رايحة نهبل

[NASRO DZ]

مادامنا في شهر الرجمة والغفران وعلاش متفتحيش لاصال انتاع دارك وتقري فيها القرآن سوا للبنات الصغار ولا للكبار وهوما بدورهم كل شهر يجيبولك خلاصك
+1
انا مع الاخت هذي والله حل مليح وشوفي زوجك

اولا تربحي اجر عند ربي ومن ناحية اخرى ديري دراهم باش تعوني روحك وتعوني زوجك

احسنكم من تعلم القران وعمله

 

[magique]

ربي يعينكم ويفرج عليكم ربي كريم انت ادعي وخلاص
​

 

[aMiNa-K]

سلام عليكم

اييييييييييه صعيب الشي اختي
اختي نصيحة ماتبيعيش الدهب ديالك علاجال المصروف تاع كل يوم برك .. مكانش اللي يموت بالشر

شاوري راجلك قبل .. رانا في وقت صعيب المرا و الراجل يخدمو في زوج و ماشي لاحقين
ماتسناي المزية من عند حتى واحد .. لاجارك لا خوك لا ختك .. اتكلي على ربي و عليك و عللى دراعك
حوسي على خدمة اخدمي عاوني راجلك .. مام في دارك تقدري تخدمي .. قري دراري صغار .. افتحي صالون تاع حفافة .. و لا كوني خياطة .. و لا حتى طيبي مطلوع و بيعيه

ربي يفرج عليكم ان شاء الله
​

 

[aMiNa-K]

حقا .. وماتقوليش راكي وحدك اختي .. ماتشوفيش غير الناس اللي عندهم .. شوفي اللي قل منك تحمدي ربي

انا السمانة اللي فاتت مادخلتليش لاباي .. زعفت و تنارفيت باسكو كي رحت للبوسطا لقيت غير لابورس دخلتلي و لاباي مكانش .. ماحمدتش ربي و عمرت الشاك و انا منارفية
و كي درت لاشان في البوسطا كنت واقفة قدام الgيشي و نشوف في الناس يدفعو فلي شاك تاوعهم .. و الله غير حليت فمي .. كامل لي شاك تاع 3000دج او 4000دج .. كنت نشوف في رب عائلة دفع شاك تاع 4000دج و داير لاشان بلا عجز ..عجوزة ماتقدرش توقف دايرة لاشان باش مع اللخر اللي يخدم في البوسطا عطالها 3000دج برك .. قعدت نص ساعة وانا نشوف المخير جبد مليون من البوسطة
مليون واش تدير في رمضان و العيد راهو قريب ؟؟؟؟؟؟؟؟؟؟؟؟؟؟؟؟؟ .. اللي عندو دراري صغار كيفاش يكسيهم .. و كيفاش يديرو القاطو تاع العيد؟؟؟

انا راني براسي نخمم نكسي روحي برك ..مليون مايديرلي والو.. و3000دج ماتجيبليش حجاب نلبسو نهار العيد


لازم نحمدو ربي على كل حال .. وربي يفرج على كل مومن انشاء الله
​

 

[Sariita]

السلام عليكم أختي .. أولا ان شاء الله ربي يفرج عليكم و يفتح عليكم أبواب الرزق و الهناء
ثانيا أختي ننصحك بالإستيقاظ قبل الفجر بساعة أو أقل أو أكثر و تدعي ربي .. و تستغفري بزااااف و الله يا ختي غير الإستغفار ماكاش كيما هو .. استغفري كل وقت و زيدي في وقت السحر ( قبل الفجر ) و يتحلولك همومك بإذن الله عن تجربة أختي صدقيني ..
يقول الله سبحانه : ( وَمَنْ يَتَّقِ اللَّهَ يَجْعَلْ لَهُ مَخْرَجًا . وَيَرْزُقْهُ مِنْ حَيْثُ لَا يَحْتَسِبُ ) الطلاق/2-3
ولا شك أن الاستغفار سبب لمحو الذنوب ، وإذا محيت الذنوب تخلفت آثارها المرتبة عليها ، وحينئذٍ يحصل للإنسان الرزق والفرج من كل كرب ، ومن كل هم .
قال الله تعالى في فضل الاستغفار : ( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا . يُرْسِلِ السَّمَاءَ عَلَيْكُمْ مِدْرَارًا . وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا ) نوح/10-12.
توكلي على الله أولا و آخرا .. أتمنى أن أكون أفدتك .. و اقرئي قصص واقعية عن فضل الإستغفار تجدينها في النت... و السلام عليكم
آسفة على الإطالة ..​

 

[MĺŹǾ žĕĥÔŖ]

السلام عليكم يا الغالية

ربي يفرج همك وينورلك طريقك

شوفي يالحبيبة هاد مشكل كامل قادر يفوت على زوج متزوجين ربي يخفف عليهم ويطيب بيناتكم اصبري حنونة وما تقنطيش من رحمة ربي سبحانو ان بعد العسر يسر استغفري وادعي ربي سبحانوو

مكانش حل افضل من الاستخااااارة ربي رح يبينلك الطريق الصح والحل صلي استخارة للسلسلا ادا تبيعيها ولالا وعلى المشروع ادا فيه خير ولالا

ديري فالنت على صلاة الاستخارة والدعاء ديالهااا ورح تلقاي راحتك والحل الي يواالمك

الله يفتحهااا في وجهك انتي وزوجك ويجعل بيناتكم طيبة ورحمة حبوبة
وننصحك نصيحة

اوقفي مع زوجك وما تخليهم وحدوو كوني معاه فالسراء والضراء كيما يزعف وكيما يتقلق في كل حالاتووو لانوو ابتلاء ورح ينفرج إن شاء المولى عزوجل

لا إله إلا أنت سبحانك اني كنت من الظالمين ان ترفع الهم والغم عن كل قلب حزين يا ارحم الرااااااااااااحمين
​

 

[Sigli]

نقولك حاجة والله لو كان تبيع السلسلة تندمي في هدا الوقت

قبل ما تبيعي دهبك اللي هو ما بقالك درسي مليح المشروع ادا يخرجك ولا لالا
افضل من تولي في زوج مشاكل

وعرفي بلي كاين ناس تخاف ربي وتحب دير الخير واش لازم زوجك يتقرب من الإمام بالمسجد ناحيتكم وهو قد يباشر للتوصل الى مساعدة مبدئية تقيكم عناء مصاريف رمضان

وبعد العيد ربي يجعل فيها تاويل


​

 

[youyoumaya]

ما ضاقت الا لتفرج نشاء الله اختي بالك هذا ابتلاء من عند ربي باه يختبر صبرك انت و زوجك ربي يصلح الحال عاجلا غير اجل
ربي يسر و لا تعسر

 

[iman-dz4ever]

رد: رايحة نهبل

ربي يفرج