ضيف السهرة الأول .... ام اسحاق

[ام اسحاق]

السلآم عليكم و رحمة الله و بركآته ..

و عليكم السلام و رحمة الله وبركاته

أختي أم اسحآق وش أحوآلك !

الحمد لله ..له الحمد و الشكر
عندي استفسآر على الأمومة نحتآج مقآلة :p ههه ..
حنآ نعرفو بلي الأمومة حآجة نبيلة
واحسآس الأم على بنهآ أكيد مش كيمآ أي احسآس ..
حنآ نعرفو هآذ الشي ، و لكن الأمهآت ديمآ يقولولنآ
مستحيل تعرفو هآذ الاحسآس ولآ تقدروه غير كيمآ تولو أمهآت
آسكو صح ، حنآ الأن مآنعرفوش هآذ الاحسآس صح !

شوفي حبوبتي لا سافا ..البنت كي يخلقها ربي يخلق فيها بذرة الامومة يعني الحنانة و الرقة و كل ما يمهد للامومة
و لكن الاحساس الحقيقي ما تحسوش المراة الا حين تلد
سبحان الله ..و يتوهج هاد الاحساس عندما يصاب ولدها بمكروه لا سمح الله ..كي يمرض مثلا ..
احساس لا يوصف ...

آسكو نتي قبل مآتولي أم كنتي عآرفة بلي احسآس الأم عظيم ..
كانت امي رحمها الله نعم المثال للام الطيبة الحنونة
و بعد مآوليتي أم وليتي تحسي بإحسآس غير هآذآك
لي كنتي حآطآتو في رآسك !!
اكيد الاحساس بالامومة الحقيقي يتعدى التصور بكثير

علآبآلي سؤآل شوي مخلط بصح حآبة نعرف
لآخآطر مآمآ ديمآ تقولي جآمي لآ تحسي كيمآ نحس أنآ :$ ..


ربي يخليلك ماماك و ربي تكوني نعم الام لنعم الاولاد
حبوبتي لا سافا
​

 

[ام اسحاق]

عدت مجددآ :d ..
مرحبا بيك غاليتي

أختي أم اسحآق ،
نعم بنيتي ..

وش هي أغلى حآجة في حيآتك !
اغلى حاجة وليداتي ربي يباركلي فيهم

سآعآت نتظلم نكون نآوية الخير و يفهموني العكس
آسكو نتي ثآني تحطيتي في هآذ الموقف !
كثيرا ما نحط في مثل هكدا مواقف ..ساعات نقول الشيطان هو الي يحب يفسد و ينزغ بيننا ..و لكن الانسان لازم النية تاع الخير الي حاب يديرو تكون متبوعة بطريقة مليحة بش يبعد كل سوء نية ..

و كيفآه كآنت ردة فعلك !
كانت تغيظني بزاف و لكن مبعد كيم قتلك كي نشوف روحي بلاك انا الي غالطة و ما عرفتش نترجم نيتي ..
و لكن كي نتاكد من روحي ..ما يهمنيش في ردات فعل تاع الناس و نراعي الله في نفسي و افعالي ..و هدا ما يمنعش اني احيانا نسال اقرب الناس ليا على مواقف معينة و رايهم فيها ربما تحتاج لتصحيح ..

انت مع أو ضد عمل المرآة !
و الله عمل المراة مشكلة كبيرة و اشكال اكبر ...انا رايي الشخصي ادا كانت المراة لا تحتاج لعملها يعني مكتفية
تقر في بيتها و تشوف دارها وولادها احسن ..

الى أي مدى تتوآفقي أنت و زوجك في الأرآء !
شوفي لا سافا ..المراة مرا و الرجل راجل ...
مهما توافقوا ما راحينش ؤيتوافقوا ميا في الميا ..و لا شفتي زوج متفاهمين راو الدرك نازل على واحد
و لكن الحمد لله زوجي رجل متحضر متدين متفهم ربي يبارك و لكن يبقى رجل شرقي :-r

وش هي الأصعب تربية ابن و لآ ابنة !
انا لبنات ربي يبارك ما تعبونيش و ابني اسحاق مازال صغير ..يقولو الولد اصعب انا مازال ما جربتش :s

و وش المقآييس لي تخليك تقولي هذآ أصعب من هذآ !
خلي كي يكبر اسحاق نجاوبك :p..هههه و لكن تبانلي الوقت راه صعيب في رباية الطفلة و الطفل
لازم الام و الاب يبذلو قصارى جهدهم في كسب ثقة ابنائهم لانهم بكسب الثقة يقدرو يتحكموا في توجيه صغارهم

مآ هو مستوآك الدرآسي !
جامعي ..مشروع ماجستير و ما كملتش

و هل يمكن أن يتفق أو يتفآهم الزوج و زوجته
و هومآ على مستوى علمي متفآوت !
انا الحمد لله .ما عنديش هاد المشكل زوجي جامعي و مستواه العلمي يفوتني و تبانلي ثقافة الانسان هي الي تحدد مستواه العلمي و ليس الشهادة
و لكن حسب رايي الشخصي ..لازم التكافؤ بين الزوجين لتفادي كثير من المشاكل

لي عودة :d:p



مرحبا بيك لا سفا ...صح فطورك
​

 

[~lola.dz~]

سلاموآآآآآآآآ طآطآ

قوليلي
-حكمة ومبدأ تمشي بيهم في حْيآتك ؟
- رأيك في البنآت تعْ ليوم؟
- رأيكـ في التعآرف قبل الزوآج ؟
امممممم هآدوآ هومآ، لكان كآش مآ جآ في بآلي نزيد

~ْ
​

 

[ام اسحاق]

رمضان كريم أختي _أم اسحاق_
كان الله لك و لنا اكرم سمسومتي
قلم مبدع و متميز دوما
هدا من ذوقك حنونة ..جعلك الله من المتميزين عنده يااا رب في هدا الشهر
منيش رايحة نثقل عليك
انت دايما خفيفة الظل و لا يهمك عزيزتي
-من قدوتك بالحياة
هناك الكثير ..امي و خالتي رحمهما الله ..
كل انسان ترك بصمة في الحياة
و كل كاتب قرات له الا و كانت لي استفادة منه
و طبعا احب قدوة هو الحبيب المصطفى

-فكرك هل يغلب عليه الطابع السياسي
اكره السياسة كره النار للماء ..و لكن لا سبيل للهروب منها خاصة و انها اقتحمت حياتنا رغما عنا ...
-تنازلات قمت بها في حياتك لتعدلي بها الكفة

صدقيني سمسومة ..اكره التنازل كما و كيفا ..لان من تنازل عن القليل تنازل عن الكثير ...
و التنازلات الوحيدة التي قدمتها في حياتي هي لوالداي في سبيل مرضاتهم او لزوجي في سبيل الحفاظ على طمانينة الاسرة
مشكورة

انا التي اشكرك على نبشك لجوانب في حياتي
​

 

[ام اسحاق]

جا دوري حتى نسقسيكـ ام اسحاق

انا والله حبيتكـ بلاما نعرف عليك حتى حاجة من اسلوبكـ و طريقة كلامكـ

وحابة نعرف عليكـ كل شي كل شي كل شي كل شي كل شي وبس عيت ههههه

تحياتي لكـ عسولة

​

اهلااا بفراشة اللمة ملوكة ...

احبك الله الدي احببتني فيه و انا و الله حبيتك لرقتك و نعومة كلامك ...
خليك معانا ظرك تعرفي عليا وش حبيتي البنات راهم قايمين بالواجب

انت العسولة يا رقيقة ...
باقة الورد نتاعك هاااايلة يجعلك تلقايها في الجنة ....يااااا رب
​

 

[ام اسحاق]

صحى فطوركم جماعة


صح فطورك انت تاني حبوبة نينا

واش راكي طاطا........توحشتك....

يتوحشك الخير و الهنا عزيزتي ...ربي يباركلي فيك

ربي يحفضلك اسحاقو باين المدلل تاعك

و ربي يحفظك و يحفظ العزيز عليك

ايا نبدا نعمر القرع.......

ابداي ا عمري

واش طيبتي اليوم

اليوم درت جاري ..يعني شربة فريك و gراتان ..و بوراك و صلاطة مشوية و صلاطة متنوعة


-شحال عمرو وليدك اسحاق

عمرو قريب عام ربي يبارك

-وايدا عندك ولادك وحدخرين

عندي لبنات يا نينا البنينة ...الحمد لله

ايا كي تريبوندي نزيدلك

:d

ايا هاني ريبونديت هيا زيديلي :d:p
​

 

[ام اسحاق]

صح فطوركم لبنات
اختي ام اسحاق ربي يشفيلك اسحاق
منكثرش عليك بالاسئلة لبنات راهم سقساو على كلش

​

صح فطورك ايمان

ربي يبارك فيك ايمان و يجازيك كل خير

كاش سنيوة اليوم ؟؟؟ كاش فلون ؟؟:p
​

 

[ام اسحاق]

ما أحلاها لمتكم تحياتي لصاحبة الفكرة والموضوع
وقبلاتي للغالية ملهمتي
أم إسحاق​

لمتنا ما تحلى غار بيك...واقيلة غلبك رمضان؟؟ وينك ؟

و قبلاتي ليك ايضا اوريكدة روحي
​

 

[nina usma]

مساء الانوار يا العزيزة

صحى فطورك

-واشنو هيا الاكلة المفضلة عندك يا طاطا

- تباني يا الغالية رزينة .. هل انت منيرفية

- كي تتنيرفاي واش ديري تسما تخرجي زعافك ف ولادك كيما دير معايا ماما خخخخ

-واشنو هيا الطبيعة لي ديريها وهيا بالنسبة ليك ماش مليحة مي مقدرتيش تبطليها مثلا انا القهوة الكحلة لي صح مقدرتش نبطلها هههه

بقية اوقات ممتعة لي عودة​

 

[ام اسحاق]

بارك الله فيك غاليتي ام اسحاق

و فيك بارك الله شجن الروح

اسعدتني الى الحد البعيد بطيب حضورك وحسن اجاباتك
وصدرك الرحب
ربي يكثر من امثالك ان شاء الله على قولة ابو الشباب ^^

و يكثر من امثالك حبوبتي

لي فقط سؤال ايضا

على الرحب و السع

هل انت من اخترت دراسة تخصص البيولوجيا ؟

حين ملات استمارة الاختيارات وضعت الطب و كل فروعه بالترتيب و تليه البيولوجيا
و كان من حظي انداك طبيب بيطري و لكني نقلت للبيولوجيا

وماهو تخصصك بالضبط؟

تخصصي بالضبط بيوكيمياء و لكن تخصص مسابقة الماجستير هو ميكروبيولوجي

وهل عملت بشهادتك ام تزوجت مباشرة ؟

فور تخرجي مباشرة عملت بمؤسسة تعليمية كاستادة مستخلفة و كانت هناك استاذة لي قديمة كانت ترقبني من بعيد و هي التي كانت سببا في زواجي لان زوجي هو اخوها :d

اعرف اني متطفلة ههه

لا بالعكس فقد اخذتني في رحلة الى الماضي الحبيب ...فهناك ماصي نريد تذكره و آخر نريد نسيانه ..

تحية ود واحترام لك سيدتي
وراكي تساليني بعد الفطور كاس جي بااااااارد ^^


ارقى التحايا لك يا شجن الروح
كاس الجي راني شربتو من عذب كلماتك الممتعة :up:
​

 

[قلمي سلاحي]

لمتنا ما تحلى غار بيك...واقيلة غلبك رمضان؟؟ وينك ؟

و قبلاتي ليك ايضا اوريكدة روحي
​

مُلهمتي الرائعة
رمضان ما يغلبنيش
لكنه يقيدني شوية عن العادي
طقوس وأمور أخرى تسرقني من التواجد معكم :d
رغم هادا لن أخفي شوقي لكِ
وياريت تخبريني واش طيبتي اليوم
وعلى شحال ترقدي وتنوضي
:p​

 

[ام اسحاق]

سلاموآآآآآآآآ طآطآ

اهلاا بلولا

قوليلي
-حكمة ومبدأ تمشي بيهم في حْيآتك ؟
و الله كاين بزاف ..
و لكن لي نعمل بيه كركيزة هو الحياة دون مبدا كسفينة دون شراع

- رأيك في البنآت تعْ ليوم؟

كاين و كاين و ربي يهديهم ...وقتهم صعيب ربي يقويهم
و يقوي الوالدين على توجيههم

- رأيكـ في التعآرف قبل الزوآج ؟
ما كانش حاجة في القاموس نتاع البنت الحرة تعارف قبل الزواج ..حاب تعرفني اخطبني و مبعد اعرفني !!
و كان حابة التفصيل يا لولا نزيدلك ههه:p

امممممم هآدوآ هومآ، لكان كآش مآ جآ في بآلي نزيد

~ْ

مرحبا بيك عزيزتي ..كاش ما جا في بالك راني هنا
​

 

[ام اسحاق]

مساء الانوار يا العزيزة

اهلااا مرة اخرى بنينا البنينة

صحى فطورك

الله يسلمك و يجازيك الخير و الهنا

-واشنو هيا الاكلة المفضلة عندك يا طاطا

نحب حنونة كل ما هو نباتي

- تباني يا الغالية رزينة .. هل انت منيرفية

الحقيقة منرفية و لكن نتحكم في روحي و نحاول نشد في روحي على قد ما نقدر
يعني العصبية تاعي داخلية ما تفيقيلهاش :p

- كي تتنيرفاي واش ديري تسما تخرجي زعافك ف ولادك كيما دير معايا ماما خخخخ

حبوبة ربي يخليلك ماماك ... لا لا بالعكس ولادي هوم اخر حاجة نخرج فيها زعافي
كي نزعف بزاف على حاجة تستاهل نبكي ...دمعتي جراية كيم يقولو :-r

-واشنو هيا الطبيعة لي ديريها وهيا بالنسبة ليك ماش مليحة مي مقدرتيش تبطليها مثلا انا القهوة الكحلة لي صح مقدرتش نبطلها هههه

الحاجة لحد الآن الي مازالت ما قدرتش نبطلها هي اللمة الجزائرية
لاني مدخلتها في برنامجي اليومي و مخصصة ليها وقت كيم داري وولادي

بقية اوقات ممتعة لي عودة

المتعة تكون كاملة غار بيك حنونة نينا الزينة :up:
​

 

[ام اسحاق]

مُلهمتي الرائعة

اوركيدة روحي

رمضان ما يغلبنيش

ربي يبارك عليك و ربي يقويك

لكنه يقيدني شوية عن العادي

صح ...عندك الحق

طقوس وأمور أخرى تسرقني من التواجد معكم :d

ما تنسايناش في هاد الطقوس من صالح دعائكم

رغم هادا لن أخفي شوقي لكِ

حبوبتي ...الشوق متبادل :d

وياريت تخبريني واش طيبتي اليوم
وعلى شحال ترقدي وتنوضي
:p​

اليوم درت شربة فريك و gراتان و بوراك و صلايط

و الله النوم مازال ما حكمناش بروgرام صحيح و لكن النهوض قبيل الفجر بساعة تقريبا
للصلاة و السحورثم صلاة الصبح و مبعدها نومة خفيفة و نهوض آخر ...و يوم رمضاني جديد
​

 

[~lola.dz~]

- رأيكـ في التعآرف قبل الزوآج ؟
ما كانش حاجة في القاموس نتاع البنت الحرة تعارف قبل الزواج ..حاب تعرفني اخطبني و مبعد اعرفني !!
و كان حابة التفصيل يا لولا نزيدلك ههه:p



​

هكآ هوآ تحيا طآطآ ام اسحآق مكآَن ني تعآرف ني وآلوآ لي نآوي الخير كآين بآب الدآر

طآطآ قوليلي
منين دآك حنآ الخيآت ولا لخآوآ
نحسو بلي الوآلدين يميلوآ كتر لوآحد فينآ معلابآليش لكآن صح ولآلآ
انتي مثلآ تميلي لكآش وآحد في ولآدك ولآ كآمل كيف كيف ؟؟
​

 

[Moha le sage]

ختي ام اسحاق هنا منورة الركن ...

انا غايب بسية الخدمة و الوقت لي مكانش ..

ان شاء الله تستمتعي بالضيافة و يتعرفو عليك الاعضاء اكثر

دمتي بود


​

 

[شجـ الروح ـون]

كل الشكر للغالية ام اسحاق على سعة صدرها وطيبة قلبها
والشكر موصول لكل من مر من هنا وتواجد في هذا المتصفح
رمضانكم كريم
تقبل الله منا ومنكم صالح الاعمال

وعلى نهج استاذنا أبا فيصل
ستكون هذه هديتنا للضيف

​