ماذا ستطبخين اليوم سيدتي انستي الجزء **36 **

[nassima 87]

رد: ماذا ستطبخين اليوم سيدتي انستي الجزء **36 **

مساكم بالخير لبنات راني جاميتكم الكل بصحتكم واش طيبتوا راني نشوف في العدسون وميس لولو مدايرين حالة والبيتي فور انتاع شهرورة جاك روعة والحوت مطروحة الله الله انتاع ام فيروز وهدي مشاوي والدجاج المحمر ولا لعراضة انتاع نسيمة تسخف مع هديك الرولي جاتك44444444 وصومو اطباقك يشهوا ولي نستها تسمحلي خانتني الداكرة
اليوم ما طيبتش تغديت في برباز (barbes)كلينا شورما
كنت رايحا نحطلكم صور اطباقي لقيت التلفون انتاعي طار بيه زوجي ان شاء الله كي يدخل او غدوة

الله يسلمك ختيتي اه تسما نتي مغتربة تسكني في باري؟ بلربلس تقول راكي في دزاير اه دوماج معنديش بزاف كنت لتما

 

[ام خديجة1]

رد: ماذا ستطبخين اليوم سيدتي انستي الجزء **36 **

اختي ام ريهام اتفضلي حبيبتي

500غ فرينة + شوية ملح +م/ك خل وتبليه بالماء وتكون العجينة طرية خليها ترتاح في ساشي



350غ زبدة التوريق تعجنيها بيدك وتطرحيها





وحطيها في الثلاجة تبرد شوية



افتحي العجينة وحطي الزبدة في الوسط وغلقيها مليح خليها تريح 10 دقائق وبداي تطرحيها


وطبقيها على 3 وعاودي رجعيها الى الثلاجة 10دقائق وعاودي هذه المرحلة 3مرات وفي كل طرحة استعيني بالفرينة









الكريمة نصف لتر حليب +3م/ك فرينة +عصير حبة قارص +3م/ك يكر عادي +2 صفار بيض
خلطيهم مليح وطيبيهم كي تبدا تسخن اضيفي م/ك زبدة وحركيها مليح حتى تعقد غطيها وخليها تبرد


الكلاصاج عملت بياض 2 بيضات + م/ص نشاء + سكر وفاني حتى عقد

والشيكولاطة استعملت نوتيلا ذوبتها في الميكرواند











اتمنى الفكرة وصلت هناك بعض المراحل ما صورتهاش:d

ما تنساوش تزروني
http://4algeria.com/forum/threads/388957/

 

[hadda0425]

رد: ماذا ستطبخين اليوم سيدتي انستي الجزء **36 **

بريوش مشري المهم واحد البريوش يذوب وحدو نرجع المرة الجاية نسقسيه على الوصفة خخخخخ

حميص بالدبشة نهار نشريها جديدة حتى الما نلوح فيه الدبشة ههههه

روطي حوت وبطاطا والحوت المقلي طارو بيه قبل ما نصورو

​

 

[nassima 87]

رد: ماذا ستطبخين اليوم سيدتي انستي الجزء **36 **

سلام بنات صحا عشاكم او يعطيكم الصحا على واش قدمتو
هدا عشايا كروكات تع البطاطا مع الشوفلور بالمرقة تع الجاج

او ها للسهرة مزال مكليناهش

 

[hadda0425]

رد: ماذا ستطبخين اليوم سيدتي انستي الجزء **36 **

لبنات تشفاو على هادو تع نهار الورطة تاعي اليوم تلاقيت بيهم جبتهم معايا
بسوم ادي شوية لمريومة من الفوندا

كش كاس تاي مثلا نسخنو بيه عظامنا ههه
​

 

[ام سيف]

رد: ماذا ستطبخين اليوم سيدتي انستي الجزء **36 **

عشايا اليوم
​

 

[hadda0425]

رد: ماذا ستطبخين اليوم سيدتي انستي الجزء **36 **

ام خديجة ماينة ليك فحلة درتو مرة بصح فيه التعب نشري ب 20الف ناكل ولا العذاب بصح مليح الواحد يجرب
نسيمة بصحتكم لعشا والتحلية هاتيها لهون ههههه وش درتي فيها
ام سيف بصحتك لعشا
​

 

[ام ريهام]

رد: ماذا ستطبخين اليوم سيدتي انستي الجزء **36 **

ام خديجة تسلمي ياغالية ربي يحققلك ما في بالك

حدودة بصحتكم البريوش والحميص واروطي حوت
نسيمة بصحتكم طابلة تشهي

 

[nassima 87]

رد: ماذا ستطبخين اليوم سيدتي انستي الجزء **36 **

ام خديجة ماينة ليك فحلة درتو مرة بصح فيه التعب نشري ب 20الف ناكل ولا العذاب بصح مليح الواحد يجرب
نسيمة بصحتكم لعشا والتحلية هاتيها لهون ههههه وش درتي فيها
​

تفضلي راه قدامك
درت الياوورت زوج اذواق مختلفة
درت طبقة بالياوورت طبقة بنان منبعد طبقة اخرى ياغورت حتى كملت​

 

[nassima88]

رد: ماذا ستطبخين اليوم سيدتي انستي الجزء **36 **

alah ya3tik esaha okheti oum khadija mille feuilles w3lih elklam

 

[nassima 87]

رد: ماذا ستطبخين اليوم سيدتي انستي الجزء **36 **

ام خديجة تسلمي ياغالية ربي يحققلك ما في بالك

حدودة بصحتكم البريوش والحميص واروطي حوت
نسيمة بصحتكم طابلة تشهي

الله يسلمك شكرا :regards01::regards01:​

 

[oumsif]

رد: ماذا ستطبخين اليوم سيدتي انستي الجزء **36 **

نسيمة راني في 8 اسنين غربة خسارة ما تلقيناش جأتي حواسة
وبصحتك لكروكات البطاطا والشوقلر والحلو ياحلو
خدوجة يعطيك الصحة يالفحلة حتي انا نحب نديرو في الدار هنا يدروه خشين
حدودة بصحتك الحميص والبريوش ما ظنيتش مول الحانوت يعطيك الوصفة يخاف يقولك المخلوقة جاية تديلي الحرفة هههههههه
ام سيف بصحتكم البربوشة والسلاطة تاكلوهم بالصحة

 

[nassima 87]

رد: ماذا ستطبخين اليوم سيدتي انستي الجزء **36 **

نسيمة راني في 8 اسنين غربة خسارة ما تلقيناش جأتي حواسة

الله يقاويك 8سنين الغربة واعرة انعم جيت حواسة بصح قعدت بزاف تما بالاك مره اخرى ان شاء الله​

 

[nassima 87]

رد: ماذا ستطبخين اليوم سيدتي انستي الجزء **36 **

تصويرة تكالميو بيها ريسانكم لاخاطرش انا كي نكون مقلقا نقابل لبحر نريح
هادي عنابة صورتها المرة اللي فاتت كي رحت

او هادو في بلادي **بني حواء**

 

[ام منصف]

رد: ماذا ستطبخين اليوم سيدتي انستي الجزء **36 **

حاملـة المسك
وينك توحشنا اطباقك وانت ماتوحشتيناش
ام خديجة1
حلويات هايلة يعطيك الصحة
imane27
هلت الانوار لويزة واخيرا شفنا مائدتك وسلاطتك بيتزا اممممم والحوت الله الله
ام ريهام
بصحتك عرجون التمر
hadda0425
بصحتكم الدبشة الجديدة واللي معاها كل شيء اممممممم
nassima 87
لي كروكات اكيد بنة يعطيك الصحة والديسار متحوف
ام سيف
عشاء خفيف بالصحة والهناء
​

 

[ام منصف]

رد: ماذا ستطبخين اليوم سيدتي انستي الجزء **36 **

كش كاس تاي مثلا نسخنو بيه عظامنا ههه
********

لعيونك حدة
وعندك واحد شاي للمعلمة وصلحووووو

وهذا للجماعة راهو كاين الخير تفضلوا

​

 

[ام ايناس]

رد: ماذا ستطبخين اليوم سيدتي انستي الجزء **36 **

ام خديجة مشكوورة على الوصفة تاع الميلفاي يبات هاااايل
حدووودة العشا يشهي بصحتكم ههه انتي راكي كيما انا على الدبشة نموت عليها كي تكون جديدة انا ندي الشامية نموت عليها بصحتكم
بصحتك نسيمة واش تعشيتي العشا راه يشهي بصحتكم يا الفحلة والديسار اممممم طلعتي للمنارة لفوق وهادي البلاصة لي راكي تصوري منها جاية التحت شوية مضارية نقعد فيها

ام سيف اممم على الطعام مع العنب نموت ليه بصحتكم
شريفة التاي جا في وقتو يعطيك الصحة

​

 

[ام خديجة1]

رد: ماذا ستطبخين اليوم سيدتي انستي الجزء **36 **

الله يخليكم وينوركم حبيباتي هذا طعام من عند الجارة كثر خيرها

 

[ام خديجة1]

رد: ماذا ستطبخين اليوم سيدتي انستي الجزء **36 **

تصبحو على خير يا وجوه الخير

 

[ام ايناس]

رد: ماذا ستطبخين اليوم سيدتي انستي الجزء **36 **

اممم ام خديجة الطعام راه يشهي بصحتكم
​