ماذا ستطبخين اليوم سيدتي انستي الجزء **34 **

[ام ايناس]

رد: ماذا ستطبخين اليوم سيدتي انستي الجزء **34 **

صباحكم انوار لبنات وعيد سعيد وكل عام وانتوما بالف الف خير
البارح طليت عليكم مي ماقدرتش نكتب كنت طافية جاميتكم برك
اليوم علابالي مانقعدش قلت نطل عليكم درك سلالالامي للجميع ماتنساوش الصور :d
​

 

[روز]

رد: ماذا ستطبخين اليوم سيدتي انستي الجزء **34 **

السلام عليكم
صباح الخير وصحا عيدكم وكل سنة وأنتم بخير وعافية ينعاد عليكم بالصحة والهناء ان شاءلله
اليوم نهار كبير ربي يعينكم على الاضاحي والغاشي
ربي يقدركم
اليوم جبتلكم شوية قاطو من وش خدمت
اولا خدمت لجارتي مريضة حالة ثلاث موديلات قاطو بسكو ماتقدرش تخدم والناس يجوها كل يوم..
درتلها الصامصة لي تحبها ومقروض وتارت الطبقات
صورت بالموبايل برك كنت مزروبة

وتارت الطبقات

وكي عجبتني تارت الطبقات عاودت خدمتها ليا مي قلت نجرب نديرها في مول أصغر باش الطبقات يبانو مش عارفة شكون لي أحسن
قولولي شكون لي عجبتكم الخشينة ولا الرقيقة هادي الخشينة

ودرت المسمن اليوم الصباح طبعا لا غنى عنه

ومقروض بصح هد المرة بالغرس

وقاطو الشكولة والجوز

وأخر شفتو في النت كي العادة بلا وصفة اجتهدت في المقادير

قاطو خفيف ظريف كنت حابة نجرب أنواع جدد لكن مالحقتش مع الوقت..

صحا عيدكم وتعيدو بالصحة والهنا ان شاءلله

 

[ام خديجة1]

رد: ماذا ستطبخين اليوم سيدتي انستي الجزء **34 **

السلام عليكم حبيباتي صح عيدكم وكل عام ينعاد عليكم بالربح والهنا
اختي روز الحلويات جاوك روعة ما شاء الله فيك وباركك الرحمان غاليتي كي وقفتي مع جارتك ربي يشفيها ان شاء الله

 

[samah06]

رد: ماذا ستطبخين اليوم سيدتي انستي الجزء **34 **

صباح بوزلوف والدوارة لبنات وصحى عيدكم يا حواير اللمة
علبالي اليوم وغدوا القعاد مكانش
حبيت نصبح عليكم ونعيدلكم ضربت طلة والدوارة راهي تحت العين في البوتاجي درك نروح نكملها
لكن الله يكون في العون
اختي روز الحلويات جاوك روعة بصحتكم وبالهنا ان شاء الله و
ويعطيك الصحة في وقفتك مع جارتك شفاها الله وعافاها
باقي لبنات راني شفت غير اخر صفحة برك علبيها متزعفوش مني اذا مذكرتش اساميكم راكم في القلب
اصبحتو ليا عايلة رابعة
اهل بيتي وبيت ابي وبيت شيخي وبيتكم انتم
هيا بايباي ومن بعد نحضر بالصور ان شاء الله
اتهاولي في قسمتي تاع الشوا راني متوحمة وطلبتكم هههههههههههه

 

[ibtesem]

رد: ماذا ستطبخين اليوم سيدتي انستي الجزء **34 **

السلام عليكم
عيدكم مبارك كل عام واهل اللمة بالف خير والشعب الجزايري والامة الاسلامية بالف خير وسلام
ينعاد علينا باليمن والبركات
حبيت نعيد عليكم الان لاني عارفة من بعد مكانش الوقت
روز يعطيك الصحة
ام ايناس وام خديجة ونور الحبوبة عيدكم مبارك
سموحة ربي معاك في الشقا تاع اليوم بشوية علي روحك
تهلاو في رواحكم الي بعد حين ان شالله
​

 

[حاملـة المسك]

رد: ماذا ستطبخين اليوم سيدتي انستي الجزء **34 **

السلام عليكم

عيدكم مبارك ينعاد علينا و عليكم بالخير و الهنا و العافية
بصحتكم الحلويات المقدمة بدءا من الكروكي لوصفة النت
شهرورة القاطو الاسبانيولي تحفففففة
بدلت في الغدا ديما شخشوخة و لا كسكسي بالقرعة اليوم قلبتها كابوية
بصحتكم الغدا و الشوا و الراس و الدوارة و الكبدة و الهيدورة

امسية طيبة.

​

 

[shahrazad]

رد: ماذا ستطبخين اليوم سيدتي انستي الجزء **34 **

صحااا عييييييييدكم يالغاليات كل وحدة باسمها
تعيدو وتزيدو بالصحة ولهنا والستر في حياتكم وحياة وليداتكم واهلكم
دوك كملت الماعن تع لفطور وبوزلوف راه يطيب مازال نخيطو العصبان برك ونسيق الدار
الحمدلله الي عيدنا بخير
روز حلويات هاااايلة وربي يجازيك كل خير على وقفتك مع جارتك ربي يشافيها
عجبني قاطو طبقات لخشين فالشكل بصح يالحنونة الواحد عندو ما يفتح فمو هههههههههه
​

 

[حاملـة المسك]

رد: ماذا ستطبخين اليوم سيدتي انستي الجزء **34 **

خسارة التقييم وصلتني كلمة ناقصة حروف مافهمتوش .. كل عام.....

و نا ناقصني اسمك للاسف معرفتكش :d .. و شكرا على المعايدة ​

 

[عفاف الجزائرية]

رد: ماذا ستطبخين اليوم سيدتي انستي الجزء **34 **

صباحكم خيرات وليراااات
نهاركم مبروك وعيدكم سعيد وكل عام وانتو بالف خير ربي يعيدو علينا بالخير واليمن والبركات ان شاله واللي في بالها حاجة تتحقق واللي ناوية على مشروع يلحقها ربي ليه والله متمنية حاجة توصللها لانكم بالفعل تستاهلو كل خير نعم الاخوات ونعم الصحبة سواء الحاضرات ولا الغايبات نحب نعايدهم تاني خيرورة وروعة اللي طولو الغيبة ربي يردكم لينا سالمين غانمين يا رب توحشنا نشوفوكم مشعلين الضو نتاعكم
ان شالله عيدتو بخير وكملتو المذبوحة والبوزلوف والدوارة وكل شي
ليوم انا مهمتي كانت الدوارة صورتلكم القلية الاولى نتاع الكبدة من بعد ننزل التصاور ان شالله ولغدا درنا تاني قليان كبدة وكرشة وهريسة وسلاطة خضرا مشكلة والحمد لله
نتلاقاو من بعد وعيدكم مبارك

ايه نسيت ما علقتش حلوياتكم كاااااااااااااااااااااااامل تحفة في تحفة وعفوف قولي لهذيك الذذائرية توحشتك كي شفت الخزانة تفكرت نهار جيتك
___
نحب نعايد الاخ معتز المة تاني نقلو ربي يهنيك ديما صاحب واجب ربي يعينك في خدمتك ويردك سالم غانم
​

 

[hadda0425]

رد: ماذا ستطبخين اليوم سيدتي انستي الجزء **34 **

السلام عليكم ورحم الله تعالى وبركاته
اولا نقول لحباباتي لي سالو عليا في الفيس والسكايب والرسايل الخاصة يعطيكم الصحة وربي يخليكم ويرزقكم ما تتمناو
وش راكم يا اهل الدار ان شاء الله تكونو كامل لاباس انتم واولادكم
ليكم وحشة كبييييييييييرة كل وحدة باسمها
كل عام وانتم بخير
مدام دخلنا نهار العيد نبداو بضحية العيد ما صورتهاش وهي حية ما شفتهاش جابوها من برا وذبحوها
صورتهالكم وهي معلقة

​

 

[hadda0425]

رد: ماذا ستطبخين اليوم سيدتي انستي الجزء **34 **

نبداو :-r
هذا الهندي الاشقر تاعي ههههه

يقولكم صح عيدم يا طاطاواتي الامهات والسيليباترات :p علبالي راكم تهجيو فيها ميمي وشهرة ولونا والحلوة افهمو رواحكم يا السيليباترات هههه
قالكم كل عام وانتم بخير وفي الكوزينة اللماوية :d:p
طبعا بلا ما ننسى عمو معتز اللمة صح عيدك عمو وكل عام ونت بالف خير هادي من عند ادم
وانا نقولك تعيد وتزيد وكل عام ونت بخير اخي الكريم

وهادي الهندية تاعي بطلنا من الشناوة خخخخ

​

​

 

[hadda0425]

رد: ماذا ستطبخين اليوم سيدتي انستي الجزء **34 **

عندي شوية صور قبل العيد نتخلص منهم :-h

​

 

[hadda0425]

رد: ماذا ستطبخين اليوم سيدتي انستي الجزء **34 **

شوية من لحلويات العرس صورت لي لحقت عليه 4 ايام وحنا نطبخو مي الله غالب كنت في قلب الحدث هههه قصدي في قلب الكوزينة حتى البورطابل ما علبليش وين رميتو المهم نحركو البورطابل جينا كارت روج هههه :-o

هذا كادو من عندي لحنة العريس

هذا نفس الحلوة تع شهرا درناه تاني في العرس صورتو وهو ماكملش
كنت حنحطو في موضوع نشوف شهرا وقيلا دراتو موضوع نقصت عليا ههه

كان زوج صينيات تع بقلاوة خطفتلكم وحدة خخخخ

لعقوبة لسيلبترات :-r:p
​

 

[hadda0425]

رد: ماذا ستطبخين اليوم سيدتي انستي الجزء **34 **

بعض من الحلويات جابهالنا المسيو من البنغلاديش

​

 

[hadda0425]

رد: ماذا ستطبخين اليوم سيدتي انستي الجزء **34 **

هذا غدا اليوم
كسرة خميرة وعنب وشوا مقلي وبطاطا

ما نسالكم ما تسالولي ههه:d

​

 

[sousou david]

رد: ماذا ستطبخين اليوم سيدتي انستي الجزء **34 **

صح عيدكم كامل ناس اللمة
و حبيت نحط تصاور تاع لعشا تاع البارح مى ماقعدتش
​

و درت شوية خيز الدار و كروكى
​

و هذا الكبش تاعنا
​

و هكا شبعنا شوا ولحم
​

 

[samah06]

رد: ماذا ستطبخين اليوم سيدتي انستي الجزء **34 **

الله يبارك لبنات كل شيء يسخف
لكن انا اليوم منعرف كيفاه فات عليا وعقبتو بالدموع والحزن
ماتت صديقة ليا من ايام الدراسة في الابتدائي حتى انهينا الدراسة الجامعية جراء حمى شديدة اصابتها ليلا نقلت الى المستشفى اين انتقلت الى جوار الرفيق الاعلى رحمها الله ويصبر امها وابوها وجميع اسرتها
انا لله وانا اليه راجعون ادعولها بالرحمة يا اخوات وجزاكم الله خيرا
وصحى عيدكم مرة اخرى

 

[serinee]

رد: ماذا ستطبخين اليوم سيدتي انستي الجزء **34 **

sahha aidkoooooooooooooooooum
kol 3am wantouma b 1000 khair
​

 

[ألاء الرحمـــن]

رد: ماذا ستطبخين اليوم سيدتي انستي الجزء **34 **

السلام عليكم
عيدكم مبارك كل عام وانتم بألف خير تقبل الله لنا ولكم وغفرا لنا جميعا
اليوم يوم فرح للامة الاسلامية جمعاء وبالاخص للاسرة الجزائرية ربي يدوم افراحنا
مزالكم مع الدوارة والزليف :p
انا خفطت تصويرة قعد لوسي حشمت نصور وراجلي عيد فالصحرة للأسف
لفطور كبدة فريت سلاطة +جاج ليا منكلش لكبدة

ولعشاء دوارة
صحا عشاكم


​

 

[ziassia]

رد: ماذا ستطبخين اليوم سيدتي انستي الجزء **34 **

صحا عيدكم كل عام و انت بألف خيييييير