شعبة رياضيات ولا علوم

[abdellah gourari]

السلام عليكم
كيف الأحوال إن شاء الله تمام الأن أدخل للموضوع أنا العام القادم إن شاء الله راح ندرس في السنة ثانية و وجهوني رياضيات صحابي كامل قالولي دير طعن و أخطيك راها صعيبة و اليوم راني في حيرة من أمري :s ما لقيت ماندير ملا قررت نجي نطلب المساعدة من ذو الخبرة :up:
في رئيكم شعبة الرياضيات صعيبة بزاف
و هل ندير طعن خير ولا نتابع في المجهول :-o
و شكرا

 

[نريمان المسيلية]

سلام عبد الله
انا نقلك الصح نفهم الرياضيات مليح مي بابا قلي راها صعيبة بزاف بزاف
انما درت علوم ومباعد وليت تراجعت ودرت ادب
والسنة الثانية باذن الله نتفرع وندير لغات اجنبية
مام اللغات تفيد في الحياة اليومية
هذا كان رايي
مرسي

 

[abdellah gourari]

شكرا على مرورك الكريم :d
حتا أنا نخدم في الرياضيات و الفزياء مي المشكلة خلعوني صحابي ويخي تعرفي تئثير الأصدقاء

 

[Ferial07]

انا داير علوم تجربيه راهي ساهله

 

[Ferial07]

وننصحك ما دير علوم

 

[جولان]

أنا درست شعبة علوم تجريبية و لدي أختي نصحتها أن تدرس رياضيات للأسباب التالية
شعبة العلوم تتطلب منك التركيز على 3مواد علوم رياضيات و فيزياء ان فرطت في أحدها لن تتحصل على معدل جيد لا تستطيع التخلي عن مادة منهم
برنامج الشعبتين نفسه في الرياضيات و الفيزياء مع اختلاف بسيط أما العلوم لدى شعبة العلوم جد طويلة صعبة و تتطلب التركيز و حب المادة أما شعبة الرياضيات فالعلوم تشبه لما درسته في المتوسطة
و زيد المعاملات جيدة 7 للرياضيات 6 للفيزياء 2 للعلوم يعني تركز على مادتين و تلقدر تولي اهتمام بسيط للعلوم
سر شعبة الرياضيات أنك تكون شغوف بحل التمارين قد ما حليت قد ما تمكنت من المادتين الفيزياء و الرياضيات و تقدر بعون الله تنجح
مع تمنياتي لك و للجميع بالتوفيق.

 

[soussou bel]

اي مادة مليحة المهم انت تحبها
ماشي الناس يحبوها

انا درت علوم تجريبية و العام الجاي عندي الباك


اي مادة مليحة لازم انت تبغيها

 

[نريمان المسيلية]

انا درت ادب
ومباعد درت les langue
والله غير ساهلة
العلوم لازمها واحد يكون ذكي ويغهم بالخف
ومعرف وزيد مينجحوج بزاف من العلوم مي اللغات ينجحوا
​

 

[abdellah gourari]

و الله تقول نكمل في شعبة الرياضيات :d

 

[جولان]

ربي يوفقك و ينجحك في لي تختارها و يلهمك الخيار الصائب باذن الله

 

[AnGeL*dZ]

كمل رياضيات مدام وجهوك ليها تسمى راك قافز في قرايتك
وماهيش صعيبة بزاف على رياضيات العلميين بيها بلفيزياء
ادا كنتي تكره العلوم سي با لابان تدير طعن خاطر ساعات تعود سامطة كيما في الفصل الأول في الدخلة النقل المشبكي وتسماط خلاه مع اللخر في الجيولجيا حلاوتها كي تقراو السكر والوراثة ،صعيبة العلــــــــــــــــوم في درس الانقسام المنصف تعصر مخك
مالا عليك وعلى رياضيات توالمك
​

 

[abdellah gourari]

كمل رياضيات مدام وجهوك ليها تسمى راك قافز في قرايتك
وماهيش صعيبة بزاف على رياضيات العلميين بيها بلفيزياء
ادا كنتي تكره العلوم سي با لابان تدير طعن خاطر ساعات تعود سامطة كيما في الفصل الأول في الدخلة النقل المشبكي وتسماط خلاه مع اللخر في الجيولجيا حلاوتها كي تقراو السكر والوراثة ،صعيبة العلــــــــــــــــوم في درس الانقسام المنصف تعصر مخك
مالا عليك وعلى رياضيات توالمك
​

نعم معالك الحق نكمل رياضيات

 

[AnGeL*dZ]

ان شآء الله يكـون الاختيآر الموفق
وفقكم الله
​

 

[**** بنت أبوها ***]

انا نقرى شعبة رياضيات و البروقرام تاع الفيزياء و الرياضيات نفسو برك زيادة عليهم بوحدة و لا زوج و أنا في رأيي تخير رياضي خير لأنو العدد فيها قليل و الكلاصة اللي كنت فيها كنا 17 برك و زيد تفهم خيرمن كلاصة فيها 43 واحد
و زيد في شعبة الرياضيات عند مادتين اساسيتين فيزياء و رياضيات اما علوم تجريبية عندها 3 مواد اساسية و اولية ليهم في الاختيارات ما بعد البكالوريا و زيد المعدل اللي تجيبوا فيها خيرمن اللي تجيبو في العلوم تجريبية فمثلا وحدة العام اللي فات جابت 13 في شعبة رياضي راحت استاذة تعليم ثانوي في الاغواط ووحدخر جابت نفس المعدل في شعبة العلوم و ماطارتلهاش
و الأفضل انك تصلي صلاة الاستخارة و بالتوفيق ان شاء الله
​

 

[miri madridista]

math 3jbtni w l awlawiya liha fkolchiiiii

 

[أم أُنٌَيسة]

رد: شعبة رياضيات ولا علوم

السلام عليكم اخي الغالي
ادا كنت تعتمد على الفهم اكثر فرايي ان تستمر شعبة رياضيات
و كل المود مهمة في الدراسة و لا تترك اي واحدة ادرسها كلها
توكل على الرحمان و اقرا ما تحبه انت
ارجو ان تتقبل مروري
في امان الله
سلام
​