عذابي كبير ومرانيش حاملاته

[AMMOUNA IMEN]

رد: عذابي كبير ومرانيش حاملاته

حنونة حاسة كأنو هدا مش حب مجرد ولف برك ويقولك الولف كيف ساهل ولفراق ماقدرت عنو
كاين فرق بين الولف والحب هادي اول حاجة
ثانيا هاد الانسان الله اعلم بظروفو واسك راهو صادق بلي مايعرفكش او لا مي فهمت حاجة وحدة انو شايفك انسانة متفهمة يفضفضلها وقت ضيقو وخلاص ماراهش شايفك حبيبتو ام اولادو ولو عارضتيني وقلتي لا راهي يحبني وقالي وقالي انا نقولك داك مجرد كلام معسل لانو اللي يحب صح تصرفاتو تعكس المصداقية اللي يحبك صح مايقبلش لروحو يأذيك مايقبلش يخليك تتعلقي بيه وهو عارف روحو ماشي ليك ما يقبلش عليك تبكي وتتحيري عليه وهو مهني لاباس بيه
عزيزتي لامان في دا الوقت صعيب ماتتغريش بلكلام لمعسل مايغركش الاهتمام والرزانة والهدرة لمرتبة حتى تعاشريه لانو كي يكون بعيد عليك يرتب كلامو وقادر يهدر هدرة والملامح ف الواقع تعكس هدرة اخرى
والقصة بدات غلطة مي ماحاباتكش تكملي ف الغلطة وتروح حياتك غلطات لانو اسمحيلي نظن راه حاب يختم القصة معاك والنهاية اللي اختارها فكرتها كانت صبيانية بزاف
ماتعيطيلو ماوالو راهي جاتك الفرصة حتى لعندك ادا صح راكي حابة تصححي الغلطة
وماتقوليش والفتو صعيب ننساه ماكاش منها قاع شوية ارادة وتوكلي على ربي نوعدك تنسايه وترتاحي وتولي كيما كنت وبالاك احسن
بينك وبين نفسك لوكان تخممي مليح تلقاي روحك ماجنيتي والو من هاد العلاقة يفيدك في حياتك ضاع برك وقتك ف التيليفون وتخماماك ولى غير فيه ودرك مقهورة وحزينة تظن كي تفكري برك ف هادو تمحيه من ذاكرتك
الحب يا لعزيزة رحمة ومودة واحسان وصدقيني اجمل واروع حب راح تعيشيه برك مع اللي شافك شريكة عمرو وجا من الباب قادرك وقادر والديك وداك معززة مكرمة
خممي مليح واستيقظي من حالة الحزن وجددي عهدك بالله وتوكلي عليه ويقولك من ترك شيئا لوجه الله عوضه الله بخير منه
وربي يبعتلك نصيبك اللي يستهلك صح وتستهليه وادا صح حبيتي هادا حبسي هاد العلاقة وتوجهي لربي وادعيه يجمعكم في الحلال ادا كان فيه الخير ليك ف الدنيا والاخرة
وربي يوفقك حبيبتي​

و الله غي مخليتيلي ما نهدر أختي كلامك صحيح انتي وكامل لأخوات لي كتبولي
و أنا راح نعمل بنصيحة
شكراااا جزيلا لمرورك :regards01:

 

[نور الجنة 29]

رد: عذابي كبير ومرانيش حاملاته

يخطبك وتتهني
مشكورة ختيتوو
​

 

[مسلمة فخورة بجلبابها]

رد: عذابي كبير ومرانيش حاملاته

اممممممم اختي انت فكري بالطريقة الاجابية بلاك راه مشغول ولا كاش حاجة هكا مي نقولك حاجة اني حاسة بيك الحب والتعلق يجي وحدووو منقدروش كا نتحملو الفراق ....شوفي هيا صح من المرة الاولى غلطتي كون كوبيتي ولا ثاني كون حبيتيه والفتيه بعفلك ماشي قلبك علاش كشما بقى ضركا الحب نتاع القلب لازم تتغداي بالحب والولف قبل ما يتعشى بيك نصيحة من عندي ليك متحبي من قلبك غير حلالك هدا مكان حتى وخطبك حبيه بعقلك وثاني حاجة متقوليش مرانيش راح ننساه قولي نقدر ننساه باسكو انت تقولي نموت بلا بيه ومنعرف واش ماشي قادرة ننساه بيناتنا انت متي من بعدو ولا كشما سرالك انت هيا الوحيدة التي تقدر تنساه وتقدري تتحكمي في روحك علابالي الايام الاولى يجيك كلشي صعيب مي من بعد تقدري وديري الكوراج برك وكملي قرايتك وان شاء الله تنسااي مديري في بالك والو علابالي الحب صعيب والفراق اصعب المهم حنونتي ربي يكون في عونك وان شاء الله تتغلبي على هدي الازمة والا زاد عيطلك قولو اروااح تقدم واخطبني على خاطر والله راني حااسة بلي نخون في والديا وبلي ندير في حاجة خاالطة هكا باه تكبري في عيونو :-r

 

[AMMOUNA IMEN]

رد: عذابي كبير ومرانيش حاملاته

يخطبك وتتهني
مشكورة ختيتوو
​

انشاء الله
شكرا ع لمرور أختي :regards01:

 

[وهرانية في بشار]

رد: عذابي كبير ومرانيش حاملاته

يخطبك وتتهني