مساكم بالخيروعشوتكم مبروكة
ان شالله احوالكم بخير وكامل اموركم مليحة
والله الصراحة ما عرفت نلوم على روحي ما عرفت نلوم عليكم ما عرفت نلوم على الوقت ما عرفت نلوم على ابليس اللي عشش في مخاخنا وما خلاناش حتى نطمنو على بعانا تالمون كانت لمتنا لمة يضربو بيها المثل
كانو منتديات منا ومنا يغيرو منا ويديرو كيفنا
لحقنا لوين نلقاو اخوات من منتديات خلاف يدخلو يطلو علينا زائرات هاذا كامل من الشمل اللي كنا مجمولين
لحقنا وين سيبنا ديارنا والمتزوجات سيبو اولادهم وفرطو فيهم
رجعو يسجلو على جال وصفة شافوها باه يسقسو عليها رجعو يسجلو لانهم عجبتهم اخواتنا وحبو ينضمو لينا
سبحان الله بين ليلة ونهار تغير كل شي وانا اولكم لحقت وين قررت ننسحب حتى من اللمة ومن الاشراف ونبقى اخت نطل عليكم من وقت لوقت
ولكن الحمد لله كاين حاجة لداخل كبرت في اللمة تربات فيها والفت الاخوات والاخوة الي فيها على قد ما بعدت لقيت روحي رججعتلها نلقى روحي ندخل لملفات اخوات نطمن عليكم نشوف مشاركاتهم راهم لاباس ولا شوي شوي
ربي يبقي الستر ويرد غربتنا لهاذي البلاصة اللي كبرو فيها حتى وليداتكم هاذ البيت الصغير اللي شهد معاكم افراحكم واحزانكم
ربي يرد جملتنا في لمتنا وما يفرقنا
من عندي نتقدم بالسماح لكل اخت تغيبت وحست بغيابي على اللمة
نرجعو لموضوعنا لقيت شي تصيورات قلت ندخل نمركي بيهم الغياب هاذا وبربي ما عادش نغيبو كيما هاك درك ماكانش اعذار اللحم وراه جاي العيد المصروف اكيد يكون يا لوكان حبة بيض نقلوها نصوروها يا سيدي اذا ما صورتوش الماكلة خلونا نشوفو الطابلة نتاعكم الطوال سيرينتاع الطابلة يا لوكان باطة هريسة
المهم الغياب ما يكونش برك
باسكو يجينهار وين يجي الياب هاذاك اللي فوق يديناوين ما نقدروش حتى نشوفو بعضانا نطمنو على بعض بترحم ودعاوي خير برك
خلونا مجمولين حتان يفرقنا القدر والحياة صح
رح نقلبها دراما والله صح غاضتني اللمة ..
نوليو للطباسا نتاعي
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 1600×1200.
