السلام عليكم
ساحاول باختصار سرد حكايتي والتي ارقتني كثيرا وقتلني التخمام صراحة
انا فتام في العشرينات من العمر تقدم شخص لخطبتي كانت خطوبة تقليدية يعني جامي تشاوفنا لحد الان
يعني امو حكاولها عليا حابت تخطبني وحتى هي ماتعرفنيش
المهم انا رفضت مباشرة وماحبيتش اصلا يجيوني يشوفوني وهادا كامل من الخوف من الزواج وبلي انا مازال مانخدمش
وماعنديش دراهم باه نجهز نفسي كيما حابة وبراحة واسباب كلها تافهة لابعد درجة
رفضت ومن بعد مدة زادو ولاولي قبلت فالبداية اني نشوفو مبعد زدت رفضت لنفس الاسباب التافهة
بعد مانتهى كلش وخلصت لحكاية خممت مليح مع نفسي وفهمت خطئي وندمت على تسرعي وقراراتي
لانها ماكانتش مبنية على اسباب مقنعة بصح الندم مايبدل والو
قعدت على هاديك الحالة مدة مبعد قلت خلاص ماعليش مكاتيب ونتعلم من غلطتي
انا الناس هادو جاوني من طرف صديقة.بعد مدة تلاقينا وزادت جبدتلي الموضوع
وقالتلي غلطتي قلتلها صح تسرعت مبعد هي كي شافتني هكاك قالتلي درك نشوف كاش ماندير
راحت عند الناس هادو ودارتلهم حكاية بلي صرا سوء تفاهم وحنا رانا موافقين المهم دارت فيلم وصدقوها
مبعد المراة يعني لعجوزة عيطت لبنها لانو كان خارج الولاية وحكاتلو واش كاين وبلي راح يعاودو يوليو
قالها لحكاية هادي ماش تاع هاتف كي نجي ونحكيو............
ويا خاوتي من هاداك النهار لدرك قريب شهرين ولا خبر لا شيئ لا شيئ لا شيئ ماجاو ماهدرو ماوالو
وهادي صديقتي كل مرة كي نسقسيها تقولي مازال في مهمة ماجاش وللعلم انو زوجها تاني هدر مع بابا
لانو من عا ئلة العريس وقالو كلش راهو عادي كي يجي الراجل يجيو وماما تقلقت سقساتها قالتلها لاكان
بطلو عادي قوليلي قالتلها علاه هادا يبطلو لالالا ماكان والو مازال برك فالمهمة
يا خاوتي واش رايكم والله ربي يفرحكم قولولي واش من مهمة تقعد شهرين وعلاه مابانو ماوالو
وكي نسقسيو يقولو لالا مابطلوش لانهم هوما همزة الوصل بيناتنا زعمة
درك واش رايكم فهاد التاخير وواش معناه والله العظيم راني صح محيرة قولولي واش رايكم ربي يستركم
ادعيولي ربي يفرج عليا من فضلكم من فضلكم والله غير ربي لي راه عالم بيا
سامحوني لاكان طولت والله مالقيت لمن نهدر صدقا .عاونوني ربي يستركم انا راني غير ندعي ربي ونتوما ادعيولي من فضلكم
سلام
ساحاول باختصار سرد حكايتي والتي ارقتني كثيرا وقتلني التخمام صراحة
انا فتام في العشرينات من العمر تقدم شخص لخطبتي كانت خطوبة تقليدية يعني جامي تشاوفنا لحد الان
يعني امو حكاولها عليا حابت تخطبني وحتى هي ماتعرفنيش
المهم انا رفضت مباشرة وماحبيتش اصلا يجيوني يشوفوني وهادا كامل من الخوف من الزواج وبلي انا مازال مانخدمش
وماعنديش دراهم باه نجهز نفسي كيما حابة وبراحة واسباب كلها تافهة لابعد درجة
رفضت ومن بعد مدة زادو ولاولي قبلت فالبداية اني نشوفو مبعد زدت رفضت لنفس الاسباب التافهة
بعد مانتهى كلش وخلصت لحكاية خممت مليح مع نفسي وفهمت خطئي وندمت على تسرعي وقراراتي
لانها ماكانتش مبنية على اسباب مقنعة بصح الندم مايبدل والو
قعدت على هاديك الحالة مدة مبعد قلت خلاص ماعليش مكاتيب ونتعلم من غلطتي
انا الناس هادو جاوني من طرف صديقة.بعد مدة تلاقينا وزادت جبدتلي الموضوع
وقالتلي غلطتي قلتلها صح تسرعت مبعد هي كي شافتني هكاك قالتلي درك نشوف كاش ماندير
راحت عند الناس هادو ودارتلهم حكاية بلي صرا سوء تفاهم وحنا رانا موافقين المهم دارت فيلم وصدقوها
مبعد المراة يعني لعجوزة عيطت لبنها لانو كان خارج الولاية وحكاتلو واش كاين وبلي راح يعاودو يوليو
قالها لحكاية هادي ماش تاع هاتف كي نجي ونحكيو............
ويا خاوتي من هاداك النهار لدرك قريب شهرين ولا خبر لا شيئ لا شيئ لا شيئ ماجاو ماهدرو ماوالو
وهادي صديقتي كل مرة كي نسقسيها تقولي مازال في مهمة ماجاش وللعلم انو زوجها تاني هدر مع بابا
لانو من عا ئلة العريس وقالو كلش راهو عادي كي يجي الراجل يجيو وماما تقلقت سقساتها قالتلها لاكان
بطلو عادي قوليلي قالتلها علاه هادا يبطلو لالالا ماكان والو مازال برك فالمهمة
يا خاوتي واش رايكم والله ربي يفرحكم قولولي واش من مهمة تقعد شهرين وعلاه مابانو ماوالو
وكي نسقسيو يقولو لالا مابطلوش لانهم هوما همزة الوصل بيناتنا زعمة
درك واش رايكم فهاد التاخير وواش معناه والله العظيم راني صح محيرة قولولي واش رايكم ربي يستركم
ادعيولي ربي يفرج عليا من فضلكم من فضلكم والله غير ربي لي راه عالم بيا
سامحوني لاكان طولت والله مالقيت لمن نهدر صدقا .عاونوني ربي يستركم انا راني غير ندعي ربي ونتوما ادعيولي من فضلكم
سلام
