وين راكم يا لفحلات راني محتاجة مساعدتكم

[AMMOUNA IMEN]

السلام عليكم ورحمة الله وبركاته
بنات عمتي راح يزاد عندها مولود وكلفتني باش نعملهاالحلويات نتاع هاذ المناسبة نحب وصفات تكون لذيذة وهمية بلا ما ننسى الطمينة
نتمى تفيدوني بأقرب وقت
وشكــــــــــــــــــــــرا

 

[om mimi.mili]

رد: وين راكم يا لفحلات راني محتاجة مساعدتكم

مبروك عليها بنت عمتك الله يسلكها شوفي انا القاطو خاطيني نعرف على قدي بصح الطمينة نديرها مليح وتعجبهم :d شوفي جيبي سميد يكون بين الوسطي ولحرش فوريه في كسكاس ديري كومبراس ولا فينة رقيقة باش ما يطيحش السميد من لعوينات تع الكسكاس فوريه خطرة واحدة ومنبعد ديريه في قصعة وحليه بمغرف تع حطب حتى يبرد ومنبعد حمصيه في طجين تع حديد خير من المقلة وكي يبرد سقيه بالعسل والزبدة وحلوة الترك والديكور كيما تحبي بيستاج ولا ديدراجي ..... وان شاء الله نكون فدتك اختي .

 

[حكيك]

رد: وين راكم يا لفحلات راني محتاجة مساعدتكم

ينقل الى
ركن الإستفسارات والطلبات المطبخية

 

[ام ريهام]

رد: وين راكم يا لفحلات راني محتاجة مساعدتكم

اولا اهنئ عمتك على المولود الجديد ان شاء الله تقوم بالسلامة

تقدري ديري صابلي حلوة الجلجلانية عرايش شراك مسمن اكيد بصح على حساب علمي الغرب ما يديروش المسمن للنفساء المهم...والطمينة راهي افادتك صديقتي مليكة وهي صح طمينتها مليحة ولا تقدري ديري طمينة ورفيس التونسي ثاني مليح والواحد يبدل شوية تحبي ديري بقلاوة ولمزيد من المعلومات روحي ختي لركن الحلويات المجربة تلقاي المراد تاعك واي سؤال انا في الخدمة

 

[AMMOUNA IMEN]

رد: وين راكم يا لفحلات راني محتاجة مساعدتكم

مبروك عليها بنت عمتك الله يسلكها شوفي انا القاطو خاطيني نعرف على قدي بصح الطمينة نديرها مليح وتعجبهم :d شوفي جيبي سميد يكون بين الوسطي ولحرش فوريه في كسكاس ديري كومبراس ولا فينة رقيقة باش ما يطيحش السميد من لعوينات تع الكسكاس فوريه خطرة واحدة ومنبعد ديريه في قصعة وحليه بمغرف تع حطب حتى يبرد ومنبعد حمصيه في طجين تع حديد خير من المقلة وكي يبرد سقيه بالعسل والزبدة وحلوة الترك والديكور كيما تحبي بيستاج ولا ديدراجي ..... وان شاء الله نكون فدتك اختي .

الله بيارك فيك أختي شكـــــــــــــــــــــــــــــــــرا ع الوصفة انشاء الله راح نجربها و أكيد راح تجي هايلا
بـــــــــــــــــــــــــــــــــارك الله فيك

 

[AMMOUNA IMEN]

رد: وين راكم يا لفحلات راني محتاجة مساعدتكم

اولا اهنئ عمتك على المولود الجديد ان شاء الله تقوم بالسلامة

تقدري ديري صابلي حلوة الجلجلانية عرايش شراك مسمن اكيد بصح على حساب علمي الغرب ما يديروش المسمن للنفساء المهم...والطمينة راهي افادتك صديقتي مليكة وهي صح طمينتها مليحة ولا تقدري ديري طمينة ورفيس التونسي ثاني مليح والواحد يبدل شوية تحبي ديري بقلاوة ولمزيد من المعلومات روحي ختي لركن الحلويات المجربة تلقاي المراد تاعك واي سؤال انا في الخدمة

انشاء الله يا ربي
شكرا أختي ريهام بارك الله فيك

 

[om mimi.mili]

رد: وين راكم يا لفحلات راني محتاجة مساعدتكم

الله يسلمك اختي امونة رانا كامل نتعلمو ونعاونو بشيء لي نقدرو عليه