عقلية الراجل الجزائري // و المراه الجزائرية
1-إذا شافوا وليدهم اصغير يبكي .
المراه اتقول : اسم الله على وليدي ، خمسه في عيون الحساد ..
الراجل ايقول : اعوذ بالله من الشيطان الرجيم من هاذ الغرنوق ما يبطلش ابكا ..
2-اذا جات ام الزوجة اول ما تحط ارجلها عند الباب.
بنتها اتقول : يا فرحي يا سعدي على هاذ النهار السعيد وعلى هذا الخير والبركه ..
زوجها ايقول في قلبو : يا محاينك يابوبقره ، واش هاذ النهار الاسود المنحوس ..
3-اذا مات واحد اقريب ليهم.
المراه اتقول : ياوخذي ، يامصيبتي ، الموت ادور غير اعلينا راني حاسا بيه هذا الايامات
ايموت واحد، ما عندنا الزهر في والو ...ياع ياع يععععع..
الراجل: اتهنى من روحو ، وتهناو منو الناس ، انا لله وانا اليه راجعون الفايده في
راسك ...لو كان غير جات في راس واحده ماشي هو ...
4-اذا خرجوا للسوق باه تشري اللبسه.
المراه وين تفوت على حاجه اتقول : آه قداه زينونه وباهية ، تهبل اتهبل ، اتجنن اتجنن ، خلي
انشوفها بلاك تعجبني ..
الراجل : امراه راكي اهبلتي وما بقالك والو ، جنيتي حلي عينيك .. اخساره فيهم اكبار والرؤية صفر ، شوفي لبري متاعها قداه ثلاث ملاين أ أي..أي قدامي ، روحي يرحم والديك ،،ياربي راني صائم.
5- عند ما يقرب اذان المغرب.
الراجل : واش طاب كلش والا مازال ، واش درتي يامراه، واش اقليتي ،وين راح هذيك
الزلابيه ، وهذاك الجي راني مانشوفش فيه ، وهذا البوراك وقيل محروق شوي ، وين ؟
وين ، واش واش ..الخ.
المراه تهدر بالعقل باه ما يسمعهاش : يا ربي اعطيني العقل والصبر ، واش هذا
المخبوط من الصباح وانا نتقلى في الكوزينه ، ويزيد يهدر ويشرط ، السخانه
وزيدلها تكسار الراس متاعو ، حاكم فيه الدخان والقهوة والا اجنون ..والتهبال.
هيا صحا فطوركم وصحوركم.
1-إذا شافوا وليدهم اصغير يبكي .
المراه اتقول : اسم الله على وليدي ، خمسه في عيون الحساد ..
الراجل ايقول : اعوذ بالله من الشيطان الرجيم من هاذ الغرنوق ما يبطلش ابكا ..
2-اذا جات ام الزوجة اول ما تحط ارجلها عند الباب.
بنتها اتقول : يا فرحي يا سعدي على هاذ النهار السعيد وعلى هذا الخير والبركه ..
زوجها ايقول في قلبو : يا محاينك يابوبقره ، واش هاذ النهار الاسود المنحوس ..
3-اذا مات واحد اقريب ليهم.
المراه اتقول : ياوخذي ، يامصيبتي ، الموت ادور غير اعلينا راني حاسا بيه هذا الايامات
ايموت واحد، ما عندنا الزهر في والو ...ياع ياع يععععع..
الراجل: اتهنى من روحو ، وتهناو منو الناس ، انا لله وانا اليه راجعون الفايده في
راسك ...لو كان غير جات في راس واحده ماشي هو ...
4-اذا خرجوا للسوق باه تشري اللبسه.
المراه وين تفوت على حاجه اتقول : آه قداه زينونه وباهية ، تهبل اتهبل ، اتجنن اتجنن ، خلي
انشوفها بلاك تعجبني ..
الراجل : امراه راكي اهبلتي وما بقالك والو ، جنيتي حلي عينيك .. اخساره فيهم اكبار والرؤية صفر ، شوفي لبري متاعها قداه ثلاث ملاين أ أي..أي قدامي ، روحي يرحم والديك ،،ياربي راني صائم.
5- عند ما يقرب اذان المغرب.
الراجل : واش طاب كلش والا مازال ، واش درتي يامراه، واش اقليتي ،وين راح هذيك
الزلابيه ، وهذاك الجي راني مانشوفش فيه ، وهذا البوراك وقيل محروق شوي ، وين ؟
وين ، واش واش ..الخ.
المراه تهدر بالعقل باه ما يسمعهاش : يا ربي اعطيني العقل والصبر ، واش هذا
المخبوط من الصباح وانا نتقلى في الكوزينه ، ويزيد يهدر ويشرط ، السخانه
وزيدلها تكسار الراس متاعو ، حاكم فيه الدخان والقهوة والا اجنون ..والتهبال.
هيا صحا فطوركم وصحوركم.
