وَآشْ دَخْلـَــكْ ... ؟؟!

[ђ@ĸĭ๓]

السلآم عليكم
تنوض الصبآح في أمآن الله بالصحة تآعك مآبيك مآعليك الشمس لهوى نعمة من عند الله
تلقى وآحد ينظف عند دآرو ويجمع النفآيآت والأوسآخ أكرمكم الله ويرميهم عند الطريق وين النآس تروح
وتجي ووين الدرآري الصغآر يلعبو مآنكذبش عليكم يضرك قلبك وتروح تتكلم معآه وتفهمو بلي البلدية دارتلك
وقت وبلآصة وين ترمي النفايآت تاعك وعلآه تنظف عند بآب دآرك وتأذي جآرك ولبروبلآم بلآ حشمة بلآ حيآء
يقولك وش دخلك..؟؟ معليش لازم تتحكم في أعصآبك خير مآدير كآش موصيبة وتكمل طريقك وتروح بآه تحكم لكار
تركب تلقى الغاشي عايلات نساء ورجال والشيفور معلق بلاكة تاع ممنوع التدخين لي يركب يشوفها حاجا مليحة
مي لبروبلام تلقى واحد مثقف زعمآ والمظهر الله الله مي لعقل فآرغ يشعل قآرو عادي ومآ علآبآلو بحتى وآحد حآجآ بآينآ
قلبك يضرك تتكلم معآه باه تنهيه وتقولو بلي رآك في مكآن عمومي ورآهي لبلآكة معلقة فيهآ ممنوع التدخين وعلآه
المنكر هذآ كآمل وش يقولك مكآن مآدخلك..؟؟ ~ معليش تنزل عند البلدية تقضي شغآلك دير لشآن مع الغآشي
عندك سآعة ونتآ تستنى وقتآش تلحق الدآلة تآعك يجي وآحد من مورآك يقضولو شغآلو في 5 دقآيق ويجي رآيح
ونتآ عينك تشوف تتكلم معآه كيفآه النآس هذو مآعجبوكش ولآ مآشفتهمش ولآ فآرغين شغل بلآحشمة
يرد عليك و يقولك وش دخلك..؟؟ معليش تكلمت على بعض لبلآيص برك بلآ مآنحكي
على المآرشي والسبيطآر والمؤسسآت ولبلآيص العمومية بصرآحة مآعلآبآليش لعقلية
تآع وش دخلك وين رآيحآ تدينآ وعلآش رجعنآ نشوفو المنكر ونسكتو ..؟؟؟
~ تقبلو تحيآتــي ~
​

 

[IKRAM33]

رد: وَآشْ دَخْلـَــكْ ... ؟؟!

ربي يهدي و يصلح اكيد كلام يوجع و العوج يوجع كثر و كثر
راي يترفع الشخص امام تصرفات مثل هده كل ما نبهنى الناس زاد تمردهم

c'est ce qu'on appele l'individualisme qui consiste à préviligier les droits les intérêts de l'individu par rapport à sa société ​

 

[سيموني]

رد: وَآشْ دَخْلـَــكْ ... ؟؟!

نعم اخي عندك الصح المشكل لي عندنا هو معندناش ثقافة تقبل النصيحة و كل واحد يدير لي في راسو معلابالوش بلغير اي الانانية واييييييه ويلا دخلنا في هذا المجال منحبسوش ....ربي يستر و خلاص

 

[malika bechar]

رد: وَآشْ دَخْلـَــكْ ... ؟؟!

فهاد الوقت ما قدش الحترام صح قلبك يوجعك
كيما تجي تهدر تسمع ما لا يرضيك
تجي تنهي على المنكر تولي في حاجة وحدوخرا
اللهم تسكت خير و لا تولي في مشاكل
ليس لها نهاية
الله يهدينا خويا حكيم و انشاء الله نديرو لي نقدرو عليه
و ما نزيدوش نتلقاو مشاكل كيما هاك
​

 

[صفاء والمروة]

رد: وَآشْ دَخْلـَــكْ ... ؟؟!

ربي يهدي يقلوا بلي زمان لتبدلي بصح لناس تبدلوا قسات قلوبهم من الاْنانية​

 

[عاشقة الكرة]

رد: وَآشْ دَخْلـَــكْ ... ؟؟!

السلام عليكم
اولا شكرا أخي على الموضوع الملفت للانتباه والله شيء بدون تعليق كاينة منها صح نتاع وش دخلك كون جات عليا أنا والله نغير فعايلهم سيرتو كما قلت لابوبال حشاك ونتاع واحد يديها بالساهل وواحد يتعذب باه يديها
والله ربي يهدي عبادنا هذا مانقدرو نقولو
تحياتي لك مبدعنــــــــا
​

 

[ђ@ĸĭ๓]

رد: وَآشْ دَخْلـَــكْ ... ؟؟!

ربي يهدي و يصلح اكيد كلام يوجع و العوج يوجع كثر و كثر
راي يترفع الشخص امام تصرفات مثل هده كل ما نبهنى الناس زاد تمردهم
​

آميـن يآرب وشكرآ لكِ أختــي الفآضلة
على المرور تآعك بصح لوكآن نسكتو على لي يضرنآ
حنآ لي خآسرين مشي هومآ بسكو إذآ ليوم لآبوبآل أكرمك
الله رمآوهآ في الطريق وأنآ نشوف و نسكت ومآنتكلمش
غدوة رآح نلقآهآ عند بآب دآري عادي وهذآ هو لبروبلآم
السكآت تآعنآ رآهو يعآون النآس هذو في الطوآيش
تآعهم ~ نورتي الموضوع ختي يعطيك الصحة ~
​

 

[ZINA DZ]

رد: وَآشْ دَخْلـَــكْ ... ؟؟!

موضوع مميز مشكور اخ حكيم
ربي يهدي كل واحد منا
​

 

[ђ@ĸĭ๓]

رد: وَآشْ دَخْلـَــكْ ... ؟؟!

نعم اخي عندك الصح المشكل لي عندنا هو معندناش ثقافة تقبل النصيحة و كل واحد يدير لي في راسو معلابالوش بلغير اي الانانية واييييييه ويلا دخلنا في هذا المجال منحبسوش ....ربي يستر و خلاص

عندك الصح ختــي الثقآفة والوعي مكآنش
والتربية تآنــي تلعب دور كبير تلقآي وآحد عآرف
بلي رآهو غآلط ومآيرضآش بآه تنصحيه ولوقت لي
رآحنآ فيه تجي تنهي ولآ تنصح تتضآرب وتوصل
للعنف وللمشآكل ~ ربي يهدي مآ خلق ~
نورتي الموضوع ختي ~



​

 

[أم عبد الله]

رد: وَآشْ دَخْلـَــكْ ... ؟؟!

بصح ياخويا حكيم واش دخلك ههههههههههههههه


راني نقصر برك خخخخخخ



الله غالب الناس عاد كل شيء عندها نورمال ومابقاتش تقيم في بعضاها خلاص اتسمى كل واحد يجري ويقول نفسي نفسي
اتسمى الدنيا والعقلية تبدلو بزاف بزاف
تسمى اتجي تنهي تحصل انتاع الصح

ربي يهدي ماخلق برك

سلامي واحترامي ​

 

[السلطانة]

رد: وَآشْ دَخْلـَــكْ ... ؟؟!

وعليكم السلام
شعب ناقص وعي وتربية أخلاقية
تغيضك حتى تجي تهدر معاهم
تنهى على المنكر تولي انت الغالط
ويختموهالك بواش دخلك
وتاني شعب موسوس
مرة كنت دايرة لاشان في لابوسط
باه ندير vارسمون حطيت الورقة على ظهرها جا راجل كبير حب يتعارك معايا صدم ديراكت قالي
مغطية الورقة عليا باه منشوفش اسم والمعلومات تاعك
بقيت نشوف معاه !!
زاد قالي اني منعرفش نقرى لاخايفة مني نقرالك
قتلو يالحاج ربي يهديك هادا منقولك
بقى مع bla bla bla
ربي يصلح لحوال
بارك الله فيك على الموضوع


​

 

[ђ@ĸĭ๓]

رد: وَآشْ دَخْلـَــكْ ... ؟؟!

فهاد الوقت ما قدش الحترام صح قلبك يوجعك
كيما تجي تهدر تسمع ما لا يرضيك
تجي تنهي على المنكر تولي في حاجة وحدوخرا
اللهم تسكت خير و لا تولي في مشاكل
ليس لها نهاية
الله يهدينا خويا حكيم و انشاء الله نديرو لي نقدرو عليه
و ما نزيدوش نتلقاو مشاكل كيما هاك
​

عندك الصح لواحد رجع يخاف
حتى يتكلم على حقو مي هذا هو
لبروبلام السكات تاعنا هو لي
وصلنا للحالة لي راحنا فيها
نورتي الموضوع ختي مليكة ~
بآرك الله فيك ~
​

 

[ђ@ĸĭ๓]

رد: وَآشْ دَخْلـَــكْ ... ؟؟!

ربي يهدي يقلوا بلي زمان لتبدلي بصح لناس تبدلوا قسات قلوبهم من الاْنانية​

صح يعيبو في الزمان ولعيب راهو فينا حنا
وكل واحد رجع يفكر غير في راسو وماعلابالوش
بلي بالطوايش تاعو راهو يضر في الغاشي
لي دايرين بيه ~
نورتي الموضوع ختي بآر ك الله فيك
​

 

[ђ@ĸĭ๓]

رد: وَآشْ دَخْلـَــكْ ... ؟؟!

السلام عليكم
اولا شكرا أخي على الموضوع الملفت للانتباه والله شيء بدون تعليق كاينة منها صح نتاع وش دخلك كون جات عليا أنا والله نغير فعايلهم سيرتو كما قلت لابوبال حشاك ونتاع واحد يديها بالساهل وواحد يتعذب باه يديها
والله ربي يهدي عبادنا هذا مانقدرو نقولو
تحياتي لك مبدعنــــــــا
​

يعطيك الصحة ختي مآخليتي لي مآنقول
وأنآ مآنلومش لمرأة بسكو بيآن سير صعيب عليهآ
بآه تقدر تفهم وآحد ماتعرفوش وماتعرفش لعقلية
تاعو مي الحاجة لي نتعجب منها هي تلقآي رجآل
يشوفو لوآحد يكسر ويشتم ويبقآو يتفرجو
وحتى وآحد مآيأنبو الضمير تآعو ويفعل
اللآزم ~ مشكورة عآشقة الكرة
نورتي الموضوع ~
​

 

[ђ@ĸĭ๓]

رد: وَآشْ دَخْلـَــكْ ... ؟؟!

موضوع مميز مشكور اخ حكيم
ربي يهدي كل واحد منا
​

آمين يآ رب بآرك الله فيك
أختــي زينة نورتي الموضوع
​

 

[ђ@ĸĭ๓]

رد: وَآشْ دَخْلـَــكْ ... ؟؟!

بصح ياخويا حكيم واش دخلك ههههههههههههههه
راني نقصر برك خخخخخخ
الله غالب الناس عاد كل شيء عندها نورمال ومابقاتش تقيم في بعضاها خلاص اتسمى كل واحد يجري ويقول نفسي نفسي
اتسمى الدنيا والعقلية تبدلو بزاف بزاف
تسمى اتجي تنهي تحصل انتاع الصح
ربي يهدي ماخلق برك
سلامي واحترامي ​

ههههه مقدمة لكلآم تآعك دهشتني
علآبآلك بصح يعطيك الصحة ختي نينآ
وعندك الصح كل وآحد رجع يعمل بالمقولة
تآع تخطي رآسي برك وهذآ علآش قعدنآ
روطآر في كلش ~ نورتي الموضوع~
تحيآتــي ~
​

 

[عاشقة الكرة]

رد: وَآشْ دَخْلـَــكْ ... ؟؟!

يعطيك الصحة ختي مآخليتي لي مآنقول
وأنآ مآنلومش لمرأة بسكو بيآن سير صعيب عليهآ
بآه تقدر تفهم وآحد ماتعرفوش وماتعرفش لعقلية
تاعو مي الحاجة لي نتعجب منهاهي تلقآي رجآل
يشوفو لوآحد يكسر ويشتم ويبقآو يتفرجو
وحتى وآحد مآيأنبو الضمير تآعو ويفعل
اللآزم ~ مشكورة عآشقة الكرة
نورتي الموضوع ~
​

لا شكر على واجب أخي حكيم...الرسول عليه الصلاة والسلام يقول( من راى منكم منكرا فليغيره بيده فان لم يستطع فبلسانه فان لم يستطع فبقلبه وذلك أضعف الإيمان )
وحنا اذا ماقدرناش نغيرو بالفعايل نغيرو بقلوبنا بالدعاء وهذا مايصح باسكو لاغيرنا باللسان نزيدو نخليوها هههه وراك عارف
وراك قستني في (تلقآي رجآل
يشوفو لوآحد يكسر ويشتم ويبقآو يتفرجو) هههه والله هاذي قاتلهم أسكتو
بالعكس ولاتلهم أكشن للتفراج فقط
سامحني على التطويلة
دمت بود أخـــــــــــي
​

 

[Teacher Sweet]

رد: وَآشْ دَخْلـَــكْ ... ؟؟!

يعطيك الصحة موضوع قيم و مهم, المشكل أنو الناس ما تتقبلش النقد (البناء) و النصيحة, و احنا حرنا: إذا تسكت تكون ساكت على الحق, وإذا هدرت يلصقوا فيك و ماتسلكش معاهم. حنا نقولوا ربي يهدينا أجمعين.

 

[ђ@ĸĭ๓]

رد: وَآشْ دَخْلـَــكْ ... ؟؟!

وعليكم السلام
شعب ناقص وعي وتربية أخلاقية
تغيضك حتى تجي تهدر معاهم
تنهى على المنكر تولي انت الغالط
ويختموهالك بواش دخلك
وتاني شعب موسوس
مرة كنت دايرة لاشان في لابوسط
باه ندير vارسمون حطيت الورقة على ظهرها جا راجل كبير حب يتعارك معايا صدم ديراكت قالي
مغطية الورقة عليا باه منشوفش اسم والمعلومات تاعك
بقيت نشوف معاه !!
زاد قالي اني منعرفش نقرى لاخايفة مني نقرالك
قتلو يالحاج ربي يهديك هادا منقولك
بقى مع bla bla bla
ربي يصلح لحوال
بارك الله فيك على الموضوع
​

يعطيك الصحة ختــي والله غير وصلنآ لوآحد النيvفو طآيح خلآص
ورآكي عطيتينآ ملخص على الأسبآب لي خلآتنآ نشوفو ونسكتو وحتى حقك ويحبو يدوه منك
وحكآيتك تعبر على كلش وبمآ أنك تكلمتي على لآبوسط فكرتيني بقصة صرآت عند آلة سحب النقود
وبطلهآ وآحد دخل la carte magnétique تآعو بآه يجبد الدرآهم الآلة هذيك رجعتلو البطآقة
بسكو البطآقة فيهآ خلل وش يدير رجع يخبط ويكسر في الآلة ولبروبلآم هو لي كآنو بعدو حتى وآحد مآقدر يتكلم
معآه ولآ ينهيه ويفهمو بلي إذآ كآن المشكل في البطآقة تآعو الآلة وش دخلهآ وتآنــي كآين عبآد يحتآجو الآلة
هديك بسكو هي ملك للجميع مشي تآعو وحدو ....... بصح وش رآح ديري ربي يهدي مآخلق
وإن شآء الله نفيقو بعيوبنآ ويهدينآ قبل مآ يدينآ ~ بآرك الله فيك ختي
ومشكورة على التوآجد والإضآفة تآعك ~ تحيآتــي ~


​

 

[أم أمين23]

رد: وَآشْ دَخْلـَــكْ ... ؟؟!

في بلاد الرشوة والمعريفة والبيسطو اكيد راح يكون الرد واش دخلك لخاطر ماكانش القانون الي يحمي المواطن الي عندو الحق بصح كاين الي يحمي الي يديلك حقك وانت تشوف مالا ما يتسقم الحال كان نهار يكون القانون مطبق وليس مجرد حبر على ورق