مشكل نفسي عويص

[Redamcs]

السلام عليكم
انا شاب ابلغ من العمر 23 سنة ،مفتون بالنساء كثيرا .
ولم أقم بعلاقة مع اي فتاة في حياتي. بالرغم من انني حاولت مرارا إنشاء علاقة حب ولكن جميع البنات رفضوني ! ولكن جميع من اعرفه من أولاد وبنات يقومون بعلاقات غرامية أما انا فلم أستطع !. والذي ارهقني كثيرا هو اني اخشى ان اتزوج بفتاة لها ماض مع احدهم فوالله العظيم لا اقبله ولا ارضاه لنفسي خاصة وانا لم ادخل في علاقات غرامية فكيف اتزوج قتاة قد وقعت في علاقة حب مع شخص آخر!
أرهقني هذا المشكل كثيراواثر علي ×اصة وانا مرفوض من قبل النساء وكذالك الزواج مع فتاة لها ماض !
أرجوكم ساعدوني.
​

 

[sahiko hamza]

وعليكم السلام ورحمة الله


ياخويا اناننصحك غي اخطيك والله مرض في مرض هاد العلاقات غير شرعية
وأصلا ممنوعة عدنا فالمنتدى باهنحكو عليها
مي انتموضوعك يحكي على الزواج بوحدة عندهاماضي ؟؟


نصيحة من عند خوك
قبل ماتخطب وحدة شوف الريزيلطا منعند لي قراو معاها
هوما يمدولك الصح ..
​

 

[nihade.off]

السلام عليكم
يا اخي انت ترفض الزواج من وحدة عندها ماضي ماشي لانك على حساب قولك نظيف بصح نتا مالقيتش اللي تسايرك في الحرام او ماقبلت بيك حتى وحدة ممكن لأسباب ماحبيتش تقولهم نتا ماكش بعيد على الحرام لأنك منحبوش لكن لأنك فقط مالقيتلوش الطريق و هذا اللي فهمناه من طريقة طرحك للموضوع
اخي حاول تصفي النية نتاعك و حاول انك تحدد مسار حياتك يا هكذا يا هكذا و اغتنم فرصة انة مازال موقعتش في الخطأ ما تدري بالاك ربي شاف فيها خير و هو اللي موش حابك تدخل هاذ الطريق
و حبيت نقول بلي قد ما تحوس و نبحث على وحدة نظيفة و قد ماتسقصي اللي كانو يقراو معاها كي ربي يكتبلك تعيش معاها راج تلقاها قدامك بلا تعب ​

موفق ان شاء الله

 

[Amira ~]

يا خويا راك تشكي باسكو ما سهالتلكش في العلاقات
و من جيهة تحوس على بنت نضيفة ؟؟؟
فهم روحك قبل

انا ننصحك مادامك مامشيتش هادك الطريق راه ربي حفضك مالي شد في هاذ الشئ
و ما تخليش الشيطان يوسوسلك
عمرهم ما كانو هاذو العلاقات حاجة مليحة ...هاذو ضياع في ضياع
و اذا مشيت بالي رضي ربي
ان شاء الله يكتبلك ربي مع بنت الناس الي تستاهلك
لانه الطيبون للطيبات

 

[FATI40]

السلام عليكم,هادي حاجة مليحة وقليلة في هاد الوقت كي ماعندكش علاقات سابقة,ولازف تفتخر بيها,ربي حبك كي بعدك على هاد الطريق وكي راك ناوي الحلال راح تلقى البنت المناسبة الي ماعندهاش هي تاني علاقات,انت غير ماتتقلقش وخليها على ربي,كلشي بالمكتوب ,والطيبون للطيبات والخبيثون للخبيثات,انا ننصحك تبقى في هاد الطريق وربي مايخيبكش.

 

[la_safa]

السلآم عليكم ..
يآ خويآ أولآ أنآ تخلطت ، حآبين نفهمو حآجة ،
انت حآب وحدة نظيفة لأنك نظيف !!
ولآ لأنكـ مآلقيتش شكون تكون معآكـ علآقة !!
هذآ لآزم تفهمنآ فيه و لآ تفهم روحكـ فيه ، !!
و مبعد شوف روحك اذآ تستآهل وحدة نظيفة ولآ لآ !!

و ربي يسهللك، ~

​

 

[نور الحياه]

يا خويا قول الحمد لله
ربي هناك من هاذ الطريق و الا كنت دخلت في متهاهت لا يحمد عقباها
اما بنت الحلال , الاصل ثم الاصل و ثاني حاجة المليح باين و القبيح باين و عينك هي ميزانك
انوي النية و وكل امرك لربي و تسهل باذنه ان شاء الله
و كيما قاتلك الاخت الطيبون للطيبات و الخبيثون للخبيثات , المهم النية الحسنة في اعمالنا
نمنالك كل خير

 

[ام فيروزا]

هناك ربي من هذا الحمام خطراش العشق داء ودواء

 

[عاشق اللمة الجزائرية]

علاقاات غرامية شكيل * شكيل

ما بقات نية ما بقا حب الزين

راهو كلشي رجع مبني على المادة والشهوة الحيوانية

اما الزواج شوف انت خويا كيفاش داير

اذا انت طيب ربي راح يجيبلك واحدة طيبة

واذا خبيث فزوجتك ستكون خبيثة

 

[علي الفاضلي]

العلاقات الغرامية مرفوضة شرعا وعرفا يا خويا.

روح اطلب بنت الحلال النظيفة.

وخلي روحك انظيف راكي باهي هكذاك.

 

[{مُدَلَّلَتُهُ}]

السلام عليكم و رحمة الله و بركاته

الطيبون للطيبات خويا هادي ديرها في بالك و ما تنساهاش اذا انت طيب و نيتك صافية ربي راح يرزقك على حساب نيتك و لا حاجة وحدوخرا ها انت أدرى بيها
اما على الكلام الي كاتبو في الموضوع ما راحش نفهم حوايج زايدين و نبدا نزيد من عندي انت فهم روحك في حاجة برك
"ما دخلتش في علاقات غير شرعية على خاطر ماكانش الي قبلت بيك و لا على جال تصفي روحك باه ربي يرزقك الحلال مع الي تستاهل "

ربي يسهلك و يرزقك زوجة صالحة الي تهنيك

السلام عليكم
​