تجهيزاتي لشهر الخير ورمضاني في منتدى اللمة رح نقضيه بخير

[magique]

موضوع جميل يعطيك الصحة وراني نتابع معاكم ان شاء الله
​

 

[أم ندى]

الصراحة انا نحمل كل شي الا السخانة
على ذاك شويت الطرشي او الفلفل و خبيتو في الفريزر في كميات صغيرة قيس سلكة تع يوم واحد
و كذلك الباذنجان الخاصة بالسلطة شويتها و خبيتها
رحيت شوي طماطم و عملت معجون الطماطيش
و الثوم رجيتو و عملت منه كويرات صغيرة و جمدتهم
و راني مع تحضير عصير المشمش ايضا
لحد الان هذا وش حضرت مازال الكثير يستنى فيا
نحب في رمضان نختصر الوقت قد ما نقدر تجنبا للسخانة و كذلك ربحا للوقت للعبادات
ربي يقدرنا ان شاء الله
اللهم بلغنا رمضان غير فاقدة و لا مفقودة
مشكورة ام ندى على الموضوع اكيد رح نستفادو منه

يعطيك الصحة يا لحرة راكي قايمة بيها ربي يبارك

لكان راكي تديري في عصير ومربى المشمش اتمنى لو ادرجتي الطريقة مع الصور لنستفيد منها طلبا ليس امرا حبيبتي


وربي يخليك ويخلي ايامك ويبلغنا ربي الشهر الفضيل يا رب
​

 

[أم ندى]

موضوع جميل يعطيك الصحة وراني نتابع معاكم ان شاء الله
​

الاجمل منه هو تواجدك فيه


الله يسلمك حنونة

اهلا بك في اي وقت

شكرا لطلتك
​

 

[samah06]

جزاك الله خيرا اختي على هاذ الموضوع الرائع
انا راني بديت بشوية تحضيرات مثل لفريك جهزتو بقالو يترحى ويتصفى
وثاني الثوم قشرتو ورابيتو درتلو شوياملح وعمرتو في بلارة وكونجليتو
وايضا الدجاج وكان رخيس استغليت انا الفرصة وشريت ومونجليت الرجلينوالصدر والباقي طبختو للاولاد
وثانيشريت شويا حوايج وخبيتهم
في العادة منحضر والو ما يخلينيش الحاج وخاصةانو العمل تاعو في هاذ الاطار
يقولي راكم درتو فوضى في السوق المواد الغذائية نقصت والاسعار زادت رانا ما فهمنا والو والمشكل وراه النسا يشريو و يخبيو
لذا هاذ العام هو غايب انا درت رايي

 

[أم ندى]

جزاك الله خيرا اختي على هاذ الموضوع الرائع
انا راني بديت بشوية تحضيرات مثل لفريك جهزتو بقالو يترحى ويتصفى
وثاني الثوم قشرتو ورابيتو درتلو شوياملح وعمرتو في بلارة وكونجليتو
وايضا الدجاج وكان رخيس استغليت انا الفرصة وشريت ومونجليت الرجلينوالصدر والباقي طبختو للاولاد
وثانيشريت شويا حوايج وخبيتهم
في العادة منحضر والو ما يخلينيش الحاج وخاصةانو العمل تاعو في هاذ الاطار
يقولي راكم درتو فوضى في السوق المواد الغذائية نقصت والاسعار زادت رانا ما فهمنا والو والمشكل وراه النسا يشريو و يخبيو
لذا هاذ العام هو غايب انا درت رايي

لا شكر على واجب حبيبتي
الله يبارك ما شاء الله عليك ختي لعزيزة سماح

راكي قايمة وجدتي كلشي والثوم كاينة طريقة اسهل رح نحطها في موضوع ومن بعد تجبدي غير بالشوي برك يعطيك الصحة يا لحرة ربي يخليك
​

 

[samah06]

لا شكر على واجب حبيبتي
الله يبارك ما شاء الله عليك ختي لعزيزة سماح

راكي قايمة وجدتي كلشي والثوم كاينة طريقة اسهل رح نحطها في موضوع ومن بعد تجبدي غير بالشوي برك يعطيك الصحة يا لحرة ربي يخليك
​

الله يبارك في عمرك اختي ام ندى
الثوم قالولي بلي نكونجليه حبات بلا ما نرابيه قلت للعام المقبل ان احيانا الله
انا حبستني خدمة الحلويات وثاني صعيبة العراس هاذ العام محصورين من رمضان
راني خلصت عليا هكا نروبوزي شويا
وراني قررت باه منوليش ليهم خلاص