ماذا ستطبخين اليوم سيدتي انستي الجزء37

[nour inasse]

رد: ماذا ستطبخين اليوم سيدتي انستي الجزء37

هلا لبنات راكم هنا هيا مليييح جبتلكم باه تسهروا تفضلوااااا درت تارت القارص حححححححح تهبل تهبل






بصحتكم

 

[ام ايناس]

رد: ماذا ستطبخين اليوم سيدتي انستي الجزء37

الله يسلمك فريدة هبلتو باش شريتو كل مرة نقول هادا عجبني منبعد نقول هادا ههههه
ام ريهام امم الكيكة خرجتلك هايلة والطعااام اممم يشهي والشوكولا راني ديت حقي ههههه انا نوسا قطعتلهاكامل الحلويات
​

 

[انريس]

رد: ماذا ستطبخين اليوم سيدتي انستي الجزء37

ام ريهام بصحتك البربوشة و ميييييرسي على الشيكولة فكرتيني في واحد الحكاية
كيما راجلي عرض صحابو و هوما الله يبارك كاينلهم واحد منهم جاب في يدو شيكولة ماشي شيكولة شواااااكل و غير لامارك كي مكانش و مكانش واحد الخمسميةالف شيكولة دايرها في ساشي تاع لي كادو انواع و اشكال انا ماعندي حاجة في الشيكولة هو كي طل على الساشي و لقاها شيكولة مات بالفرحة و داها طووووول خباها باه متشوفهاش انريس مسكينة و عاد كل يوم ياكل منها بصح انا غاضتني نعتهالها و ضرات الحرب علاجال هذيك الشيكولة حتان خلاصت و تهناو في 2
ام كوثر انا والله ما درت عشا تعشينا لي راست نتاع الغدا بقا كلش لمفرمسة الداند البطاطة... محبيتش ندير لعشا و زيد والله ماني حابة ندير حاجة بعد التعبة نتاع البارح

 

[ام ريهام]

رد: ماذا ستطبخين اليوم سيدتي انستي الجزء37

ايا لبنات لي راكم لتحت
‏, ‏bellafoufa, ‏السلفية الصغيرة, ‏السيدة إلهام, ‏ام ايناس, ‏ام رحاب, ‏انريس, ‏imane27, ‏labed93, ‏lina-67, ‏mimi53, ‏nassima88, ‏nono_02, ‏om mima, ‏samah06, ‏sarah11, ‏serinee+, ‏كوثر الوهرانية, ‏عاشقة الوردة, ‏فايزة1207, ‏ziassia
والغايبات
انريس شهرزاد ابتسامو نسيمة 87 .. ام ايناس روعة.. ندى ام ميمي ميلي .. سوسو ام رزق الله والكل على بالي مستحيل ذكر كل الاسماء لكن كلكم راكم في القلب ودعواتي لكم
نقول للجميع ليلتكم سعيدة وهنيئة اللقاء غدا في نفس المنتدى

الى ذالكم الحين استودعكم الله الذي لا تضيع ودائعه والسلام عليكم

 

[ام ريهام]

رد: ماذا ستطبخين اليوم سيدتي انستي الجزء37

الله يسلمكم غالياتي ام ايناس وانريس وربي يخليكم انريس انا تاني ماعندي حاجة في الشكولا بصح ابو البنات والبنات تدفنيهم الشكولا ما يشبعوش
نور اناس التارت والله روعة بدون مجاملة وبالقارص اححححححح قارصة بح بنينة اطلعي بالوصفة برك

 

[ام ايناس]

رد: ماذا ستطبخين اليوم سيدتي انستي الجزء37

نوور ايناس مرحبا بيك معانا والتارت جاتك هيلة يعطيك الصحة اطباقك ديما روووعة
انريس بصحتك العشا لي بقا من الغدا :p
ليلة سعيدة ام ريهام
لبنات تصبحو بخير

​

 

[انريس]

رد: ماذا ستطبخين اليوم سيدتي انستي الجزء37

تصبحو على خير غدوا انشاء الله هاني بديت نخمم يادرى واش ندير غدا غدوا وكي يخلاص لغدا نوليو نخممو في العشا محنة و حنا فيها ههههه

 

[serinee]

رد: ماذا ستطبخين اليوم سيدتي انستي الجزء37

مساء الانوار يا سيدات و بنات
يعطيكم الصحة واش عملتو
الاطباق الحلويات
كلشي بيجنن يسلم اديكم
جمعتكم مباركة
تصبحون على خير
​

 

[كوثر الوهرانية]

رد: ماذا ستطبخين اليوم سيدتي انستي الجزء37

ام ريهام الطعام باين بنين و البيسكوي جاك فور و الشكلاط عندي كل يوم ناكله قبل ما نرقد
انريس رانا كامل كيف كيف انا تاني تعشينا غير بلي غاست و هديك الشكولا كون غير فليكسيتيلي شويا منها سيرتوا نتاع الخارج راهي بنتها لا تقاوم المرة الجاية متنسينيش
نور ايناس تارت الليمون جاتك فايف ستار بصحتكم

 

[أم انس عبد الله]

رد: ماذا ستطبخين اليوم سيدتي انستي الجزء37

السلام عليكمورحمة الله وبركاته
ان شاء الله تكونو كامل بخير
راني متابعتكم بصمت

 

[أم انس عبد الله]

رد: ماذا ستطبخين اليوم سيدتي انستي الجزء37

 

[روعة2005]

رد: ماذا ستطبخين اليوم سيدتي انستي الجزء37

نقول صباح الخير على الجميع ويسلمو دياتكم هذه قاطوات ولا الدونات ولا البرابش ولا الشخاشخ ولا ولا ولا كلش مميز وفووووووور تبارك الله عليكم
انا امس كنت معرسة روحت في ليل مووووور واليوم داري راهي تقول ناض فيها العرس لازم تتفرز ملييييح الغداء قلت نقفل الكوكوط على كاش مرقة ونشري الخبز وفرات
صحاا غدواتكم الكل

 

[samah06]

رد: ماذا ستطبخين اليوم سيدتي انستي الجزء37

صباح الخير لبنات
الله يسلمكم وربي يعيشكم ويعطيكم الصحة والله يبارك في عماركم ويعطيكم الصحة تليق تتلحن وتتغنى
روعة بصحتك التعريسة حبيبتي والا الباقيات الصالحات كامل راكم في بالي خموس عليكم اطباقكم تشهي والا هاذيك لمفرمسة
مات عليها انيس قتلو ضرك نشوف السلفية الصغيرة تاعنا تبعثلك سحن اذا بقاتلها انا مانديرهاش وخاصة اليوم معنديش الوقت
وراني رايحا لبنت عمي زيدت جابت بنت وسماتها رقية نروح نباركلها ونشوف بنتها باه انا ثاني نجيب بنت اذا حبلي ربي قولو امين معايا
لغداء اليوم راني درتلهم لوبيا وسلاطة ماسيدوان والديسار موندرين راه جا وقتها قلتلهم وقتاه يلحق وقت الزعرورة لانو عندي الشجرة تاعها ههههههههه

 

[ام ايناس]

رد: ماذا ستطبخين اليوم سيدتي انستي الجزء37

السلفية الصغيرة طولتي علينا الغيبة واش احوالك وتوحشنا اطباقك راهي تشهي
سيرين مرحبا بيك معانا
رووعة بصحتك التعريسة ههه الدار رانا كامل هاكاك مع الميناج رايحين نهبلو
سماح بصحتك اللوبيا مسبقا
انا راني مع الشغل والقش راهو يتغسل سلالالالالالامي

​

 

[ام ريهام]

رد: ماذا ستطبخين اليوم سيدتي انستي الجزء37

صباح الخير للجميع وبصحتكم واش اكم دايرين انا غدايا راني دايرة شوفلور يطيب ومنبعد نشوف واش نديرو مزال مقررتش
نتلاقاو منبعد

 

[انريس]

رد: ماذا ستطبخين اليوم سيدتي انستي الجزء37

صباح الخير عليكم
انا اليوم راني مدايرة مطلوع و بطاطة قراتان و سلاطة
الصور مبعدا يلحقو كي يوجد الغدا راهو يطيب هههههه

 

[labed93]

رد: ماذا ستطبخين اليوم سيدتي انستي الجزء37

+






صباح الخير عليكم
راني ديما نتابعكم و نحب نشارك بأطباقي لكن ما عنديش باش نصور غير كيكون بورطابل راجلي نصور بيه بصح كيجي منين نوجد الطابلة يقضي عليها
الدونات تع شهرزاد جاو روعة نقولها يعطيك الصحة

 

[om mimi.mili]

رد: ماذا ستطبخين اليوم سيدتي انستي الجزء37

بصحتكم لبنات الفطور انا درت جواز في الككو طة وشوية سلاطة وراني نجرب في كرواصة تع ام ريهام ان شاء الله تنجحلي باش نبعثلكم التصاور روح نشوفها خليتها تخمر ايا منبعد لبنات.:d

 

[ام ريهام]

رد: ماذا ستطبخين اليوم سيدتي انستي الجزء37

غدانا اليوم مربعات الشوفلور للاخت ندى ربي يجازيها حشيتهالهم للبنات قلتلهم بطاطا انا زدتلهم الطونةوحقا بنان

وراني دوك مع دونات الاخت شهرزاد راني عجنتهم وخليتهم يخمرو راني من بعد نوافيكم بالصور

 

[shahrazad]

رد: ماذا ستطبخين اليوم سيدتي انستي الجزء37

سلام عليكم
مرسي على هدرتكم الزينة حبيباتي
فريدة ختي هيييه خسارة معندكش خوك صغير ماعليش راهي ام ندوش عندها :p مي محبتش ديرنا لافار
صح فطوركم وراكم
labed الله يسلمك ختي بصحتكم خرجولك هايلين على حساب الصورة ومرحبا بيك معانا المهم شاركينا بواش درتي مشي بسيف الصور
اليوم فطورنا لوبيا

​