ماذا ستطبخين اليوم سيدتي انستي الجزء37

[ام ايناس]

رد: ماذا ستطبخين اليوم سيدتي انستي الجزء37

اممم تبان هايلة الكيكيكة بصحتكم هادا وين فهمت والقاطو لي من فوق عرفتو يتباع بالشوكولا كيما زينته انتي
سومو ههه انا نجوع لازم قبل 12 ناكل ولا يلقاوني متغاشية ههههههه بصحتكم الروطار اييه كاين لي يحبو يصلو خفاف انا الموسيو عمرها وراح يصلي قوتلو دوك ترقد تما
بلة فلة الله يسلك الشخشوخة لازملها شطارة انا لدرك والله مانعرف نديرها كيما نتاع الصح تاعي مزورة هههههه تنحي السخفة برك
ام فيروزا الله يسلمك
​

 

[انريس]

رد: ماذا ستطبخين اليوم سيدتي انستي الجزء37

وينا حيا سهااام
من داخل كيك الشوكولا و الجوز و من برا قلاصيتها بالشيكولة و زينتها بحبات القاطو التزيين كيما تحبي تحبي حبات جوز تحبي لوز تحبي ماتديري والو
تعرفيدرتها مزروبة ما صورتش الخطوات نعاودها و نحطهالكم موضوع بنتها لا تقاوم هذي راني مديتها معايا لخالت راجلي بنها مريض زعمة راني معرسة هاني وليت في حاجة واحدة اخرى قالك لازم تروحي لولد خالتي عيب تروحي للعرس و ما تطليش عليه و هو الطفل مسكين حالتو ميؤوس منها مللي زاد و ضرك في عمرو21سنة امو متمرمدة معاه مسكين ربي يخففلو برك و خلاص ملي زاد مايهدر ما يكبر ما ياكل قاعد مسكين في الشوكة وامو هي اللي ديرلو كلش اللهم نسالك العفو و العافية يارب

 

[bellafoufa]

رد: ماذا ستطبخين اليوم سيدتي انستي الجزء37

somo_81 يعيشك قوليلي بالضبط وين نصيبو في أي مارشي حوست عليه في باب الواد ما لقيتش و
أنا نسكن في شوفالي

 

[somo_81]

رد: ماذا ستطبخين اليوم سيدتي انستي الجزء37

معليش اسما اختي اجرك عند ربي كبير في طاعة راجلك و زيارة المريض و العراس لاحقة عليهم راهم ما يخلاصوش و وليد خالة راجلك ربي يخفف عليه و يخفف على امو و يكتبلها بلاصة في الجنة في خاطرو

 

[somo_81]

رد: ماذا ستطبخين اليوم سيدتي انستي الجزء37

bellafoufa سيرتو في باب الواد تصيبي كلش غير قولي لراجلك ولا انت روحي لتاع التوابل و إذا مصبتيش عندهم سقسيهم وين تصيبيه راهم يورولك حاجة ساهلة والله لوكان جيت قادرة نخرج راني جبتولك حتى باب دارك مي الله غالب والله ماني قادرة

 

[انريس]

رد: ماذا ستطبخين اليوم سيدتي انستي الجزء37

والله انا ديما نقولها بالاك ربي يدخلك الجنة على وجهو ماتيماجينيش وش راهي مسوفرة معاه
حنا كي يكونو عندنا لي بيبي ما نقدرولهمش ونشكيو منهم ومانجيو نعقبو هذاك العام ولا 2 حتى بسيف و هي 21 سنة و هي معاه و صابرة و تمووت عليه و تقلنا ماعليهش راهو حاكم البلاصة و ما يموتليش الماكلة ياكل غير تاع لي بيبي اقل من 7شهور والله غير ربي يكون في عونها مسكينة

 

[somo_81]

رد: ماذا ستطبخين اليوم سيدتي انستي الجزء37

نسيت نقول لسمورة يعطيك الصحة على بابا تسخف و تاع ام ندوش تاني بلا منقلها راهي عارفة رايي في اطباقها
و البيتزا راهي تقولي ارواحي كوليني :cray02:
منكذبش عليكم قد ما يجي طيابي بنين نحب ناكل طياب الناس ولا تاع برا خير يعني لي مطيبتوش انا وخلاص رغم اني عديت مرحلة الوحم

 

[نور الحبوبة]

رد: ماذا ستطبخين اليوم سيدتي انستي الجزء37

انريس عيش اسخف ويصلح في هاد البرد ابعتيلي شوية نموت عليه وذيك الوردة كيكة وعليها لكلام يعطيك الصحة ولمريض ربي يشفيهواجازيى امو
ام ايناسالرشة عمري مادرتهااندير التريدة برك احبوها لبناتماكول الهنا حبيبتي
ام فيروزة لاوم نذكر ربي شوية ماشي ديما ماكلة كابوية يا بعدا قتلتيني بسخفة نحب بزاف الاكلات التقليديةمي لبنات لازم النوعلهم بصحتكم يا لالة
سومو مقلتيش واش درتي لغدا ربي اكون في عونك واسلكك على خير

 

[نور الحبوبة]

رد: ماذا ستطبخين اليوم سيدتي انستي الجزء37

انا غدايا بربوشة بالحم والعصبان ذورك انوافيكم بالصور

 

[نور الحبوبة]

رد: ماذا ستطبخين اليوم سيدتي انستي الجزء37

لبنات كاين بزاف الي راهم غايبين كيما معتز اللمة ونسيمة و.............ان شاء الله المانع خير

 

[أم رزق الله]

رد: ماذا ستطبخين اليوم سيدتي انستي الجزء37

السلام عليكم جمعة مباركة
اناريس و ام ايناس و ام فيروزا و صومو و نور الحبوبة وكامل لبنات نقولكم صحة فطوركم

هادا فطوري شطيطحة سردين

 

[bellafoufa]

رد: ماذا ستطبخين اليوم سيدتي انستي الجزء37

يعطيك الصحة somo_81 الله ينورك

 

[نور الحبوبة]

رد: ماذا ستطبخين اليوم سيدتي انستي الجزء37

bellafoufa مساء الخير ان شاء الله تلقاي مرادك
ام رزق الله ايه داكل بصحتكم لفريت وشطيطة سرديم ممكن الوصفة
هذا غدايا بربروشة باللحم والعصبان عصبانة انتاع الشاوية

[/url]

[/url]

 

[shahrazad]

رد: ماذا ستطبخين اليوم سيدتي انستي الجزء37

مساء الخيرات
جمعة مباركة على الجميع
راكم توووب لبنات والله يعطيكم الصحة على واش راكم تقدمو فحلات ونص
ام ندوووش جاري البحث على فارس :scared01:
اواااه انا القعدة تع الدار هادي متنفعنيش ههههههه
حدة راكي ديري تحقيق على الاسماء
وانا في بالكم وسمني شهرزاد ولا هادا اسم الشهرة برك ؟؟خخخخخخ
لعشا تع البارح غراتان واليوم طعام وبطاطا بالجاج بوراك وتشهيت تارت تع الروز درتها

​

 

[ام ريهام]

رد: ماذا ستطبخين اليوم سيدتي انستي الجزء37

جمعتكم مباركة بصحتكم كامل صحاب الرشتة والشخشوخة والبربوشة والطارت تاع انريس راهي وردة كيما انت ما دتينيش معا للعرس :yahoo01::bravo01:راني نبكي:cray01::cray02:

ام فيروز ام ايناس سومو بلة فوفة حدة ما بنتيش راكي خايفة نعرف اسمك جابدتو من السما ولا من الارض شهرزاد هذا الاسم سوخ تاع الفبركة تاع اللمة

مليكة وين راكي اليوم حسك مكاش

انا والله هذا وين ريحت شوية بعد الفطور قعدت مع ريهام الاختبارات راهم قربو قلت نريح وتريح شوية ونرجعلها
بصحتكم كاملين

 

[نور الحبوبة]

رد: ماذا ستطبخين اليوم سيدتي انستي الجزء37

الله الله عيك ياشهرة اطباق ر يعلى عليها شهاتني ممكن وصفة تارت بالروز و بصحتكم لغدا

 

[shahrazad]

رد: ماذا ستطبخين اليوم سيدتي انستي الجزء37

ام ريهام ربي يكون معاك وبالتوفيق لرهومة ربي ينجح كامل ولادكم ان شاء الله
نور الحبوبة ربي يسلمك من عيوني اتفضلي

روز حسب الحاجة
حليب
حبة بيض
زاست تع القارص
فاني
سكر
زبيب

تنقعيه فالما ثم طيبيه في ماء مغلي كي يشرب شوية زيدي لحليب وخليه يزيد يغلي ممبعد طفي عليه
وتضيفي زاست تع القارص سكر فاني حبة بيض وزبيب
وتخلطي مليح
ممبعد جيبي مول ترشي عليه السكر ثم الماء وتفوتيه على النار يعني باه يتكرمل
ممبعد تفرغي الروز في بلا وتحطي البلا في سنيوة فيها ماء وديريه فالفور حتى يشد روحو
كي تخرجيه اقلبيه

​

 

[ibtesem]

رد: ماذا ستطبخين اليوم سيدتي انستي الجزء37

سلام عليكم يالبنات
جمعتكم مباركة الله الله علي نهار اليوم راهي زاهي
هدي بربوشة بالعصبان تاع الحبوبة لي شهاتني تاع الصح
رشتة تاع انوسة
شخشوخة تاع ام فيروزة ماتسخفيني مانسخفك انا تاني مشخشخة اليوم
شهرورة والبوراك اممم
انروسة والعيش الله الله
ام رزوق امممم سردين
شكون تاني لي حطت بصحتكم جميعا

 

[ام ايناس]

رد: ماذا ستطبخين اليوم سيدتي انستي الجزء37

مساء الانوار عليكم لبنات ههه مكانش عندي البلاص سرقلي الميسكرو هادا وين كره منو
ام رزق الله نموت على الدلمة سردين جاتك تهبل بصحتك السردين مع البطاطا
نور الحبوبة الطعام راهو يشهي اممم بصح عمري مادقتو بالعصبان وكيفاش درتي العصبان حنا العصبانة جي كبيرة كيما البالون هههههه
شهرا اممممم كلش راهو يشهي الطعاام اممم والبطاطا بالجاج والبوراك راهو اممممممم بصحتكم واش اسمك تبانلي شهرزاد ولا راني غالطة
نسيمة ماشي عوايدها تغيب انشا الله مايكون غير الخير

​

 

[ام ريهام]

رد: ماذا ستطبخين اليوم سيدتي انستي الجزء37

انا غدايا طعام مرقة بيضة ما صورتش
شهرور الله يسلمك اختي وربي يخليك وان شاء الله كامل اولادنا ينجحو

ابتسامو بصحتك الشخشوخة الحالة راهي راقدة اليوم غير الخير التحت مكان والو