ماذا ستطبخين انستي سيدتي الجزء39

[nada242008]

رد: ماذا ستطبخين انستي سيدتي الجزء39

نور الحبوبة الله يسلمك اختي
الوصفة
شوفي عصرت 3 حبات برتقال وهو لي يمنع اكسدة البنان ويبقى لونو اصفر
2 حبات بنان
3 علب ياوورت بنكهة الفاني
سكر حسب الذوق

والما ثاني حسب الخثورة انا ولادي مايشتوش الخاثر
وخلطي بالميكسور والله جا افضل من الدناو
تسمحلي ام انس كان حرفت في الوصفة هههههههه
----
هيا لبنات زورونا هنا واثبتو وجودكم خخخخخ
مسابقة اجمل طورطة بمناسبة ذكرى انطلاقة اللمة الجزائرية

 

[om mimi.mili]

رد: ماذا ستطبخين انستي سيدتي الجزء39

مساء الخيرات اليوم راكم قلال بلاك راكو توجدو للعشى باش تخلعونا دليلة بصحتك طاجين الزيتون عاقد الله الله ///ندى بصحتك البيتزة وعجبتني افتر **بفور**راكي فور بصح هادي الحسوة والله ما نعرفها ياختي يسمى نص عمري راح خسارة ///نور الحبوبة السردين راه يشهي عندي شحال ماكليتوش الفطور راه يشهي وبصحتكم الله يعاونك على الحوايج انا غسلت صباح الخميرة دايمن كاينة الحوايج مايخلاصوش ///ابتسام يسال عليك الخير ونتي واش راكي نعيمة وين راكي غير الخير مشي من عوايدك صح قهيوتكم كاش حلوات

 

[ام ايناس]

رد: ماذا ستطبخين انستي سيدتي الجزء39

اممم ندوش البيزا رايحة تنطق والحسوة واش نقول اممم والجي قاللهم اقعدو لهيك هههههه بصحتكم وماصورتيليش رائد الزين ماشي لعور ههههههه
مليكة واش احوالك راني هنا الزيتون حنا في الوسط لازم يجي عاقد
​

 

[أم نيفين]

رد: ماذا ستطبخين انستي سيدتي الجزء39

السلام عليكم ...اولا الف مبروك العتبة الجديدة ...ان شاء الله المزيد من الابداعات
اسماء الله يبارك دارك تهبل ماشاء الله ...نظيفة و مرتبة ...عقبال مانشوفو دارك الجديدة ان شاء الله

 

[ibtesem]

رد: ماذا ستطبخين انستي سيدتي الجزء39

سلام عليكم يالبنات واش راكم
الحبوبة لحبيبة امممممممممم سردين اشهي بصحاك اختي
انوسة بصحتك طاجين الزيتون
ندودة سمى اليوم راح نص عمري حرام عليك حاسبي شوية راعي شعوري
راكي تعرفي قلبي رهيف مايتحمل
بصحتكم لبتزا
غدانا كان بيتزا انا جارتي وليدها احبها
لعشا كسكروكات من برا عييت

وينها القهوة ياجماعة الخير

​

 

[hadda0425]

رد: ماذا ستطبخين انستي سيدتي الجزء39

مساء الخير يا فحلات اللمة
راني شفت اطباقكم كامل بصح اسمحولي نلمكم كامل مع بعض راكم ليها ليها
نقولكم يعطيكم الصحة وربي يدومها نعمة عليكم وان شاءالله دايما عامرة يارب
نحطلكم غدا اليوم ونروح نصلي وراني تعبانة شوية

​

جاج درتو في الكوكوط

عصير الماندرين

​

 

[ibtesem]

رد: ماذا ستطبخين انستي سيدتي الجزء39

حدود بصحتك ربي اعينك
جبيلي قهوتي روحي ريحي على روحك :love01:​

 

[hadda0425]

رد: ماذا ستطبخين انستي سيدتي الجزء39

حدود بصحتك ربي اعينك
جبيلي قهوتي روحي ريحي على روحك :love01:​

ربي يخليك

​

 

[ام ريهام]

رد: ماذا ستطبخين انستي سيدتي الجزء39

السلام عليكم كامل ولي سقسات عليا نقوللها يعطيك الصحة وتسلمو يا غليين
انا اليوم مادخلتش الكهرباء دارتها بيا الديجكتور تاع الدار تحرق وهو كان ميسيو في المسيلة الو قعدت بلا دو من الصباح لقيتكم راقدين اليوم مكاش مشاركات راكم حاقرين كوزينة اسماء
اي انشطو الحالة شوية

 

[ام سراج الدين وملك]

رد: ماذا ستطبخين انستي سيدتي الجزء39

مساء لخير عليكم

 

[ام خديجة1]

رد: ماذا ستطبخين انستي سيدتي الجزء39

ما شاء الله اختي انريس دارك رائعة كروعتك حبيبتي مبروك الافتتاحية الله يبارك ضيافة في القمة من المشروبات للتحليات للسلطات وللاطباق المميزة وترحيبك ما خلاش ربي يرزقك ان شاء الله بواش متمنية
حطيت روحي نلقى كوزينة ميمي مازالها واذا بها كوزينتك الله يبارك
البنات واش راكم ان شاء الله تكونو بالف خير بصحتكم واش طيبتو

 

[ام سراج الدين وملك]

رد: ماذا ستطبخين انستي سيدتي الجزء39

البنات راهم مكانش من عرف وين راحو هههههه

 

[ام خديجة1]

رد: ماذا ستطبخين انستي سيدتي الجزء39

هذه نتاع الايام اللي فاتو والله ما عندي الوقت باش ندخل هذا وين خلصو البنات من الامتحانات وراكم عارفين لازم توقفي عليهم باش يخدمو مليح وما نسيتكمش قلت نصورهم ونحطهم من بعد

 

[ام خديجة1]

رد: ماذا ستطبخين انستي سيدتي الجزء39

 

[samah06]

رد: ماذا ستطبخين انستي سيدتي الجزء39

مساء النور على احلى لماويات ربي يبارك ويزيد راكم مكمش قاعدين خلاص
انا ما نلقاش الوقت باه نقعد في المكرو من شغل الدار مايكملش
وكي نريح نحب نخرج شويا
المهم راني معاكم قلت نحط عشايا بالخطيف ونروح نغسل لماعن ونرجع مع الاولاد كاشما نعاونهم
الحاج ماهوش مخلص من الماتشات يتفرج طول مع الجزيرة سبور
انا اليوم درتلهم ثريدة الموس

 

[السلطانة]

رد: ماذا ستطبخين انستي سيدتي الجزء39

هادا واش طيبت اليوم
صحا عشاكم كامل

 

[ام خديجة1]

رد: ماذا ستطبخين انستي سيدتي الجزء39

هذه بيزا 4فرماج مشرية

 

[ام خديجة1]

رد: ماذا ستطبخين انستي سيدتي الجزء39

 

[ام ريهام]

رد: ماذا ستطبخين انستي سيدتي الجزء39

انريس حبيتي مرحبا بيك حنونة واش راكي
راه عاجبهم الحال في كوزينتك وماهومش ناشطين باش ما يخرجوش منها على خاطر على بالهم كون ما يكملوش 100 صفحة ما يخرجوش راهم دايرينها بالعاني

 

[ام خديجة1]

رد: ماذا ستطبخين انستي سيدتي الجزء39

وبصحتكم واش طيبتو يالحرات ما شاء الله عليكم ربي يديم النعم