راني نطيب فالكسرة

[مفخرة الجزائر]

رد: راني نطيب فالكسرة

• راني نحلم كاش نهار نهدر مع وحدة جزايرية تقولي
  راني قريت لكتاب الفلاني
• أنا حاليا نقرا في كتاب استمتع بحياتك للشيخ محمد العريفي
  راني نطيب فالكسرة
• هذي ما نقولهاش هه
  راني نكره تامر حسني
• والله العبد هذا حتى بالزي مانعرفوش مليح بويسك مشني من هواة الغناءوالمسلسلات بصفة عامة
  راني نتفرج في ناسيونال جيوقرافيك
• نحبها القناة اذي
  تناقشني فامور سياسية
• مانحبوش الدومان هذا
  امور اجتماعية وتقافية
• وي نناقشك نورمال في أمور اجتماعية ومام ثقافية في حدود معرفتي طبعا
  تحكي شوية على قرايتها ماشي على الزواج
• قرايتي ثم ثرايتي ثم قرايتي وتوقيعي أصدق تعبير
  نحلم نلقى وحدة ماتخرجش شعرها من تحت الخيمار
• الحمد لله
  تكره الدوران فالزنق وتحب الدار
• ما نحبش الدار بصح راني ديما فيها هه
  وحدا ماتعرفش للطونوبيلات وماتفهم فيهم والود
• أناااااااا ما نفهمش فيهم والو ههه
  وحدة كي تهدر معاك تقولك والله نهار ركبت فالبيس لفلاني وماتلعبهاش بنت الباشا .
• ما نركبش في البيس بكل ماشي خاطر بنت الباشا خاطر مشني في حاجة للبيس باش نتنقل هه
  اخي الإفريقي الا لقيت وحدة فيها صفة من الصفات السابقة
  فتزوجها فورا على خاطر السوق فرغت
  

صحيت على الموضوع خويا وليد ونقولك باللي مزاااااااال يااااسر مالبنات هذو
:regards01:
​

 

[حورية الجزائر]

رد: راني نطيب فالكسرة

حتى حنا لبنات جامي سمعنا واحد يحكي ويقول راني نغرس في شجرة شببابنا شجرة ميعرفوش يغرسوها

ولا واحد ميحبش ميسي ولا رونالدو :-r

واحد يحكي على مشاريع ومخططات لحياتو المستقبلية :$


واحد يمشو فالشارع وحاط راسو خاطيه التعليقات فالطريق​

اختي الافريقية اذا لقيتي واحد فيه هاد الصفات متفرطيش فيه​

منيش ندافع عليهم . عندك الحق في واش قلت هاد الوقت اغلبيتنا نتبع اتفه الأمور


ربي يهدينا​

 

[magique]

رد: راني نطيب فالكسرة

راني قريت لكتاب الفلاني:: نقول راني قريت
راني نطيب فالكسرة:: نقول راني نطيب
راني نكره تامر حسني:: وي نكرهو :tongue02::tongue02:وجامي نسمعلو:down::down:
راني نتفرج في ناسيونال جيوقرافيك ::++ الجزيرة الوثائقية، الرسالة ،، اقرا ....
تناقشني فامور سياسية:: اناقشك فيها ادا تناقشني في امور المطبخ والتنظيف والغسيل!!!:-h:-h
امور اجتماعية وتقافية:: راني هنا ،اناقشك فيها...
تحكي شوية على قرايتها ماشي على الزواج:: توجوغ نحكي غير على القراية :graduation::graduation:مي الزواج؟؟Non
نحلم نلقى وحدة ماتخرجش شعرها من تحت الخيمار:: هادي وحدة مدايرة كاشريدو لوجهها !! :-o:-o مانيش انا بكل تاكيد..!!
تكره الدوران فالزنق وتحب الدار:: الناس البرا حتى ماعلابالهمش بلي دارنا فيها طفلة !! لي هيا انا:$:$...
وحدا ماتعرفش للطونوبيلات وماتفهم فيهم والو :: نعرفAccent،، 208 بويسك كاينين عند عمامي بررررك !!!ههـهههــه
وحدة كي تهدر معاك تقولك والله نهار ركبت فالبيس لفلاني وماتلعبهاش بنت الباشا:: مانيش بنت الباشا!!! :dunno01::dunno01:

زيد وش تحب ياخويا ؟؟ راك ظلمتنا شوي لالا؟؟
طول بالك بنات الفاميليا مزالهم كاينين....
وبالمناسبة... عجبوني معاييرك:up::up: هههههههـــه
تقبل مروري
​

 

[WàLiiD]

رد: راني نطيب فالكسرة

حتى حنا لبنات جامي سمعنا واحد يحكي ويقول راني نغرس في شجرة شببابنا شجرة ميعرفوش يغرسوها


ولا واحد ميحبش ميسي ولا رونالدو :-r

واحد يحكي على مشاريع ومخططات لحياتو المستقبلية :$

واحد يمشو فالشارع وحاط راسو خاطيه التعليقات فالطريق​

​

اختي الافريقية اذا لقيتي واحد فيه هاد الصفات متفرطيش فيه​

​

منيش ندافع عليهم . عندك الحق في واش قلت هاد الوقت اغلبيتنا نتبع اتفه الأمور


ربي يهدينا


​

حتى حنا لبنات جامي سمعنا واحد يحكي ويقول راني نغرس في شجرة شببابنا شجرة ميعرفوش يغرسوها

وي صح كاين لي ميعرفش يغرس شجرة


ولا واحد ميحبش ميسي ولا رونالدو :-r
هادي بدون تعليق
واحد يحكي على مشاريع ومخططات لحياتو المستقبلية :$
فئة قليل وي

واحد يمشو فالشارع وحاط راسو خاطيه التعليقات فالطريق​

هادي اختي راني معاك التعليقات فيها فيها
بصح باينين الفئة لي تعلق
​

اختي الافريقية اذا لقيتي واحد فيه هاد الصفات متفرطيش فيه​

راهم على ريسانهم يطلبو برك :p
​

منيش ندافع عليهم . عندك الحق في واش قلت هاد الوقت اغلبيتنا نتبع اتفه الأمور
من حقكم اختي رانا في نقاش مفتوح

ربي يهدينا

الله آمين

وشكرا على المشاركة
​

 

[WàLiiD]

رد: راني نطيب فالكسرة

راني قريت لكتاب الفلاني:: نقول راني قريت
راني نطيب فالكسرة:: نقول راني نطيب
راني نكره تامر حسني:: وي نكرهو :tongue02::tongue02:وجامي نسمعلو:down::down:
راني نتفرج في ناسيونال جيوقرافيك ::++ الجزيرة الوثائقية، الرسالة ،، اقرا ....
تناقشني فامور سياسية:: اناقشك فيها ادا تناقشني في امور المطبخ والتنظيف والغسيل!!!:-h:-h
امور اجتماعية وتقافية:: راني هنا ،اناقشك فيها...
تحكي شوية على قرايتها ماشي على الزواج:: توجوغ نحكي غير على القراية :graduation::graduation:مي الزواج؟؟Non
نحلم نلقى وحدة ماتخرجش شعرها من تحت الخيمار:: هادي وحدة مدايرة كاشريدو لوجهها !! :-o:-o مانيش انا بكل تاكيد..!!
تكره الدوران فالزنق وتحب الدار:: الناس البرا حتى ماعلابالهمش بلي دارنا فيها طفلة !! لي هيا انا:$:$...
وحدا ماتعرفش للطونوبيلات وماتفهم فيهم والو :: نعرفAccent،، 208 بويسك كاينين عند عمامي بررررك !!!ههـهههــه
وحدة كي تهدر معاك تقولك والله نهار ركبت فالبيس لفلاني وماتلعبهاش بنت الباشا:: مانيش بنت الباشا!!! :dunno01::dunno01:

زيد وش تحب ياخويا ؟؟ راك ظلمتنا شوي لالا؟؟
طول بالك بنات الفاميليا مزالهم كاينين....
وبالمناسبة... عجبوني معاييرك:up::up: هههههههـــه
تقبل مروري
​

هههههههه حابا نجي تقولك تجي نخطب ؟

اني مطول بالي حكيت الواقع برك
يعيشك اختي

شكرا لك
​

 

[WàLiiD]

رد: راني نطيب فالكسرة

صحيت على الموضوع خويا وليد ونقولك باللي مزاااااااال يااااسر مالبنات هذو
:regards01:
​

يسلمك اختي

وي علابالي

حتى احنا مازال كاين

شكرا على المشاركة
​

 

[mahwossat crochet]

رد: راني نطيب فالكسرة

ليس لديا تعليق سوى انك تستاهل تمييز على موضوعك
:regards01:
اخي في الله​

 

[عاصفة الورود]

رد: راني نطيب فالكسرة

السلام عليكم
فالحقيقة جذبني العنوان ,اول مرة نعرف بلي الذراري يطيبو الكسرة :d
لكن تفجأت من بعض الردود
واحد يقول مستحيل و قطع الامل طووول
واحد يقول مواصفات عالمية
فالحقيقة الامور لي ذكرتهم تمثل تفاصيل حياة عدد كبيير من بنات الجزائر
ونتوم مش شايفينهم لانهم
اصلا مش مضطرين يبينو رواحم
لي تقرى كتاب تقراه لروحها يفيدها هي مش باش تفوخ وتزوخ شوفوني راني قريت كتاب
ولي تطيب الكسرة تطيبها لدارهم مش لازم دزاير أكل تعرف بلي فلانة دارت الكسرة
مش رح تجي ليك وتقوللك يااااهو راني هنا الفتاة المثالية

بالمختصر المفيد
كيما قالت اخت هنا كن عليا تكن لك فاطمة

وان شاء الله تلقى لي تتمناها
وادعي ربي متكونش هي ثاني حاطة معايير كيما هاذو في بالها
:up:
سلام
​

 

[sasaz]

رد: راني نطيب فالكسرة

سلام............بصح كي تلقى هاذ النوع نتوما بخد لي راح تقولو راهي معقدة وديرو عليها قصرة وتضحكو عليها قول صح ولالا ........... بكل صراحة وعلى هذاك البنت تبدلت مع اني منيش من نوع البنات هاذو

 

[hadda0425]

رد: راني نطيب فالكسرة

دائما تكتبو مواضيع معلبليش وش الهدف منها
يعني حابين تبينو لبنات كيفاه يفكرو ولا حابين تغيضوهم
كيما قالت الاخت اذا تعرف طيب طيب لروحها واذا تقرا لرصيدها الثقافي
واذا تتفرج ناشيونال جيوغرافي ولا cnn ولا زي افلام كل واحد وش يحب يتفرج مالا ننهرو النسا ما يتفرجوش هههه
انا نتفرج كل شي من ناشيونال جيوغرافي لسبونج بوب هههه
مالا لي تتفرج روتانا سنيما ما تتزوجش هههه
بغض النظر عن شغل المراة وهو مسؤولية البيت من طبيخ وتنظيف والتربية
الصح هي في الاخلاق مش وش طيبي ولا وش تركبي
ولا لي يروح يخطب يقولها لازم عليك هاد لحوايج باه نقبل بيك
اذا نتوما تشوفو لبنات اليوم بهاد الطريقة هما تاني يشوفو فيكم من نفس الزاوية
طلع سروالك ونوض بكري وروح تقضي وخليك من ريال مدريد والبارصا لي عادو شبابنا يتقاتلو على جالهم كاينة منها
واخطيك من الفيس بوك وما تهدرش مع لبنات في البورطابل وكاين وكاين
في الشباب كاين الصالح والطالح
وفي البنات كاين الصالح والطالح
وانا نتمنالكم الخير في كل مجالات الحياة
​

 

[●¦[ الــفـــارس ]¦●]

رد: راني نطيب فالكسرة

راني نحلم كاش نهار نهدر مع وحدة جزايرية تقولي.وي راني معاك

راني قريت لكتاب الفلاني.القران ديما ديما اكيييييد
​

راني نطيب فالكسرة.وهاذي تخطيني ديما لاسقا فيا كي لعجين هههه
راني نكره تامر حسني.اكره مطرب عندي منشتيهش خخخخ
راني نتفرج في ناسيونال جيوقرافيك.غير كي يقعد بابا نديروها باش نسكظو عليه
تناقشني فامور سياسية.ااا هاذي معنديش فيها خلاص
امور اجتماعية وتقافية.اجتماعية وي ثقافية خاطيك
تحكي شوية على قرايتها ماشي على الزواج.ههه وهاذي وين تلقاها
نحلم نلقى وحدة ماتخرجش شعرها من تحت الخيمار.انا ثاني ساخفتها سخفة والله غير عيب
تكره الدوران فالزنق وتحب الدار.قليل غير وحدة كيما انا بيتوتية
وحدا ماتعرفش للطونوبيلات وماتفهم فيهم والو.زيرو
وحدة كي تهدر معاك تقولك والله نهار ركبت فالبيس لفلاني وماتلعبهاش بنت الباشا .:s:s
اخي الإفريقي الا لقيت وحدة فيها صفة من الصفات السابقة

فتزوجها فورا على خاطر السوق فرغتهاذا كان لقيتها وماطاروش بيها

شكرا خويا لعزيز ربي يجيبلك وحدة كيما تتمنى اااامين
​

زعما صح يا رنوش ؟ هههه لوكان مجيتش عارفك مخطوبة كنت نبعث اهلي :d​

 

[●¦[ الــفـــارس ]¦●]

رد: راني نطيب فالكسرة

حوس تلقى خويآ
ههههههههههههههههه حتى حنآ البنآت نديرو طلبآتنآ
لوكآن نلقوو وآحد
ميتكيفش و خاطيه القهاوي ويعرف يشري القضيه نتاع الدار ويقرى الكتب واجتماعي وينوض الصبآح بكري :p
زعمــآ مزآل كآيين الفئه هآذي ولآ آنقرضت :s:d
يعطيك الصحه خويآ

Jàzàyriyà ​

حسبتك تحكي عليا :-r​

 

[●¦[ الــفـــارس ]¦●]

رد: راني نطيب فالكسرة

قريت 3 صفحات من الردود لم القى وحدا قالت نعم انا من هذا النوع ههه غريبة كرة الكسرة
اذن لي حكيت عليهم يا صاحب المووضوع راهم كائنات فضائية اما بناتنا الله الله عليهم​

 

[عفيفة الحبوبة]

رد: راني نطيب فالكسرة

وي اختي ​

في الحقيقة معول وفي نفس الوقت توعية
بارك الله فييييك على الرد والتقييم ​

ربي يهون اخي
ما شاء الله راك خيرت المعايير بحكمة ما عندي ما نقول فيك
بورك فيك ​

 

[اوتار الرووح]

رد: راني نطيب فالكسرة

وحدة كيما هك لازم واحد يستاهلها
ربي يعطيك ما تتمنى خوويا

 

[عفيفة الحبوبة]

رد: راني نطيب فالكسرة

قريت 3 صفحات من الردود لم القى وحدا قالت نعم انا من هذا النوع ههه غريبة كرة الكسرة​

اذن لي حكيت عليهم يا صاحب المووضوع راهم كائنات فضائية اما بناتنا الله الله عليهم ​

:regards01:​

 

[رفـيــ القمر ــقة]

رد: راني نطيب فالكسرة

كاين بنات فيهم صفات كيما هادو و أفضل .. مازالو بنات الحلال

 

[magique]

رد: راني نطيب فالكسرة

هههههههه حابا نجي تقولك تجي نخطب ؟

ههههههههه شكون جاب هاد السيرة؟؟؟

ولالا ماتجيش تخطب !!

مانيش محتاجة اني نقول لواحد ارواح تخطب

ولانمهد باش يجي ثاني

اني مطول بالي حكيت الواقع برك
يعيشك اختي

شكرا لك

الله يسلمك خيوو
مارسي ليك
وحاجة اخرى خويا وليد

::
حبيت شي مرة نلقى واحد مايفهمش بالنقص

هههههههه ادا لقيتيه اختي الافريقية فتزوجيه على الفووور

​

 

[WàLiiD]

رد: راني نطيب فالكسرة

الله يسلمك خيوو
مارسي ليك
وحاجة اخرى خويا وليد

::
حبيت شي مرة نلقى واحد مايفهمش بالنقص

هههههههه ادا لقيتيه اختي الافريقية فتزوجيه على الفووور

​

ههههه ماشي اختي

ميفهمش النقص

الشعب الجزائري كل موسوس مشكيتش كاين العكس هههههه

شكرا مجددا لك اختي

تحياتي
​

 

[Sẻl Mā]

رد: راني نطيب فالكسرة

راني نحلم كاش نهار نهدر مع وحدة جزايرية تقولي : هييه
راني قريت لكتاب الفلاني : وي خويا القرآن
راني نطيب فالكسرة : خاطيني خخ
راني نكره تامر حسني : نكرررهوو منسمعش العرب اصلن فيف سطايفي خخ
راني نتفرج في ناسيونال جيوقرافيك : ساعات نتفرجها مع خويا ;p
تناقشني فامور سياسية : خاطيني تانيك خخ
امور اجتماعية وتقافية : مممم
تحكي شوية على قرايتها ماشي على الزواج : نحكي عليهم في زوج خخخخ
نحلم نلقى وحدة ماتخرجش شعرها من تحت الخيمار :
تكره الدوران فالزنق وتحب الدار : انا نهار كامل ونا ف الدار عكس شي بنات -__-
وحدا ماتعرفش للطونوبيلات وماتفهم فيهم : منفهمش ف الطونوبيلات
وحدة كي تهدر معاك تقولك والله نهار ركبت فالبيس لفلاني وماتلعبهاش بنت الباشا :
اخي الإفريقي الا لقيت وحدة فيها صفة من الصفات السابقة
فتزوجها فورا على خاطر السوق فرغتهاذا كان لقيتها وماطاروش بيها

وفي الاخير ربي يزوجك ب بنت لحلال​