وأخيرا وبفضل الله تم اللقاء

[nada242008]

اعطيك الصحة
تعيشي اختي واش هاذا

الله يسلمك اختي
هذيك ميني بيتزا درتها مربعات

 

[nada242008]

ربي يدوم المحبة اختي ندى والحمد لله اللي جمعكم ربي على خير وربي يجمعكم على طول وبارك الله فيك على الحطة اللي درتيهالهم الله يبارك كل شيئ يشهي بصحتكم

ربي يحفظك ام خدوج عيونك الحلوين
بارك الله فيك على المرور الجميل

 

[nada242008]

مرحبااردت التطفل عليك يا اشطر شاف اعطينا وصفات هذه الروائع :$

اعرف انك وضعتي وصفة البعض مثل هذه اريدها من فضلك تقبلي دعواتي لك واجرك على الله

ارجوا ان لا اكون قد اثقلت عليكي وشكرا:$

الله يخليك اختي الغالية .. الف شكر على الكلمات الطيبة
الصورة الاولى ميني بيتزا بشكل مربعات استعملت عجينة ال 10 دقائق ودرت صوص طوماط وفرماج مبشور
الصورة الثانية كوكا على شكل مثلثات .. العجينة المورقة مشرية حليتها بسمك رفيع وقطعتها مربعات ودهنت الحواشي ببيضة
الحشو .. ذبلت حبة بصل مقطعة مكعبات في شوية زيت ومن بعد ضفت طماطم مرابية ورشة فلفل اكحل وخليتها على نار هادية حتان خثارت وطفيت عليها
حطيت الحشو في مربعات العجينة المورقة مع فرماج مبشور وغلقت الاطراف بشوكة ودهنتها بيضة مع قطرات خل ورجعتها للثلااجة تبرد وتتماسك مليح ومن بعد طيبتها في فرن مسخن مسبقا على 200 درجة مئوية

الصورة الثالثة بواسطة قطاعة .. قطعت دوائر في شرائح خبز التوست ودهنتهم بطبقة خفيفة من المايوناز
قطعت اشكال على شرائح الفرماج الخاصة بالهومبرغر
وايضا اشكال على شرائح كاشير وباتي
ومن بعد حكمتهم بكيردون وزينت بالزيتون وفرماج مقطع مكعبات

ان شاء الله يكون شرحي واضح واي سؤال راني هنا

 

[nada242008]

كانت فيها حرب وهدنة ووقف لاطلاق النار وانا لاخبر:-o والله ما شفت الموضوع حتى لدوق
يعطيك الصحة ما خليتي والو في العباد على حساب ابشوفة كاين عباد سجلو غير على جال الاطباق تاعك

واله يا ندوشة من خلال التعبير تاعك حسيت بيك فرحانة من صمصوم قلبك ربي يدوم المحبة بينتكم وعفوفة تستهل كل خير وانتي راكي معروفة بالكرم الحاتمي تاعك يابنت الكرماء

غاضتني بسومة مسكينة حسيت بها تاثرت من اللقاء معليش بسومتي كي اليوم ان شاء الله وتعملو فيها قعدة بالطبع حنونتي والله حتى انا راني كيفك توحشت بزاف الدزاير
تبا من هاد الغربة ​

هههههههههههه وزيديهم حضر التجول ههه
الله يخليك فيفي علبالي تفهميني ياسر وتحسي بيا واما ابتيسو نهار تجي :-r.. خليها برك تجي وتحط رجليها في لبلاد نخطفها من المطار خطيف :d
ربي يهون عليك غربتك حبيبتي ويرجعلكم لبلاد في اقرب الاجال
ربي يهنيك عزيزتي

 

[ام هيثم م]

والله راك مبدعة وربي يحفضك خاتر انا ثاني جايتني عرضة وملقيت واش اندير وانت عطيتيني افكار
واذا ماكانش ازعاج من وين تتباع العجينة المورقة الجاهزة وهل هي جيدة
واش هاذ

 

[nada242008]

والله راك مبدعة وربي يحفضك خاتر انا ثاني جايتني عرضة وملقيت واش اندير وانت عطيتيني افكار
واذا ماكانش ازعاج من وين تتباع العجينة المورقة الجاهزة وهل هي جيدة
واش هاذ

الله يخليك ام هيثم .. وان شاء الله تفوت عرضتك احسن ما تتوقعيها
العجينة المورقة نشريها من عند واحد يخدم الكوكا ويبيعها ويبيع ثاني العجينة .. شوفي كاش باتيسري
مرة شريتها من السوبيرات ماعجبتينيش كي طيبتها طلقت ليدام وماطلعتش ياسر

هذاك لي في الصورة متبل باذنجان
تجيبي حبات الباذنجان وديري فيهم ثقبات بالسكين وتشويهم في الطابونة حتان تكحال مليح .. تحطيها في صاشي وتخليها تبرد
ومن بعد تقشريهم وتقطعيهم
تحطيهم في الميكسور مع فص واحد ثوم وعصير قارص وملح و 3 حبات فرماج مثلثات وترحيهم
وتقدميه مع رشة زيت زيتون وفلفل احمر بارد للتزيين

 

[sheherazed]

lah ykhallik 3tini lé recettes ta3 had lé deux plats si c possible:$

 

[عفاف الجزائرية]

lah ykhallik 3tini lé recettes ta3 had lé deux plats si c possible:$

ميني بيتزا بشكل مربعات استعملت عجينة ال 10 دقائق ودرت صوص طوماط وفرماج مبشور

--------------
بواسطة قطاعة .. قطعت دوائر في شرائح خبز التوست ودهنتهم بطبقة خفيفة من المايوناز
قطعت اشكال على شرائح الفرماج الخاصة بالهومبرغر
وايضا اشكال على شرائح كاشير وباتي
ومن بعد حكمتهم بكيردون وزينت بالزيتون وفرماج مقطع مكعبات

 

[sheherazed]

ok ça y'est c bon j'ai vu lé recettes merci hbiba:up:


pr la salade j'ai cru au debut qu'il s'agit diu riz!!c'est pr ça j'ai bien voulu savoir la recette


et merciiiiiiiiiiiiii

 

[MĺŹǾ žĕĥÔŖ]

ماشاء الله

تبارك الرحمان

ربي يدوم محبتكم اكتر واكتر

بصح غيرتوووووووووووني اهئ اهئ

يعطيك الصحا يا الفحلة ديما شاطرة كي النحلة:d
​

 

[بنـ MaPa ـت]

بصحتكم والله يدوم هناكم والمحبة بيناتكم
راكي Gـهمتيهم بالمواكل الله يبارك تهليتي فيهم ماعندهم مايقولو
يعطيك الصحة
ان شاء الله يتعاود اللقاء ونكون انا معاكم :d
​

 

[mimi53]

الله يبارك محلاها قعدة
هاكدا عليك ندوش تعرضي من ورايا
هههههههه

ربي يهنيكم ويدوم المحبة اللي بيناتكم ويعطيك الصحة ربي يبارك في هادوك اليدين اللي يتلفو بالحرير

 

[lina11]

ماشاء الله ندوش عرضة وعليها لكلام

مالا وجديلي وحدة ليا كي نروح لدارنا بجاية نعقب فاكونس نفوت عليك خخخخخخخخخخخخخ وندي معيا ندوش تتبحر شوية وتبرونزي

 

[بنت الـ25]

ربي يدوم المحبة ويخليكم لبعضاكم
راني نيماجيني فاللقاء كيفاش كان
تشويتي فالكوزينة مالا ام ندوش خخخخ
يعطيك الصحة ،، يا ست الجود والكرم
الف تحية ليكم
​

 

[نسايم الربيع2]

شهتوني لهاذيك اللمة يارائدات اللمة
ربي يجمعنا في الجنة إن شاء الله

 

[عفاف الجزائرية]

جيت نطل لقيت روحي ما رديتش عليك رد بقدر مقامك وموحال نلحق مقامك
هاذي الاخت يا جماعة كان مجرد عضوة هان في هذا البيت املتواضع في لمتنا
اول ما تعرفت عليها سميتها اختي مثل اسمي لانها اسمها كيما اسمي
فات وقت حستها وحستني نفهمو بعض من مجرد نقظة ما كلمة ولا نظرة من مجرد همسة برك او تحريكة نفهمها
نفهم حالها واحوالها نفهم مورالها فرحانة حزنانة مقلقة مفرفشة
كانت امنية حياتي انني نتلاقاها نبوسها نعنقها نشوف في عينيها نبقى نشوف معاها نحكمها من يديها ونبقى شادة فيها
هاذي الاخت الاحساس الي نحسو بيها كي تكون هي ماش مليحة عند ربي الخبر بيه
ما نحبش وصح صح ما نحبهاش تنقاس بحتى حاجة
مواعدتها وكلمتي ليها كانت ديما انني نفديها بروحي
يمكن انكم انتو تشوفوها مبالغة بصح هاذي نحسها اختي صح اللي ما جابتهاليش يما
مال وشي الدنيا كاااااااامل ما يوفيش مقامها وقدرها ومكانتها عندي
جاء ولحق وقت وين كتب ربي وشفتها حكمت الطاكسي وماشية ليها ومانيش مأمنة انني رح نحقق الحلم نتاعي تالمون رحتلها من عامين ولحقت لجيهتها وكي ما عرفتهاش وين بالضبط وليت من الطريق وماكتبش ربي وما شفتهاش
وهاذ المرة صممت انني نشوفها يالوكان نربح الشقوة نتاع الطريق المهم نبرد قلبي ونشم ريحتها
والحمد لله لحقني ربي ليها ولحقت لعند بابها وفتحتلي باب الدار بهاذيك التبسيمة الطيبة اللي خارجة من قلبها
عينيا رغرغو كي شفتها ما كفانيش الحضن نتاعي كون حطيتها في عيني وغلقت
فتحتلي دارها وقلبها وحطتني فوف راسها ورحبت بيا ماش بالغريب عليا لانها بنت اصل وجود وكرم البسكرية الفحلة
قابلتني ندوش قلتلها شكون انا قاتلي عفاف الذاذئرية تديري رثالة خاثة
ما قدرتش نقتلها نعضها نقرصها ما كان عليا غير نعنقها وننحي الوحش الليكنت نشوفها في لي فوطو برك
جانئ رائد البطبوط طب طب طب طب يمشي ويتبطبط
ملاك وراس لعزيز عليكم غير ملاك ميمتهم برك خارجين ليها
فرحتي بهاذ الطفيلة كي شفتها وكي عنقتها وبوستها ما تتوصفش بكنوز الدنيا وما ننساهاش حتان يطبطب راسي في القبر
راضية عليها ومهنية منها وبكنوز الدنيا نشريها هاذ الطفيلة
روحت وديت ريحتها معايا عمري ما راح ننسى هذا النهار
(هاذي هدرة قليلة برك في خاطرها اللي في القلب راهو في القلب )
​

 

[oum BIBARS]

rabbi yahfedhekoom we ykhalikom l ba3edhakom nchallah
​

 

[سمسومة خالد]

[FONT=&quot]بارك الله فيك [/FONT][FONT=&quot]
[/FONT][FONT=&quot]ما شاء الله [/FONT][FONT=&quot]
[/FONT][FONT=&quot]تسلم هذه الانامل على الاطباق الراقية[/FONT][FONT=&quot]
[/FONT][FONT=&quot]شكرا لك[/FONT][FONT=&quot]
[/FONT][FONT=&quot]ذوق رفيع من يد من ذهب[/FONT][FONT=&quot]
[/FONT][FONT=&quot]بوركت [/FONT][FONT=&quot]
[/FONT][FONT=&quot]‫[/FONT][FONT=&quot]اللهم إنّا نسألك ألسنة صادقة، وقلوبًا سليمة، وأخلاقًا مستقيمة[/FONT][FONT=&quot]
[/FONT][FONT=&quot]اللهم صلِّ وسلِّم وبارك على سيدنا مُحمّد المُبشر بالوسيلة والفضيلة ومحمود المقام، الحامد لربه يوم الفزع [/FONT][FONT=&quot].[/FONT][FONT=&quot]
[/FONT][FONT=&quot]‫[/FONT]

 

[حفيدة الخنساء]

 

[BEGH4EVER]

444444444444444444444444444444444444444444444444