القانون لايحمي المُغفلين وفي الجزائر الأستاذ ضحية الوزارة والتلميذ!!

[السلطانة]

السلام عليكم ورحمة الله وبركاته ​

تأخرت في وضع الموضوع لأني البارحة كنتُ ​

كوارث من قلب الحدث وبكالوريا 2013 !!
مثلما سمعتم في الأخبار التي انتشرت بسرعة البرق يوم الثلاثاء:04 من جوان 2013 اثر المشاكل التي حدثت في اختبار مادة الفلسفة للشعب الأدبية .
حدث الأمر نفسه بالمؤسسة التي حرستُ بها
تصرّفات غير مقبولة تماما من قبل جميع المُترشحين
قبل توزيعنا للأسئلة لاحظنا توتر كبير بينهم
وبكاء على حدّ قولهم مقالات جامي شفناها
وجدّ صعبة!!
قلنا لابأس خُرافات اطفال !!
قمنا بتوزيع الأسئلة لتقع الكارثة !!
بكاء واغماءات إلى هنا الأمر جدّ عادي
بعد ثوان قليلة
تحول المركز إلى جنازة !! ​

اثر الصدمة المزعومة من قبلهم
خرج جميع المترشحين بعدها الى ساحة المدرسة لتصبح الحالة أصعب !!
3 أساتذة عند كل قاعة تحولوا إلى مسعفين،أطباء نفسانيين،وشرطة !!
وبعدها بالفعل تدخلت الشرطة والحماية لحمل المغشيّ عليهم
لكن لم تتطور الأمور إلى الأسوأ لم يُنقل أي واحد إلى المستشفى
فقط شهدنا تهوّر البعض ومحاولة ضرب مترشح لنفسه على الحائط
واستغلال البعض للأمر للغشّ ...
بعد تقريبا ساعة عادت الأمور إلى مجاريها !!
المُفجع في الأمر أنّ كلّ ماحدث
كان على الأستاذ الحارس تحمّله
وكان عليه تهدئة الوضع داخل القاعات
بل هو واجب عليه !!
صراحة موقف نُحسد عليه البارحة صحيح أصابتنا مشاعر شفقة على المترشحين ومشاعر انسانية لم نشعر بها من قبل مما جعلنا نؤدي واجبنا المهني لكن تحت ضغوطات لانُحسد عليها!!
سبّ وشتم وتطياح !!
أساتذة الدروس الخصوصية جرّو علينا !!
توقعولنا مقالات ماجاتش منها حتى وحدة !!
الثلاثي الثالث ماقريناهاش ومرحناش للثانويات
مارأيكم ياأهل اللمة !!
في الحالة التي وصلت إليها الجزائر اليوم
غلطة التلميذ يجنيها الحارس!!
أيضا القوانين التي وُضعت للبكالوريا لايُعمل بها بتاتا منها:
الهاتف النقال يُدخله التلميذ إلى القاعة ولو يتكلم معه الأستاذ
يجيبه ب: واش دخلك ؟
التدخيين:ممنوع في القوانين لكن يُسمح للمترشح بالخروج باهش يتكيّف!!
المرحاض: مسموح للمترشح مرة واحدة فقط لكن يستطيع الخروج اكثر
وبالسّيف على الأستاذ الحارس
طبعا كما هو معلوم الخروج للكوبياج !!
حين الامساك بورقة غش أو بورتابل أو أو وتعددت الوسائل
يتعرّض الاستاذ للتهديد!!
بالضرب والقتل وهذا ماحدث في الكثير من المراكز
حتى صار الأستاذ يسايس ويتحايل مع المترشح لحماية نفسه
فالقانون والجزائر لاتحمي المغفلين !!
يكتب تقرير ب 5سنوات غدا يُقصى التلميذ يصبح من حطّم مستقبله هو أستاذ حارس الذي لم ولن يُنصفه القانون ويقولو الأساتذة ماش ملاح!!
شهادة البكالوريا والمصداقية المفقودة من 2008
راح بن بوزيد جا أحمد بابا !!
مارأيكم !!​

 

[روز]

لا حول ولا قوة إلا بالله
أحسنتِ بالموضوع أختي ساندريلا​

* يعتمد *​

 

[أمــ وليــد الجزائرية]

والله ياختي راني نتشوكا و نزيد

علبالك انا نقرى و نقول ان شاء الله ولادنا ميشوفوش هذ الشيء

و الله خايفة تنقل العدوة هنا

واش هذا كامل

و الله نتأسفو على هذي الامور الي نشوفوها اليوم

وين رجعنا و ين صدقيني هاني خايفة ملي راه جاي من بعد

بلادنا راهي كل ماتتعوج و ربي يسلكها على خير
​

 

[الحق سلاحي]

صحيح اتفق معك في مدى سوء افعال الطلبة من غش وتهديد للاستاذ
لكن ساتحدث واقع الامر صح لم تمر على مادة لم تتطاير فيها اوراق الغش الزوم والكيتمان واحيانا يدخلوا سوجيات محلولين ويدخلهم الاستاذ الحارس بالبيستون ولا الرشوة طبعا لطالب معين

على حسب ما لاحظت اساتذة الثانوي الرئيسيون كانوا في المستوى بالنسبة للحراسة المشكلة التي واجهتها كانت من الاساتذة الثانويين نتاع المتوسط والابتدائي ديرونجمون كبير وتشجيع على الغش لكن بهدوء على حسب قولهم :s
والمشكلة انهم اساتذة المرحلة الحساسة من حياة الطالب

نرجع الى موضوعك والذي استاذتي قمتي من خلاله بجعل الاستاذ الحارس هو المسكين الذي لاذنب له سوى انه ابتلا بطلبة سيئين وادارة فاسدة

ولان الطلبة ثمرة عمل هؤولاء الاساتذة فلا اعتقد انه يجب ان نحملهم

تقريبا في مثل سنك هكذا حرستنا استاذة جديدة .طبعا الامور المعتادة الاستاذ الجديد ناقص الخبرة يتعرض للانتقاص منه من طرف الاساتذة والتلاميذ

لكن الاستاذة كانت مختلفة كليا بعد مرور دقائق قليلة عرفنا بلي ماهيش مطلعتنا ولا دايخة فينا ولا في الاساتذة اللي ينتقصومنها ومبعد واحد قالها استاذة يقولو الباك زهر برك
فجاوبت يقوة وكانه خطاب قائد لجيش مهزوم بان نسعى ونتحصل على اهدافنا بارادة وعزم
ولا يهمنا في اقوال الاخرين شيئا هناك تاثرت بهذه الشخصية القوية

وكاين استاذة عاملتنا بضرافة وهدوء ومايميزها انها غير انفعالية فحبيناها من الصامط فينا للعاقل رغم انها كانت صارمة في الحراسة وهذا المطلوب

طبعا هذا النوع من الاساتذة نادر للغاية وكنت محظوظة جدا لتجربتي اليهم

لذا نصيحة ان نعرف كيف نتتعامل مع الطالب ولا نجعله نقطة سوداء فلن تطفئ النار النار

شكرا


​

 

[طائر الخير]

السلام عليكم

حقيقة مهزلة ....

اشفق على الطلبة و على الحراس مما يجري

لكن اعيب على الطلبة تلك الاعمال... يعني اذا كانت

الاسئلة ليست في المقرر فماذا سينفع الغش؟؟؟؟

على العموم ربي يعين الحراس و الطلبة

ولا ننسى طبعا الوزارة

ربي يقدرالخير
​

 

[serinee]

اتذكر ايام البكالوريا في الاعوام السابقة، حيث كان مجرد الحديث مع الحارس تعتبر محاولة غش..اما في ايامنا هذه...اصبح الغش في امتحان شهادة البكالوريا يتم امام مرأى الكل وبموافقة الجميع ... وحتى الاحتجاج على مواضيع الامتحان...

و الاستاد الحارس يقعد غير يشوف و لازم هو بدوره يساعدهم على الغش
صح شهادة البكالوريا مش شهادة سهلة و تتمناي لكل ينجح فيها مي مش بهاته الطريقة
مشكورة استادة على النقل المباشر
​

 

[رضوة الجزائرية]

انا تاني ياختي راني كتبت واش صار لي بالحراسة مهزلة والله بصح البركة في سياسة بنبوزيد باش طلعو الطلبةعلى الاساتدة حتى مين يقولو لي الحراسة نكره​

 

[طير الجنة]

شكرا ليك ختي على الموضوع
حبيت نوضح حاجة
أنا تان جوزت هاد العم الباك علوم تجريبية
هي الغلطة ماشي فالحراس
فالوزير اللي حب يوري روحوا
زعما نظام جديد
هوما تان تغيضهم عمارهم
حنا خبطونا بواحد السيجي مات و علوم
غير ربي اللي عالم بحالنا
ربي يستر هاد العام
و زيد الولايات لوخرين سيرتوا تاع الغرب
الأساتذة خرجوا و خلاو التلاميذ
و فالمات ولاو يحلوا ليسيجسي جماعي
​

 

[nihade.off]

صحيح الوضع غير معقول و اي حجة يتحجج بها التلاميذ !! طاحلنا مقال ماكناش متوقعينو !!!بففف منذ متى تكون اسئلة البكالوريا متكهنة او حتى قابلة للتكهن و منذ متى كان التعبير عن رفض الامتحان يتم بالخروج من القاعة بصراحة لن يجني هؤلاء الا علامة 0 لكن الوضع مختلف في بعض الولات فحتى حالات الغش التقليدية لم تكن موجودة مازال الخير ​

 

[السلطانة]

والله ياختي راني نتشوكا و نزيد

علبالك انا نقرى و نقول ان شاء الله ولادنا ميشوفوش هذ الشيء

و الله خايفة تنقل العدوة هنا

واش هذا كامل

و الله نتأسفو على هذي الامور الي نشوفوها اليوم

وين رجعنا و ين صدقيني هاني خايفة ملي راه جاي من بعد

بلادنا راهي كل ماتتعوج و ربي يسلكها على خير
​

مايصرا والو
يديو الباك كل !!

​

 

[السلطانة]

صحيح اتفق معك في مدى سوء افعال الطلبة من غش وتهديد للاستاذ
لكن ساتحدث واقع الامر صح لم تمر على مادة لم تتطاير فيها اوراق الغش الزوم والكيتمان واحيانا يدخلوا سوجيات محلولين ويدخلهم الاستاذ الحارس بالبيستون ولا الرشوة طبعا لطالب معين

أوافقكِ الرأي أن هناك بعض الاساتذة حثالة
لكن الأمر الأفضع عدم وجود قانون يحمي الأستاذ !!
مقايضة بين حياته والغش !!

على حسب ما لاحظت اساتذة الثانوي الرئيسيون كانوا في المستوى بالنسبة للحراسة المشكلة التي واجهتها كانت من الاساتذة الثانويين نتاع المتوسط والابتدائي ديرونجمون كبير وتشجيع على الغش لكن بهدوء على حسب قولهم :s
والمشكلة انهم اساتذة المرحلة الحساسة من حياة الطالب

بالنسبة لأساتدة الابتدائي تمت تنحيتهم من عام 2007 من حراسة البكالوريا بسبب عدم مصداقيتهم !!
في ولايتنا أغلب أساتدة الثانوية هم أكثر من ساعدوا على الغشّ
لايحرصون أصلا هناك حتى من ينام في الحجرة !!

نرجع الى موضوعك والذي استاذتي قمتي من خلاله بجعل الاستاذ الحارس هو المسكين الذي لاذنب له سوى انه ابتلا بطلبة سيئين وادارة فاسدة

ولان الطلبة ثمرة عمل هؤولاء الاساتذة فلا اعتقد انه يجب ان نحملهم

اجل أختي أحمل المترشح المسؤولية
بسبب الفوضى التي قام بها من أجل الضغط على الحارس
الدي لادنب له في الأمر !!
تقريبا في مثل سنك هكذا حرستنا استاذة جديدة .طبعا الامور المعتادة الاستاذ الجديد ناقص الخبرة يتعرض للانتقاص منه من طرف الاساتذة والتلاميذ

بالنسبة لي عامي الثاني في الحراسة
ولم أتعرّض لانقاص في القيمة من قبل أحد
من تعرّضوا للتهديدات أساتدة لهم خبرة !!

لكن الاستاذة كانت مختلفة كليا بعد مرور دقائق قليلة عرفنا بلي ماهيش مطلعتنا ولا دايخة فينا ولا في الاساتذة اللي ينتقصومنها ومبعد واحد قالها استاذة يقولو الباك زهر برك
فجاوبت يقوة وكانه خطاب قائد لجيش مهزوم بان نسعى ونتحصل على اهدافنا بارادة وعزم
ولا يهمنا في اقوال الاخرين شيئا هناك تاثرت بهذه الشخصية القوية

وكاين استاذة عاملتنا بضرافة وهدوء ومايميزها انها غير انفعالية فحبيناها من الصامط فينا للعاقل رغم انها كانت صارمة في الحراسة وهذا المطلوب

طبعا هذا النوع من الاساتذة نادر للغاية وكنت محظوظة جدا لتجربتي اليهم

استعمال البيداغوجية مع التلميد في الأوضاع الحرجة أفضل حلّ
لكن استغلال التلميد للطلف الأستاد للغش مايجعله يغير العقلية

لذا نصيحة ان نعرف كيف نتتعامل مع الطالب ولا نجعله نقطة سوداء فلن تطفئ النار النار

شكرا


​

عن نفسي أحمل الادارة المسؤولية
وبعدها نحمل التلميد لي تمرد بسبب الرّخف تاع القوانين لي متطبقش ضدو حتى صار يهدد الحارس أمام العلن ويشتمو وادا قدر يضربو وعادي شكون يردعو !!
​

 

[السلطانة]

السلام عليكم

حقيقة مهزلة ....

اشفق على الطلبة و على الحراس مما يجري

لكن اعيب على الطلبة تلك الاعمال... يعني اذا كانت

الاسئلة ليست في المقرر فماذا سينفع الغش؟؟؟؟

على العموم ربي يعين الحراس و الطلبة

ولا ننسى طبعا الوزارة

ربي يقدرالخير
​

وعليكم السلام
المشكلة ان الدروس من المقرر
خابت الظنون التي حضروا لها !!
بارك الله فيك أخي يوسف
سلامي
​

 

[السلطانة]

اتذكر ايام البكالوريا في الاعوام السابقة، حيث كان مجرد الحديث مع الحارس تعتبر محاولة غش..اما في ايامنا هذه...اصبح الغش في امتحان شهادة البكالوريا يتم امام مرأى الكل وبموافقة الجميع ... وحتى الاحتجاج على مواضيع الامتحان...
بالفعل أختي وكان مجرد التفكير في الخروج إلى المرحاض
يجعل من الطالب يخمن أن الوقت لن يكفيه لإكمال الأجوبة
أما اليوم فالمرحاض مُلتقى لمختلف أنواع الغشّ

و الاستاد الحارس يقعد غير يشوف و لازم هو بدوره يساعدهم على الغش
صح شهادة البكالوريا مش شهادة سهلة و تتمناي لكل ينجح فيها مي مش بهاته الطريقة
مشكورة استادة على النقل المباشر
​

أجل أختي يعاونهم في الغش أو يصير ماش ناس ملاح ويتشتم ويتعاقب من قبل السي التلميد !!
فرعنهم بن بوزيد حتى مالقاو كيفاه يلموهم
صحيتي على المرور
سلامي
​

 

[السلطانة]

انا تاني ياختي راني كتبت واش صار لي بالحراسة مهزلة والله بصح البركة في سياسة بنبوزيد باش طلعو الطلبةعلى الاساتدة حتى مين يقولو لي الحراسة نكره​

مازال باه نزيدو نشوفو ربي يستر
بارك الله فيك
سلامي
​

 

[السلطانة]

شكرا ليك ختي على الموضوع
حبيت نوضح حاجة
أنا تان جوزت هاد العم الباك علوم تجريبية
هي الغلطة ماشي فالحراس
فالوزير اللي حب يوري روحوا
زعما نظام جديد
هوما تان تغيضهم عمارهم
حنا خبطونا بواحد السيجي مات و علوم
غير ربي اللي عالم بحالنا
ربي يستر هاد العام
و زيد الولايات لوخرين سيرتوا تاع الغرب
الأساتذة خرجوا و خلاو التلاميذ
و فالمات ولاو يحلوا ليسيجسي جماعي
​

اولا ربي يوفقك ان شاء الله
صح حتى عندنا المات جاتهم صعيبة وطويلة
دوك كاين لي كوفراو الحالة
ومادابيهم باش يبان المركز تاعهم بان عادي ماصرى فيه حتى مشكل وهو التنقال دار حالة

​

 

[السلطانة]

صحيح الوضع غير معقول و اي حجة يتحجج بها التلاميذ !! طاحلنا مقال ماكناش متوقعينو !!!بففف منذ متى تكون اسئلة البكالوريا متكهنة او حتى قابلة للتكهن و منذ متى كان التعبير عن رفض الامتحان يتم بالخروج من القاعة بصراحة لن يجني هؤلاء الا علامة 0 لكن الوضع مختلف في بعض الولات فحتى حالات الغش التقليدية لم تكن موجودة مازال الخير ​

مالفوضى سوى حجة يتحججون بها لتغطية غلطتهم
وكل غلطة إلّا و جعلوا الأستاد مُجرمها سبحان الله
بارك الله فيك
سلامي
​

 

[الورد الأحمر]

أنآ من رآيي التلميذ رجع :down:
تآلمون كل عآم الأسآتذة يديرو إضرآب وآلفو العتبة
السنة كي مآ لقآوش عتبة التلآميذ لي دآرو إضرآب !!!
البآك عآم 2008 مآت ومن ورآ العآم هذآ الكل
دآوه GÂTEAU مغسي ونسيت روحي عبرت
بالدآرجـة ... سلآمي ’
​

 

[يونس الصديق]

موضوع نقاشي حسن

بعض الردود مخالفة
سندريلا زماني
ابن سينا

دعكم من الكلام الزائد
اما الخوض في النقاش المحمود او الصمت
كفاكم اخواني

اي اضافة غير لائقة يتبعها قرار بحقها

 

[عابر سبيل12]

لايوجد مايسمى اسالة ليست في المقرر
كل مافي الامر ان اغلب تلاميذ اليوم ماهم الا حفنة من الصعاليك
اناثا كنا او ذكور ...نفس الشيء ينطبق على الحالتين

انت مثلا كتلميد في الطور النهائي ماذا تنتضر وانت بصدد امتحانات البكالوريا ؟؟
يريدون اسالة في متناول الجميع ..سهلة لتسهيل الانتقال الى مابعد

جيل فاشل بكل المقاييس للاسف
​

 

[عاصفة الورود]

في الحقيقة باك هدا العام ليس في متناول التلميذ المتوسط
الاسئلة مفاجئة والمنهجية جديدة
اما من حيث الانظباط
المركز لي كنت فيه انا مرت الامور بسلاسة
كل شيء على مايرام ,لااغماءات لامحاولات انتحار :d
الاساتذة المراقبين كانو في المستوى
لكن تسامحو بزاف مع محاولات الغش
على كل حال
ربي يوفق كل المترشحين

​