ختي هزي راسك وشوفي نورمال .....لا يطير وجهك ....رسالة الى كل عابرة طريق

[لاجودان شاف]

رد: ختي هزي راسك وشوفي نورمال .....لا يطير وجهك ....رسالة الى كل عابرة طريق

Ya akhi faljazaiar chouf walla matchoufch dakhlin fik dakhlin fik
Ana wahd alkhatra m3a bant 3ami choufna mlih wa9ta3na attra9 f mamar arrajilin wa9rib dakhlat fina bus ou ghir 3aitat bant 3ami ou 9alattlou ya akhi marakch tchouf passage p matt baddahk ou 9alalha :s mazalki taamni b les passage p ou raj3ou iaddahkou hatta zouj drari kanou 9addamna
Hadi sratli fal3assima
Lahaoula wala 9ouata illa billah

عندك الحق ختي وستركم ربي
شكرا
:regards01:
​

 

[لاجودان شاف]

رد: ختي هزي راسك وشوفي نورمال .....لا يطير وجهك ....رسالة الى كل عابرة طريق

خويا لعزيز عندك الحق في هذي لهدرة تلقاه من بعيد تخزر وكي تقدم ليها تهبط راسها كشغل متربية بصح ماهيش كل لبنات كفكيف كاين وكاين كاين لتشوف لقدرها وكاين لتشوف لمصلحتها هذي هي الجزائر وبناتها ربي تسترنا برك

صح ختي مش كامل كيفيف
وهديتك راني قبلتها هههههه
:regards01:
​

 

[لاجودان شاف]

رد: ختي هزي راسك وشوفي نورمال .....لا يطير وجهك ....رسالة الى كل عابرة طريق

سلام عليكم أخي
والله موضوعك مع كل احترامي ليك مباالغ فيه لدرجة كبيرة في بالك بلي خلاص غير ما تشوفش فيك زعما خايفة لتقول لوكان تشوف فيك راهي تحوس عليك رااك غالط وبزااف انا هدوك لي نشوفهم وقت لي نخرجو راحيين بلواطاهم يباانولي تاافهين وسمونا فقنا سيغكيلاسيون تولي وقت 12 ولا 4.30 ولا 5.30 ماناش من عالم اخر هي سي فري كاينة مبالغة من عند واحد شيرات مي في المقابل ثاني كاين شي شاشرة يديرو نفس لجاست
تحياتي ليك
​

عندك حق خي صح مش كامل
المهم نتي تولهي مليح كي تجي فايتة
:regards01:
​

 

[لاجودان شاف]

رد: ختي هزي راسك وشوفي نورمال .....لا يطير وجهك ....رسالة الى كل عابرة طريق

hhhhhh mr6 frere pour linfoo

p2 quoi
:regards01:
​

 

[♫الباحثة عن الحظ♫]

رد: ختي هزي راسك وشوفي نورمال .....لا يطير وجهك ....رسالة الى كل عابرة طريق

وعليكم السلام
ممكن نتي ختي مش من النوع لي حكيت عليه
مي ديري في بالك بلي كاين بزااااف منو
كاين لي تبدل رايها وتقبل بيك لمجرد انو سيارتك diesel مش اسونس
مش ليجون لي مخلوعين في رواحهم
البنات هوما لي روداوهم هك:up:
​

ها الا قريت كلامي قتلك كاينين و هادوك بنات جياحة :dوي حاجة مش ننكروها
وثاني رجال كاينين الي قلت عليهم انا وواحد ما ينكر:up:
كاين ماشي غير مخلوع و تاني لازم يروح يرقي:p
مناقشة يا اخي هههه فور
​

 

[ام راقية]

رد: ختي هزي راسك وشوفي نورمال .....لا يطير وجهك ....رسالة الى كل عابرة طريق

موضوعك أخي لاجودان شاف فيه الكثير من الرسائل يا ريت المقصود يتفهم
وبناتنا يتحلاو بالحشمة ويديرو عقولهم في روسهم
أكيد ماشي البنات الكل كيف كيف كاين بنات ما شاء الله زين وعين وعقل وثقل ذهب معير
بلا ما ننسى نوجه كلمة أيضا للشبان لي بصراحة زودوها سياقة بجنون أغاني بأعلى صوت
وراهم نهار كامل قدام الليسيات والجامعات يتبهاو بسياراتهم و برواحهم ..
الله يستر علينا ويثبت عقولنا

​

 

[الجندية]

رد: ختي هزي راسك وشوفي نورمال .....لا يطير وجهك ....رسالة الى كل عابرة طريق

خويا يا خويا ... عندك الصح في شحال من حاجه
بصح ماتكونكش واثق لهاذ الدرجهـ كل بنت وكيفآه كاينه اللي تخزر وتبرقق
كاينه اللي حشمانه كاينه اللي خايفه من الهدره كيما اللي قلتها
كل واحده وكيفاه كاين اللي والله تمشي في الطريق وعقلها ماشي عندها نهائيا ياهي تسمع في الكلاكسون ياهي في البحر الاسود تعوم ...
والاولاد راهم هابلين على الوحده التناعش الخمسه ونص
سيركيلاسيون مهبووووله تقيس حبه بيض ماتتكسرش
خاطر حاسبين رواحهم محور تفكير البنات لاماكاش السي مول الحديده لالا فاطمه كاش مايصرا فيها
راهم غالطيييين بزاااف بزاااااف
وخليهم البنات بقراو ويديرو في التاويل لعمارهم وهوما يتبعو فيهم ممبعد الشيرة تولي ببلاصتها و تخدم .... ايا يغضبو و يقولك الخدمه راها يعطوها غير للنسا
الواحد يكون صريح و ويواجه الواقع بالحق ماشي بستر ماستر الله ///
يغيضهم الحال مين المراه تخدم يقولك احنا مادخلوناش راهم يعطوها للنسااااا .. وهو ستيلو مايعرفش يحكمو في يدوو ... شويه ماشي لهاذ الدرجهـ
اانا وحده من الناس راني مفوووكره من هاذ العقلية تاع يتبعو بنات الناس حتى لديارهم
ماتقولولي لا حجاب لا والو
انا شفت بعني وحده قاع استاذه ملتزمه يتبعو فيها وحد البزوز بحديده مصديه
كنت انا وصاحبتي في لوطو موراهم بلعو علينا الطريق مالقينا مين نفوتو حبسنا لذيك الاستاذه مسكينه وصلناها حتى لدارها .... هاذي حقره والله العظيم
هذا ماينفيش الانحلال الاخلاقي اللي عند بحض البنات
​

 

[فتاة حساسة]

رد: ختي هزي راسك وشوفي نورمال .....لا يطير وجهك ....رسالة الى كل عابرة طريق

هههههههههههههههههههههههههههههههههههههههههههههههههههههههههه والله يا خويا غير ضحكتني والله ...علابالك باللي كاينة منها هاد الحكاية ..
مي انا الحمد اللله يا رب كي نجي نقطع الطريق لازم نشوف من ومنهيه انا نخاف من لي اكسيدون . مي قتلتي بالضحك تحياااااتي
​

 

[رتيل]

رد: ختي هزي راسك وشوفي نورمال .....لا يطير وجهك ....رسالة الى كل عابرة طريق

سسلآم عليكم ~
والله عندك حق :d
انا وحدة من الناس كي نكون ماشية ننسا الدنيا ومافيهآ نعود نمشي برك بصح فوق تروتوار بيان سير الا كاين اصلا وكي نقطع الطريق لآزم نتوله من ومن :$ ومرآت نمشي فالطريق والا الطونوبيل شويبة وعجبتني نبهت فيها :p

 

[أوصاف الصافي]

رد: ختي هزي راسك وشوفي نورمال .....لا يطير وجهك ....رسالة الى كل عابرة طريق

سلامـ عليكمـ


لا تعلـــــــــــــــق

دخلت دحكت وخرجت :d​

 

[mamouu]

رد: ختي هزي راسك وشوفي نورمال .....لا يطير وجهك ....رسالة الى كل عابرة طريق

أخي مع كل أسفي انتم تحبسوا مشي ل سيري 6 تحبسو لسيري ولميني تقدرو تشوفوا مليح أو تحبسوا أو تقولولها جوزي
مي للأسف الحجوبيات تصدموا عليهم شغل ما يبانوش
مال هوما يشمرو على درعيهم إذا ما حبسش هذا لي راك تحكي عليه مول لحديدة مال هي تجوز رولو.........................
شكرا على مضوعك و عذرا للرد السلبي

 

[ماكانش]

رد: ختي هزي راسك وشوفي نورمال .....لا يطير وجهك ....رسالة الى كل عابرة طريق

كلشي مبروك خونا نبيل الطوموبيل ههههههههههههه
راني فهمت لحكاية برجليا ههههههههه
​

 

[لاجودان شاف]

رد: ختي هزي راسك وشوفي نورمال .....لا يطير وجهك ....رسالة الى كل عابرة طريق

كلشي مبروك خونا نبيل الطوموبيل ههههههههههههه
راني فهمت لحكاية برجليا ههههههههه
​

المهم نتا ثاني شوف مليح كي تقطع الطريق :-r
​

 

[لاجودان شاف]

رد: ختي هزي راسك وشوفي نورمال .....لا يطير وجهك ....رسالة الى كل عابرة طريق

شكرا لمروركم جميعا المهم تولهو برك كي تجو تقطعو الطريق
وشوفو نورمال مع السيارات
​

 

[دعاء19]

رد: ختي هزي راسك وشوفي نورمال .....لا يطير وجهك ....رسالة الى كل عابرة طريق

مبالغة
المنتدى كامل مواضيعو يهدر على سلبيات البنات ورجال ماشاء الله عليهم
قريب تقولو راكم تعانو من تحرش

 

[احلامdz]

رد: ختي هزي راسك وشوفي نورمال .....لا يطير وجهك ....رسالة الى كل عابرة طريق

سلام عليكم
بلاك خويا بصح الناس فاقت بلاك راهم 2بالمية اللي مزالو فهاد لعوايد

 

[ريانة]

رد: ختي هزي راسك وشوفي نورمال .....لا يطير وجهك ....رسالة الى كل عابرة طريق

والله موضوع في القمة كاين بنات تهبط راسها بلاك أنت تشوف فيها وكاين صح تحشم وكاين والله ما علابالها أنا وحدة من الناس كي نمشي تقول راني ميتة وهم الدنيا على راسي منشوف حتى واحد ني لي في السيارة ني لي على رجليه .

 

[بنت الـ25]

رد: ختي هزي راسك وشوفي نورمال .....لا يطير وجهك ....رسالة الى كل عابرة طريق

موضوع ملغم خويا لاجودان
كي العادة بلا مانقول .... مي اسمحلي نقولك المقولة التاريخية المأثورة والتي تشتهر بنها البنت الجزائرية
لبنات قاع ماشي كيف كيف

واللبيب بالإشارة يفهم خخخخخ
نوضح اكثر ولا وصلت؟
​