بالجوتابل والخل انا قلت للشعر الزائد باي للابد

[sarah.staifia]

انا مجربتها بصح في بالي اخل ينظف زعما كي ديري بالجوتابل احتمال كبيييييير تكون اجراثيم بزااااااف و الخل دور كمطهر

على العموم يعطيك الصحة ♥​

 

[*Sarah Dz*]

شكرااا لك ملوووكة ’’ فكرة سهلة و فعالة
و لكن ما لازمش نكثرو من استعمال الخل على البشرة
بارك الله فيك
​

 

[دعاء19]

ممكن ديري لينا صورة الخل كيدايرة او انا كنستعمل حلاوة
وشكرا على وصفة اول مرة نسمعها بيت نجربها ولي نجحت ليها تقول لينا باش نتشجعو

 

[asmasousou]

merci nchallah njarabha wnrodlek lkhbar

 

[Ĉoĕǔŕ Dề Ḟľeuŗ]

مرسي ختيتو يعطيك الصحة وربي يحفظك

 

[iman-dz4ever]

ممكن ديري لينا صورة الخل كيدايرة او انا كنستعمل حلاوة
وشكرا على وصفة اول مرة نسمعها بيت نجربها ولي نجحت ليها تقول لينا باش نتشجعو

والله غير راكم منورين موضوعي
بردودكم الحلوة:yahoo01:
انا لوكان ما الطريقة جابت نتيجة
معايا مانكتبهاش
والله على ما اقول شهيد
وانا في النصفية نتاع رمضان
نحيت الشعر من بطني بنفس الطريقة
والله غير اليوم بدا ينوض
وما تقولوش الجوتابل يخشن الشعر
انا كتب الموضوع في رمضان
وماكانش الي يكذب في رمضان:$
ولازم تبلي جلدك غير بالماء وترازي
يعني بلا صابون
​

 

[tistissa dj-tissou]

مرسي عليك حنونة فكرة هايلة وبزاف شابة مي حاجة برك زعما تقدري تجربيها في المنطقة الحساسة ولالا
نجربها ان شاء الله ونعاودلك
سلاموو غلاتو ...
​

 

[selma déco]

شكرا طريقة جديدة صحيتي والله جات في وقتها​

 

[الانسة]

ايمان واش معنتها انتي ترازي........شوفي قوليلي اولا نبللو الجلد بالماء ثم نغمسو الجوتابل في الخل الابيض ........صحيحة هكا

 

[iman-dz4ever]

سلام لبنات
اسمحولي لذا ماوصلتش فكرتي
ليكم مليح
الطريقة هيا:تبللي جلد بالماء فقط
ومن بعد تجيبي الخل الابيض العادي نتاع السلاطة
يعني مش الخل الاسود ومش الخل الي بالثوم ولا الزيتون على
خاطر الريحة واكيد مش خل التفاح على المخاطر نتاعو للبشرة
وتخفيفيه بالماء وتسمي بسم الله وتبدئ
تنحي الشعر وجلدك مبلول بالماء فقط بلا صابون
وتغطسي الجوتابل بالماء الي فيه الخل
والطريقة هاذي بالصبر والمداومة عليها
انا ماما ماصدقتنيش
حتى جربتها بروحها
والله غير البارح تقولي بلي من نهار العيد حتى لليوم مازال ماناضش
الشعر....................
وكاش سؤال راني في الخدمة:d
​

 

[دعاء19]

اختي الخل لي عندنا نديرو في شلاظة لونو بني واش هو لي نستعمل

 

[الانسة]

شكرا..........ايمان..

 

[أم أُنٌَيسة]

شكرا ليك اختي الغالية
ساجربها بادن الله
جزاك الله خيرا
ذمت في رعاية الرحمان
سلام
​

 

[مريومةمم]

شكراااااا

 

[־●ـ‗غمــــوض ــالــورد_ـ●־]

وآآآو ياربي تكون نتيجتها هايلة وميزيدش يولي كي نديرها
انا كنت نعرف انوا ندير لقارص بعد مانحي مي بش باللام يعني كي تنحي بالرجينة وتدهني بالقارص قبل ماتغسلي ديك لبلاصة مع يكونوا لمسمات مزلهم مفتوحين وراح تشوفي انوا يخف بالشوية
مي الطريقة ادي تبانلي ساهلة ومتوجعش نجربها ونشوف
مغسي حبيبتي على النصائح يعطيك الصحــــــــــة
​

 

[Only me]

يا أختي ايمان لوكان تصلحلي والله ماننسى خيرك

رايحة نريسكي ونسييها ان شاء الله تنفعني

مارسي حنونة

 

[roudi92]

ماصلحتـــــــــــــــــــش !!!!!!!!!!!!!!!!!!!!!!!!!!!!!!!!!!

 

[sirin2013]

سلام
نشكرك ختي على الوصفة راني جربتها ونتيجة تبان من اول مرة خطر طول الشعر منادلي بصح ناد خشين راح نستمر علها حتى نتحصل على النتيجة
وربي يحفدك ويعطيك متتمني

 

[منار السبيل]

رد: بالجوتابل والخل انا قلت للشعر الزائد باي للابد

merciiiii lik hbiibaa rayha njarrabha 3la rabbi

 

[roudi92]

رد: بالجوتابل والخل انا قلت للشعر الزائد باي للابد

سلام
نشكرك ختي على الوصفة راني جربتها ونتيجة تبان من اول مرة خطر طول الشعر منادلي بصح ناد خشين راح نستمر علها حتى نتحصل على النتيجة
وربي يحفدك ويعطيك متتمني

درتي بالجوتابل ولا الرجينة؟انا درت بالجوتابل نورمال ناض كيما مالف