كيف اتعامل مع خطيبي ؟

[Amira ~]

مايكون غير الخير اختي ربي يوفقك ويكون خير من اللي تتمنيه ..اختك ايمي

آآآآآآمين ياااااااااااااااااا رب
الف شكر ليكي اختي على الدعوة
ربي يخليك و يسعدك يااااا رب

 

[AbdenourPaix]

وي خويا عندك الحق هذا حل هايل و بابا صح هكا و يقدر
بصح للاسف بابا مات عنده 4 سنين الله يرحمه
و كون جا حي مانحير من والو
علابيها راني نحس روحي وحدي و يديا مربطة
الله يرحمه و يوسع عليه

Rabi yerahmou
Le mien aussi, rabi yarahmou. Sinon as tu un entre membre adulte comme ton oncle patternel qui est assex agé et semblable a ton pere dans le raisonement et la souplesse pour lui parler ?

 

[الورد الأحمر]

السلآم عليكم أختي ...
أولآ قضية لآزم تقوليلي بلي رآيحة للحآنوت الفلآني والفلآني هذي حآجة عآدية ومن حقو مآم
مرآت كآين حوآنت الرجآل يعرفو عليهم واحنآ مآ نعرفوش ألوغ بحكم هو وآش يعرف يقدر
يمنعك تروحي لحآنوت معين لسبب معين مش مضطر هو يشرحهولك ... وحتى إذآ مآكآنش على
السبة هذي فهذي حآجة عآدية يحب برك يعرف تحركآتك كآملة وهذآ حقو وحتى أنتي كون جيتي
تقدري ترجعيه يحكيلك خطوآات يومو مآ تقوليش نو على كل انآ مآ نقولش نو :p ...
أما تآع يشك فالعقلية هذي مآشية بزآف تآع مستحيل تكون مآ عرفت وآحد قبلي ...
كوم هو خلطهآ يحسب النآس الكل كيفو وإذآ مش النآس الكل يحسب لبنآت الكل كيف لبنآت لي
خلط الدنيآ معآهم ألوغ يتوسوس ولآ تآني حآجة أخرى ومش قضية مآ يديرش فيك ثقة ...
بآلآك يدير فيك ثقة بصح مآ يديرش ثقة فالرجآل هذي حتى احنا لبنآت نهدروهآ: " ندير فيه كونفيونس
بصح مآ نديرش كونفيونس في لبنآت " يعني انتي حآولي برك تحطي روحك في بلآصتو وبرري تصرفآتو
أنهآ قضية غيرة وحب برك ... وفهميه بلعقل بلي رآكي مضطرة تخرجي مش حآيبة تخرجي وبلي على سبة
العرس برك وبعدو تفض الخرجآت هذي ... وأي وآحد كي تعرفي تحكي معآه يلين ...
تذكير: الرآجل سهل تمشيه على رآيك بلآ يحس على روحو فقط كوني ذكية
وبالتوفيق أختي وربي يكملك ... سلآمي ’
​

 

[FATI40]

انا بانتلي خطيبك موالف في علاقاتو ببنات مش كيما انتي الله يبارك,وعقليى كيما انتي صعيبة شوية عليه,نورمالمو يحطك فوق راسو ويحمد ربي على هاد النعمة,وانتي اختي حاولي برك معاه وما تياسيش باه هو تاني يتفهمك ويعرف عقليتك مليح,ومبعد تجي الثقة وحدها .وربي يهدي ويصلح نشاالله.

 

[ђĩหđǿĉħǻ]

اختي بصراااحة
انا مانقولك لا مليح لا قبيح ...
منحبش ندخل روحي في هاد الاموور
برك نقوولك الله يسهلك حبيبتي
^^
​

 

[Amira ~]

اختي ....
اذا كان هدي هي عقليتو ديمة رايح تلقاي معاه مشاكل في حياتك امبعدين.

فكري ثم فكري واستشيري واستخيري ..

وكان الله في عونك.

و الي مخليني متمسكة بيه مرات يتحدث بعقلانية
و يقلي اسبابه و يقلي الله غالب انا هكا داير ساعفيني

و فيه امور رحاول يبدلها علجالي تبان بسيطة بصح انا تعنيلي
علابيها نحوس برك نعرف كيفاش نتعامل معاه

شكرا اخي

 

[Amira ~]

السلآم عليكم أختي ...
أولآ قضية لآزم تقوليلي بلي رآيحة للحآنوت الفلآني والفلآني هذي حآجة عآدية ومن حقو مآم
مرآت كآين حوآنت الرجآل يعرفو عليهم واحنآ مآ نعرفوش ألوغ بحكم هو وآش يعرف يقدر
يمنعك تروحي لحآنوت معين لسبب معين مش مضطر هو يشرحهولك ... وحتى إذآ مآكآنش على
السبة هذي فهذي حآجة عآدية يحب برك يعرف تحركآتك كآملة وهذآ حقو وحتى أنتي كون جيتي
تقدري ترجعيه يحكيلك خطوآات يومو مآ تقوليش نو على كل انآ مآ نقولش نو :p ...
أما تآع يشك فالعقلية هذي مآشية بزآف تآع مستحيل تكون مآ عرفت وآحد قبلي ...
كوم هو خلطهآ يحسب النآس الكل كيفو وإذآ مش النآس الكل يحسب لبنآت الكل كيف لبنآت لي
خلط الدنيآ معآهم ألوغ يتوسوس ولآ تآني حآجة أخرى ومش قضية مآ يديرش فيك ثقة ...
بآلآك يدير فيك ثقة بصح مآ يديرش ثقة فالرجآل هذي حتى احنا لبنآت نهدروهآ: " ندير فيه كونفيونس
بصح مآ نديرش كونفيونس في لبنآت " يعني انتي حآولي برك تحطي روحك في بلآصتو وبرري تصرفآتو
أنهآ قضية غيرة وحب برك ... وفهميه بلعقل بلي رآكي مضطرة تخرجي مش حآيبة تخرجي وبلي على سبة
العرس برك وبعدو تفض الخرجآت هذي ... وأي وآحد كي تعرفي تحكي معآه يلين ...
تذكير: الرآجل سهل تمشيه على رآيك بلآ يحس على روحو فقط كوني ذكية
وبالتوفيق أختي وربي يكملك ... سلآمي ’
​

منين داك نحس روحي بهلولة هههههههههههه
بصح عندك الحق الهدرة لي قلتيها هي الي راني نخمم فيها
و شفت نتائج منه في صوالح بسيطة و ان شاء الله مع الوقت تخف حالة الغيرة الزايدة تاعو
و كيما قلتي المشكلة هنا قع في العلاقات الي دارهم قبل
دارولو الوسواس
الله يهدي الجميع يا رب و يبعد عليهم هاذ الهم
ميرسي ختي ربي يخليك

 

[Amira ~]

انا بانتلي خطيبك موالف في علاقاتو ببنات مش كيما انتي الله يبارك,وعقليى كيما انتي صعيبة شوية عليه,نورمالمو يحطك فوق راسو ويحمد ربي على هاد النعمة,وانتي اختي حاولي برك معاه وما تياسيش باه هو تاني يتفهمك ويعرف عقليتك مليح,ومبعد تجي الثقة وحدها .وربي يهدي ويصلح نشاالله.

ايه يا ختي انا هاذي لي تقتلني انا نحافظ على روحي
و ممباعد بسبة هادوك البنات نحصل في شك خطيبي
بصح عندي امل تروح مع الوقت و ربي يهديه ان شاء الله
ان شاء الله يا ختي
آمين يا رب
ميرسي ربي يخليك

 

[Amira ~]

اختي بصراااحة
انا مانقولك لا مليح لا قبيح ...
منحبش ندخل روحي في هاد الاموور
برك نقوولك الله يسهلك حبيبتي
^^
​

معليش
دعوة في ظهر الغيب احسن من اي شئ
ميرسي

 

[زهرة الربيع الجميل]

انا نقلك حاجة مالازمش لمرة تتنازل على خاطر يوالف ومور الزواج يديرك في حبس من اللول فهميه بلي تخرجي على حاجة لازمة ماشي باش تحوسي وخلاص وتقدري تقوليلو يروح معاك بصح ادا كان شاك فيك مشكيتش تريحي معاه لازم تتفاهمو غير ادا علابالك بلي يغير عليك برك هادي حاجة مليحة بصح مالازمش تكون بزاف خاطر تولي توسويس واذا تتاكدي بلي خايف عليك برك قولي لماماك تروح معاك تاني باش تعاونك وتخير معاك ومبروك عليك مقدما ومتسمحيش في حقك ابدا لان الراجل كي يلقى لمرى ساكتة على حقها يزيد عليها الا اذا كان راجل حر ويعرف ربي وربي يكمل بالخير نشالله

 

[YAHIA S]

السلام عليكم
انتي اختي مشكلتك جميلة و بسيطة :p
ليس مثل الباقي مشاكل
خطيبك هو في مرحلة الغيرة تتحول في بعض المرات الى شك
الشك مع الوقت يتوقف عندما تصبحين ملكه
اما انتي حاولي ان تقولي له حقيقة عندما تخرجين
و اي تذهبين لكي لا يمسك عليكي الكذبة لانه لو امسكها
ضدك سوف تتحول علاقتكم الى نقمة حتى بعد الزواج ....
ربي اهنيكم​

 

[بياديق الشطرنج]

السلام عليكم شوفي ياختي انا من رايي تفهميه بلي انتي مرا عندك شخصيتك وكيانك ومسؤولياتك يخليلك شوي مساحة للحرية ومايضغطش عليك لانه ببساطة خطيبك من النوع الشكاك وهذا معناتو ماهوش داير الثقة ني في روحو ني فيك وخصوصا انتي قريب عرسك لازمينك حوايج تشريهم وفيها دخلات وخرجات هذا الا اذا كنتي سلطانة ولا ملكة يجيك كلش واجد لباب الدار .ولازم تقعدي معاه وتهدرو حوار بناء وموضوعي على هاذ المشاكل سي نو رايحة تطور للاسوء بعيد الشر وربي يدير اللي فيه الخير ياختي

 

[لبنى5]

والله كي شغل راكي تهدري عليا، حتى انا عندي هاذ الحالة وعانيت بزاف باش تأقلمت والآن كون مايسقسينيش ولا يتنرفز انا نقولو واش بيك ماسقسيتنيش هههههه.والمليحة يا أختي كون يسمع بيك راكي تهدري عليه في المنتدى تخلطت عليك ههههه

 

[salma zayna]

انتي قوليلو بلي راكي تشري في جهازك وفهميه غير بشوي وشوي حنانه راه يفهم سيف عليه ربي يهديه ان شاء الله

 

[AWDIESL]

الغيرة مليحة دليل على الاهتمام و الحب
لكنها درجات باش تلحق لدرجة الشك هادي لي واعرة تولو في خلافات كل يوم و تحسي روحك مزيرة


فهميه هاد الشي بلي لازم يدير فيك التقه و هي الصح فالعلاقة الزوجية مايبقاش يعس فيك

قوليلو كيفاش تتزوج مع وحدة ماديرش فيها تقة

ربي يوفقك و يهنيك ختي ​

 

[red rose]

ربي يسهلك

 

[بنت الـ25]

- يمنع رفع المواضيع التي توقفت المشاركات فيها قبل 03 أشهر بدون سبب ضروري وستحذف كل مشاركة كانت سببا في الرفع .​