حضري طعامك ... الشتـــاء قــــادم

[samah06]

رد: حضري طعامك ... الشتـــاء قــــادم

يعطيك الصحة يا لحرة
انا راني فتلتها اول ماراح البرد والندا
فتلت مرة 25 كيلو قسمتو ل4 فتلات وكي لميتها زدت 25 اخرى هكاك العام القادم ما نفتلش يعني نفتل عام بعام وخاصة العام القادم راح يكون عندي بيبي في الدار
والسياير تعرفيهم والا مرقمتهم 1و2و3هههههههههه

 

[اوتار الرووح]

رد: حضري طعامك ... الشتـــاء قــــادم

يعطيك الصحة حنونة
انا مشكلتي في السقاط والغربال قعااد...
مالقري يما مسكينة تدرلي محاضرة قبل ما نبدو واش اسمهم
مي اهدري ولا اقعدي

 

[حاملـة المسك]

رد: حضري طعامك ... الشتـــاء قــــادم

ههههههههه مليحة تع رقم واحد يا كابتن خخخخخ
سيايركم درتولهم الرتبة متخرجين من طفراوي ههه
​

:thumb_up02::thumb_up02:​

 

[حاملـة المسك]

رد: حضري طعامك ... الشتـــاء قــــادم

يعطيك الصحة يا لحرة
انا راني فتلتها اول ماراح البرد والندا
فتلت مرة 25 كيلو قسمتو ل4 فتلات وكي لميتها زدت 25 اخرى هكاك العام القادم ما نفتلش يعني نفتل عام بعام وخاصة العام القادم راح يكون عندي بيبي في الدار
والسياير تعرفيهم والا مرقمتهم 1و2و3هههههههههه

ماشاء الله عليك ربي يبارك في صحتك
ربي يكبر قلبك على الحمل .. و يسرلك الايام و الولادة

يعطيك الصحة .. جزيتي كل خير​

 

[حاملـة المسك]

رد: حضري طعامك ... الشتـــاء قــــادم

يعطيك الصحة حنونة
انا مشكلتي في السقاط والغربال قعااد...
مالقري يما مسكينة تدرلي محاضرة قبل ما نبدو واش اسمهم
مي اهدري ولا اقعدي

الغرابل مسميينهم على حساب دور كل واحد فيهم يعني لا جون لا جون فالجون هههه
بك الصغر برك و تقولي ميهمش التسمية .. و عقلك في الدراسة
مي يعطيك الصحة بويسك راكي تفتلي :up:​

 

[prncess fifi]

رد: حضري طعامك ... الشتـــاء قــــادم

يعطيك الصحة رغودة الشاطرة

والله يا انتي فووووووووور بزاف ربي يحفظك من كل شر حبيبتي
مجهودك في ميزان حسانتك ان شاء الله وتستهلي عشر تقييمات ماشي واحد برك​

========
انا رايحة نخدم الرشتة هاد الايامات ونخبي في الكونجيلاتور لانو ماتتباعش عندنا وانا مانصبرش ما ناكلهاش هههههه

 

[شجـ الروح ـون]

رد: حضري طعامك ... الشتـــاء قــــادم

السلام عليكم
الله يبارك عليك رغود
يعطيك الصحةخييتي
راكي فحلة وعليك الكلام
هاد الخدايم نموت عليهم
قلتلهم جيبولي السداية ننسج زربية ماحبوش :-r
احنا عندنا تقريبا مانفتلوش الطعام الخشين خلاص في منطقة الوسط
نفتلو الرقيق للمسفوف
والمتوسط للمناسبات
ومقياس الجودةعندنا الطعام لازم مايكونش خشين هههه
وباش يجي الطعام رقيق وعلى حبة وحدة ماتحليش الكرابع اللي يبقولك فالخراج اللي هو السيار رقم واحد
اللي يطيح الطعام
الرفاد هو السيار اللي يبقي فيه الطعام من الفوق
والغربال هو اللي ننفضوفيه الطعام بعد المحيص
والمحيص عندنا نديروه بالفارينة وان شاء الله بربي راح نجرب بالمايزينة ههه
وبعد ماييبس الطعام ونجيو راحين نخبيوه
نحطة فيه حبيبات فلفل اسود وحجر ملح باش يمتصو الرطوبة
وفلفل احمر يابس
باش مايفسدش ويبقى لاطول وقت ممكن
كينتفكركاش استوس اخرى انينرجع
يعطيك الصحة رغود

​

 

[حاملـة المسك]

رد: حضري طعامك ... الشتـــاء قــــادم

يعطيك الصحة رغودة الشاطرة

والله يا انتي فووووووووور بزاف ربي يحفظك من كل شر حبيبتي
مجهودك في ميزان حسانتك ان شاء الله وتستهلي عشر تقييمات ماشي واحد برك​

========
انا رايحة نخدم الرشتة هاد الايامات ونخبي في الكونجيلاتور لانو ماتتباعش عندنا وانا مانصبرش ما ناكلهاش هههههه

و خدمة الرشتة حسبتيها ساهلة لازملها دراية و خبرة
خطراش كون ما توجدش العجينة على الصح راح تتفتت في الطياب
و لازم تاني تكون محلولة في اصغر رقم

صحيتي شيفتنا فيفي و تبارك الله عليك .. ربي يكون في عونك​

 

[حاملـة المسك]

رد: حضري طعامك ... الشتـــاء قــــادم

السلام عليكم
الله يبارك عليك رغود
يعطيك الصحةخييتي
راكي فحلة وعليك الكلام
هاد الخدايم نموت عليهم
قلتلهم جيبولي السداية ننسج زربية ماحبوش :-r
احنا عندنا تقريبا مانفتلوش الطعام الخشين خلاص في منطقة الوسط
نفتلو الرقيق للمسفوف
والمتوسط للمناسبات
ومقياس الجودةعندنا الطعام لازم مايكونش خشين هههه
وباش يجي الطعام رقيق وعلى حبة وحدة ماتحليش الكرابع اللي يبقولك فالخراج اللي هو السيار رقم واحد
اللي يطيح الطعام
الرفاد هو السيار اللي يبقي فيه الطعام من الفوق
والغربال هو اللي ننفضوفيه الطعام بعد المحيص
والمحيص عندنا نديروه بالفارينة وان شاء الله بربي راح نجرب بالمايزينة :d
وبعد ماييبس الطعام ونجيو راحين نخبيوه
نحطة فيه حبيبات فلفل اسود وحجر ملح باش يمتصو الرطوبة
وفلفل احمر يابس
باش مايفسدش ويبقى لاطول وقت ممكن
كينتفكركاش استوس اخرى انينرجع
يعطيك الصحة رغود

​

حبة حبة شجون الروح نخط العتبة هههههههه

كما قلتي مقياس الجودة لازم يكون حبة حبة
هدا لميسحقش الخشين
و ليسحقو يخرج الكرابع و بعد ما ييبس يولي يترفد .. المسفوف بجيه
المتوسط بجيه و الخشين لراح يتنحي غير كمية قليلة بجيه
يطلعلك مسفوف السكر
طعام المرق
طعام السفة و بومفور

الكرابع كما قلتي نقدرو منحلهمش اذا منسحقوش الخشن
و طريقتنا في حل الكرابع:
تحطيهم في طبق حلفة و ترشي الدقيق و تتحلي عكس عقارب الساعة
و كلما تحتاجي الدقيق تضيفي حتان الكرابع يولو دقيق سبحان الخالق ههه

زيدي كملي نوريني طريقتكم في التعامل مع الكرابع :d

..ونفس الطريقة لدكرتيها نعملوها في حفظ الطعام
و نحطوه في كيس قماش أبيض و كاين لقالو نحتفظو بيه في كيس الدقيق لانو يمرر الهواء

الف شكر على الاضافة الطيبة شجون

في انتظار درس الزربية :up:​

 

[شجـ الروح ـون]

رد: حضري طعامك ... الشتـــاء قــــادم

زيدي كملي نوريني طريقتكم في التعامل مع الكرابع :d


في انتظار درس الزربية :up:​

ربي ينورك عزيزتي
الكرابع حطي بحذاك كسرونة ومع تكربعي لوحي فيها وغطيها بطرف قندورتك :-r
باش ماتقولش عجوزتك انك خايبة
كربعتي الشكارة بكل هههههه
اذا كان السميد يدير ياسر الكرابع
نخرجوهم في سيار القمح
ونرجعو نفتلو بيهم العيش او المردود كيما نسميوه احنا
والا نخرجوهم في الخراج نديروهم طعام خشين
والا تلوحيهم فالما
وتعجنيهم كسرتك هديك العشية :thumb_up02::sport02:
الشكر ليك عالافادة حبيبتي رغود
ربي يرزقك الجنة​

 

[حاملـة المسك]

رد: حضري طعامك ... الشتـــاء قــــادم

هديك لسمينة تخبيهم اما الضعيفة تاكلهم :d العجين يسمن هههههه
دكرتيني في بنات قالولي كنا كنطيبو الكسرة و تتحرقلنا نرموها فوق السطح
على عيون أمنا خخخخخ
أتهلاي في روحك شجون و مايكون العام الجاي و نت مسدية زربية صلاة جهازك ​

 

[nada242008]

رد: حضري طعامك ... الشتـــاء قــــادم

الله الله على القفازة والشطارة حرة بنت حرة تسلم الانامل الذهبية

 

[ام خديجة1]

رد: حضري طعامك ... الشتـــاء قــــادم

الله يبارك اختي راكي كل صبع بصنعة الله يحفظك ويخليلك في صحتك
ما عندي ما نقول حرة بنت حرة