مساحة للإعتراف و تذكر مشاكسات و طيش الصغر!!!!

[محبة الدراسة]

رد: مساحة للإعتراف و تذكر مشاكسات و طيش الصغر!!!!

ههههههههههههههههههههه ماكانش حاجة ما درتهاش

سيرتوا دق ابواب الجيران و نهرب هههههههههه و نفشل من الضحك انا و صحاباتي

و الماكلة لي نديروها في الحارة كل وححدة تجيب معاها حاجة و الكبيرة فينا زعما هي الام هههههههه

 

[MARWA-MIMI]

رد: مساحة للإعتراف و تذكر مشاكسات و طيش الصغر!!!!

دق ابواب الجيران و نهرب هههههههههه هادي كل درناها
كي كنت 5سنين رحنا لدوار تعنا والنهار هداك تتعلق قائمة تاع لي نجحو في المدرسة
هوما جوست علقوها انا رحت نحيتها وهربت هههههههههههه
وخالي كان هو المدير تاع المدرسة هدي حكمني ضربني من ثم يعيطلي كان العفريتة


مرة كي كنت 7 سنين انا كنت نقرا في مدرسة واختي في مدرسة اخري واحد لعشية كي روحت قاتي مروة رانا دينا العطلة قتلها حتي حنا وانا راني نكدب حنا ماديناش
فاتو 14يوم مع لعشية كن نهار الاربعاء جات صحبتي لدار باه تسقسي علاه مانجيش نقرا
مبعد عرفت ماما ضربتني والغدوة رحت قريت نهار هداك الدينا العطلة وهيكا الناس داو 15 يوم انا ديت شهر


وكي روح لدار عمي هومدير تاع مدرسة نخربولهم التفاح نريحولهم الدجاج وخلي واش درنا فيهم لمرة لي فاتت تحكيلي جارت دار عمي هادو قاتلنا بكري كي كنا نسمعوا بلي راكم جايين كنا نقولو ربي يستر واش حيديرولنا المرة هادي .............. كاين حوايج بزاف مرة اخري نشاء الله
موضووووع رااااااااااااااائع مشكوووورة

 

[serinee]

رد: مساحة للإعتراف و تذكر مشاكسات و طيش الصغر!!!!

اهلا طاطا
او يعطيييييييييييييييك الصحة
و على مشغاباتي منحكيلكش او منين داك شوية عاقلة منين داك طوايشية
نطبطبو و نسونيو في بيبان الجيران و نهربوا
اكبر عملية مشاغبة ديرتها مرة كنت نلعب في الجعلولة ايا و درت روحي طحت و بديت نقول اي و نعيط و نبكي ايا فالدار خافو لا يخرجوا و يصيبوني مكسرة طلوا عليا غير بلعقل و انا تماك طرطقت بالضحك و هما زعفوا ايا رحت نراديهم
ادا كشما تفكرت كاش مشاغبات راني نرجع ليك طاطا الحلوة
​

 

[nanoche]

رد: مساحة للإعتراف و تذكر مشاكسات و طيش الصغر!!!!

مرحبا بالراقية ام راقية
والله يا الطوايش ديالنا في الصغر
دق الجرس ماشكيتش كاين واحد ما دارهاش
انا كنت مع صديقة ليا في المتوسطة وين كنا بزاف نديرو طوايش وكان المدير في آخر الفصل يجي باش يعاير اللي ما خذاوش المعدل وانا كنت دايما مع الأوائل مي كان يعملي ملاحظة على اني متعبة ويسمينا انا و صديقتي الصعاليك ومرة لما شفناه جاي صوطينا من التاقة مي شافنا وقال للوالد ومانحكيش كيفاش وبخني ابي شر توبيخ
ومرة الجنايني ديالنا كان يحرق في اوراق الاشجار وهو شوية كبير في السن رحت ليه وقتلو ياخخاااه عمي محمد سروالك اتحرق من اللور وبلا ما نضحك وهو امنني وتسمر في بلاصتو حتى العشية مستحي اذا كاش واحد يشوفو و كاين بزاف صوالح اذا تفكرت نزيد نحكيهم

​

 

[*أوراق أمل *]

رد: مساحة للإعتراف و تذكر مشاكسات و طيش الصغر!!!!

ايييهــيه . انا كنت طايرة مني لله خخخ
مرة نتفكر كنت صغيرة 6 سنين هاكاك و مبعد قالولنا خرجوا تصويرة تاع بن باديس - رحمه الله - ايمالا انا رحت مع صاحبتي باش نخرجوها
و درنا روتار على القسم هه مي اوغوزمون ما دارلنا الشيخ والو
اهيييه .. ماما كانت مع الجيران فوق السطح و مانعرف كيفاش شافتني ههه
و شحال انا كنت قصيرة و داخلة في بعضاي :p ما تعرفي راسي من رجليا هه
كي روحت قالتلي ماما = واش قلتلك يا اسماء على الطرق =
قلتلها بنية تاع الطفولة هه
= والله ما كنت ماشية فالطريق كنت ماشية فوق الطروطوار ههه =
منين كانت رح تضربني ضحكت

- و كاينة تاني حاجة .. بكري كنت نموت على عمي و محسوب طول عندهم .. نقعد عندهم بالأسابيييع
و عمي كي كان يديني .. و نشفا كانت عندو موطو يديني فالشكارة و يعلقني فاليد تاع الموطو هههه تبااا
تقولش قضية هههــ ..
​