ماذا ستطبخين اليوم سيدتي انستي الجزء **34 **

[ام منة]

رد: ماذا ستطبخين اليوم سيدتي انستي الجزء **34 **

السلام عليكم
بصحتكم كل الاطباق تشهي صح فطور الصائمين

 

[ibtesem]

رد: ماذا ستطبخين اليوم سيدتي انستي الجزء **34 **

السلام عليكم جميعا واش راكم توحشتكم كيما راكم
شهرورة
ام سروج
ضوء الخيال
نور ايناس
شريفتي
زهرة بلا اوراق
سموحة
ميميتا الزينة وينة
تحية الى الغايبات
فيفي جوعتيني

بصحتكم جميعا​

 

[shahrazad]

رد: ماذا ستطبخين اليوم سيدتي انستي الجزء **34 **

فيفيييي ياسلااام خصني غير نضحك شوفي انا وش راني نحط ياخي المهم ماكلة والمهم كيما يقولو المشاركة :d
يعطيك الصحة والله ماكلتك ديما بالطبع وبريزونتابل :up:
شريفة بصحتكم الروز حطة حطة يعطيك الصحة
ام منة اهلااا اهلا بيييك امممم اطباقك هااايلة حنونة والله جوعتينيي بصحتكم وشاركينا ديما
بسوومة واخيرا طل القمر وشراكي و شراهي مريومة ان شاء الله بخيير بصحتكم وربي يكثر الخير

​

 

[shahrazad]

رد: ماذا ستطبخين اليوم سيدتي انستي الجزء **34 **

يعطاك الصحة اختي شهرزاد الرشتة راهي تحفة باينة عليك شاطرة ممكن وصفتك في الخبز

الله يسلمك حبيبتي هادا من ذوقك
والله الخبز مافيه والو سميد رقيق وفرينة عينك ميزانك بصح الفرينة كتر من السميد
وخميرة الخبز ولازم العجن مليييح​

 

[shahrazad]

رد: ماذا ستطبخين اليوم سيدتي انستي الجزء **34 **

صح قهيوتكم

 

[samah06]

رد: ماذا ستطبخين اليوم سيدتي انستي الجزء **34 **

بصحتكم لبنات غدواتكم
ام منصف الروز تاعك اشهيتو ممكن تقوليلي بالتفصيل كيفاه طيبتيه
انا ذرك كملت نفيض الديار وغسيل لحوايج وراني حايرا في لعشا
بانلي الروز تاعك ساهل ومافيه والو
كيما حالتي راني منفضا
بقالي الجاري من البارح نكسرو بيه الصيام اما الطبق الثاني حرت فيه ومبقاش وقت باه نطيب
ذرك نقلي بطاطا وخلاص

 

[samah06]

رد: ماذا ستطبخين اليوم سيدتي انستي الجزء **34 **

لبنات شوفو الهلا اللي هل اليوم علينا بسومة الغالية دخلت للمنتدى
واش راكي حبيبتي واش راهي الببونة تاعك مريومة الزينونة ضحكتلك والا مازال
يقولو سبوع ويضحك المزيود لماماه
شهرورة ممكن الوصفة تاع القاطو نعود نموت
القاطو اللي نشوفو ومايدخلش راسي نبغي نموت عليه يجيني مانعرف والو لانو منعرفش هذاك القاطو

 

[shahrazad]

رد: ماذا ستطبخين اليوم سيدتي انستي الجزء **34 **

لبنات شوفو الهلا اللي هل اليوم علينا بسومة الغالية دخلت للمنتدى
واش راكي حبيبتي واش راهي الببونة تاعك مريومة الزينونة ضحكتلك والا مازال
يقولو سبوع ويضحك المزيود لماماه
شهرورة ممكن الوصفة تاع القاطو نعود نموت
القاطو اللي نشوفو ومايدخلش راسي نبغي نموت عليه يجيني مانعرف والو لانو منعرفش هذاك القاطو

خخخخ بعيد الشر عليك سموحة
والله نتي كيما انا ونقعد نخمم فيه حتى نديرو باه نبرد ههههههههه
المكونات: 3بيضات، كاس سكراحرش، كاس زيت، نص كاس حليب،1 م ك كاكاو، مبشور ليمونة، رشة ملح، 1 خميرة، 2 كيسان فرينة
250 شكلاطة، 250 معجون مشمش مذابة على حمام مائي حتى تصبح سائلة
الطريقة: يخلط البيض و السكر و الملح بالخلاط الكهربائي حتى يبيض
ضيفي الحليب ثم الزيت و خلطي ثم ضيفي الكاكاو و المبشور و الفرينة حتى تصبح عجينة متماسكة و طرية جي كيما المسكوته
وتحطيها في صينية مدهونة بالزيت
كي تطيب قطعيها بمول دائري وباقي الفتات حطيها فالروبو
غطسيها بالخليط تع الشكولا مع المعجون ممبعد فوتيها على هداك الفتات وبسس
ذوقها عادي بنينة وخفيفة

 

[ibtesem]

رد: ماذا ستطبخين اليوم سيدتي انستي الجزء **34 **

الله اسلمك وانور عليك سموحة الزينة
شهرورتي ربي اخليك على الوصفة تبان ساهلة وبنينة نجربها ان شاء الله
تحية مسائية للجميع وينكم​

 

[oumsif]

رد: ماذا ستطبخين اليوم سيدتي انستي الجزء **34 **

الله يبارك هلت الانوار
شهرورة خبز بالطبع خفيف يهبل ويعطيك الصحة راكي توجد في عولة العيد الرشتة رقيقة تسخف
مسلمةوافتخر واش هدا الغيبة ان شاء الله تكون بخير
حسينة اطباقك روعة خاصة الروز يشهي
شريفة بصحتك الروز غداي وغداك تيف تيف
ام امنة اطباق روعة وين كنتي مخبية اعلينا هدا الخير
علي سلامة بسومة الزينة الله الله توحشنا هدا الاطباق من يدين الزين البسكري ان شاء الله تكون بالف خير
سماح صيامك في الجنة اختي وصح بعد الفطور
سلامي للجميع

 

[~lola.dz~]

رد: ماذا ستطبخين اليوم سيدتي انستي الجزء **34 **

سلملم
اوووووووووووووووووه شحال توحشتكم وتوحشت طيابكم يآ درآ نتومآ
ان شآء الله تكونو بخير كآمل يآ حرآ​

ير

 

[مسلمة وافتخر]

رد: ماذا ستطبخين اليوم سيدتي انستي الجزء **34 **

اختي سمورة تعيشي على السؤال ربي يخليك
اختي شهرزاد مشكورة على الوصفة وحلوتك تهببببل
سموحة بصحتكم والله هداك ما نشتي قليان وخلاص هههه
ام منة اطباقك راااائعة
اختي ابتسام اهلا بك والف مباركالمولودة ربي يحفظها لكن راهي مفاجاة تاع الصح

 

[مطبخ الأحلام]

رد: ماذا ستطبخين اليوم سيدتي انستي الجزء **34 **

السلام عليكم
يعطاكم الصحة وحدة وحدة وباذن الله ترجع اللمة لايماتها ونشاطها الي والفناها وحبيناها من خلال عضواته ربي يحميكم
اختي زهرة بلا اوراق ممكن تعطيني لاغوسات تاع القاطو الي مزين كيما الميلفاي راهو تحفة وقاطواتكم روووووووعة

السلام عليكم

اهلا ختيتي واش راكي ؟ ان شاء الله بخير

يسلمك ربي من كل شر

ختيتي كل هاد القاطوات ماعنديش لاغوسات نتاعهم ماعاد هداك نتاع الياسمينة الي نعرفو

هاد الانواع كلهم جابهمنا في عرس اختي برك نتاع الياسمينة

الله غالب سامحيني يالغالية الا قدرت نوصل للغوسات راني نعطيهالك
​

 

[مطبخ الأحلام]

رد: ماذا ستطبخين اليوم سيدتي انستي الجزء **34 **

شوفي الا قدرتي تتخيليه :d

فيه طبقة شغل صابلي وطبقة قاوقاو طبقة نتاع فوندون وربي يعلم


​

 

[ام منصف]

رد: ماذا ستطبخين اليوم سيدتي انستي الجزء **34 **

ام منة اطباقك رائعة بالصحة ان شاء الله تشاركينا بيهم دايما

شهرة قاطوك نسموه السفنجات يجي هايل وخفيف يعطيك الصحة

بسومة هل هلالك وينك ووينها مريومة داتك علينا ان شاء الله تكوني ريحتي شوية

سوسو حمد لله على سلامة الوالد ربي يحفظه ويخليهولكم سلامي لام عبودي
عجبني القاطو وراني نتخيل على حساب وصفك اكيد راح يكون بنين

لولا ليكي وحشة وين كنت غاطسة

سماح ضرك نكتبلك الوصفة
​

 

[ام منصف]

رد: ماذا ستطبخين اليوم سيدتي انستي الجزء **34 **

سماح
هاي ليك وصفة الروز
طيبي الروز مناعك بعدما تكوني غسلتيه
خضرة مكرفجة جريوات جزر بطاطا اذا حبيتي بصلة مقطعة طويلة فلفل اخضر
كل حاجة وحدها وذبليها في شوية زيت وملح
كي يطيب الروز خلطي معاه الخضرة المذبلة ومعاهم زيتون وحطيه في البلاتو والى الفرن مدة 20 دقيقة او اقل
تقدري تضيفي دجاج تكوني طيبتيه مع صوص بيضاء وحمص وتحطيهم مع الروز
الاضافات اختيارية
وحدو مع خضرة مكرفجة بنين وانت وواش عندك في الدار
ساهل ماهل وبصحتك مسبقا
​

 

[ام منة]

رد: ماذا ستطبخين اليوم سيدتي انستي الجزء **34 **

صح. فطور الصائمين ربي يتقبل من الجميع
شكرًا أخواتي ام منصف " شهرزاد و سمورة على الكلمات الطيبة ربي يفضلكم
اليوم كان. فطوري شورية بوراك. ڤرتان. شوفلور وبعد. ان شاء الله. نحط الصور.

 

[shahrazad]

رد: ماذا ستطبخين اليوم سيدتي انستي الجزء **34 **

lola اهليييين حنونة وشراكي
اليوم عشانا فريت بالجاج
صح عشاكم وربي يتقبل من الصايمين

[/CENTER][/CENTER]

 

[om siraje]

رد: ماذا ستطبخين اليوم سيدتي انستي الجزء **34 **

saha ftorkom

 

[om siraje]

رد: ماذا ستطبخين اليوم سيدتي انستي الجزء **34 **

shahora rani wraki waraki hhh bsahetkom ljaj bayen bnin:-r​