بيت المغتربين 2

الحالة
مغلق ولا يسمح بالمزيد من الردود.
السلام عليكم جميعا
مرحبا بيكم في البيت الجديد لي رايحين نفتاتحوه قبيل شهر رمضان بلغنا الله و اياكم اياه
ان شاء الله يكون بيت عامر كي البيوت السابقة و منور باعضاءه
نتحدث و نجتمع على الخير لنكون اسرة واحدة نهون على بعض غربتنا و نناقش مشكالنا و نتقاسم افراحنا
اتفضلو هنا قعدتنا ​


do.php


do.php
 
آخر تعديل:
إضغط للتوسيع...
رد: بيت المغتربين 2

ربي يخليهالك و يدوم محبتكم قوليلي شحال عندك ملي تزوجتي و شحال من عام ف فرنسا و شحال عندك دراري
سمحيلي كثرت عليك الاسئلة
 
رد: بيت المغتربين 2

انا عندي ثلاث سنين هنا وتزوجت في صيف 2010
عندي طفل في عمرو 21 شهر اسمو انس
وطفلة عندها سبع شهر اسمها جنى
صيبي راحتك حنونة اسالي واش تحبي​
 
رد: بيت المغتربين 2

ربي يخليهملك يا رب والفتي شوية قلتيلي نتي ف ليون انا عندي بنت خالي متزوجة تم و دار خالي ف سانت ايتيان ياك ماشي بعيدة عليكم و راكي تعرفي تهدري فرنسي مليح؟
 
رد: بيت المغتربين 2

ايه والفت
الفرونسي نسلك راسي نفهم بصح الهدرة مانهدرش مليح
ايه راني في ليون
مالا كون تجيبك طريق هنا لبنت خالك ارواحي عندي
ومام ساتيتيان قريبة عليا​
 
رد: بيت المغتربين 2

نشاالله حنونة ربي يخليك و يزيد فضلك و نتي عندك فاميلية راجلك تما و عندك صحابات و اللا لا
حتى نتي مرحبا بيك ف نانت
 
رد: بيت المغتربين 2

فاميلة راجي كامل هنا عجوزتي وشيخي
عندو زوج سلافات وخمس سلاف
وعندي ختي هنا تاني في ليون
صحابات كان عندي مروكية كنت نتلاقا معاها ونخرجو كي كنت نسكن مع عجوزتي بصح كي رحلت بعدت شوي تقريبا مانحكيوش بزاف
رحلت كي ولدت بنتي جنى عندها سبع شهر
اتخيلي خرجت من دار عجوزتي رايحة للسبيطار نولد قعدت يومين نسوفري الولادة تاعي كانت صعيبة وربي اللي سترني والطفلة مقلوبة على ظهرهاوحتى الابرة تاع الظهر البيريديرال هبطتلي لاطونسيو ونحاوهالي
المهم سلكت على خير وعجوزتي ماجاتنيش وماكان بيناتنا والو هداك الوقت
كي روحت من السبيطار ديراكت روحت عند اختي قعدت عندها يومين ورحلت لداري الحمدلله عطاوهالي في الوقت المناسب
ماتتصوريش شحال كرهتهم
سمحيلي حنونة بلاك زدت عليك بصح كي نتفكر والله نتقاس بزاف
 
رد: بيت المغتربين 2

بالعكس ختي حكي واش تحبي و فرغي قلبك ما رانيش ختك باطل عادي عجوزتك قلبها حجر لوكان حتى ما جيتيش عروستها لو كنتي غير جارتها تعتقك فالغربة و توقف معاك ربي يهدي ما خلق و سي نورمال تتقسي كي تجيك من اقرب الناس ليك تنجرحي كتر و واش تسناي ملبراني
معليش راكث تهنيتي كي راكي بعيد بلاك سقامتلك خيرية تجي من عندهم و ما تجيش من عندك و كيما يقولو القرب يجيب الكلام و البعد يجيب السلام
 
رد: بيت المغتربين 2

سلام يا البنات ان شاء الله كامل بخير بالشفا على وليداتك ميما هادا وقت المرض علينا نساعفو وخلاص
ان شاء الله تكونو عيدتو مليح احكيولنا كيفاش عقبتو العيد
 
رد: بيت المغتربين 2

السلام عليكم ان شاء الله راكم بخير
ميما ربي يشافي اطفالك طهورين ان شاء الله
ام امين العيد فالغربة ماعندوش طعم بصح الحمد لله فوتناه كيما حب ربي انا رحت عيدت مع اختي
وجاو بزاف الاهل عندها الحمد لله
تحيااااااتي ليكم كامل لبنااااات :)
 
رد: بيت المغتربين 2

بصحتك يا مينة المهم في العيد الجمعة وانت جمعت والحمد الله يعني عيدتي مليح ههههه
ياس الله يخليك هاد من طيب اخلاقك وناس عنابة معروف عليهم اللسان الحلو ههه حوحو يشكر روحو خخخخخ امزح فقط الطيبون في كل مكان والدليل جمعتنا ونحن من ولايات مختلفة
 
رد: بيت المغتربين 2

السلام البنات واش راكم
ميما ربي يشافيلك وليداتك انا راني في عرس بنت عمي الكاراكو و اللله الله و طلبت منهم الكود تاع الويفي و ما قدرتش نصبر عليكم و جيت نضرب طلة
مينة نتمنى تكوني بخير
البنات توحشتكم وين راكم لاميشكو ام سراج سيرين ملاك ام الحلوين سميرة فطومة وين راكم
ام امين ربي يعيشك و يفرحك حنونة راني رايحة نضرب طلة على الاسئلة
 
رد: بيت المغتربين 2

وعليكم السلام ورحمة الله تعالى وبركاته
بصحتك ياس ربي يهنيها ويباركلها

يسال عليك الخير حنونة لعراس تاع تلمسان الله يبارك هايلين
لبستي الشدة :)
 
رد: بيت المغتربين 2

اله يسلمك حنونتي نتمنى تكوني بخير انا ما لبستش الشدة غي العروسة اللي لبست انا كان عندي بروسي تاع اسلاطة انا خدمتها عههه
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top