جدولك اليومي في رمضان

[رنيم الصمت]

السلام عليكم و رحمة الله و بركاته

ان شالله تكونو بخير يا لبنات
رمضان قرب ربي يبلغنا رمضان بالصحه و الهنا و يقدرا على الصيا و القيام و يتقبل منا صالح الاعمال
كلش راح يتبدل في رمضان و خاصة المرا هي اكثر وحدة تتعب في رمضان و يكون الوقت ضيق عليها:-r اذا ما نضمتش المرا وقتها ما تقضي حتى صالحه :p
لذلك حطيت الموضوع باش نعرف نساء اللمة الفحلات و خاصة المتزوجات منهم كيفاش جدول اليومي تاعهم في رمضان ... من طياب .. نظافة ... ذكر ... الخ
بالنسبة لي مكنتش منظمة قبل الزواج و خاصة كانت امي عليها اغلب الخدمة و انا و اختي نلبزو ههههه اما بعد ازواج حسيت بصعوبة الموقف و خاصة اني رايحه نعقبو عند عجوزتي
ان شالله لما اخد شوي افكاركم نحط الجدول الرسمي تاعي
يلا بنات افيدونا و احتسبوها اجر​

 

[~lola.dz~]

ههههه والله انا تاني راني نخمم كيفاش ندير كانوا خياتي معايا والسنة هادي راحوا تزوجوا والشغل طاح كامل على راسي
وماما مسكينة تتعب لازم نعاونها بويسك مريضة من سكر مسكينة مي راني مخمة ندير ميناج بعد الفطور ونصلي تراويح
وفالنهار بعد ظهور ندير فطور هكا مليح ولكاش راي من عندكم نطبقوا​

 

[SAMIRA25]

راح نجوبكم على روحي كيفاه ندير و انتم شوفو و قارنو
الصباح ندير شغل الدار عادي كيما باقي الايام و في المساء ندخل للمطبخ ساعتين قبل الافطار نطيب الفطور وحدي ما كانش لي يعاون نفطرو نلم كلشي في نصف ساعة و نتفرغ لاي شيء عبادات مشاهدة تلفاز كمبيوتر .....
ربي يبلغنا رمضان و نصوموه بالصحة والهناء ان شاء الله

 

[رنيم الصمت]

لولا حكاية الميناج في الليل اكيد رايحه نديرها و خاصة اني نرقد في الصباح مكاش لي ينحهالي الرقدة تاع الصباح هههه
اكثر حاجه مخوفتني نخاف منلقاش وقت للطكر و خاصة في بيت العايلة الخرجة كل يوم

 

[رنيم الصمت]

راح نجوبكم على روحي كيفاه ندير و انتم شوفو و قارنو
الصباح ندير شغل الدار عادي كيما باقي الايام و في المساء ندخل للمطبخ ساعتين قبل الافطار نطيب الفطور وحدي ما كانش لي يعاون نفطرو نلم كلشي في نصف ساعة و نتفرغ لاي شيء عبادات مشاهدة تلفاز كمبيوتر .....
ربي يبلغنا رمضان و نصوموه بالصحة والهناء ان شاء الله

ساعتين تكفيك للطياب؟ الله يبارك عليك
انا راني نخمم من الظهر للعصر طياب و بعد العصر نطيب حاجه حلوة وخاصة انا شوي ثقية في الخدمة

 

[SAMIRA25]

ساعتين تكفيك للطياب؟ الله يبارك عليك
انا راني نخمم من الظهر للعصر طياب و بعد العصر نطيب حاجه حلوة وخاصة انا شوي ثقية في الخدمة

علاه يا اختي واش رايحة نطيب كيما تقول ماما الطناجر :d شوي شربة و شوي بوراك وسلطة خفيفة و كاش حاجة اخرى و زيد راه السخانة كتري الميمان :p و العصائر
الا ادا كنت في عايلة كبيرة حاجة اخرى ​

 

[رنيم الصمت]

علاه يا اختي واش رايحة نطيب كيما تقول ماما الطناجر :d شوي شربة و شوي بوراك وسلطة خفيفة و كاش حاجة اخرى و زيد راه السخانة كتري الميمان :p و العصائر
الا ادا كنت في عايلة كبيرة حاجة اخرى ​

يا بنتي طلعتيلي المورال راه بدا الجدول تاعي يتغير في راسي ههههه
ربي يعاونك ربي يحفظلك لميمة
اختي لولا ربي يشفي ماماك و يخيهالك

 

[أم نعمة]

السلام عليكم
انا في رمضان الصباح قبل كي كنت عروسة جديدة :$مانودش بكري حتى الظهر كلشي نقي ومام الماكلة مانديرش حاجة كبيرة غي انا و الزوج بصح دروك عندي فيصل و اسراء راحو ايام الرقاد نود بكري نقدي الميناج و ندير الفطور لفيصل ايدا مابقاش تع البارح ونروح نقرا شوية قران و مع العصر نبدا فالفطور وايدا كانت باقيتلي الحريرة ندير حاجة خفيفة ونغسل هادوك الماعين باش مور الفطور تخفاف عليا ومبعد نسيق تسييقة شابة ونقرا قران ومبعد يجي الزوج متراويح و نخرجو مانجوش حتى لزوج تاع الصباح نتصحرو ونرقدو هادي هي ام نعمة في رمضان
​

 

[رنيم الصمت]

السلام عليكم
انا في رمضان الصباح قبل كي كنت عروسة جديدة :$مانودش بكري حتى الظهر كلشي نقي ومام الماكلة مانديرش حاجة كبيرة غي انا و الزوج بصح دروك عندي فيصل و اسراء راحو ايام الرقاد نود بكري نقدي الميناج و ندير الفطور لفيصل ايدا مابقاش تع البارح ونروح نقرا شوية قران و مع العصر نبدا فالفطور وايدا كانت باقيتلي الحريرة ندير حاجة خفيفة ونغسل هادوك الماعين باش مور الفطور تخفاف عليا ومبعد نسيق تسييقة شابة ونقرا قران ومبعد يجي الزوج متراويح و نخرجو مانجوش حتى لزوج تاع الصباح نتصحرو ونرقدو هادي هي ام نعمة في رمضان
​

و عليكم السلام
الله يبارك ربي يحفظلك الزوج و الاولاد
اممممم يعني تقدري تفري الطياب كامل بين الظهر و العصر؟

 

[السلطانة]

وعليكم السلام
اللهم بلّغنا رمضان
صح مع الواجبات الدينية
تتعب المرأة أكثر مع خدمة الدار
ربي يعينكم ويعيينا
موضوع مليح

^^

يوضع ضمن

https://www.4algeria.com/forum/t/356729/#post4481992
​

 

[أم نعمة]

لا اختي مشي بين الظهر و العصر رانا فالصيف انا نبدا بين العصر و المغرب عطيني ساعة نكمل كلش مام با مشي ساعة كيكون كلش منظم وعارفة كل حاجة في بلاستها صوف ايلا نكون باغية ندير طاجين وماعنديش حريرة خاترش عندي غير كوكوت واحدة :d نقارع حتى طيب لحريرة باش نطيب الطاجين دونك نبطا شوية و صحا رمضانكم

 

[رنيم الصمت]

صحيتي ساندرييلا شرفتي و نورتي الموضوع

 

[رنيم الصمت]

لا اختي مشي بين الظهر و العصر رانا فالصيف انا نبدا بين العصر و المغرب عطيني ساعة نكمل كلش مام با مشي ساعة كيكون كلش منظم وعارفة كل حاجة في بلاستها صوف ايلا نكون باغية ندير طاجين وماعنديش حريرة خاترش عندي غير كوكوت واحدة :d نقارع حتى طيب لحريرة باش نطيب الطاجين دونك نبطا شوية و صحا رمضانكم

الله يبارك ما شاء الله عليك
تقدري تقولي هادي اول تجربة ليا مهام تاع دار في رمضان من ا لل ب يا درى كيف أبلي هههه
صحا رمضانك

 

[oum abdelrahmane]

السلام عليكم ورحمة الله وبركاته اختي العزيزة بالنسبة ليا كي كنت مععجوزتي كان عندي برنامج و كي سكنت وحدي تغير البرنامج
كي كنت مع عجوزتي الصباح ميناج و لعشيا طياب وتروح هيا لتراويح وانا نحصل فلماعن و التسياق نخلص هلكانا
اما حاليا نرقد حتي 12 انوض نقرا قران نصلي نغدي اولادي بعد العصر نحضر لفطور تاعي ونقص مواعن بعد لفطور نفرز كوزيني و نتفرغ للعبادة و مرة فالاسبوع نسيق فليل

 

[رنيم الصمت]

السلام عليكم ورحمة الله وبركاته اختي العزيزة بالنسبة ليا كي كنت مععجوزتي كان عندي برنامج و كي سكنت وحدي تغير البرنامج
كي كنت مع عجوزتي الصباح ميناج و لعشيا طياب وتروح هيا لتراويح وانا نحصل فلماعن و التسياق نخلص هلكانا
اما حاليا نرقد حتي 12 انوض نقرا قران نصلي نغدي اولادي بعد العصر نحضر لفطور تاعي ونقص مواعن بعد لفطور نفرز كوزيني و نتفرغ للعبادة و مرة فالاسبوع نسيق فليل

أه شفتي كي تكوني وحدك مش كيما عجوزتك و خاصة اذا كانت عجوزتك شاطرة تنوض من 7 في رمضان كيما انا وعععع ربي يجيبها زينة هههه
صحا رمضانك اختي ربي يهنيك مع عايلتك

 

[رنيم الصمت]

شكرا على التثبيت​

 

[oum abdelrahmane]

ربي معاك اختي العزيزة اذا عزوجتك شاطرة كيما نتي مايكون حتى مشكل باذن لله تجوزو رمضان هايل ان شاء الله

 

[رنيم الصمت]

ان شالله اجمعين
ربي يخليك

 

[ايمان الهدى]

رمضان كريم

السلام عليكم
انا ندخل من الظهر الى العصر مع الطياب
باش يكفينا الوقت ندريروا كلش
ثم نفطروا ونغسلوا لماعن
وفي السهرة تاراويح ولا مشاهدة التلفاز
ونتسحر
وربنا يبلغنا رمضان يتعبنا في الشغل بصح انه احسن شهر يمر علينا وننتظره بشغف

وكل عام وانتم بخير

 

[رنيم الصمت]

الله يبارك اختي
صحا رمضانكم ... ضرك نحط جدولي