مادا ستطبخين انستي سيدتي الجزء38

[somo_81]

رد: مادا ستطبخين انستي سيدتي الجزء38

سندريلا بصحتكم التليتلي
ام ريهام بشفا عليك و قوليلو راني فحلة ماشي جرانة نحب الما انا والله مانيش قادرة نسيق كرشي كبرت بزاف و معدش نقدر نهبط
معليش ما بقاش بزاف و نتهنى ان شاء الله و على راجلي مسكين كره كل مايجي يحط يدو نعيط استنى نصور البارح قالي واش رايك تزيدي تقطعي فوقي معدنوس و تصوريني ههههههههههههههههه
ام ميمي.ميلي بشفا على مريم راني في فصل المرض و راجلك الله غالب هادو هوما الرجال واش ديري اصبري و كبري عقل معاه متزعفي ماوالو انا كرشي لفمي و مغضتوش خلاني نروح وحدي نشريلها سباط مسكينة ماصبتش واش تلبس غير سنادل ولا لي باسكات نورمال جوزيلو و يجوزلك
ام فيروز والله راني نوض كي الفروج بصح نصيب ابو شباب راقد و بنتو راقدة واش نوض ندير نقعد في فراشي حتى ينوضو

 

[nassima 87]

رد: مادا ستطبخين انستي سيدتي الجزء38

سلام لبنات ام يا سوووووووووومو والله شهيتيني في هديك الكسرة والله تبان هايلة بصحتكم
درت قوارب بطاطا محشيين بالزيتون او الشومبينيو

 

[نور الحبوبة]

رد: مادا ستطبخين انستي سيدتي الجزء38

صباح الخير ام فيروزا والله اسقسي عليك الخير ختي كي سقسيتي على معتز بات مسكين حشاك يتقي والحمى طالع ولدياري
راني صبحت اليوم لطيبة انتاعو قاتلي راه انبت في الضروص
الله الله على الفحلة الحرة بنت لحرايرهذيك الكسرة لمدورة مع مسحة بالمعجون فنجان حليب بانيسكافي عطيك الصحة سمو
سندريلا صباح النور بصحتك التسياق انا الدروج قريب ينطق مبصح منقدرش نخرج نسيقهم نخاف على معتز ولبنات يقراو واحدا الباك وحدا لهلية منحبش لهيهم على لقراية بصحتك التليتلي وفينا بالصور
ام ميمي وميلي يسمى بتنا كيف كيف بصحتكم لعدس وربي اجيب الشفا لمريم ماتزعفيش منو انا اداني لطبيبة على الثمانية وخلاني لتم حتى العشرة عيط لخويا جاء روحنا مي عاذرات الطوموبيل حبستل انبان
صغرونتي واش صبحتي ان شاء الله لباس وبشوية على صحتك حتى تبراي مليح
نسيمة ماكول الهنا القوارب راهم اشهو اوراهم اعومو في لصوص بصحتكم
هيا لحرات الي مزالو حطونا اطباقكم نمتع ونشلو عينينا

 

[ام ريهام]

رد: مادا ستطبخين انستي سيدتي الجزء38

سومو الله يسلمك اختي وربي يقومك بسلامة سحال مزالك باش ناكلو الطمينة والمسمن
نسيمة بصحتك قوارب البطاطا بصح على حساب الطابلة راكي وحدك وقلشتي عمرك انا كي نكون وحدي والله ما نطيب ندير سندويش وانا تهنيت بصح دوك مع البنت لازم نطيب

بصحتكم كامل واتغديتو

 

[نور الحبوبة]

رد: مادا ستطبخين انستي سيدتي الجزء38

هذا غدايا محاجب بنتي وجدتلي لعجين والحشوة وانا كي روحت طيبت

[/url]
اليسار بنان واناناس

[/url]

 

[shahrazad]

رد: مادا ستطبخين انستي سيدتي الجزء38

سلااام لبنات
صح فطوركم
يعطيكم الصحة واش طيبتو
فطور لليوم

 

[نور الحبوبة]

رد: مادا ستطبخين انستي سيدتي الجزء38

شهرورة تريذة هايلة يمممممممممممممممم راهي تشهي بصحتكم ختي

 

[nassima 87]

رد: مادا ستطبخين انستي سيدتي الجزء38

صحا قهيوتكم لحباب تفضلو سابلي او مشوك من عندي تجوزو بيه القهوة

 

[nassima 87]

رد: مادا ستطبخين انستي سيدتي الجزء38

نسيمة بصحتك قوارب البطاطا بصح على حساب الطابلة راكي وحدك وقلشتي عمرك انا كي نكون وحدي والله ما نطيب ندير سندويش وانا تهنيت بصح دوك مع البنت لازم نطيب

والله ياختي انا اللي ماكليتش ماشي كنت وحدي ماكنتش جيعانة تسما قلشتو هو ههههههه

شهرورة التريدة راهي تشهي بصحتكم
بصحتكم المحجوبة نور الحبوبة :up::up:

 

[نور الحبوبة]

رد: مادا ستطبخين انستي سيدتي الجزء38

نسيمة راهم اشهو راني اديت حبة من وحبة من مع السمانة قلبي الصغير لا يتحمل
انريس طال غيابك ياغزالي والبقية ايضا

 

[om mimi.mili]

رد: مادا ستطبخين انستي سيدتي الجزء38

السلام عليكم صحا فطوركم لبنات كلشي يشهي من قوارب البطاطا امممممممم تع نسيمة لتريدة تع شهرزاد روعة نور بصحتك المحاجب بنتك فحلة خارجة لماماها صومو والله يا ختي حرنا واش نديرو مع هادو الرجال الله يهديهم انا زعما جاني على الواحدة غير ربع حطيتلو فطر ومنبعد قالي راني رايح هو ساعة جا يبدل ويحفف حقة حقة عندو رينيو مستعجل في الخدمة وكي يجي عشية يديها يا درى وقتاش خلاني ناكل في روحي وخرج وانا والله لوكان كاين وين نخلي خاوتها منسناهش الله يصبرنا نسيمة الصابلي والمشوك روعة صحا قهيوتكم

 

[nada242008]

رد: مادا ستطبخين انستي سيدتي الجزء38

السلام عليكم ورحمة الله وبركاته
مبروك الافتتاح ويعطيك الصحة ميمي على العرضة المقيومة والكوزينة منظمة وتشعل ربي يبارك
يعطيكم الصحة كامل على طياباتكم الشهية لي تفتح النفس
الف شكر لكل واحدة تفكرتني وصقصات عليا ربي يخليكم ..
انا والله كنت كارهة وقلقانة ....اعوذ بالله من الشيطان الرجيم
ولبارح رائد يلعب بالبسكيلات طاح على راسو ..انا قلت طيحة عادية حتان نشوف الدم يسيل من عينيه والله قريب يحبس قلبي ومن بعد باباه قالي اغسليلو ولقينا بلي الجرح خارج العين تقريبا على بعد 1ملم ..سترو ربي
الحمد لله يا ربي هكا ولا كثر والله مزية مش في العين
اليوم صبحت عينو قونفلي وموف هههه يشف وندى تقولي يبان مداير ماكياج :d
جات تطل عليه جداتو وجابتلو بسكيلات 100 بوغ 100 بلاستيك هههه من الفرحة ماقيلش راهو لااصق فيها
المهم الحمد لله وربي يشفيلكم وليداتكم وربي يحفظكم كاامل
نرجعو للمطبخ
تليتلي

بكبوكة

خبز الدار وشطيطحة دجاج

كمونية

وغدا ليوم بوخفيف

 

[om mimi.mili]

رد: مادا ستطبخين انستي سيدتي الجزء38

والله سامحوني يا خاوتي على التعابير كنت راح نسلم على ندى ونحمدلها على وليدها جات ملاك بنتي وكتبت وبعثت هدى الجيل والله جنون ندى اطباق روعة يعطيك الصحة

 

[ام منصف]

رد: مادا ستطبخين انستي سيدتي الجزء38

مساء الخير على كل اللماويات مبروك الافتتاح ولعقوبة لاجزاء اخرى ان شاء الله
ام ندوش حمد لله على سلامة رائد هكذا ولا اكثر المهم ما جاتوش في عينو سلامات ان شاء الله ومبروك عليه البيسكلات البلاستيك الجديدة
--
يعطيكم الصحة على اللي قدمتوه وحطيتوه ماكول الهنا يا رب ربي يديم النعمة
--
صحى غداكم وسلامي ليكم كامل
​

 

[ام منصف]

رد: مادا ستطبخين انستي سيدتي الجزء38

هذا كان غدانا

وهذي تارت سامبل بلاكريم شانتيي

​

 

[somo_81]

رد: مادا ستطبخين انستي سيدتي الجزء38

مساء الخير عليكم هادا وين دربت طلة عليكم ام ريهام دارتلي الكوراج سيقت و دوك برك كملت والله طبت خاصة مع الدروج
ام ريهام حبيبتي راني في ثامن اخر جانفي بإذن الله تاكلي طمينة و إذا حب ربي بلاك قبل
نسيمة يعطيك الصحة يا الفحلة من الفطور لي يشهي للقواطيط ههههههه خاصة الصابلي
نور الحبوبة بالشفا على معتز مسكين بصح نقولك حاجة راه تنسنان ميمرضش لو كان تعسيه مليح على خاطر تنقص المناعة كي يكون يسنن على هاديك يمرض
شهرورة اللوزة بصحتكم التريدة راهي تشهي ممممممممممم
ام ميمي.ميلي معليش المهم تديها برك وسعي خاطرك متتقلقيش
ام ندوش على سلامتك و يا عمري على رؤود مسكين سلامة عينو و يعطيها الصحة مانو و بصحتكم كلش راه يشهي انا اعطيني طاجين الزيتون سخفتيني فيه و زيد مشكيتش راح نقدر نطيب العشا خلاص عودي حبس كيما تقول يما
شريفة على سلامتك نورمالمو راكي ممنوعة من الدخول لهنا ههههههههه واش راكي توحشناك

 

[ام ريهام]

رد: مادا ستطبخين انستي سيدتي الجزء38

ندوش الحمد الله على سلامتو وليدك
بصحتكم الاطباق كل شي يشهي

ام منصف بصحتكم الغدا والتارت راهي تشهي
هاجر بصحتكم الشخشوخة
نسيمة القاطو يشهي بصحتكم وختيتو بصحتكم المحجوبة وبشفى على الببون تاعنا

 

[somo_81]

رد: مادا ستطبخين انستي سيدتي الجزء38

مممممممممم يا شريفة على التشيشة يعطيها رحمة ربي عجوزتي بخلتني فيها طيبتها بيدي مبردتليش قلبي
و الكيكة ما عندي ما نقول عليها راني ديت هاداك الموصو

 

[نور الحبوبة]

رد: مادا ستطبخين انستي سيدتي الجزء38

ام ميمي متزعفيش هذي هيا الدنيا ساعة هاك وساعة هك
ندوشا ايه دا كلو جبتي الخير معاك على السلامة واهلا وسهلا ومرحبتين اطباقك تشهيييييييييييييييييييييييييييي هبلتيني بخبز الدار لمفشش بصحتكم على سلامت ولادك وربي يحفظلكم الجدة
ام منصف هلا وغلا بالغوالي دشيشة ترد القلب والتارت تزغلل العنين بصحتكم يالفحلة
سومو ساعدي روحك الشغل مايخلاصش صحتك خير وحشاك وسخ العم يتنحي في نهار كي تسلكي على خير ديري رايك في التسياق
راني قعدتلكم هنا معتز في حجري كالام من المرض راني نجرد ونعاود

 

[نور الحبوبة]

رد: مادا ستطبخين انستي سيدتي الجزء38

راه تنسنان ميمرضش لو كان تعسيه مليح على خاطر تنقص المناعة كي يكون يسنن على هاديك يمرض
مفهمتش كيفاه نعسو وضحيلي حبوبتي دانا خشيمة سمحيلي