رد: ماذا ستطبخين اليوم سيدتي انستي الجزء37
السلاام عليكم
انا غير دخلت لاقاتني لمفرمسة نتاع عفاف و انا ثاني درت مفرمسة البارح اختي بايتة عندي عاونتني مسكينة هي حكمتلي لولاد و انا درت القاطو راني سجيتو في يوم واحد رقم قياااااسي بصح ما جاش متحوف كيما اللي موالف نقعدلو الله غالب درتو في اخر لحضة
المهم غاضتني الطفلة مسكينة البارح جات ما قعدت ما تعشات درتلهم بيض مشرشم وما شفتش حتى شكونكلا شكون ما كلاش عوضتهالها اليوم
اللي سقساو عليا كامل نقلهم يسقسي عليكم الخير انشاءالله و ام رزق الله و روعة نقلهم ربي يحفضكم انشاءالله و راهو حكمني عليكم القاطو برك
نبداو هذي المفرمسة حطيتها و نسيت ما صورتهاش مسقية راجلي كي عجبو الغدا راح يجري جاب امو و كي جابها مقدرتش نزيد نصور
و درت فخض تاع داند في الفور مع زيتون و بطاطة بلاكرام فراش
ودرت سلاطة سامبل
وهذا القاطو نزيد نعاود راهو تاع الزرب درتو في يوم واحد البارح سهرت حتى 2 علاجلو
ماهوش مليح كيما اللي مالفة نديرو منعرف لاه حطيتو منيش راضية عليه منحبش نخدم القاطو مزروب
المودال الاول كرات الثلج مفاجأة خطراكش يبانو كرات ثلج بصح هوما حاجة اخرى طعمهم رووووووووووعة محشيين بالنيستلي و الجوز و مقلاصين في الشيكولة البيضا و الكريم فريش و مرمدين في السكر طعمهم يمييييييي راجلي الليل كامل و هو يقابر و ساعة ساعة يسرق حبة هههههه
الموديل الثاني الفراشة
الموديل الثالث
الموديل الرابع
هذا على 12 تاع الليل و انا نقلاصي فيه نزيد نعاود راهو تاع الزرب برك الطفلةغدوا الصباح نتاعها
