رد: ماذا ستطبخين اليوم سيدتي انستي الجزء **35 **
هاتي لغوسات انريس كي قلتي تيراميسو سخفتيني وعندي البسكوي تاعو
عفوف راهي تديلك البيسكوي بزاف فرشي البيسكوي في لبلاطو الي رايحة ديري فيه و ديري حسابك على 3 طبقات هذا باه ديري حسابك برك مازال مبديناش
نبداو بالكريمة
تحتاجي علبة فرماج كيري الكريمي ماشي اللي يجي حبات واللي كثر من الصغيرة
علبة كريم فريش المتوسطة الحجم السائلة و الافضل تخدمي بماركة hoplla
3صفار بيض
كاس و نص سكر كاس كبير و السكر هنا حسب الذوق
مغرفة كبيرة فاني
التحضير
تطلعي الكريم فريش نتاعك مليح وتخليها
تخلطي 3 صفار البيض مع السكر مليح وتضيفيلهم الفاني ثم الفرماج و تخلطي كي يتخلطو مليح ضيفي الكريمة و خلطي غير بلعقل كيما بياض البيض وهذي هي الكريمة نتاعك
تجيبي بول كبير تخلطي فيه كاس و نض ماء مع 2 مغارف كبار نسكافي و مغرفة سكر
جيبي المول نتاعك اللي رايحة ديري فيه وفرشيه بالالمنيوم و لا البابي نتاع الطياب خطراكش راح يتقلب
اغطسي كل حبة بيسكوي في النيسكافي و حطيها في المول نتاعك حتى يتغطى السطح صبي فوقو الكريمة و ذري فوقها الكاكاو و عاودي اغطسي البيسكوي و حطي فوق الكريمة حتى تتغطى و زيدي ديري الكريمة و الكاكاو والطبقة 3 بيسكوي تتحصلي على 3طبقات بيسكوي و 2 كريمة حطيها في الفريجيدار تبات و تحكم روحها
غذوا اقلبيها وديري الكريمة اللي بقتلك على الوجه والتزيين دبري راسك
انا هنا كملت غطيتلها لي كوتي بالبيسكوي على منين راهي تبان لكريمة
