كل يوم بتحلى جمعتنا على سفرة الافطار ..مع حبايبنا وعيلتنا بتنور فيهم هالدار* الجزء 2*

[مطبخ الأحلام]

صحا فطوركم يالفحلات
ابتيسو والله توحشت نسمع صوتك ونقصر معاك عندي شهرين ولا كثر ماحكيتش معاك بوسيلي عيسى وقولو ندى راهي كالسلحفاة يا ربي نراجعو القديم من سورة البينة مازادتش قدمت القدام هههه
حدود راكي تشوفي فيها معمرة عتتفلق هههههههه
ويعطيك الصحة ماكنتش عارفة بلي راكي زلبانجية :d
روز يعطيك الصحة عرضة وعليها الكلام تعجبيني كي تقومو بضيافك تقول جايك الرايس على قولتك ههه حتى انا هكاك بعد نتهول بصح عرضة كيما هذيك تفسديها بصحن تاع خمسلاف هههههههههههه ضرك تتكلملك الكنافة والقشطة يقولولك مايشرفناش نتكاو عليه :-o هههههههههههههه
رغود الله الله على التصوير حابة نشوفك ونتي تصوري كيفاه مركزة :p صوريلي خيالك كيما نهار الاناناس
فيفي كي تحكي انا نشتي نسمعها :$ ماكنتش عارفة بلي انت رادار كيما انا هههههههههه نانوس كل يوم الفريت ولا فريت اوملات نهار بنهار ههههه:d والله يعجبني طيابها وتزيد تحط صحن لولادها ههه انا شريرة ما يحلموش يمسو الطابلة حتان نفطر ونشوف الضو
فريدة ربي يحفظك ويخليك ويبوسك الخير والخمير كيما تقول عجوزتي ههههه
ميس سوسو ربي يهنيك حبيبتي عقبال مانشوفو طبابيزك :d
سمورة طيابك هايل وعلاه مدوخة روحك مع لاكرام وانت ساكنة في باري :d اشري بيطة وهني راسك .. انا قراجمي راني في حالة منهم عندي باطة في الكونجيلاتور كل يوم نسلم عليها ونعقب هههههه
تحية كبيرة لام نصيرة لي متكسلة تحت لكليماتيزور
وخيرة لي راهي معصبة راسها :d
هذا فطور ليوم بديت نعاود في الموني هههه الله غالب نطيب الحاجة غير لي ياكلوها
تفاهمنا على التمر يا روز

وكروفات

وسلاطة

والف حمد وشكر لله

ويهنيك بعد يالغالية ان شاء الله ياربي كي ليوم هدا مانتمنى غير نشوف وليداتي :d

خليني نقول عطيني الطبسي نتاع الروز هداك راه يشهي يعطيك الصحة ختيتي انيقة دائما

راني رفدت حبة تمرة
​

 

[روز]

روز يعطيك الصحة عرضة وعليها الكلام تعجبيني كي تقومو بضيافك تقول جايك الرايس على قولتك ههه حتى انا هكاك بعد نتهول بصح عرضة كيما هذيك تفسديها بصحن تاع خمسلاف هههههههههههه ضرك تتكلملك الكنافة والقشطة يقولولك مايشرفناش نتكاو عليه :-o هههههههههههههه

هههه قتلتيني بالضحك
الطابلة نتاع تشهي الواانها روووعة
..

الجنرال راه قريب يعلن افلاسو ههه رانا كيف كيف راكي عارفة

الطبسي نتاع خمسة آلاف قلت نح بيه العين
انا قلت نعرضلها راجلها ونحطلو هاديك الكنافة في الطبسي نتاعهم
ونشوف العرق البارد نتاعو هههه
راهم سمحو فيه تبراو منو كن تقلي هاتيه مانعطيهلهاش ولات عندي فيه
de bons souvenirs هههه

 

[ibtesem]

اوملات نهار بنهار ههههه:d والله يعجبني طيابها وتزيد تحط صحن لولادها ههه انا شريرة ما يحلموش يمسو الطابلة حتان نفطر ونشوف الضو
=======================
صح فطورك ندوش على قولت عيسى اليوم راهو مرمضن عليكم
هداك الصحن ياريت جا تاع اولادها ههههههههههه
راهو ليها باش متروحت تزيد تصقي :-o
نانو سهرة عليك :d​

 

[ibtesem]

هههه قتلتيني بالضحك
الطابلة نتاع تشهي الواانها روووعة
..

الجنرال راه قريب يعلن افلاسو ههه رانا كيف كيف راكي عارفة

الطبسي نتاع خمسة آلاف قلت نح بيه العين
انا قلت نعرضلها راجلها ونحطلو هاديك الكنافة في الطبسي نتاعهم
ونشوف العرق البارد نتاعو هههه
راهم سمحو فيه تبراو منو كن تقلي هاتيه مانعطيهلهاش ولات عندي فيه
de bons souvenirs هههه

قلها تكملك خاوتو باش تعملي سارفيس من الدكريات لي فاتت :up:

 

[روز]

قلها تكملك خاوتو باش تعملي سارفيس من الدكريات لي فاتت :up:

هههههههه راني ندمع بالضحك هههه استغفر الله العظيم

 

[ibtesem]

‏ام منصف راكي

ماتجي تلحقي يدن المغرب عندي الله اعينك​

 

[hadda0425]

ندوش وابتسام تتفكرو فطور الغاشي حبة بحبة هههههه
الخوف من جماعة الدg لة خخخخخخخخخخ
انا نسيت حتى وش فطرت
​

 

[بوح المشاعر]

السلام عليكم
صحا فطوركم الكل .. ربي يبارك فيكم ويديم عليكم الصحة والهنآء يارب
موائد في القمة كل وحدة ولمستها الخاصة ماشاء الله
ما عندي مانقول الكل فحلات و حٌرآت بسلامتكم ربي يحفظكم
ادآم الله عليكم نعمه
تحية لكل واحدة باسمهآ دون استثنآء
​

 

[hadda0425]

روز راني حطيتلك رد لهيه
لا تقييمات تمشي ولا رسائل
​

 

[ام منصف]

واخيرااااااااااا لحقت
ماشي غير سلحفاة بالاك هي تغلبني
نجمة وما دارت فيا
صحى فطوركم يا جماعة الخير
ويعطيكم الصحة على ما قدمتموه ربي يبارك
في ميزان حسناتكم يا رب
نعلق على العرضة نتاع روز هايلة هايلة من التمر للحلو بصحتهم ضيافك ومانسيتيهمش حتى بالسحور يعطيك الصحة
تحية لفوفة كاس التاي راهو رفيقي دايما في القعدة عند الميكرو ما ننساهش خلاص
تحية للغايبات كل وحدة باسمها
ام ندى ياسمين ميمي شهرة سهام سرور ,,,,,
والقائمة طويلة
ان شاء الله يكونوا بخير

​

 

[hadda0425]

اهلا سوسو عاش من شافك خيتي
شريفة مراحب هذا وين لحقتي
ريحي ترتاحي هههه
​

 

[ام منصف]

ام ندوش الله يبارك على فريق العمل المرافق للشيفة عفاف
الكتاكيت رائد وندى كبروا الله يبارك
**
فوفة ندوشة روحت السمانة اللي فاتت ما صدقت تروح نزلت فيها ديري وحطي وهزي واغسلي ههههههه الله غالب حالة الصايم - شريرة -
قريب تقولي ندمت علاه روحت ههههه
​

 

[بوح المشاعر]

اهلا سوسو عاش من شافك خيتي
شريفة مراحب هذا وين لحقتي
ريحي ترتاحي هههه
​

اهلا بيك يازينة ياخي تقصديني انا سوسو رقمي السوسوات لي عندك
باه نعرفووو هههههههه
ياخي المهم سوسو وخلاص انا ولا هوما
نقولك ربي يعيشك يالغالية وترحب بيك الجنة يارب
انتِ وكل الغاليآآت
​

 

[عفاف الجزائرية]

صحا فطوركم خياتي ربي يتقبل منا ومنكم ان شالله
ما خليتو والو راكم توووووب اللي مديقوتيا منكم ابدعت فما بالك اللي راها ناشطة (متاكدة انو واحدة ماهي ناشطة):p
ابدعتو من عرضات من اطباق من تحليات من شواكل من قواطيط (جمع قاطو)
ليوم كي جاني الالهام نتاع الهراف لقيت الكلافي حابة راني نعاني بالفيزويال برك
المهم جبت نص كوطة ومازال نص غوا اذا جابولي كلاي نهبطهم ونتهنى:d
اذا كشما لقيتو حرف ناقص زيدوه من عندكم برك

اعذروني على التصوير ما يلحق وقت المغرب نموووت
ربي يتقبل منا ويرحمنا ويغفرلنا ويعتق رقابنا من النار اجمعين
صحا سحوركم
​

 

[nour inasse]

صح فطوركم حبوباتي تفضلو أول نوع نتاع حلوى

http://4algeria.com/forum/threads/379585/#post4918263

 

[nour inasse]

لبنات تعيشو خويا غدوة عارض 4 صحابو أعطوني كشما أفكار تعيشو ولا طبق مليح راني حرت

 

[خيرة جانت]

السلام عليكم
الحمد لله الذي أطعمنا وسقانا من غير حول منا ولا قوة
ربي يجعلها سفرة دايمة ونعمة مباركة لاتزول
يعطيكم الصحة حبيباتي كل بإسمها
خموووووس عليكم
يالفحلات
صح رمضانكم وتقبل الله منا ومنكم صالح الأعمال في هذا الشهر الفضيل
بالرغم من أني لحقت روطار بالصح
عجبني واش حطيتو من موائد رمضانية جزائرية
لماوية فيها دفئ الأجواء العائلية
ربي يجعلها في ميزان حسناتكن
قولوا أمين
بربي لي عودة
صح صحوركم

​

 

[l'algeroise]

مسااء الخير عليكم يا لحراير نشالله تكونوا كااامل بخير
نحطلكم شوي تصاور و نروح نراجع واش فاتني

ربي يدوم النعمة نشالله ورانا داخلين على العشرة الأواخر ربي يقدرنا نشالله على العبادة و الطاعة
ربي يعاونكم فالكوزينة ليوم مع هاد السخانة و صــــــــــــــــــــــــــــــــــــحة فطــــــــــــــــــــــــــــــــوركم
​

 

[nour inasse]

لبنات تعيشو ممكن رابط الوصفة هذي
تارت بالزيتون بليز نسحقها

 

[NaNouS]

السلام عليكم
واش راكم يا البنات ان شاء الله راكم كامل بخير
برنسيسيتا حبيبتي راكي ديما في القلب وانتي طيابك تاني راهو مخلاش تسكتي تسكتي ومن بعد تخرجينا خرجة ههههههه اما بالنسبة للفريت شوفي من النهار الاول مدرتش الفريت قالي الطابلة بلا فريت ماشي طابلة ايا ديما لازم يكون الفريت هههههه
ان شاء وليدك راهو بخير
----
روزيتا الله يبارك عرضة وعليها الكلام كلشي يشهي يعطيك الصحة
---
عفافيتا بصحتكم الكروفات لازم نبداو نعاودو راهم 30 يوم واش نديرو واش نخلو ربي يحفظلك ندوشيتا ورائد
---
بسوميتا حبيبتي ان شاء الله راكي بخير بالشوية على روحك وعلى صحتك
---
حدوديتا والله كون تبعتيلي شوية دوبارة من عندكم راني ساخفة عليها دقتها خطرة من عندكم بنينة تهبل

هدا فطوري قبل البارح

وفطوري البارح كيما قالتها بسوميتا مصورتش الطابلة هههههههه القلوب عند بعضها