ماذا ستطبخين اليوم سيدتي انستي الجزء **35 **

[mimi53]

رد: ماذا ستطبخين اليوم سيدتي انستي الجزء **35 **

غدانا لنهار اليوم
قراتان بدنجال باللحم المرحي





مدلان للقهوة

 

[shahrazad]

رد: ماذا ستطبخين اليوم سيدتي انستي الجزء **35 **

سموورة بصحتكم اطباق هايلة
ميمي الغرتان شهاااااااااني نموت على البذنجال والله جاك يغير بصحتكم حبيبتي
ام ايناس لالا العجينة ماتتعجنش تخلطيها برك ممبعد تخمر
​

 

[ام ايناس]

رد: ماذا ستطبخين اليوم سيدتي انستي الجزء **35 **

امممم ميمي يعطيك الصحة القراتان جاتك تغير امممم والمادلان ماعندي ما نقول
شهرة انتي اخت ميمي راني اووور شو :d
العشا فلفلة محشي منبعد نحط الصور
​

 

[mimi53]

رد: ماذا ستطبخين اليوم سيدتي انستي الجزء **35 **

هههههه لا لا اختي ام ايناس هنا حبابات ومن منطقة واحدة فهمتيني مي تقدري تقولي اختي معليش واش ندير حاصلة فيا معندي ما ندير هههههههه

 

[ام ايناس]

رد: ماذا ستطبخين اليوم سيدتي انستي الجزء **35 **

هههه ميمي ربي يخليكم لبعضاكم الحبابات كيما الخواتات :d
​

 

[¬Đỉaмơŋđ ✿]

رد: ماذا ستطبخين اليوم سيدتي انستي الجزء **35 **

السلآمْ عليكُم ..

يعْطيكم الصحَة يَ الفحلآتْ عَلى الأطبآق الرآئعة ..
هآذي أول مشآركة ليآ معآكم وإن شآء الله مآتكونشْ الأخيرَة ..

~
​

 

[nada242008]

رد: ماذا ستطبخين اليوم سيدتي انستي الجزء **35 **

بصحتكم لبنات
ابتسام دولمة تشهي يمي يمييييييي
انريس شخشوخة وعليها لكلام يعطيك الصحة
ميمي قراتان عذاب اممممممممم وبصحتك لي مادلان
ام نوسة بصحتك لبربوشة ..مقيومة باللحم والخضرا خاصها غير حميميصات هههه
شهرا طعام اممممممم على تاويلو والخبز مفشفش والكيكة خليني ساكتة خير ههههه
سمرمر الله الله على الزواتن //خخخخ اسم دلع جديد ..مع ليسكالوب امممممممم بالصحة والهنا
--
انا ليوم غدايا مرقاز مايد اين هاوم :d

 

[ibtesem]

رد: ماذا ستطبخين اليوم سيدتي انستي الجزء **35 **

الله الله عليكم
انوسة شهرورة ميميتا جوعتوني معاكم
زادت كملت عليا سمورة
روحت قليت زوج حبات بيض صبرت بيهم المعدى
حتان نعمل لعشا روز بادجاج في الفرن انشاء الله
راني نعمل في المدلان :d​

 

[ام خديجة1]

رد: ماذا ستطبخين اليوم سيدتي انستي الجزء **35 **

مساء الخير عليكم حبيباتي طيابكم يشهي ما شاء الله راني نسلم عليكم كامل كامل ونقولكم بارك الله فيكم على كل شيئ تقدموه










وهذا يا عمري بيني شهرورتي ما شاء الله خرج اكثر من رائع العدوة وصلتني بوشليغمات ووليداتو دعاولك واحد الدعوة ربي يتقبلها ان شاء الله

 

[ibtesem]

رد: ماذا ستطبخين اليوم سيدتي انستي الجزء **35 **

مرحبا ¬Đỉaмơŋđ ✿ مشاء الله عشا خفيف ضريف ان شاء الله تعجبك كوزينتنا
الله الله مرقاز لازم نعلمك الضفرة تاعو احم احم
راني نستنا في اللحم المرحي باش نعملو على جالو خبيت مصرانتي هههه
راهي ناضت لكان المدلان مجات مليح انا خاطيا :d
​

 

[ام خديجة1]

رد: ماذا ستطبخين اليوم سيدتي انستي الجزء **35 **





وهذه سبيسيال ليكم لقطات من الحفل اللي اقيم اليوم 01/11/2013 بقاعة الحفلات بمدينتي بمناسبة عيد الاضحى المبارك
وبقية الصور رايحة انزلها الان في موضوع منفرد

 

[ام خديجة1]

رد: ماذا ستطبخين اليوم سيدتي انستي الجزء **35 **

ما تنساوش تزوروني

http://4algeria.com/forum/threads/388201/#post5143680


http://4algeria.com/forum/threads/388203/#post5143710

 

[انريس]

رد: ماذا ستطبخين اليوم سيدتي انستي الجزء **35 **

انا اليوم عشايا في الضباب ديرو فونتيلاتور بالاك يروح الضباب هههههه
صورت ببورتابلي الشينوي
المهم درت سردين باني و فريت
سلاطة متنوعة
سلاطة فلفل حلو
و مطلوع

 

[mimi53]

رد: ماذا ستطبخين اليوم سيدتي انستي الجزء **35 **

امممم ندوش مرقازة وحدة ورقدة حتى لصباح هههههههه تاكلي واحدة متزيديش قاع تدكري الماكلة هههههه يعطيك الصحة شهيتيني
ام خدوج واش هادا الخير الله يبارك ويزيد ربي يجعلها ديما عامرة البيني فووووووووووووور غدوة انشاء الله نسييهم شهيتوني قلبي خرج منهم غيرتوني فيهم وقتاش يلحق الصباح وااااااااااع
وهاداك قلب اللوز ولا وشنو
انريس بصحتكم حبيبتي

 

[ام ايناس]

رد: ماذا ستطبخين اليوم سيدتي انستي الجزء **35 **

مرحبا بيك معانا دياموند واطباقك تشهي بصحتكم
ندوش يا للفضيحة :$ مالصبح وانا نقول انشا الله مايفيقوليش مداريا رغود تفرز هادو الصوالح كنت خايفة منها هههه وليتي انتي ههه نسيت ماشمختوش وابو الشباب قالك ناكل الطعام درتو حاكك والعشا راااه يشهي يعطيك الصحة حمرتيه في الكوكوت المرقاز كيما اللحم
بسوم ههه بصحتك البيضات والمادلان راني نسنى في الصور
اممم ام خديجة كلش يشهي يعطيك الصحة والصور تاع العرضة هايلين بصحتكم
انريس راه عندك الضباب انشا الله مايطيحش الثلج رانا جايين بالليبوت بصحتكم
ميمي ديري الكوراج وديريهم انا كملتلي الفرينة هه
هادا عشايا بسوم قالك عاند وما تحسدش :d فلفلة محشية

وهاد اللحم مرحي بقالي وكان عندي روز طايب تاع لولاد اخترعت هادي الماكلة :d

​

 

[مسافر المريخ]

رد: ماذا ستطبخين اليوم سيدتي انستي الجزء **35 **

 

[ام خديجة1]

رد: ماذا ستطبخين اليوم سيدتي انستي الجزء **35 **

امممم ندوش مرقازة وحدة ورقدة حتى لصباح هههههههه تاكلي واحدة متزيديش قاع تدكري الماكلة هههههه يعطيك الصحة شهيتيني
ام خدوج واش هادا الخير الله يبارك ويزيد ربي يجعلها ديما عامرة البيني فووووووووووووور غدوة انشاء الله نسييهم شهيتوني قلبي خرج منهم غيرتوني فيهم وقتاش يلحق الصباح وااااااااااع
وهاداك قلب اللوز ولا وشنو
انريس بصحتكم حبيبتي

الله يخليك اختي ميمي الصراحة البيني جا هايل ربي يرزقها الفردوس الاعلى اختي شهرزاد
وسيه وخلي العجين يخمر مليح
هاذاك قلب اللوز قتلتني اختي انريس بقلب اللوز نتاعها عينيا خرجو من السخفة مي انا عملت وصفتي المعتادة

 

[ام خديجة1]

رد: ماذا ستطبخين اليوم سيدتي انستي الجزء **35 **

تصبحو على خير
حالياً الأعضاء النشيطين الذين يشاهدون هذا الموضوع : 54 (23 عضو و 31 ضيف)

‏ام خديجة1, ‏ŚσÚмĨÁ.Ďz, ‏Ahlem&mou, ‏anfal96, ‏أمونة المتألقة, ‏مسافر المريخ, ‏نور الحبوبة, ‏نور الرحمان, ‏bellafoufa, ‏ام ايناس, ‏ام بسومة, ‏fatima der, ‏homework, ‏imane27, ‏جنان, ‏mimi53+, ‏nada242008, ‏nassima 87, ‏nassima88, ‏samah06, ‏Samia Eljazairia, ‏sarah11, ‏Voyage dans un rêve

 

[mimi53]

رد: ماذا ستطبخين اليوم سيدتي انستي الجزء **35 **

ايه اوكي اختي ام خدوج ربي يخليك انشاء الله نخليه يخمر مليح وربي يزوج شهرورتي ويرزقها زوج كيما يحب الخاطر .........................خخخخخخخخخخخخخخ امين يارب
والقلب اللوز خرجلك هايل انا تاني سخفتني انريس فيه مي
انا سييتو خطرة مفهمتش حاجة واحدة علاش كي نخليه يبات 1 نهار ولا 2 يولي يابس من الفوق ياريت تفهميني فيه ولا اختي انريس وين راه المشكل

 

[nassima 87]

رد: ماذا ستطبخين اليوم سيدتي انستي الجزء **35 **

السلام عليكم سيدات اللة واش راكم ؟ ان شاء الله نكونو قع لاباس
يعطيكم الصحا على واش قدمتو من مسمن ,شخشوخة, قراتا, دولما ’ مرقاز.بينيي, تارت .............كل شيء يشهي راني جاميتكم قع
شطرا اختي ابتسام لي سقسيتي عليا والله ماني نقعد راهم يجوني ضياف هاد اليامات


¬Đỉaмơŋđ ✿ مرحبا بيك معانا او ان شاء الله نفيدوك او نستفادو منك