نديرها

يعني والله لي تعبوه في الطريق كثر من السويعة لي قعدوها عندي
وعفوفة تقولي زيدي زيدي فكرينا واش نحكو ههههه هانا تلاقينا :d
وتقولي ضرك راهي ابتسام وزائرة يخموا فينا خخخخ
وتقولي هيا صوريني وابعثيهالهم هههه التصاور ضرك توصلكم عبر الخاص :p
ساعة عقبت في رمشة عين
ان شاء الله نعاودوها في احسن الظروف


​

 

[SAMIRA25]

بصحتكم ام ندى الجلسة و ربي يدوم المحبة بيناتكم و ما يحرمكم من بعضكم و راه كل شيء يشهي اطباق رائع بصح باين فيهم ما كلاو والي راني جاية نخلصلك كل شيء :p​

 

[روعة2005]

مع لي حليت المنتدى جذبني العنوان.............
ربي يديم المحبة بيناتكم انت كريمة وهوما يستاهلو صراحة كلش كان لييييييييييكس تخيلتكم قاعدين وتضاحكو كان صورتيلنا لاشتات يديهم هههههههههه
ربي يديم المعرووووف والحب بيناتكم ​

 

[nada242008]

بصحتكم ام ندى الجلسة و ربي يدوم المحبة بيناتكم و ما يحرمكم من بعضكم و راه كل شيء يشهي اطباق رائع بصح باين فيهم ما كلاو والي راني جاية نخلصلك كل شيء :p​

الله يسلمك سميرة .. ههههه والله كلش قعد كلاو غير شوي
انا قلتلهم كون ماتاكلوش معناها ماعجبكمش طيابي .. قاتلي سامية نتي طكيبتي لقبيلة وتقولينا كملو كلش ههههههههههه
ارواحي مرحبا بيك تانسي وتشرفي
ربي يحفظك اختي
​

 

[nada242008]

مع لي حليت المنتدى جذبني العنوان.............
ربي يديم المحبة بيناتكم انت كريمة وهوما يستاهلو صراحة كلش كان لييييييييييكس تخيلتكم قاعدين وتضاحكو كان صورتيلنا لاشتات يديهم هههههههههه
ربي يديم المعرووووف والحب بيناتكم ​

هههههههههههه والله ماكفانا الوقت وصلو على الواحدة وخرجو على الساعتين
وعفاف ملي قعدت ماهبطتش عينيها من الساعة وصاتها ماما تروح بكري .. بصح كي جاتني الدنيا وما فيها والله
ربي يحفظك فوفة عقبال مانشوفك انت وابتسام وكل الاحباب
​

 

[ام ريهام]

الله ابارك ويزيد وربي يطول في عمر الصحبة والمحبة بيناتكم

يعطيك الصحة اختي قمتي بصحباتك تاع الصح

لعقوبة كي نجي انا

 

[lina-67]

ام ندى انا تاني راني جاية عندك هههه الله يبارك كلش بالطبع باين درتو فيها قعدة تهبل الله يدوم المحبة و يخليكم لبعاضكم

 

[ام منصف]

الله يبارك عليكم ام ندوش وعفوفة ومعاهم سامية
بصحتكم القعدة اكيد راح تكون حلوة عسل
يعطيك الصحة ام ندى على العرضة هايلة وكل شيء ماشاء الله
بالصحة والهنا على قلوبكم
​

 

[nada242008]

الله ابارك ويزيد وربي يطول في عمر الصحبة والمحبة بيناتكم

يعطيك الصحة اختي قمتي بصحباتك تاع الصح

لعقوبة كي نجي انا

الله يسلمك ام ريهام .. ان شاء الله اختي نتي اصدمي والباقي عليا

ام ندى انا تاني راني جاية عندك هههه الله يبارك كلش بالطبع باين درتو فيها قعدة تهبل الله يدوم المحبة و يخليكم لبعاضكم

امين يا رب ومرحبا بيك كل ماتكبر اللمة كل ماتزيان القعدة
ربي يهنيك اختي

 

[nada242008]

الله يبارك عليكم ام ندوش وعفوفة ومعاهم سامية
بصحتكم القعدة اكيد راح تكون حلوة عسل
يعطيك الصحة ام ندى على العرضة هايلة وكل شيء ماشاء الله
بالصحة والهنا على قلوبكم
​

الله يسلمك ام منصف ربي يحفظك والله كانت قعدة هايلة خصيتو غير نتوما وتكمل
ان شاء الله تتعاود معاكم كامل

 

[nada242008]

شعب قرعاج تاع الصح هههههههه
حالياً الأعضاء النشيطين الذين يشاهدون هذا الموضوع : 11 (3 عضو و 8 ضيف) ‏nada242008, ‏chimaa-mimi, ‏سمو الذات

 

[فجري لا وربي]

الله يبارك تقولي درتي عرس ههههههههه بصحتكم ، أنا تاني اعرضيني اختي ران يجاي

 

[chimaa-mimi]

مآشآء الله عليك والله يدووم المحبه بيناتكم
ولله راكي ساجيــه الله يبارك ماعندي مانقووول مرا ونص
راكي قمتي بلواجب الله يبارك
ربي يخليكم لبعض وان شاء الله متكونش هادي اخر زيارة ليهم
​

 

[ام شيماء]

الله يبارك في هداك الخير وربي يدومها محبة في الله وكلش هايل

 

[serinee]

الله الله يبارك معندي منحكي من صابني معاهم و نبوس في ندوش و نغض رائد
و على الطابلة الله مشاء الله ربي يبارك تحفيتهم تاع الصح
ربي يدوم محبتكم ان شاء الله و عقبال منجي انا ثاني
​

 

[أمــ وليــد الجزائرية]

ياعمري غرت نقوك علاه بوسك فكرتيني بصحبتي

ما احلى اللقاء والله

انا ثانيك صراتلي وين تلاقيت بصديقة ليا و كنت عرفتها من النات بعد 7 سنوات من الصداقة لاقانا ربي

و حمد الله على النعمة الي نعمهالنا ربي

ربي يدوم صحبتهم و ان شاء الله ديما قعدات كما هذو

بصح راكي طيبتلهم بزاااف و هما زوج علاه مقلتيلناش نجو كامل هههه
​

 

[s_luna]

امممم الله يبارك على القعدة الزّينة مع الطيّوبات ،، بصحتكم
أمّ ندى ما شاء الله طاولة متولة من كلّش الله يبارك

ربّي يدوّم المحبّة على الجميع
:regards01:

​

 

[عفاف الجزائرية]

اانا وراسك غسلتي لماعن وكملتيهم ولا مازال
وعلاه ما حطيتيش سينية التااااي
اني جاية نردلك رد قدك لالا قدك شوي برك قدك وقد المعلم وندوش ورائد وصحاب الباطيمة 186 كامل هههههه:p

رجعاااااااااااااالك
​

 

[ibtesem]

مشاء الله ربي يحفض والله كل شئ هايل ماخليتي والو
تعرفي سخفتوني تاع صح ربي يعطينا العمر ونتلقاو
والله غابتلي واش نقول
الحمد لله على كل حال​

 

[somo_81]

اليوم منسكتش حتى نغرقكم و نغرق راجلي غيرتيني انا زعما لي كنت راح نشوفها قبلك بصح مكتبش ربي
لعقوبة ليا كي نشوف كرابع و نزيد نشوفك ام ندوش و بصحتكم كلش و الطابلة الله الله عليها لو كان جيت انا نفرجك فيها ههههههههههه نقصر برك راني بسيف ناكل
ربي يهنيكم و يدومها محبة بيناتكم ان شاء الله