غير جامعة ولايتي لالا

[FØùfà Bïô]

سسلآمم عليكمممم

صحآآ صيآمكككم

وصحآ ففطورككم / سسحوركمم

آن شآء الله كآمل تكونوآ لبآس

اليوم حبيت نطرح عليكم واحد الموضوع

جنني .. جيته من كل جيهةة ملقيتلاهش تفسير :s

وهو آنه كي تولي بآش تقرى في الجامععه لازم تخرج من ولايتك :down:

علاه معظم يلي يربحوا الباك خاصةة البنات ،، تولي تعمر في les choix تاعها في جامعآت ماشي في الولاية تاعها ؟

وكاين يلي يديروا حوايج ميحبوهاش برك علاجال باش يخرجوا

آسكو يلي يديروا هكآ عآرفين الـآقآمه كيفآه رآهي ؟ ولا عمبآلهم الخرجه مليحه وخلاصةة :-o

والحاجه يلي حيرتني أكثر .. علاه حابين يخرجوآ ؟؟ :s

مآنيش عارفا المشكل هاذي غير في الولاية تاعي ولا في كامل الولايات يعانو من الظاهره هاذي

آنــآ كي سجلت في الجامعه العآم هآذآ في ولايتي يآسر نآس حآروو فيا كيفاه تقري هنا ،، وعلاه مخرجتيش .. آععع بآش تقري هنا متخرجيش .. تقعدي في الميزيريه :down:
مع آنه ولايات تزاير كامل تعاني من نفس المشاكل

ومآدآم الـآختصآص يلي راني حاباته وعاشقه فيه كاين في ولايتي علاه نبدل علاجال الخرجه والميزيريةة :s

آيآ كل وآحد يعطينآ رآيه في الموضوع هآذآ

ويلي عاش في الـآقآمه الجامعيه يحكيلنــآ على الـآوضآع تـآعهآ

وربي يوفق الجميع في وآش آختآروو

تتتحيــآتي

Jàzàyriyà

:regards01:
​

 

[حفيد هواري بومدين]

كل طفلة يشدها اصلاها واين كي تخرج برا الحرية تزيد
وافقت على الموضوع

 

[FATIMA 19]

صحيــــتيــ على الموضوع .
أنا نجحتــ السنة الباكـــــ و سجلت في ولايتي ،مالgري قالوليــ اذا تحبيـ تسجلي في قسنطينة مدرسة عليا
كي خممتـــ مع روحي قلت أنا واش اداني ثما وماعنديش لافامي حتى وعندي مانحبشـ نكون ثقيلة على الناس وأصلا خفت شوي ، مانقدرش نبعد على الدارْ حاجة واعرة.
أنا نقعد في ولايتيـ الحاجة اللي نحتاجها راهي قداميـ + مانحيرش نتاع الدار عليا.
​

 

[FØùfà Bïô]

كل طفلة يشدها اصلاها واين كي تخرج برا الحرية تزيد
وافقت على الموضوع

بآلآك كي تبعد على الـأهل تزيد الحريهه .. آحتمآل

شكرآ على الموافقةة :$

Jàzàyriyà
​

 

[FØùfà Bïô]

صحيــــتيــ على الموضوع .
الله يسسلمكك
أنا نجحتــ السنة الباكـــــ و سجلت في ولايتي ،مالgري قالوليــ اذا تحبيـ تسجلي في قسنطينة مدرسة عليا
مبروكك البآكك .. بالتوفيق آن شآء الله
كي خممتـــ مع روحي قلت أنا واش اداني ثما وماعنديش لافامي حتى وعندي مانحبشـ نكون ثقيلة على الناس وأصلا خفت شوي ، مانقدرش نبعد على الدارْ حاجة واعرة.
وي .. حآجه واعره تكوني موالفه على الدلال ويلي تطلبيها تجيك حتى تولي في بلاصة مايعلم بيك غير ربي وحتى كي تمرضي ميتلاها بيك حتى واحد كيما داركم :down:
أنا نقعد في ولايتيـ الحاجة اللي نحتاجها راهي قداميـ + مانحيرش نتاع الدار عليا.
​

عندك الحق أختي
مدامه الـاختصاص يلي حاباته موجود في ولايتك
مرسي ليك على المرور :d
Jàzàyriyà

:regards01:

​

 

[أم أمين23]

هي كاين احتمالين بحكم تجربتي مع البنات والجامعة كاين الي يحبو يبعدو على الاهل ومراقبتهم وفي ولاية اخرى البنات تعمل واش تحب والدراري كيف كيف ادور وتطورس كيما نقولو وحد ما يعرفها اما في ولايتها معروفة لو تزغد شوي توصل كل اخبارها مالا تخير اليعد للتوارى عن الانضار
ومن جيه اخرى كاين الي يحب يبدل ويجرب الجديد باش يتعلم يعتمد ربما على روحو بعيد عن الاهل يعني الغرض من البعد تكوين شخصية جديدة بمواصفات جديدة
وفي كل الاحوال المفروض الطفلة الي ماشي مضطرة تروح لولاية اخرى مادام التخصص موجود في ولايتها الافضل تدرس وين راهم اهلا ماشي برك بسبة واش رانا نسمعو من حكايات بصح امتثالا لحكم الدين وربي يهدي بناتها واهاليهم الي مخلينهم يعملو رايهم بلا نقاش

 

[FØùfà Bïô]

هي كاين احتمالين بحكم تجربتي مع البنات والجامعة كاين الي يحبو يبعدو على الاهل ومراقبتهم وفي ولاية اخرى البنات تعمل واش تحب والدراري كيف كيف ادور وتطورس كيما نقولو وحد ما يعرفها اما في ولايتها معروفة لو تزغد شوي توصل كل اخبارها مالا تخير اليعد للتوارى عن الانضار
ومن جيه اخرى كاين الي يحب يبدل ويجرب الجديد باش يتعلم يعتمد ربما على روحو بعيد عن الاهل يعني الغرض من البعد تكوين شخصية جديدة بمواصفات جديدة
وفي كل الاحوال المفروض الطفلة الي ماشي مضطرة تروح لولاية اخرى مادام التخصص موجود في ولايتها الافضل تدرس وين راهم اهلا ماشي برك بسبة واش رانا نسمعو من حكايات بصح امتثالا لحكم الدين وربي يهدي بناتها واهاليهم الي مخلينهم يعملو رايهم بلا نقاش

جابلي ربي الاحتمال الثاني هو الأصح والغالب
رآنآ في زمان قل فيه الرجال والبنات تاع الصح ،، معناها قل يلي يحوس يخدم شخصيتو صح
أكيد الطفله آذآ كان كاين الاختصاص متخرجش
بالصح ممننكروش كاين حوايج مكانش في الولايات كامل كيف الطب والمدارس العليا يلي المستقبل فيهم مضمون

شكرآ على مرورك و على رآيك

Jàzàyriyà
​

 

[ماكانش]

وراك علابالك علاه يخرجو

 

[la_safa]

السلآم عليكم ،،

أختي جزآيرية أنتِ نظرتي للموضوع بنظرة وحدة .. فقط ,
الحمد لله مآم أنآ السنة ديت البآكـ للأسف التخصصآت لمليحة كآمل
مآكآنش في ولآيتي و بمآ أني جبت تقدير جيد جدآ و التخصص لي حآبآتو
مآشو هنآ ، دونكـ تتحتم عليآ نقرى في ولآية خآطي ولآيتي ،،
مي الحمد لله الإقآمة مش رآح نحكمهآ ,

+

عندكـ حق كآين بنآت حآبين يتحررو من أهلهم أكثر و أكثر
و كي يروحو للإقآمآت يلقآو رآحتهم و يديرو رآيهم ،،

و دآئمآ تبقى فئة نظيفة حآبة تروح بآه تقرى لآ أكثر و لآ أقل ..

صحآ فطوركم ،

و شكرآآ عَ الموضوع ~
​

 

[مروة 95]

ahla okhtii
felewel mabrook l bac le ness kml
w nchllh medoulkem wch 7abiin


mm ana fewet l bac l3am hada
w be3touni wch 7atiit medeciine
é hmd
mé mch f wilaya nte3ii

be3touna l 23

malgré kanou ygoulou ra7 yeft7ou medeciine
fi guelma
mé allh ghalééb
w ana 3ndii ki be3tounii 23 5iir psq
endiré fi darna
ne9der 7ata mandirch i9ama kml



hadii pr moi
mé pr ls filles lo5riine fihem w 3lihem
kayen li kima 9eltii
7abiin yel9ew ghardhem
w kayn li bessif 3lihem ye9raw ltem
w kayn li 3ndhem aghrad o5ra
matalen kayn li 7aba ta9ra
had ta5asos w au mm temps
tebdel , tchoof wch kayn fe denya


w 3al3oumoum kol 1 yejbed l aslou
w tarbeytoo
w koun tkoun bent asl w ma3denha safii
kon tro7 7eta l'etranget mch ghir wilaya 5lef
w koun l3akess 7ata kon te9ra f dar


7kiit bzff
mrc 7biibtii pr le sujet
​

 

[زهرة الندى]

السلآمـ عليكمـ ،،
أولآ صحآ فطووركـ
يعطيكـ الصحة خيتي ع الموضوع

الصح نعرف يآسر بنآت دآرو تخصصآت مآهمـ فآهمين فيهآ وآلو على جآل يخرجو من ولآيتهم ربي يهدي هذي لعبآد

لكن تبقى هذي فئة بركـ مش كآمل لبنآت هآكـ تفكير تآعهمـ
بالنسبة ليآ كنت حآبة نقرآ في ولآيتي لكن وآلديآ حآبيني نقرآ هذ التخصص مكآنش في ولآيتي + حآبة نرجع نقرآ فيهآ ومآ نعرف ربي يجيب لخير *مدللة مآنقدرش نبعد ع الدآر هههه *

بالنسبة للسيتي كآين وكآين وعلى حسآب عقلية الطفلة اللي تتأثر بهذوكـ الأشكآل ربي يستر بركـ

واللي مقتنعة بروحهآ وعآرفة وعلآه جآت غير على جآل لقرآيآ مكآن حتى وآحد يقدر يهزهآ

ميرسي حنونة على الميضوع وربي يجيب لخير
​

 

[هبة الرحمان2]

اصلك هو اصلكي:regards01:

 

[serinee]

صحا رمضانكم
صحا فطوركم
و الف مبروك عليك الباك
اي اختي رانا نشوفو بززاف هدي الظاهرة عندنا بنات جيرانا محبوش يقراو في بومرداس قالك نروحو للبعيد و منقراوش هنا
و بالتعبير الاصح حابين الحرية كي تقرا قريبة لدارهم تبقى ديما الرقابة مي كنت بعيدة تصبح مثل الطير لي خرج من القفص و اخد حريته
و لكن ننصحهك نقوللهم القراية في مكان بعيد راهو كامل ميزيرية ادا كان التخصص لي حابة تقرايه قريب لوين تسكني اقرايه ختاش الاقامات فيهم مشاكل بززاف و بلاك طيحي مع بنات مش ملاح
و بالتوفيق
​

 

[AnGeL*dZ]

فئة قليلة برك اللي تحب تبعد على ولآيتها بآش تدير وش تحب
خاطر تقدر في ولايتها دير لي تحب دونـك هاذي العقلية راحت مع نآس بكري يظهرلي
احنا في ولايتنا مكانتش كاينة جامعة ومبعد دارو فرع جامعي ،ولبنآت عادو يخيروا يقراو هنا على القرب وكاين اللي مايحبوش خاطر قراية عندنا والو ومش مستعرف بيـها
كاين اللي يحب البـعد باش يعرف الدنيا يعتمد على روحو والاقامة كيما فيها سلبيات واللي راهم محصورين على فئة قليلة من الناس فيها ايجابيات ،أنا عـن نفسي مش رايحة نقرا في ولايتي لأنو مكاش اختصاصات علميـة ونحب نروح العآصـمة لثما لقراية تاع الصـح وهذا أكيـد بتأييد من والدي وخويا
​

 

[aminatizi]

wlh meme ana 7ert fi hadou eli y7abou yba3do 3la dyrhoum!! ana jamai soufrit fi 7yati kima had l3am pcq allah ghaleb makach la medecine fi bouira w oblg yeba3touna ltizi, l'estl wlh mahi 7yat ki 1 yba3ed 3la darhoum w rabi m3ak nchlh khti

 

[**** بنت أبوها ***]

انا تحصلت على الباك هذا العام سوا قريت في الولاية تاعي و لالا
راح ندخل للاقامة الجامعية
و حبيت نقرى خارج الولاية لانو تخصصاتها مش ملاح
و تقرى في باطل امبعد تقعد في الدار

​

 

[FØùfà Bïô]

وراك علابالك علاه يخرجو

ربي يهديهم ان شآء الله :down: حاشآ جمآيع نتآع القرايه
​

السلآم عليكم ،،
وعليكم السلام
أختي جزآيرية أنتِ نظرتي للموضوع بنظرة وحدة .. فقط ,
الحمد لله مآم أنآ السنة ديت البآكـ للأسف التخصصآت لمليحة كآمل
مآكآنش في ولآيتي و بمآ أني جبت تقدير جيد جدآ و التخصص لي حآبآتو
مآشو هنآ ، دونكـ تتحتم عليآ نقرى في ولآية خآطي ولآيتي ،،
مي الحمد لله الإقآمة مش رآح نحكمهآ ,
لالا آختي ، أنا حكيت على البنات يلي حابين غير الخرجه مالغري كاين تخصص حابينه في ولايتهم ولا عاجبهم وهم رايحين تخصصات ما فاهمين فيها والو غير علاجال الخرجه


+

عندكـ حق كآين بنآت حآبين يتحررو من أهلهم أكثر و أكثر
و كي يروحو للإقآمآت يلقآو رآحتهم و يديرو رآيهم ،،

و دآئمآ تبقى فئة نظيفة حآبة تروح بآه تقرى لآ أكثر و لآ أقل ..
وللأسف الفئه هاذي يلي قعدت قاعدين يخربوا فيها
ووين رايحه رايحه تنقص

صحآ فطوركم ،
الله يسلمك وربي يوفقك ان شاء الله
و شكرآآ عَ الموضوع ~
​

ahla okhtii
اهلا بيك
felewel mabrook l bac le ness kml
w nchllh medoulkem wch 7abiin
الله يبارك فيك ومبروك انتي ثاني .. الحمدلله مدولي وش حابه


mm ana fewet l bac l3am hada
w be3touni wch 7atiit medeciine
é hmd
mé mch f wilaya nte3ii

be3touna l 23
مبروك اختي الباك و بالتوفيق ليك ^^

malgré kanou ygoulou ra7 yeft7ou medeciine
fi guelma
mé allh ghalééb
w ana 3ndii ki be3tounii 23 5iir psq
endiré fi darna
ne9der 7ata mandirch i9ama kml

كي يولي الهدف نتاعك في مخك و عمرك كامل تطمحي باش تحققيه بيا سير ماشي باش تبطلي علاجاله ماشي في ولايتك


hadii pr moi
mé pr ls filles lo5riine fihem w 3lihem
kayen li kima 9eltii
7abiin yel9ew ghardhem
w kayn li bessif 3lihem ye9raw ltem
w kayn li 3ndhem aghrad o5ra
matalen kayn li 7aba ta9ra
had ta5asos w au mm temps
tebdel , tchoof wch kayn fe denya


w 3al3oumoum kol 1 yejbed l aslou
w tarbeytoo
w koun tkoun bent asl w ma3denha safii
kon tro7 7eta l'etranget mch ghir wilaya 5lef
w koun l3akess 7ata kon te9ra f dar
كاين وكاين
وربي يهدي ويوفق الجميع


7kiit bzff
mrc 7biibtii pr le sujet
​

مرسي ليكم على المرور
نورتوآآ ...
وربي يوفقكم آن شآء الله :-r
Jàzàyriyà
​

 

[FØùfà Bïô]

السلآمـ عليكمـ ،،
وعليكم السلام
أولآ صحآ فطووركـ
الله يسسلمكك
يعطيكـ الصحة خيتي ع الموضوع


الصح نعرف يآسر بنآت دآرو تخصصآت مآهمـ فآهمين فيهآ وآلو على جآل يخرجو من ولآيتهم ربي يهدي هذي لعبآد
آميين ،، والله يطفروها غير في رواحهم

لكن تبقى هذي فئة بركـ مش كآمل لبنآت هآكـ تفكير تآعهمـ
بالنسبة ليآ كنت حآبة نقرآ في ولآيتي لكن وآلديآ حآبيني نقرآ هذ التخصص مكآنش في ولآيتي + حآبة نرجع نقرآ فيهآ ومآ نعرف ربي يجيب لخير *مدللة مآنقدرش نبعد ع الدآر هههه *
وي آذآ كآن التخصص مليح ، و فيه مستقبل مي مكانش في الولايةة

بالنسبة للسيتي كآين وكآين وعلى حسآب عقلية الطفلة اللي تتأثر بهذوكـ الأشكآل ربي يستر بركـ
الـأشكال هاذي عندهم واحد الطريقه يقدرو يوسوسو بيها
نعرف قداه من طفله عندها شخصيه رزينه وتحكم في روحها مي يبدلولها العقليه :s

واللي مقتنعة بروحهآ وعآرفة وعلآه جآت غير على جآل لقرآيآ مكآن حتى وآحد يقدر يهزهآ

وي ، آن شآء الله البنات كامل يكونوا بهاذي العقليه

ميرسي حنونة على الميضوع وربي يجيب لخير
​

اصلك هو اصلكي

:regards01:

طبعا الـأصل هو يلي يحدد كل شي

صحا رمضانكم
صحا فطوركم
و الف مبروك عليك الباك
الله يسسلمكك ،، ويبآرك فيكك
اي اختي رانا نشوفو بززاف هدي الظاهرة عندنا بنات جيرانا محبوش يقراو في بومرداس قالك نروحو للبعيد و منقراوش هنا
و بالتعبير الاصح حابين الحرية كي تقرا قريبة لدارهم تبقى ديما الرقابة مي كنت بعيدة تصبح مثل الطير لي خرج من القفص و اخد حريته
و لكن ننصحهك نقوللهم القراية في مكان بعيد راهو كامل ميزيرية ادا كان التخصص لي حابة تقرايه قريب لوين تسكني اقرايه ختاش الاقامات فيهم مشاكل بززاف و بلاك طيحي مع بنات مش ملاح
و بالتوفيق
هآذي هي النوعيه يلي نتكلم عليهآ ..
ربي يهديهم وان شاء الله يتلاقو ببنات الحلال في الـآقآمه
​

فئة قليلة برك اللي تحب تبعد على ولآيتها بآش تدير وش تحب
خاطر تقدر في ولايتها دير لي تحب دونـك هاذي العقلية راحت مع نآس بكري يظهرلي

وي ،، للأسسف ​

احنا في ولايتنا مكانتش كاينة جامعة ومبعد دارو فرع جامعي ،ولبنآت عادو يخيروا يقراو هنا على القرب وكاين اللي مايحبوش خاطر قراية عندنا والو ومش مستعرف بيـها
كاين اللي يحب البـعد باش يعرف الدنيا يعتمد على روحو والاقامة كيما فيها سلبيات واللي راهم محصورين على فئة قليلة من الناس فيها ايجابيات ،أنا عـن نفسي مش رايحة نقرا في ولايتي لأنو مكاش اختصاصات علميـة ونحب نروح العآصـمة لثما لقراية تاع الصـح وهذا أكيـد بتأييد من والدي وخويا

وآكيد يلي حآب حاجه في راسو يديرها ماشي بآه يتأثر بوين يقرا الفايده في الحلم تاعه :up:​

​

مرسي على المرور
نورتوآآ
وبالتوفيق
Jàzàyriyà
​

 

[FØùfà Bïô]

wlh meme ana 7ert fi hadou eli y7abou yba3do 3la dyrhoum!! ana jamai soufrit fi 7yati kima had l3am pcq allah ghaleb makach la medecine fi bouira w oblg yeba3touna ltizi, l'estl wlh mahi 7yat ki 1 yba3ed 3la darhoum w rabi m3ak nchlh khti
حلمك ولازم تحققيه
ربي يوفقكك اختي

انا تحصلت على الباك هذا العام سوا قريت في الولاية تاعي و لالا
راح ندخل للاقامة الجامعية
مبرووك عليك اختي
و حبيت نقرى خارج الولاية لانو تخصصاتها مش ملاح
و تقرى في باطل امبعد تقعد في الدار
انتي باش تسوفري سوا في الولايه تاعك ولالا اقري حاجه مليحه وخلاص

​

ربي يوفقكم ان شاء الله
وتقراو واش حابين
Jàzàyriyà
​

 

[fufa22]

عندها 3 سنين
دير رايها من بعد يتغلق عليها كلش تقولك ندير رايي 3 سنين بعيد على الدار
________
​