مطبخك في رمضان ..في اللمة الجزائرية تحلى جمعتنا

[rafiness]

يعطيكم الصحة لبنات كلشي يشهي الله يبارك
​

 

[docteur farah]

امممم بصحتكم لبنات
عفاف الله يسلك وحلك على خير ان شاء الله
اختي أم خديجة شهيتيني في قالب اللوز البنين
وش اح طيبو فطوركم بنات
انا مزلني نخمم
بالا شربة جاري سلاطو اوردوفر سلاطة مشوية و درت سلاطة السنارية اممم نموت عليها شحال تجي بنينة
و ندير بورال سبيسيال و روطي

 

[docteur farah]

بنات صورت شوية حوايج ماشي فطور
هههههههه:p

هذا قالب اللوز درتو بعد مدرتو تفكرت بلي رحيت اللوز كامل و نسيت مخليتش باش نرشق من فوق هههههههههه:d



هذا فلفل مشوي تاع السلاطو مشوية موجداتو من قبل و حطاتو في بورت مونجي







هذه هريسة الدار درتها قبل رمضان




هذا فلف حار ششويتيو و رقدتو بزيت الزيتون



و هذي السلاطة نتاع السنارية هاي طيب




و هذي لاصوص تاعها




كي طيب نوريلكم كيفاه جات ​

 

[docteur farah]

هاني وليت و جبتليكم السلاطة كيفاش جات


​

​

 

[~lola.dz~]

docteur farah
كلشي هآيل وقلب اللوز خرج روعة
حنونتي قوليليالسلاطة نتاع السنارية كيفآتديريها
​

 

[docteur farah]

docteur farah
كلشي هآيل وقلب اللوز خرج روعة
حنونتي قوليليالسلاطة نتاع السنارية كيفآتديريها
​

الله يخليك حنونتي
شوفي صلاطة السنارية
ابرشيها نقيها من القشرة و اقسميها مدورة
حطيها طيب في الماء و الملح
كي قريب طفي عليها ربيليها سنة ثوم

خليها طيب
و انتي حضري لاصوص تاعها الي متكونة من
مغرف هريسة + مغرف خل + مغرف زيت زيتون ولا زيت عادي + مغرف ثوم ولا زوز كثري يمد بنة هايلة + ملح + فلف أكحل و خلطيهم مليح مع بعض كيما شفتي الصورة
كي طيب السنارية صفيها من الماء و خلطيها بلاصوص
و حطيها في الفريجيدار تبرد
و بالصحة و الهناء

الهريسة اذا حارة ديري غير شوية انا درت مغرف كبيرة تاع ماكلة برسكو هريسة الدار
انتي ديري وحدة صغيرة باش متجيكش حار ياسر

بصحتك

 

[~lola.dz~]

الله يخليك حنونتي
شوفي صلاطة السنارية
ابرشيها نقيها من القشرة و اقسميها مدورة
حطيها طيب في الماء و الملح
كي قريب طفي عليها ربيليها سنة ثوم

خليها طيب
و انتي حضري لاصوص تاعها الي متكونة من
مغرف هريسة + مغرف خل + مغرف زيت زيتون ولا زيت عادي + مغرف ثوم ولا زوز كثري يمد بنة هايلة + ملح + فلف أكحل و خلطيهم مليح مع بعض كيما شفتي الصورة
كي طيب السنارية صفيها من الماء و خلطيها بلاصوص
و حطيها في الفريجيدار تبرد
و بالصحة و الهناء

الهريسة اذا حارة ديري غير شوية انا درت مغرف كبيرة تاع ماكلة برسكو هريسة الدار
انتي ديري وحدة صغيرة باش متجيكش حار ياسر

بصحتك

يعطيك الصحة حبوبة
نجربهآانشآء الله مآرسي بزآف

 

[ziassia]

واش راحيين اديرو فطور اليووم ؟؟؟
راني حاية نطيب ميي راهي تالفتلي واش انديير ​

 

[~lola.dz~]

راني رآيحة ندير
شريبة وشطيطحة جاج وبورآك وسلآطة
وغرآتآن بآدنجآن بلآك

​

 

[~lola.dz~]

صحا فطوركم و هدا واش قدرت نصور

تعيشي حبوبتي ممكن تقوليلي كيفآش درتي الروز هنآ

 

[ziassia]

تعيشي حبوبتي ممكن تقوليلي كيفآش درتي الروز هنآ

تقطعي خضار : جزر ، بطاطا ، قليشه ، لفت ، وتحطي معاهم جلبانه وكامل تفوريهم مع رشّة ملح
وفي نفس الوقت عندك أرز مفوّر حطيه في الماء حتى يغلي و يطيب
ولمــا يوجدو للزوج خلطيهم في إنــاء وتزيدي عليهم فرمــاج و زيتون ، ممبعد تحطيهم فالمول ومالفوق فرماج رابــي و زيتون ... وبالهناء

 

[كوثر الوهرانية]

السلام عليكم
صح رمضانكم كل عام و نتوما بالف خير
بصحتم يا الفحلات كل طابلة راهي تنسي في اختها مشاء الله و تبارك الرحمن بنات بلادي فحلات الله يقوي الخير على الجميع
البارح مقدرتش ندخل مرضت شويا حتى الفطور و مفطرتش بصح اليوم راني الحمد الله
جبتلك فطوري نتاع البارح راني متاخرة شويا بصح ماعليش اعدروني
درت حريرة و بوراك و طاجين حلوا بالسفيرية و لي كيش بالشوبينيوا و لكرام فراش و دجاجة ديزوسيتها و فارسيتها و حميص و سلاطة فاريي هنا الصورة التقطتها بنتي محكمتش كل شيء





و السهرة قلب اللوز و زلابة و و سيقار بصح مصورتش

 

[~lola.dz~]

تقطعي خضار : جزر ، بطاطا ، قليشه ، لفت ، وتحطي معاهم جلبانه وكامل تفوريهم مع رشّة ملح
وفي نفس الوقت عندك أرز مفوّر حطيه في الماء حتى يغلي و يطيب
ولمــا يوجدو للزوج خلطيهم في إنــاء وتزيدي عليهم فرمــاج و زيتون ، ممبعد تحطيهم فالمول ومالفوق فرماج رابــي و زيتون ... وبالهناء

مرسي بزآف يعطيك الصحة حنونتي
​

 

[imane27]

ساء الخير عليك لبنات
يعطيكم الصحة فطوركم لبارح كال كان يشهى دون استثناء
لبارح عيت طحت كاو مقدرتش نحط صور
فطورى لبارح كا شربة فريك لحم لحلو جاج بزيتون بوراك سلاطة

​

 

[ألاء الرحمـــن]

مساء الانوار عليكم جميعا وصحا رمضانكم
يعطيكم الصحة جميعا والي نسيت اسمها تمسحلي بديت من اخر صفحة ههههه
لويزة فريدة فرح ريمة 29 نسرين ام خديجة سهامو انجل شوشو خيرة ام بيبارس
ابتسام ام معاد دهبية رقية روز لولا زاسية سميرة عفاف ندوشة نينا أم قصي بنت الجسور سانديرلا
:up: زهيتو المطبخ اللماوي يعطيكم الصحة أطباق متنوعة
البارح مرت لوسي دارت شربة متوم سلاطة بوراك وانا درت خبز فطير
اليوم شمرت على يدياتي :d درت شربة فريك +حميص+ سلاطة +سكالوب +فريت +بوراك
مزال لعشية نعجن ويبقا اخر التحضيرات :regards01:
صحا فطوركم جميعا

​

 

[somo_81]

تعيشي ياسمين ربي يحفظك حنونة رانا نستناو في تصاورك اليوم علابالي بيك فحلة و نص و 25
فريدة و لويزة الله الله على طابلتكم يجعلها عامرة دايما
انا اليوم دايرة شربة فريك و كويس تاع الجاج محمرين مع البطاطا و ماشطو سوتي و طاجين الحلو سلطة خضرا و معولة على سلطة الروز إذا قدرت عليها و بوراك و ربي ورحمتو

 

[ام منصف]

فريدة ولويزة طابلة هايلة ومقيومة بالصحة
فريدة طهور ان شاء الله حتى انا البارح مرضت الفطور وعييت نفطر غير كاس لبن وكاس ماء والسلام ومع السخانة ربي يقدرنا
ياسو امالا قفزت اليوم يعطيك الصحة يا الفحلة
**
اليوم درت شربة فريك وخبز ام اماني وبطاطا بالدجاج والصو مقبلات الشو فارسي
سلاطة فاريي
وللسهرة شاي وقلب اللوز وصفة من عند اخت من منتدى اخر يعطيها الصحة زلابية ومكسرات
اذا قدرت امبعد نصور ان شاء الله
**
وللجميع صحى فطوركم
​

 

[راضية حامدة]

يعطيكم الصحة البنات


لويييييييييييييييييييزة ميعناتك فور عجبوني بزاف بصحتك
انا ملي ولدت ما خرجتش ما شريت ماعن



اليوم مانيش ناوية نطيب بقى كل شي من البارح
نعاود فقط البوراك و السلاطة
و الحمد لله

 

[AMMOUNA IMEN]

مشاء الله عليكم يا لبنات كامل فحلات
صحا فطوركم

 

[أم معاد]

السلام عليكم يا الفحلات
الله يبارك اطباكم كامل تشهي
ادعيولي راني مريضة و الله ماني قادرة على والوووو
اليوم قعدلي كلش من الفطور تاع البارح
زدت غير لوبيا ماشطو في الفور يحبوها ولادي بزاااف و بوراك هادا مكان
و الحمد لله
يعطيكم الصحة