بكل حيــاد

[مداح القمر]

رد: بكل حيــاد

الجنرال على جمعه يرى ان هؤلاء سيدخلون الجنه لانهم .....عبـــــــــــــــط.
جنرالات الجيش القو عليهم من الطائرات خطابات تهديد وانهم لن يدخلو الجنه لانهم .......مغرر بهم
متى امتلكتم خزائن رحمه ربى لانفسكم حتى تمنعوها غيركم
وحسبى الله ونعم الوكيل

 

[عتاب]

رد: بكل حيــاد

ربي يلم شمل المصريين على الحق وكلمة واحدة .....مصر الان وهى بوابة العرب ساحة حرب للاقوى واللى يفرض منطقه..................
ان كانوا الاخوان او الجيش بقيادة السيسي كلهم مصريون...............

 

[مداح القمر]

رد: بكل حيــاد

ربي يلم شمل المصريين على الحق وكلمة واحدة .....مصر الان وهى بوابة العرب ساحة حرب للاقوى واللى يفرض منطقه..................
ان كانوا الاخوان او الجيش بقيادة السيسي كلهم مصريون...............

الصراع فى مصر ليس صراعا على السلطه
هو صراع بين الحق والباطل ايهما يقتلع الاخر من جذوره
بين استبداد نظام مبارك ونتاج ثوره 25 يناير
بين عالم السلطان والعالم الربانى
بين حكم عسكر قهرى وحكم شعبى مدنى
الحرب حرب ارادات لايهم من سيحكم بعدها

 

[سراي علي]

رد: بكل حيــاد

الاشكال الحاصل هو ليس في ان ما حدث في رابعة هل هو مجزرة ام لا .. ام هو انقلاب عسكري ام تصحيح ثوري .. ام تصادم في المصالح بين خصمين ....... على طرفي نقيض

الاشكال في اعتقادي هو سؤال بسيط جدا

هل كان الاخوان يتوقعون ذلك ام لا ... وكيف كانوا ينظرون الى خصومهم ..

فتوقع العاصفة والاستعداد لها اولى من شتمها .. والتطير بها .. ومن الحماقة ان تبحر السفينة والسماء تنذر بعاصفة هوجاء .... بل ربما يصبح البحار هو الجاني في مثل هذه الحالة اللهم الا ان يكون هناك عته عقلي قد ألمَّ بالبحار قبيل الابحار

مشكلة الاخوان انهم لا يقرؤون ..... ومتى ما قرأوا شيئا ... لا يفقهون

لا عتاب معاشر الاصحاب .... هذا مجرد رأي
​

 

[* بنت النيل *]

رد: بكل حيــاد

انا مش شايفاها ثوره و لا شايفاها انقلاب

و معاك ان اه دى مجزره و ان الشرطه و الجيش اتعاملوا بمنتهى العنف و اللا انسانيه

بس فى حلقه مفقوده , فى حاجه مش مفهومه

هو ليه " مرسى " مرضاش يسمع للناس اللى كانوا ضده ؟؟!!

ليه الاخوان كــ حزب معترفوش بأخطائهم و حاولوا يصلحوها بدل ما نفضوا للناس كلها

ليه وصلونا للمرحله دى اصلاً , ليه انفردوا بالحكم و طمعوا فيه زيهم زى اى حد بيوصل للكرسى !!

ليه خسر كل الناس اللى كانت معاه و اللى ادته صوتها علشان نخلص من حكم مبارك و اللى شبهه و خسرهم بسرعه جداً كمان

على فكره انا اديت صوتى لــ " مرسى " فى انتخابات الاعاده ,, و انا برده كنت همضى على استماره تمرد علشان اسحب الثقه اللى اديتهاله لما اديته صوتى

بس بجد ممضيتش عليها , علشان كنت عارفه انها هتعمل انقسام فى البلد

الانقسام ده مش هلوم تمرد عليه ,, " مرسى " لو كان بيعامل الكل على انهم ولاده بجد مكنش فى حاجه اسمها تمرد طلعت

و على فكره برده انا مش مع العسكر و لا مع الاخوان و لا عمرى هكون مع ده او ده

لانهم هما الاتنين بتوع مصلحتهم

بس مش بصدق الاعلام , بحاول على اد ما اقدر ادور انا على الحقيقه , و احكم بنفسى مخليش الاعلام يحكم بدالى

قناه الجزيره انا اختلف معاك فى رأيك فيها ,, مش شايفاها قناه بتنقل الحقيقه

الحقيقه ان كل الاعلام بينقل الحاجات اللى تخدم قضيته و بس

الحقيقه الاكبر ان مصر بتخسر ولادها و شبابها و بناتها و برده رجاله الشرطه - رغم اختلافى مع الوزاره كلها -

بس الكل بيموت فى مصر

مبقاش فى فرق , الكل بيموت ,, الكل ظالم ,, الكل مشارك فى اللى بيحصل فى البلد ده

ربنا ينصر الحق

لكى الله يا مصر