السلام عليكم ورحمة الله وبركاته
اختي ام ريهام اتفضلي حبيبتي
500غ فرينة + شوية ملح +م/ك خل وتبليه بالماء وتكون العجينة طرية خليها ترتاح في ساشي
350غ زبدة التوريق تعجنيها بيدك وتطرحيها
وحطيها في الثلاجة تبرد شوية
افتحي العجينة وحطي الزبدة في الوسط وغلقيها مليح خليها تريح 10 دقائق وبداي تطرحيها
وطبقيها على 3 وعاودي رجعيها الى الثلاجة 10دقائق وعاودي هذه المرحلة 3مرات وفي كل طرحة استعيني بالفرينة
الكريمة نصف لتر حليب +3م/ك فرينة +عصير حبة قارص +3م/ك يكر عادي +2 صفار بيض
خلطيهم مليح وطيبيهم كي تبدا تسخن اضيفي م/ك زبدة وحركيها مليح حتى تعقد غطيها وخليها تبرد كاين اللي يضيفلها الشانتي مضروبة انا ما حطيتها
الكلاصاج عملت بياض 2 بيضات + م/ص نشاء + فاني والسكر حتى عقد
الطريقة
اضربي بياض البيض مع الفاني مثل الميرانع ثم اضيفي النشاء والسكر العادي حتى يعقد ويثقال
وهذا الكلاصاج ما يطيبش اللي يحب يضيف قطرات من عصير الليمون
والشيكولاطة استعملت نوتيلا ذوبتها في الميكرواند حطيتها في ساشي
اتمنى الفكرة وصلت هناك بعض المراحل ما صورتهاش:d
