نـــــــشــالله تفـهموني نـــتووما

[N@riM@N]

سلام عليكم خاوتي انا اول خطره
نكتب في هاد القسم ونفتحلكم قلبي

المهم صراتلي عقسه قبل رمضان منيش حابه نحكي عليها بالتفصيل خلاصتها انو تظلمت بـــزاف من شخص متقوقعتهاش منو جامي ومكانش عندي حق الرد في هديك لمومون باسكو كنت مشوكيا ومزلت مشوكيا
الوغ فات عليا رمضان الله لايشوفكم كيما قاتلي ماما راكي غير جسم يمشي قمة عقلي مكانش لاصق فيا
كنت نسي في روحي بصلاه ولقضيه فدار ..........
حكيت لماما لعفسه قاتلي انساي مهيش حاجه سي فري ريحتني شويا مي
قاعده تحرق في قلبي حابه نرجع حقي ونرد ونرجع لجاست كيما صراتلي بصح قلبي ماطوعنيش
شحال دعيت باه ربي ينسيني ويفورماتيلي عقلي بسكو فغيمون قاستني بزاف وعياتني وكان منلقاش حل رايحه نزيد نتقاس كثر ولي غاضتني ناس لي كنت دايرتهم حبابتي وكثر من خاوتي تخلاو عليا فلوقت لي كنت محتاجتهم فيه................
خاوتي والله راني نكتب ومعلاباليش واش كاين لفوق راهي غايضتني روحي ونبكي ليل ونهار ع زهري لمحتار ​

نـــــــشــالله تفـهموني نـــتووما وحسبي الله ونعم الوكيل

 

[sahiko hamza]

ياو راكي فالدنيا واكي تتعلمي من هاليجاست ....
​

 

[قَطٌر❀ الٌنَـدَى]

يا اختى علاه عليك قع هذا الشي شوفي اختى جامي ديري علي الناس دخلى من جيهة وخرجي من جيهة صدقيني اذا بقيتي غير تعسي في الناس وش دارولك ولا واش هدرو عليك مراحاش تعيشي هانية ومديريش بزافـ لامان في الصحبة باسكو راها قليلة بزاف من ذاك تلقاي صديقة صح
و كاين ربي هذاك فى واش تشدي باسكو ربي ميضيعش توكلي عليه وخليها عليه
​

 

[ذكريات الموت]

حسبي الله و نعم الوكيل
قوليها اقتنعي بها اجعليها سلاحك و سترين النتيجة كما تريدين وأكثر​

 

[Çrázý ßût Ñôt Èásÿ]

ya khti ana nqoulk haja diri f balk bli klam nas mayhamch kima qalou bakri

لا تكبر الشان لي ما عندو قيمة يحسب روحو فلان و هو غير بهيمة شربنا في البير كي كان فيه الماء الزين اما كي كترو فيه اليدين خليناه غير لغسيل الرجلين

w mabqach doka sahba lyoum tkoun m3ak w ghadwa trooh

w ana j ponse had w la hadi l darlak had l jest maystahlch taz3fi psk idh kan yhabak w la thabak maydirlkch haja taz3fak w la tqisak ana hada houwa rayi​

 

[kiko ikoo]

و عليكم السلام
اختي
انا نقلك لوكان ماتخلفيش الضربة و جاست الى داروهولك ما شكيتش انت طولى ما تخليهاش في قلبك اختي ماشى مليح انا وحدة من ناس نرد فى الوجه و منقدرش نصبر كيما انت كامل هادي المدة و مازلك تخمي واش ديرى راكي بطيتى بزاف ماشى مليح ل صحتك
(يقولون اني تغيرت .... ابدا لم اتغير .. لكتني اعامل الناس بقانون عامل كما تعامل )
​

 

[منايا الجنة]

رأي من رأي الاخت ذكريات الموت
يجي نهار وتنسايها وشوفي بلي مرضتي روحك غير ف حاجة تافة يا اختي ماتكسريش راسك بيهم

 

[aminatizi]

slm matkonich jay7a w adiri fi ro7ek hakda 3la jal lghachi deja 3la 7ssab achoufa raki metfahma m3a mamak dnc 1 mayhemek ferghi galbek liha w lou7i koulech morak hada makan w rabi m3ak khti 7atta ana mandir cnfnce f 7atta 1 surtt lebnat eli kanou la3binha s7abati wekli rabi 2la koul 1 dalmek wella 9assek bkelma wella fi3l RABI M3AK

 

[نسمة ~]

وكلي ربي حبيبة

وماتعامليش بالمثل رح يجي نهار والايام دور

وحقك يجي لعندك

استغفري كل ماتتفكري وربي ان شاء الله مش رح ينسآك

الله يهدينا برك

 

[الزهرة الحمراء]

سلام ختي قالك اذا من عندي وعندك تنطبع واذا غير من عندي تنقطع
انا نقولك وكلي ربي فيهم وماديري حتى حاجة في بالك وربي هو لي يجيبلك حقك ودعوة المظلوم مستجابة ​

 

[الزهرة الوحيدة]

يا اختى علاه عليك قع هذا الشي شوفي اختى جامي ديري علي الناس دخلى من جيهة وخرجي من جيهة صدقيني اذا بقيتي غير تعسي في الناس وش دارولك ولا واش هدرو عليك مراحاش تعيشي هانية ومديريش بزافـ لامان في الصحبة باسكو راها قليلة بزاف من ذاك تلقاي صديقة صح
و كاين ربي هذاك فى واش تشدي باسكو ربي ميضيعش توكلي عليه وخليها عليه
​

خليها على ربي اختي

 

[كافيري]

السلام عليكم
يا ختي والله يا كون تبقاي تخمي كيفاه ترديهالو
والله ماعادت تفرى غير تعبي روحك وتمرضي
كان عاد هو مش ناس ملاح منهبطش روحي
للمستوى نتاعو ونعود كيفو راكي تخرجي فيه
بنيتك غير ماتخافيش راه عاد ربي يخلص وعينك
تشوف وكلي ربي وعيشي حياتك بلا ماتخمي فيه
ولافي الانتقام راكي غير تضري روحك
ربي يفرج عليك ويعطيك على قد نيتك.
​

 

[la_safa]

السلآم عليكم ،،

شوفي ختي أنآ حآسة بيكـ ، دي فوآ تصرآلك عفسة تبقى تحرق في قلبكـ
و مآتلقي كيفآه تردي بصح أنآ نعطيكـ الحل وكلي عليهم ربي و بركـ .
والله يآ ختي - حسبي الله و نعم الوكيل - رآح تقضيلك حآجتك و كثر ،،

و ديمآ تبقى الحرقآت هآذي نتعلمو منهآ في حيآتنآ ~

و ربي يهنيكـ يآ ربي ،،


​

 

[asma2090]

يا بنتي لو كان طاوعي روحك تموتي وانتي مزالكي عايشة لباس عليك اخطيك ماشي راني نهدر برك انا ثاني واش صرالي ومزال يصرالي وعايش ونحاول نتعايش مع قاع الناس لازمك تكوني قاوي حنونة وارمي عليك الماء​

 

[youyoumaya]

اختي الكريمة انا اول حاجة نقلهالك هي ربي يفرج همك عن قريب نشاء الله و يسر خاطرك
كلام الناس مايوفاش حبيبتي و انا حسيت بيك و ربي الي يعلم
هو اي انسان فينا عقلو ما يتحملش انو واحد من العزاز علينا يعملو اي لقطة مش باهية انا نقلك ربي يسامح و يهدي الي كان السبب باه تسيل دموعك على خدك
انا تمنيت نعرف حكايتك كاملا مي الله غالب هذه خصوصياتك و مانجمش نحتم عليك باه تحكيلي اما كوني اكيدة كيما تكوني محتاجة لصديقة انا رني هنا في اي وقت اختي العزيزة

 

[Ĉoĕǔŕ Dề Ḟľeuŗ]

شوفي ياختي والله غير راني حاسة بيك وصح تبكي وتغيضك عمرك
ديما جيك الضربة من اعز الناس على قلبك
مي ماتنتقمي ما والو وكلي ربي وهو يجيبلك حقك
والدنيا دوارة مادامك مخصرتيش يجي نهار وين يبان حقك و يندم على فعلتو حمدي ربي

و خلي سلاحك حسبي الله ونعم الوكيل
وربي يفرجها عليك وعلينا ان شاء الله وربي يهدينا وان شاء الله ربي يعطينا على حساب نيتنا
سلام

 

[meriam tlm]

ختي مالقري ماعلابايش واش من عفسة صراتلك باه نساعدك اكتر
لكن نقولك ماديري حتى حاجة في بالك مهما كانت هد العفسة كبيرة وقاستك بزاف
هدي دنيا وماشي دايمة وكي تبقى تعمل في راسك هكدا ماطفريها غير في راسك وفي صحتك وشوفي هدو اللي دارولك هد لعفسة يلا يدومولك
اكيد لالالالالا
المهم ديري ربي في قلبك وكبري ايمانك وما تلقي غير صحتك في زمانك
مايدوملك حتى واحد ولا وحدة
ربي يفرج عليك ودايما شوفي اللي تحتك ماتشوفش اللي فوقك وهكدا تريحي
ورينا لهنا اللي في قلبك فرغيه مالقري القلوم معمرة لكن نسمعوا لخاوتنا ولبعضن البعض ونساندو بعضنا

 

[هبة نور]

رد: نـــــــشــالله تفـهموني نـــتووما

حسبي الله ونعم الوكيل
او متنسايش ربي هو يجبلك حقك منهم

 

[حورية الجزائر]

رد: نـــــــشــالله تفـهموني نـــتووما

مادام راكي مظلومة مشي ظالمة مالا ارقدي و بالك هاني

لأنو نكونو مظلومين احسن واريح نكونو ظالمين

صح تغيظك لما يغلطو فحقك لكن تأكدي مادامكي صح ومظلمتي حتى واحد رح يرجعو ليك كاش نهار ويطلبو السماح وانتي فهاداك الوقت وحدك عندك قرار تسامحي و لا لا


مالا كوني هاني كملي حياتك

والوقت يجيب النسيان والحمد لله هادي نعمة من ربي باش نكملو حياتنا رغم الظروف الي نتعرضولها


ربي يجيبلك الهناء اختي​