السلاااام عليكم آآآآحبااابي و حباب قلبي
هاذي مدة ما كتبتش هنا كنت غايبة يعني نقوللكم علاااش:$:$:$:$؟؟؟
ههههه كاين زوج صوالح بين زوج الحمد لله
الأولى اذا شفيتو اللي قراو قصتي كي سجلت أول مرة كان عندي مشكلة اني كنت مخطوبة لمدة 10 سنين و اذا حسبت هاد العام يعني 11سنة و كان عرسي دايما آنولي
مي هاذ العام الحمد لله تزوجت و قريب ان شاء الله نكون أم ادعيو برك معاي
و الثانية اني ناقشت أطروحة الدكتوراه في علم الاجتماع و نجحت
مي موضوعي اليوم ماشي على جال هاذ الشي برك لأني كنت وعدتكم و كامل اللي تعاطفو معاي يوم حطيت قصتي اني لما تفرج نبشركم
اووووووووو المقدمة طويلة يا يما هههههههه اسمحووولي
نبدا الحكاية من عرسي أنا و خويا درنا عرس موحد بما أنو كاين أنا و هو برك دونك كان لازم نزوجوه باش تجي واحدة تونس يما لأنها كبيرة في السن و ما تحبش تقعد وحدها و كيما كان الحال يوم العرس وفي التصديرة كنا ندخلو بالوحدة ماشي على خطرة و كانت جارتنا عندها يماها كبيرة شوية في السن وما تشوفش مليح وتاني ما تسمعش مليح وماكانتش عارفة بليك أنا تاني عروسة عمباتلها غير خويا اللي تزوج بدات تسقسي عليا لأنها بزاف تحبني وبنتها تقوللها دوك تجي راهي مشغولة حتى جزت قدامها عيطتلي بنتها قاتلي راهي تسقسي عليك ايا رحت سلمت عليها وبست راسها تعرفو واش قاتلي؟؟
هههههههه
انتي يا بنتي اللي تستاهلي تكوني عروسة هاديك اللي جبتوها لخوك ما كان حالة ودوك تعمل عليك شيكورة وهاذاك الزامل اللي خطبك هاداك العام وين راهو باين عليه ماشي وليد فاميلية خلا واحدة كيفك و راح اتزوجي وخليه ماهوش وجه النعمة.
.....الخ
هي تهدر وانا ميتة بالضحك مسكينة ما عارفة والو
في الغد نهار الصبوحي جات تانيك للدار وماشافتنيش بقات تسقسي عليا وانا تأخرت شوية احنا من عاداتنا يوم الصبوحي نعرضو الجيران للفطور والقهوة ديال العشية وبما انو زوجي كل العايلة ديالو في الخارج غير هو اللي رايح جاي دونك الصبوحي جوزتو في دارنا ومن بعد باش روحت لداري وانا داخلة من الباب كانت هي قاعدة قدامو ومنين فتحتو سلمت عليها وسلم هو تانيك عليها وقلتلها آآما حدة هذا هو راجلي اللي كان راح وخلاني ياك شفيتي
مسكينه بانت عليها الدهشة ومن بعد قاتلي ياخاااااه ياك قتلك البارح وليد فاميلية وما يسمحش فيك هههههههههههههه
هادي حاجة من العفايس بزاف اللي صراو في عرسي ومرة اخرى نزيد نحكيلكم الأطرف من هذا وخصوصا اللي جاو وعملو روحهم ماشي عارفين بليك عرسي و عرس خويا باش يتهربو من دفع الغرامة هههههههه
ملاحظة: أنا حكيت هاذ الحكاية ماشي باش تجوجيو هاذ المسكينة لالا باش نضحكو برك لأنو الكبار في السن هوما البراكة في الدار رغم انو كاين بزاف كيما هاك في الواقع مي نيتهم ماشي مليحة ماشي كيما هي كبيرة في السن مي قلبها قازووووزة
اتهلاولي في ارواحكم و نشوفكم في حكاية اخرى
هاذي مدة ما كتبتش هنا كنت غايبة يعني نقوللكم علاااش:$:$:$:$؟؟؟
ههههه كاين زوج صوالح بين زوج الحمد لله
الأولى اذا شفيتو اللي قراو قصتي كي سجلت أول مرة كان عندي مشكلة اني كنت مخطوبة لمدة 10 سنين و اذا حسبت هاد العام يعني 11سنة و كان عرسي دايما آنولي
مي هاذ العام الحمد لله تزوجت و قريب ان شاء الله نكون أم ادعيو برك معاي
مي موضوعي اليوم ماشي على جال هاذ الشي برك لأني كنت وعدتكم و كامل اللي تعاطفو معاي يوم حطيت قصتي اني لما تفرج نبشركم
اووووووووو المقدمة طويلة يا يما هههههههه اسمحووولي
نبدا الحكاية من عرسي أنا و خويا درنا عرس موحد بما أنو كاين أنا و هو برك دونك كان لازم نزوجوه باش تجي واحدة تونس يما لأنها كبيرة في السن و ما تحبش تقعد وحدها و كيما كان الحال يوم العرس وفي التصديرة كنا ندخلو بالوحدة ماشي على خطرة و كانت جارتنا عندها يماها كبيرة شوية في السن وما تشوفش مليح وتاني ما تسمعش مليح وماكانتش عارفة بليك أنا تاني عروسة عمباتلها غير خويا اللي تزوج بدات تسقسي عليا لأنها بزاف تحبني وبنتها تقوللها دوك تجي راهي مشغولة حتى جزت قدامها عيطتلي بنتها قاتلي راهي تسقسي عليك ايا رحت سلمت عليها وبست راسها تعرفو واش قاتلي؟؟
انتي يا بنتي اللي تستاهلي تكوني عروسة هاديك اللي جبتوها لخوك ما كان حالة ودوك تعمل عليك شيكورة وهاذاك الزامل اللي خطبك هاداك العام وين راهو باين عليه ماشي وليد فاميلية خلا واحدة كيفك و راح اتزوجي وخليه ماهوش وجه النعمة.
هي تهدر وانا ميتة بالضحك مسكينة ما عارفة والو
في الغد نهار الصبوحي جات تانيك للدار وماشافتنيش بقات تسقسي عليا وانا تأخرت شوية احنا من عاداتنا يوم الصبوحي نعرضو الجيران للفطور والقهوة ديال العشية وبما انو زوجي كل العايلة ديالو في الخارج غير هو اللي رايح جاي دونك الصبوحي جوزتو في دارنا ومن بعد باش روحت لداري وانا داخلة من الباب كانت هي قاعدة قدامو ومنين فتحتو سلمت عليها وسلم هو تانيك عليها وقلتلها آآما حدة هذا هو راجلي اللي كان راح وخلاني ياك شفيتي
مسكينه بانت عليها الدهشة ومن بعد قاتلي ياخاااااه ياك قتلك البارح وليد فاميلية وما يسمحش فيك هههههههههههههه
هادي حاجة من العفايس بزاف اللي صراو في عرسي ومرة اخرى نزيد نحكيلكم الأطرف من هذا وخصوصا اللي جاو وعملو روحهم ماشي عارفين بليك عرسي و عرس خويا باش يتهربو من دفع الغرامة هههههههه
ملاحظة: أنا حكيت هاذ الحكاية ماشي باش تجوجيو هاذ المسكينة لالا باش نضحكو برك لأنو الكبار في السن هوما البراكة في الدار رغم انو كاين بزاف كيما هاك في الواقع مي نيتهم ماشي مليحة ماشي كيما هي كبيرة في السن مي قلبها قازووووزة
اتهلاولي في ارواحكم و نشوفكم في حكاية اخرى
