مـــــآذآ ستطبخين آآنـــستي سيـــدتي شاركـــيـــنآ --الجزء 33--

[كوثر الوهرانية]

رد: مـــــآذآ ستطبخين آآنـــستي سيـــدتي شاركـــيـــنآ --الجزء 33--

مساء الخيرات
دخلت مع الخبر الزين اللي فرحني نتاع الصح
الف الف مبروك ما زاد عندك اختي عفاف يتربي في عزكم ان شاء الله و يكون م الدرية الصالحة الله يشافيك و يعافيك و يقومك بالسلامة تهاني الحارة لكي

 

[nour inasse]

رد: مـــــآذآ ستطبخين آآنـــستي سيـــدتي شاركـــيـــنآ --الجزء 33--

راكم قتلتونا بالطماطم دياولكم
رغود راكي مزهية الكوزينة باطباقك الجميلة انت يا جميل انت
نور ايناس اطباق تشهي يعطيك الصحة وتسلم ايدك
ياريت تحطينا طريقتك في سفنج راهو ينطق شهيتيني فيه
[COLOR
اختي هذوك دونت بالعجينة السحرية نتاع ام اماني تفضلي
2 كاس فرينة(كاس نتاع 250مل)
ملعقة كبيرةمملؤة جيدا خميرة الخبز
م ك سكر
3م ك حليب غبرة
ملح ولمي بحوالي 170 مل ماء دافي ممكن اكثر ومبعدا زيدي 30غ زبدة اعجنيها مليح وحطيها في ساشي وخليها تخمر في ساشي ومبعدا سرحيها وقطعيها وحطيها فوق ساشي نيلون مرشوش بالفرينة كيما راني مدايرة باه ماتلصقش كيما تهزيه وخليها تخمر مليييييييييييح مليح ومبعدا اقليها وارمي عليها الزيت وهي طيب نشفيها من الزيت وزيني كيما تحبي بالشوكولا
اما الاخرى هي فريكاسي وصفة تونسية
تقريبا 1 كلغ فرينة ملح+ 1م كبيرة خميرة +و1 م كببيرة سكر +3 م كبار لحظة+ بيضة ولمي بالماء ونفس الخطوات الأخرى خليها تخمر المرة الأولى في ساشي ومبعدا قطعيها وخليها تخمر ملييييييييح واقليها
الحشو كيما تحبي وحسب الموجود

 

[nour inasse]

رد: مـــــآذآ ستطبخين آآنـــستي سيـــدتي شاركـــيـــنآ --الجزء 33--

مبرووووووووووووك ربي يجعلو ولد بار للوالديه انشاء الله ويتربى في عزكم

 

[ام فيروزا]

رد: مـــــآذآ ستطبخين آآنـــستي سيـــدتي شاركـــيـــنآ --الجزء 33--

 

[ام فيروزا]

رد: مـــــآذآ ستطبخين آآنـــستي سيـــدتي شاركـــيـــنآ --الجزء 33--

 

[ام خديجة1]

رد: مـــــآذآ ستطبخين آآنـــستي سيـــدتي شاركـــيـــنآ --الجزء 33--

طيابكم يشهي بصحتكم
عملت مطلوع فرينة وشربة مرمز للفطور

 

[ام خديجة1]

رد: مـــــآذآ ستطبخين آآنـــستي سيـــدتي شاركـــيـــنآ --الجزء 33--

ام فيروزا اختي طيابك يشهي جوعتيني وانا شبعانة
محاجبك يشهو بصحتكم

 

[ام فيروزا]

رد: مـــــآذآ ستطبخين آآنـــستي سيـــدتي شاركـــيـــنآ --الجزء 33--

مساكم بلخير
مرسي ام خديجة
الف مبروووووووووووووووووووووووك روعة ويتربى في عزك ودلالك
يسلم يديكم

 

[oumsif]

رد: مـــــآذآ ستطبخين آآنـــستي سيـــدتي شاركـــيـــنآ --الجزء 33--

صباحكم بالخير لبنات و صح غداكم
ام فيروز محاجب تشهي يعطيك الصحة
رغود راني طمطت الحالة ما دخلتش بكري من المرشي دخلت للكوزينة درت فيها طَمَاطِم بالبيض في الفور هاهي

 

[بنت عروس الزيبان]

رد: مـــــآذآ ستطبخين آآنـــستي سيـــدتي شاركـــيـــنآ --الجزء 33--

سلام لمويات حبيباااااااااات قلبي

صحا غدا الجمييييييييييييييع ويعطيكم الصحة كاااامل بدون استثناء كلللشي على تاويلو ويفتح النفس يمي يمي ... ماشاء الله تيارك الله عليكنّ // نورمالمون جمجمتكم كااامل من صمصوم ألبي يا ألبي هههه:$
==
أول حاجة نبداو نباركوا لروعتي على المولود الجديد يتربى في عز والديه ان شاء الله .. وربي يكبروا في طاعتوا ويحفظو ويفرحكم بيه وعقبال الحوامل اللّي في السكّة :p:d.. ربي يعطيكم وقفة ساهلة ان شاء الله..
==
فوفتي وقطيطتي المسبيلية تسلمي من كل سوء وشكراااا على الديدكاس هنا قريتها البارح وبايتة قاعدة :-r.. ربي يخليك ليا ومايحرمنيش منك .. ديما متفكرتني وماتنساينيش نتي وابتيسو الحبيبة ..ينساكم الهم ان شاء الله وانا نقولكم ياو نموووووووووووووووت عليكم والمنتدى بلا بيكم ما يحلاش :$
==
وهذو تصيويرات خطفتهم من البورطابل في خاطر الخواطر والناس القرعاجة .. برّدوا قلوبكم كلما نلقا فرصة نصوّر ونحط بربي ان شاء الله .. وخص نص جارتي إيمانو حابة تشوف الطباسا .. هيّا شلّي عويناتك خخخخخ:p

تفضلوا تحاسبكم ههه الباطوط حار وحامض يستاهل فم المديرة نتاعنا حبيبة القلب وتوأم الروح ابتيسو .. إن شاء الله تجينا وتذوقيه بلسانك .. كي اليوم ان شاء الله:$

==
وهذا طاجين الدجاج الملبّس اممممممممممممم

المهم وفّيت بوعدي .. اليوم تصبّ النوّ بالحجر هههههههههههههههه:-o

وينك يا شرفو ضرك راهي الحياة نادات شوية خخخخخخخ يعقوبة للونتي العسولة تنحي الغمة وتحطلنا كاش تصويرة .. شحححححححححححح خلاص خليتك وحداني يا ليل وحداني أهئ أهئ:yahoo01: // نقصر معاك لونتي الرشيقة:love01:
==
شريكتي أين اختفيتي وينهم أطباقك وكلامك المعسوووووووول:cray02:
==
ام فيروزا يالا صحوبتي شدّي الهمّة وتعودي موف باه نتراسلوا ولا واش
==
ونعمة دايمة على الجمييع وربي يحفظها من الزوال
والغايبات الحاضرات في قلوبنا ربي يرجعهم على خير وعافية..
:regards01::love01:

​

 

[oumsif]

رد: مـــــآذآ ستطبخين آآنـــستي سيـــدتي شاركـــيـــنآ --الجزء 33--

بنت عروس الزيبان واخيرا شفنا اطباقك طلوا اعلينا كي الهلال تسلم ايدك اختي

 

[nada242008]

رد: مـــــآذآ ستطبخين آآنـــستي سيـــدتي شاركـــيـــنآ --الجزء 33--

السلام عليكم
مساء الخيرات والمسرات على احلى فحلات .. فحلات اللمة ربي يحفظكم ويبعد عليكم العين اللي مرة على مرة تخبطنا وتحكمنا واحد الرقدة نعودو كي اهل الكهف يا لطيف اللطف :d
انا كنت غايبة سامحوني كنت في بسكرة وجيت لقيت الدار الله لا يشوف مومن ههه غبابير والدنيا مخربطة وزيد مع قراية ندى والماستار تاع رائد هههه كيما قلت لحدة :p المهم اخر الغيابات مانزيدش نعاود :$ توبة توبة :-h
نسلم على حباباتي كامل خص نص لي ما ينساونيش الاصيلات لي ما ينساوش العيش والملح :d سمرمر وحدود ورغود وابتيسو العزيزة وعفعف الكبيدة كيما تقول ندوشة بنتي بلا ماننسى نبارك لحبوبتي روعة مع اني حكيت معاها الصباح وتمنيت نزورها لكن ماكتبش ربي وروحت لدارها قبل ما نروح نطل عليها ان شاء الله تكتب الخطوة ونتلاقاو ..باتت في كلينيك لاصقة في داري وانا لا خبر :-o ربي يخليلها ناصر ويفرحها بيه ويكون من الصالحين يا رب
سميناه ناصر قبل ما يجي هههه تنبؤات خيرة ربي يستر منها ههههههههههههه ياو طلي توحشناك ماكرهتيش من الزيارة يا مرا احشمي على روحك ولا فرطتي فينا ادخلي باركي برك نعرفك مولات واجب :d
هذو طياباتي من نهار العوعو ههههههه قصدي العدسون

 

[ام فيروزا]

رد: مـــــآذآ ستطبخين آآنـــستي سيـــدتي شاركـــيـــنآ --الجزء 33--

زهيتيها يا عروس الزيبان
اهلا يا كوثر هذي غيبة

 

[بنت عروس الزيبان]

رد: مـــــآذآ ستطبخين آآنـــستي سيـــدتي شاركـــيـــنآ --الجزء 33--

بنت عروس الزيبان واخيرا شفنا اطباقك طلوا اعلينا كي الهلال تسلم ايدك اختي

خخخخخ المهم شفتوهم :-o
ربي يسلمك ويسلم إيمانك سمورة الحبيبة.. ربي يفرحك بسيفو:$
وبصحتك واش طيبتي وحطّيتي غااااليتي
:regards01:
​

 

[حاملـة المسك]

رد: مـــــآذآ ستطبخين آآنـــستي سيـــدتي شاركـــيـــنآ --الجزء 33--

السلام عليكم

صحيتو لبنات

روعة بزيان السعد و بهى الدار ناصر الله يجعلو رضى لوالديه
و نصرة للاسلام
طبقين حلوتي :mo:..بطوط مطمطم مبارك علينا..بردتي قلوب القرعاجين
و هداك البطوطة كلات منو لالة ..؟ههههه
ميرسي بوكو بوكو

الغدا صورتو ..و التنزيل يفرج ربي.
​

 

[ام فيروزا]

رد: مـــــآذآ ستطبخين آآنـــستي سيـــدتي شاركـــيـــنآ --الجزء 33--

مرحبا ندوش كنت في بسكرة هنا و مقلتيش راني شفت رائد و بستو ملا بوسيهولي الزيون

 

[حاملـة المسك]

رد: مـــــآذآ ستطبخين آآنـــستي سيـــدتي شاركـــيـــنآ --الجزء 33--

مكرة فيا حطيتي ام ندى
تبارك الله عليك
و الله لا يحيرك كما حيرتيني
ايامات و نا حايرة وشنو هادي عوعو.. عاشت الاسامي :regards01:​

 

[بنت عروس الزيبان]

رد: مـــــآذآ ستطبخين آآنـــستي سيـــدتي شاركـــيـــنآ --الجزء 33--

زهيتيها يا عروس الزيبان
اهلا يا كوثر هذي غيبة

تسلمي صحوبتي ام فيروزا ..عيونك الزينين يا بنت بلادي الفحلولة ^^
الله يزهّي أيامكم وأيامنا كاااامل يااارب
// هيا كثري الهدرة باه ...................:p
==
رغودتي العزيزة خخخخخ بلا ماتقوليها راهي كلات منو راهي حاجة ماتخفى عليك ماكانش الدرقة معاك أطونسيون تعدييييل:-r.. وبصحتك واش طيبتي حبيبتي .. مطرح مايسري يمري ..مش المهم تحطي أنا حطيت في بلاصتك خلاص دنا ونتي واحد مش 2:regards01:
==
أم ندوش دخلة فوووور ربي يبارك ويزيد .. كلللشي يهبلللل ماشاء الله على هذوك اليدين .. سخفتينا ..يسلمو الأيدي الشاطرة والكروش المعمّرة خخخخخخخخخخخ:d ياو عاند ولا تحاسد عشانا شوارما إن شاء الله :p
بصح ختيتو أطباقي المتحوفة احم احم جاوك على عينك العورة
//نتمسخر برك جاميتيني بزايد عليا يا شيف اللمة:regards01:
​

 

[oumsif]

رد: مـــــآذآ ستطبخين آآنـــستي سيـــدتي شاركـــيـــنآ --الجزء 33--

حبيبتي ام ندوش ان شاء الله تكون اخر الغيابات هاهو الخير طل اعلينا الله يبارك توحشنا اطباقك تسلم ايدك ان شاء الله تلحقهم الكل في دفارك راهم مخبيين مع الضياف والله غير توحشناهم

 

[روز]

رد: مـــــآذآ ستطبخين آآنـــستي سيـــدتي شاركـــيـــنآ --الجزء 33--

مساء الخيرات
ماشاءلله عليكم تسلم أياديكم
مبروك لروعة فرحتلها بزاف لي تقدر تعطيني رقمها باش نعيطلها ان شاءلله
عودة ميمونة ام ندوش
عروس الزبيان اول مرة نتعرف عليها في الطبخ ولا كاش وحدة قديمة بدلت المعرف نتاعها ؟
خيرة توحشتها ،، يامرا احشمي ادخلي في خاطر العيش الملح لي كليناه
ولا نقلك ادخلي ونجاوبك على هداك السؤال لي حيرك داك الوقت

بسومة ورغودة وعفوفة وشروفة وسمورة وكل وحدة على وزن فعولة تحياتي ليها

رغودة طمطمت الجميع كنت باش نشارك وأفكاري واجدة لكن من التعب راني هلكانة ماريحتش قع..
ادا قدرت نشارك واذا لا وعد لرغودة حبيبتي ونور عيني نعملهالها موضوع مستقل حتى لو خلصت المسابقة
مانحبش نردها خلاص..
تحياتي