ماذا ستطبخين اليوم سيدتي انستي الجزء **34 **

[كوثر الوهرانية]

رد: ماذا ستطبخين اليوم سيدتي انستي الجزء **34 **

مساء الخيرت و البركات على اللماويات
روزيتا شخشوخة تسخف تسخف حرة بنت حرة الله يعطيك الصحة
سيرين عيدك مبروك اختي و بصحتكم المشاوي و الحلويات
ندوشة رائدوا و ندوشيتا الله يبارك و التحفيفة جات عليه بصحتك البربوشة
رغودة ربي يعاونك على شقاك
بسومتي بصحتكم البلا فالفور
سمورة و دليلة ايا ديروا القلب و شخشخوا نتوما تاني
شهرا طيابك هايل باين بنين بصحتكم
سندريلا عيدك مبروك و بصحتكم يا اختي
سماح بالشفى على وليدك طهور ان شاء الله حافضي عليه راه صغير
عفاف اف مبروك لبنت خالك عقبالك حبيبتي و الطعام راه يبان بنين كل شيء مبروك
روعة واخيرا طل علينا القمر كيراكي و كيراهم وليداتك و اويس كبر شويا عيدك مبروك ينعاد علينا بالصحة و شا نقولك راكي مرة و فحلة مريضة ونفسة و قايمة بواجبك الله يبارك خموس عليك كل شيء من يديك يسخف شحال توحشت نشوف طيابك
كي تقعدي اعطيني وصفة التحلية اللي فيها طبقات و قلاساج الشكلات ان امكن
دركة نخبركم كي فوت نهار
نضنا الصباح لبسنا و تقهوينا و ديراكت للوطوا و حكمنا طريق مغنية رحنا فونا نهار كامل فيها حوسناها بان و شريت منها صويلحا و شريت المطلوع نتاعهم لا يعلى عليه و جينا مع الستة ونص نتاع لعشية دخلت دوشت وليت قليتلهم شويا لحم و زيتون و فرامج و جيت هنا نخبركم
لويزة علاش مراكيش تصوري

 

[ام ايناس]

رد: ماذا ستطبخين اليوم سيدتي انستي الجزء **34 **

اممم شهرة دخلتي ويديك مش فارغين يعطيك الصحة كلش يشهي فكرتيني في اللوبية توةحشتها من العام لي فات ماكليتهاش
واخيرا شفت الفرطاس الصغيرون بصح الصراحة كي كان بشعرو كان شباب :p شعرو كيما نتاع بلال بصح انا راني مخليتهولو هاكاك ربي يخليهوملك
راني معولة عليها انشا الله غدوة ايلا كتب ربي لازملي الكوراج باش نديرها هههههه
اييه بصحتكم فريدة التحويسة عولتي عليها اليوم ههههه لعقوبة للمرة الجاية انشا الله


​

 

[oumsif]

رد: ماذا ستطبخين اليوم سيدتي انستي الجزء **34 **

درتولي القلب باش نحط شوية صور

رغم مدبحتش بصح درت جو العيد هههههه

 

[oumsif]

رد: ماذا ستطبخين اليوم سيدتي انستي الجزء **34 **

راني فرغت البرطابل

 

[كوثر الوهرانية]

رد: ماذا ستطبخين اليوم سيدتي انستي الجزء **34 **

دليلة في انتضار الشخشوخة
سمورة ايه دا كلوا ايه دا كلوا مشاء الله فالغربة و طياب ماد ان بادي والله غير نستعرف بيك فحلة كل شيء من يديك هايل و التارت امممم هداك ما خصني في هدي السويعة ارسليلي طريف انا اختك

 

[ام ايناس]

رد: ماذا ستطبخين اليوم سيدتي انستي الجزء **34 **

امممم سمورة يعطيك الصحة كلش يشهي وبلا ما ننسى اكتبي اسمك على الصور هادي كامل للبنات نصيحة كيما صرا لوحدة العام لي فات راهي عارفة روحها ههههه:d
انشا الله فريدة

​

 

[كوثر الوهرانية]

رد: ماذا ستطبخين اليوم سيدتي انستي الجزء **34 **

تصبحوا بخير
ليلة سعيدة

 

[oumsif]

رد: ماذا ستطبخين اليوم سيدتي انستي الجزء **34 **

الله يسلمكم اختي ام ايناس وفريدة دا كلو من زوئكم فريدة ايليك كاملة بصحة اختي لعزيزة

 

[روعة2005]

رد: ماذا ستطبخين اليوم سيدتي انستي الجزء **34 **

لبنات النت ثقييييييييييييييييلة الصباح نجي ونشوف الصور ضرك مظهروليش
ربي يبارك فيكم والف شكر لمحبتكم وطيبتكم كي فرحتو برجوعي ان شاء الله نوليو كيما ايام زمان كانت كلها حب وضحك وصدق وووووووووو:pربي لايحرمنا من بعض
تصبحو بخير

 

[ام ايناس]

رد: ماذا ستطبخين اليوم سيدتي انستي الجزء **34 **

تصبحو بالف الف خير لبنات غدوة انشا الله علابالي اليوم نبات نوم في الشخشوخة كيفاش نديرها هههههه
​

 

[omarwa]

رد: ماذا ستطبخين اليوم سيدتي انستي الجزء **34 **

السلام عليكم
بصحتكم كامل كامل. صح عيدكم كل عام وانتم بخير
يعطيكم الصحة والخير والبركة

 

[SAMIRA25]

رد: ماذا ستطبخين اليوم سيدتي انستي الجزء **34 **

السلام عليكم جميعا
يعطيكم الصحة لبنات ما شاء الله عليكم كامل كامل
طيابكم يفتح النفس و يشهي
ربي يبارك فيكم كامل كامل هدو شوي من تاع العيد
ان طيبته اكتر شيء لانه ما هوش طري بزاف

 

[SAMIRA25]

رد: ماذا ستطبخين اليوم سيدتي انستي الجزء **34 **

 

[hadda0425]

رد: ماذا ستطبخين اليوم سيدتي انستي الجزء **34 **

صباح الخير لبنات وش احوالم واحوال اللحم تاعكم خلص ولا مزال
نبداو بالبنتات لي ما عيدتلهمش
نسيمة صح عيدك وبصحتكم الكبش تعيدو وتزيدو
ميس سوسو صح عيدك وبالصحة الكبش والغدا الشهي وصح عيد ام عبودي قوليلها تسلم عليك حدة وتوحشاتك
ونقولك حاجة تاني عجبتني الالة تع القص هايلة
ام رحاب صح عيدك
رغد النعمة تع حراير الله يبارك كملتي عليا وش خلات بسوم
ام خدوج مليحة تع المسفوف والبن والله فكرة نحيو شياط تع اللحم هههه
ام انوس بصحتك اللحم المفور ياريت حطيتي الصور شللنا عينينا هههه
سمورة مرسي الله يسلمك اختي وان شاء الله العام الجاي تعيدي هنا في بلادك وتذوقي اجواء العيد
والله الله على هادوك الاطباق بردتي قلبك يعطيك الصحة كل شي متحوف وهايل
بسومة والتليتلي راك تبردي في قلبك داروه بيت خويا بصح ما كلتوش ما يوالمنيش :d
وبطاطا كوشة نحبها راهي تبان كوم ال فو :up:
روز بصحتكم الشوى والنعمة ماخلاتش فيا ربي يبارك عليك علاه عليكم علاه نت ورغد وبسوم نبعثلكم كارت روج ههههه ايا اخرجو من الملعب
سيرينة صح عيدك نت يا قطة تعيدي وتزيدي
استاذتي ساندي كل شي يفور يمي يمي ربي يبارك ياخي مكيش بعيدة عليا وبخلتي طاطاك هههههه
وصلت عند ندوشة البشبوشة لقيت صحن بربوشة لا خضرة ولا خرشوفة ههههه شتي الشعر كيفاه يخرج واسياخ الشواء ما خلاوش
البربوشة كيما نحبها خاثرة وباينة مسقدة سواسوا والخضرة اسكتي برك على السوق هذا طلعلي الخل هههه
نحكيلكم ماذا جرى بيا مع السوق هههههه
نهار جيت ندير لعشا تع الضياف زعم نشري الدبشة مكانش البيض مكانش الخبز مكانش الجاج مكانش وليت نفور
اولا لعروسة تاعنا جديدة ما تكلش اللحم تاكل الجاج ايا نهار الجمعة الصباح خرجت نشري الجاج دورت الفيلاجة كامل مكانش الجاج يا كشايفي يا لعراش هههه كيفاه ندير وليت عيطت لعجوزتها لي هي مرت خويا قتلها اذا درتي فيا ربي ابعثيلي طرف جاج نديرو لعروستك هههههه من لحيتك نديرلك شكال تعرفوها قاتلي مكانش درناه يا كشايفي ههههه قتلها راني ما لقيتش الجاج ولا نديرلها كش قط برك هههه كي الشناوة
قالتي راهو كاين وحد هنا يبيع الجاج دك نشوف يا خي رب العالمين يمهل ولا يهمل لقاتلي جاجة والحمد لله هههههههه وزت قتلها كي جيو جيبو معاكم الدبشة راني ما لقيتش
والعشا زعم درت طجين الحلو والجاري والشخشوخة وقلت لابو الشباب على قولة روعة جيب الخبز معاك قالي وين نلقالك انا الخبز علاه مادريش الشخشوخة والبربوشة والنعمة هههههههه شتو الافكار ندوزيهم يباتو في السبيطار خخخخخ درت الكسرة على زهري هادي حكايتي مع العشا تاعي

شهرة بصحتك التحويسة وعلاه ياطفلة رحت وليتي بلا طاي هههههه المهم روحتيلنا بالسلامة
واخخخ على هذاك الفخذ المستيكي يمي يمي ولي بينيي ما خلاوش تسلم الايادي
روعة على السلامة يا ام ناصر وشراك وش راه الرويجل تاعك صح عيدك نت والاولاد وابو الاولاد
واهلا بيك وباطباقك الشهية
عفاف بصحتك العرس لعقوبة ليك ولعازبات اللمة
سميرة وقيلا العصبان تاعك درتيها صايي بصحتك
ليلىصح عيدك وينك غاطسة يا طفلة وشراك وشراهي اروى
تقراو نيتزغللو عينيكم ههههه
​

 

[SAMIRA25]

رد: ماذا ستطبخين اليوم سيدتي انستي الجزء **34 **

و هدو تاع ايام لي فاتو

​

 

[SAMIRA25]

رد: ماذا ستطبخين اليوم سيدتي انستي الجزء **34 **

 

[hadda0425]

رد: ماذا ستطبخين اليوم سيدتي انستي الجزء **34 **

ايا ديرو الصف ههههه
بكبوكة درتها قبل العشا

وهادو من بقايا العشا هههه
طجين الحلو

جاري

الشخشوخة ما صورتهاش
سلاطة وعنب وبنان
وهذا اللحم محطوط كي تع بكري هههه

وهذا عشا عند بيت خويا خطفت صور بالسريع

وهادي سينية القهوة تاعي

​

 

[shahrazad]

رد: ماذا ستطبخين اليوم سيدتي انستي الجزء **34 **

CENTER]سلام عليكم
ان شاء الله صبحتو بخير
هههههههه على رائد وشنوفة والله ولى يبان راجل كي حففتولو
فريدة ختي بصحتك التحويسة لمغنية نحيتي على قلبك وبصحتكم الزيتون
سمرمر يعطيك الصحة على الاطباق توحشناهم
سميرة الفحلة تسلم ايدك
حدودتيي اي ده كلو اي ده كلوو راني ربعت سي بون هههه ..عجبتيني فالتقرير تاعك الله اكبر ذبانة مانسيتيهاش خخخ
والعرضة الي درتيها ربي سلكك ماحبش الكشايف برك هههه...يعطيك الف صحة

الي طلبو مني موضوع الغريبية من عيوني اتفضلو
http://4algeria.com/forum/threads/387157/

هدا فطورنا لليوم
صح فطوركم

​

[/CENTER]

 

[hadda0425]

رد: ماذا ستطبخين اليوم سيدتي انستي الجزء **34 **

مساء الخير والخمير
روز اممممممممممم على الشخشوخة والله تاع حراير صح ..ههه كون غير يعود غاد ومايتكشردش برك من الطوندوز
شوفي كيفاش كان

ندوشة فكرني رائد غي ادم كي كان شعرو مسبسب هههههههههه

وهادي الصورة نهار حفينالو مارينز :$ ههههه

دك شعرو غي يكبار شوية نجريو بيه للحفاف ههههه
​

 

[hadda0425]

رد: ماذا ستطبخين اليوم سيدتي انستي الجزء **34 **

شهرة درت تقرير في غرضي الدار منقية ولغدا كاين قلت نريح شوية وشللت عينيا وكتبت الاز خلاص ههههه
بصحتكم لغدا وقيلا بطاطا بصوص بيضا اليوم مكانش اللحم
والغريبية تاعك شفتها غير اليوم جاتك روعة تسلم الايادي يا الفحلة ​