ماذا ستطبخين اليوم سيدتي انستي الجزء **34 **

[ام ايناس]

رد: ماذا ستطبخين اليوم سيدتي انستي الجزء **34 **

اييه بسوم الشخاشخ يجو بنااان انا تاني كملتلي الكسرة قلت حتى للصباح نعجن دورتها شخاشخ
​

 

[shahrazad]

رد: ماذا ستطبخين اليوم سيدتي انستي الجزء **34 **

مساء الخيرات
بصحتكم واش طيبتو ربي يبعد العين علينا هدا مانقول :regards01:
ياعمري على البوبون اويس خموس عليه ربي يحفظ ويصون ختي فوفة تبارك الرحمان
عفوفة والله صدقت عفاف المسيلية راكي مشهورة بأقوالك المأثورة هههه راهم شبعو ضحك فالدار على نكرطو ريسان ولادنا
حنا تاني عندنا مانكرطوش الكرشة يقولك بنتها هكاك خخخخ وختي وين تزوجت يكرطوها ايا مالا كي راحت عروسة جديدة نهار العيد قاتلها عجوزتها يااااوخدتي علابالك كاين ناس مايكرطوهاش ياكلوها هكاك والله يعايفو .ختي قاتلنا انا ضربتها بسكتة هههههه
المهم كل واحد وعوايدو
اليوم عشانا سباقيتي

وهادا صهيب وليد ختي يقلك صحا عشاكم :$

​

 

[كوثر الوهرانية]

رد: ماذا ستطبخين اليوم سيدتي انستي الجزء **34 **

مساء الخيرات
مشاء الله و تبارك الرحمن شحال شباب اويس الله يحفضه و يحميه و يكر في طاعت الله و رسوله خموس عليه
بصحتكم واش طيبتوا يا فحلات اللمة
عيش ام بصح جديدة عليا بزاف انك تضيفي الحليب على البركوكس فهميني فيها هدي يا حدة
ربي يحفضم و يحميكم خوتاتي راني الحمد الله بصح منقدرش نقعد و لا نوقف بزاف راني مرة على مرة نجي نطل عليكم و نجاميكم و نرجع لبلاستي
الغداء كوتلات معطريين و مشوين في لاقري و حريرة و سلاطة
راني سخفانة على المسمن و مقدرتش نديره
روعة طبابك فور و المطلوع يسخف

 

[مطبخ الأحلام]

رد: ماذا ستطبخين اليوم سيدتي انستي الجزء **34 **

السلام عليكم

الي تعشا بصحته والي مزال تاني بصحتاااااه هيييي برافو :d

رووعه بووووسة للبنبون نتاعك أمواح امواح

شهرزاد حقي نتاع سباكيتي وتاني حقي نتاع لفرينة الي كان ياكلها صهيب نموووووت عليها

ربي يحفظو من العين بوسيهولي تاني امواح امواح


ام ايناس نعطيك لاكتور هاداك مانبيع:d

روعة كلشي يشهي من تحت يديك يالغلا

ام منصف بصحتكم الشفلور انا تاني فطرت بيه:d

ام ندوشتي الا باقيلك لابوري لاسقة فلكوكوط ولا قدر ولا وين طيبتيها عطيني انا نكرتها وناكلها

ابتسامتي بصحتكم حبيبة
​

 

[ام ايناس]

رد: ماذا ستطبخين اليوم سيدتي انستي الجزء **34 **

اممم شهرزاد انا نبدا بصهيب ربي يبارك فيه وعضة كبيييرة من الخدوود والسباقيتي تشهي بصحتكم
فريدة كون جيتيني غير قريبة نبعتلك المسمن ربي يشفيك
سوسو اني جاية ولا ابعتيهولي راني نسنى
انا كليت الشخشوخة وحكمتني الدوخة هههه
​

 

[مطبخ الأحلام]

رد: ماذا ستطبخين اليوم سيدتي انستي الجزء **34 **

ام ايناس خلاص فتحي بلوتوت دوك يوصلك :d

اعطي تعبيرا يتكون من كلمتين لما تشاهده بالصورة :d


​

 

[روز]

رد: ماذا ستطبخين اليوم سيدتي انستي الجزء **34 **

السلام عليكم
راني جيت وجبتلكم حاجة تلقاوها في أخر ردي
استنو متهبطوش حتى تقراو ههه
اولا روعة مرضتينا بهادوك الاطباق روووعة اسم على مسمى يعطيك الصحة..ووليدك الله يبارك تحفون وبوقوس الله يبارك ربي يحميهلك من العين ويحفظولك
ابتسام القناوية وش هي عمري مادرتها..
ام منصف الله يبارك منصف ولا راجل ربي يحفطولك ويحفظلك صحتك اطباقك هايلة كي العادة
حدة هاداك عيش نتم تقولولو عيش
حنا وقيل يقولولو محمصة جابتولي جارتي مرة وطيبتوش حسيتو يجي معجن وانا والعجائن مش سواسوة يادرا بنتها؟
نسيمة تاني يعطيك الصحة
وزهرة بلا اوراق راني نقرا في الهدرة برك لحد الان
ام ندوش ماعندي مانقول اللحم نتاعك علاه لونو مش كما الالوان الاخرى ههه يهبل يعطيك الصحة
شهر وش هاداك الخبز مااحلاه لونو وشكلو الله يبارك عليك
عفوفة الزينة وين راه المريش وجدي التقتاقة لإبن وردية
سميرةعلاه راكي باخلاتينا من الصور يعطيك الصحة
حاملة المسك ماشاءلله صورك يشبهو للي يحطوهم في قناة سميرة الله يبارك عليك
برانساس هنا الهدر بالصور ههه راني نسنى كي العادة تخلعيا بطيابك
سمووووورة شخشوختك ياديك الشخشوخة ولا اروع الله يبااارك
حدة اللحم المفور يجي مبسس صح هاديك طريقتي المعتمدة بص انا نزيد نحمرو من فوق في الفور باش يجي مقرمش
يعطيك الصحة
نورمالمون راني ملت
درت سباقيتي شفتها واتشهيتها
سباقيتي باللحمة المعصجة ههه
نورمالمون تخرج هكدا

وانا خرجتلي ههكذا جبن الرومي هادي ماعرفتهاش كي دوب يولي لونها اصفر..
مخدومة باللحم المفروم مخلوط بالاسوس تومات والبصل حلقات والفلفل حلقات والزعتر والجبن بانواعو

وهاد السبيبيط جا لاميرة وطلبو مني نصورو وهي لابساتو

وش رايكم في رجل فوق رجل

 

[nassima 87]

رد: ماذا ستطبخين اليوم سيدتي انستي الجزء **34 **

السلام عليكم

مساء الخيرات

واش راكم خيتاتي ^_^

ايييييه عندي بعض التعليقات

اختي كوثر الوهرانية الموضوع يفتقل الى صورك واكلاتك راكي خايبة نوعا ما

اختي نسيمة انتي تاني اشتقنا الى اطباقك الجميلة والمنتوعة

حدة دائما في الحضور :d

ام ايناس كوراج كوراج ختيتي صورينا اطباقك ^^

ايمان راكي راقدة حضورك راه يقل بزاف هايا تشجعي وشاركينا بعمي وسمو هداك الاخضر ؟؟:d

ام ندوشة لازم تكوني حاضرة باش يحضرو الشيخات :d

أم منصف وينك يا امورهـ

وكامل لبنات يلا نشاط :$ ماتزعفوش مني كامل نحبكم ^____^
​

يشتاق ليك الخير حنونة الله غالب كانت عندي ظروف منعتني باش نكون ديما معاكم بصح ان شاء الله منزيدش نروح :-r

 

[fatima_19]

رد: ماذا ستطبخين اليوم سيدتي انستي الجزء **34 **

خدمت هاد القاطو البارح بنين وساهل

بدون فوتوشوب هع برك فالبانت كاليتي ديماج راحت



​

ممكن لاروسات من فضلك
و شكرا

 

[مطبخ الأحلام]

رد: ماذا ستطبخين اليوم سيدتي انستي الجزء **34 **

ممممممممممممميا روزتي على داك السباكيتي وبالطريقة الجديدة يعطيك الصحة يا ام الافكار راه يشهي

اما هادي

صدقيني قتلتني ماقديييييتش باربي والله داك الرجليك ماشاء الله عليها شابين من صغرها يييييي يغيرو يامامي يامامي

راني احتفظت بالصورة من بعد ادنك ^^
​

 

[nassima 87]

رد: ماذا ستطبخين اليوم سيدتي انستي الجزء **34 **

سلاااااااااااااااااااام عليكم ..........وعليكم السلام
والله ماعادت تطيرلي قعدة معاكم ..............توحشت قصرتكم ولمتكم
طيباتكم اككككككككككككككككككككل فوووور وانتيك وبشبش ويمي يمي وبدون تعليق راكم رقم واااحد تووووجور بصح لازم نعلق على قصعة حدة ممممممم عيش يقتل صحتين وهنا
ندوشة راني هنا عدت نبان غير انا خخخخخ والفاهم يفهم والبيري السايح مع اللحم الذايب ياعيني
شوشيتا بصحتكم الشفلور نظن تاع ام رامي لاغوسات في القمة جربتها مرارا وتكرارا بزاف عجبني والتاي محلااااااااااااه
تخصو غير الغالية خيرة وراهي طولتها ياسر زعمة هذا اكل تدواااش هههههههه
فريدة ربي يشافيك ويعافيك لحبيبة ماتشوفي شر
عفوفتي بصحتهم المريش وربي يخليك ليهم وصيهم يستحفظو بيك راكي حبة مقطوعة خخخخخخ
رغوود الكسرة هااايلة تهبل وطيابك مممم بصح مفهتش واش راح تديري بلي في البسينة الزرقاء ههههه
نسيمة طيبات خفاف يشهو بصحتكم ومبروك عليك الحمل
بسومة طيبات هايلين والقناوية ممممممممم نفسي نذوقها
تووووووووووووت ليكيب ...بون سوااااااااااااااااااااغ
========
غبت وليت لقيتكم تلونا في الفقرات ههههههههه عاند ومتحسدش​

الله يسلمك حنونة هاداك مايسلكها غير لخفيف بصح الحمل ماكتبليش ربي نفرح بيه في 5اشهر ماتلي البيبي الحمد لله على كل حال

 

[مطبخ الأحلام]

رد: ماذا ستطبخين اليوم سيدتي انستي الجزء **34 **

ممكن لاروسات من فضلك
و شكرا

ممكن حبيبة

بدون مقادير اول شي

ارحي كاوكاو وادا حبيتي معاه جميع المكسرات الي حبيتي فرفشيهم برك وطحني بيمو مليح وخلطي بنيسلي او كراميل او عسل ودوبي شوكولا شويا وخلطيها معاهم وحمي ديول وفتيه فوق الخليط ورقيها على المقياس الي تحبي تفضل تجي غليضة شويا ومن بعد في حمام مائي دوبي شوكولا ودهنيها فوقه ومن بعد ديري ديكور الي تحبيه دخليها فتلاجة تجمد شويا وخرجيها وقصيها وبس
​

 

[مطبخ الأحلام]

رد: ماذا ستطبخين اليوم سيدتي انستي الجزء **34 **

يشتاق ليك الخير حنونة الله غالب كانت عندي ظروف منعتني باش نكون ديما معاكم بصح ان شاء الله منزيدش نروح :-r

كل انسان معدور يالغالية ان شاء الله هاد المرة ظلي معانا على طول
​

 

[nassima 87]

رد: ماذا ستطبخين اليوم سيدتي انستي الجزء **34 **

كل انسان معدور يالغالية ان شاء الله هاد المرة ظلي معانا على طول
​

ان شاء الله يا رب :d

 

[nassima 87]

رد: ماذا ستطبخين اليوم سيدتي انستي الجزء **34 **

الله يبارك اخت روعة ان شاء الله ربي يحفظهولك او يتربى في عزكم ان شاء الله

 

[nada242008]

رد: ماذا ستطبخين اليوم سيدتي انستي الجزء **34 **

اوووووو ماشاء الله على هذوك الرجليلات المبطبطين الله يبارك الله يبارك ..ضركا مش حرام عليكم تقعدو تسخفو فينا مانا قادرين نبيطرو كروشنا مانا قادرين على التربية ههههه
قوليلها يلبقلك تحطي رجل على رجل :up:
اطالب ووبالحاح شديد حطيلي صورتها نشوفها تعودي تكلحيتا غير بالسيقان المبطبطين:p
الصراحة بنتك غطات على السباقيتي واول ماقريت ماتهبطوش زدتي شجعتيتي هبطت تجري قبل مانكمل الكلمة ههههههه جاتك هايلة وقيلة العصاجة برك ناقصة طماطم على العصاجة الاصلية :d

--
شهرا هههههههههههههه الله الله على الاشعار والخواطر لي عندها شعبية ومتتبعين خخخخخخ يا كشايفي :$
سباقيتي ايطليانو اممممممممممم كيما يقولو في لبيبليسيتي gــــودي مابتلزق هههه هايلة شهاتني
وهذاك الكربوع صهيب يهبللللل يهبل ربي يحفظو راهم كبرو شعراتو على الصورة الرمزية خخخ الله غالب تعقدت من تكريطة رائد
--
سوسو والله نفرح كي نشوف مشاركاتك والله وارواحي كرطيني معاها ..كلي لكي :$
--
نسيمة ربي يعوض عليك ان شاء الله ..وعسى ان تكرهوا شيئا وهو خير لكم.

 

[nada242008]

رد: ماذا ستطبخين اليوم سيدتي انستي الجزء **34 **

درت تعديل برك على كلمة عصاجة تاقصة طماطم
انا الجبن الرومي كنت حاسباتو فرماج روج .. بصح ما يصفارش بعد مايذوب
--
دليلة مــــــــــــاينة وزدتي شخشختي ثاني هههه بصحتك وقيلة الكارت ميموار تاعك دخلت للشهر التاسع ههههههههه
--
فريدة بالشفا عليك ان شاء الله

 

[fatima_19]

رد: ماذا ستطبخين اليوم سيدتي انستي الجزء **34 **

ممكن حبيبة

بدون مقادير اول شي

ارحي كاوكاو وادا حبيتي معاه جميع المكسرات الي حبيتي فرفشيهم برك وطحني بيمو مليح وخلطي بنيسلي او كراميل او عسل ودوبي شوكولا شويا وخلطيها معاهم وحمي ديول وفتيه فوق الخليط ورقيها على المقياس الي تحبي تفضل تجي غليضة شويا ومن بعد في حمام مائي دوبي شوكولا ودهنيها فوقه ومن بعد ديري ديكور الي تحبيه دخليها فتلاجة تجمد شويا وخرجيها وقصيها وبس
​

شكرا اختي ربي يعيشك

 

[ibtesem]

رد: ماذا ستطبخين اليوم سيدتي انستي الجزء **34 **

الله الله على صهوب ا بوسة على الجبين
بصحتك السباقيتي شهرور
سباقيتي ولا بيتزا روز امممممممم
مي صبيبطات تاع امور اهبلو قريب نعض لي كرون خخخ
بصحتها
القناوية هي الاوكرا بالانجلزية او الباميا بالمصرية او دو الاخرى
راهي عملتها سندريلا موضوع​

 

[مطبخ الأحلام]

رد: ماذا ستطبخين اليوم سيدتي انستي الجزء **34 **

سوسو والله نفرح كي نشوف مشاركاتك والله وارواحي كرطيني معاها ..كلي لكي :$

ياعمري عليك بالمثل نفرح كي نشوفك متواجده انتي مامكرطكش بالعكس
نخبيك فقلبي

​