لوكان حب حياتك يزوج علييييييك؟؟؟؟؟واش يصرالك؟

[ليلى الشاوية]

جارتي مسكينة راجلها ازوج عليها.قالك ما تجيبش الدكور مع العلم انو الرجل هو المسؤول على هدا الشيء.او تاني جابها عندها ل الدار.تعجبت .نحب نعرف ادا تقبلي هاد الشيء .تقبلي وحدة تشاركك في حب حياتك.تقبلي ليلة معاك او ليلة معاها .ايجيك النوم او هو في حضن لخرى او تخمي يعني ايجيك النوم.....تقبلي ولا لا .انا غير نخم فيها برك نجن.علبالي بلي الراجل عندو حق يزوج اربع مرات امبصح ما نكدبش عليكم انا ما نقبلش. ...او انتوما واش رايكم معايا ولا ضدي​

 

[Ma$Ter]

رد: لوكان حب حياتك يزوج علييييييك؟؟؟؟؟واش يصرالك؟

السلام عليكم ورحمة الله وبركاته

ما تجيبش الدكور مع العلم انو الرجل هو المسؤول على هدا الشيء

لا الرجل والمراة مسؤولة عن هاذ الشئء
الله يرزقك من يشاء وبما يشاء

اما عن تقبل المراة فكرة زواج راجلها من امرة ثانية عادى فى حالة انو قادر يعدل بينهما
ويعيشيهم مليح
او اذا كانت زوجتو الاولى عاقر ..
//
انا خويا متزوج زوج وزوجتو الاولى لى خطبتلو التانية
وعايشين فى نعيم فقط لانو يعدل بينهم ومقلشهم فى زوج

بالتوفيق اختى
​

 

[ليلى الشاوية]

رد: لوكان حب حياتك يزوج علييييييك؟؟؟؟؟واش يصرالك؟

مكاانش منها .انا خويا لعزيز و الله ما نقبل .امبصح انتوما الرجال مادابيكم تديو عشرة لمعيشة الصعيبة الي شدتكم

 

[Ma$Ter]

رد: لوكان حب حياتك يزوج علييييييك؟؟؟؟؟واش يصرالك؟

كاين ضروف تخليك تتقبلى
مثلا خويا صبر على زوجتو الاولى +10 سنوات
لم بكتب لها الاطفال
هنا تحتمت عليه يزوج تانية

الراجل كيما قتلك اذا يقدر على زوج او اكثر عادى
المراة ماراحش تتقبل الامر فى الاول ومن بعد تقبل بالواقع

ذرك الزواج صعيب الواحد كى يزوج وحدة راهو هايل ههه
مرسى اختى
​

 

[® สβĐ40₩ ®]

رد: لوكان حب حياتك يزوج علييييييك؟؟؟؟؟واش يصرالك؟

جيت نعلق على هادي
مع العلم انو الرجل هو المسؤول على هدا الشيء

لكن لقيت الاخ Ma$Ter قد كفى ووفى .. أشكرك فاضلي

 

[zagane]

رد: لوكان حب حياتك يزوج علييييييك؟؟؟؟؟واش يصرالك؟

السلام عليكم

المرأة غير الضرة ليما تقبلهاش اقتلها وما تقولش ليها نزيد عليك مرا اخرة ههههههههههههه
حتى عن سيدنا ابراهيم عليه السلام زوجته السيدة سارة عليها السلام لم تكن تلد فاعطته جاريتها هاجر ام سيدنا اسماعيل عليهم السلام ليتزوجها وتنجب له الاولاد ولكن عندما ولدت السيدة سارة ولد طلبت منه ان يبعدها عنها الى مكة
ولكن لم تطلب منه تطليقها
والله اعلم

 

[ليلى الشاوية]

رد: لوكان حب حياتك يزوج علييييييك؟؟؟؟؟واش يصرالك؟

جيت نعلق على هادي
مع العلم انو الرجل هو المسؤول على هدا الشيء

لكن لقيت الاخ Ma$Ter قد كفى ووفى .. أشكرك فاضلي

الله وحده يرزق من يشاء.يهب الاناث لمن يشاء و الدكور من يشاء.المراة لديها نوع واحد من البيضات اما الرجل نوعين من النطاف.(X و Y ) في حالة التقاء ال X مع ال X فهي انثى اما ال Y مع Xفهو دكر .و العلم لله

 

[Ma$Ter]

رد: لوكان حب حياتك يزوج علييييييك؟؟؟؟؟واش يصرالك؟

الله وحده يرزق من يشاء.يهب الاناث لمن يشاء و الدكور من يشاء.المراة لديها نوع واحد من البيضات اما الرجل نوعين من النطاف.(X و Y ) في حالة التقاء ال X مع ال X فهي انثى اما ال Y مع Xفهو دكر .و العلم لله

خالتى ليلى :d
راكى حاب تقولى بالراجل وين حب يجيب طفل يجيبو ووين حب يجيب بنت يجيبها
هاذى قدرة ربى الانسان ما عندوش دخل فيها يرضى بما رزقو ربى ويقول الحمد لله
​

 

[ليلى الشاوية]

رد: لوكان حب حياتك يزوج علييييييك؟؟؟؟؟واش يصرالك؟

خالتى ليلى :d
راكى حاب تقولى بالراجل وين حب يجيب طفل يجيبو ووين حب يجيب بنت يجيبها
هاذى قدرة ربى الانسان ما عندوش دخل فيها يرضى بما رزقو ربى ويقول الحمد لله
​

:dصباح النور يا خالي .لا لا ماشي هكا انا نهدر على حساب واش قراونا ف الليسي.راني قلت الله عز و جل هو الي يرزقنا .و نعم بالله

 

[ليلى الشاوية]

رد: لوكان حب حياتك يزوج علييييييك؟؟؟؟؟واش يصرالك؟

Ma$Ter خويا يظهرلي بلي راك من النوع الي يحب يعاود الزواج انا نهدر على تعدد الزوجات او في دار وحدة
او انت ما عطيتنيش حتى رايك قدقد.......هدا ادا ما عندكش زوج نساءه ه ه ه ه هها

 

[Ma$Ter]

رد: لوكان حب حياتك يزوج علييييييك؟؟؟؟؟واش يصرالك؟

هههههههه ما عندى ما وحدة ما زوج
نتى تحكى على مشاعر الزوجة كى يقلها الزوج رايح نجيب مراة اخرى
وانتى قلتى ما تتقبليش هاذ الامر نهائيا
اما انا قلت الراجل عندو حق يتزوج اذا مش مرتاح مع الزوجة الاولى نهائيا
او اذا كانت الزوجة الاولى عاقر
او اذا كان الراجل هاذا عندو دراهم بزااااف وقادر انو يهتم ويعدل بين الزوجتين
الله غالب علابالى حاجة كيما هاذى تقتل المراة بصح الضروف مرات تتطلب انو الرجل
يعاود الزواج من ثانية والشرع كذالك حلل اكثر من زوجة
صحا غداكم
​

 

[ليلى الشاوية]

رد: لوكان حب حياتك يزوج علييييييك؟؟؟؟؟واش يصرالك؟

كاين ضروف تخليك تتقبلى
مثلا خويا صبر على زوجتو الاولى +10 سنوات
لم بكتب لها الاطفال
هنا تحتمت عليه يزوج تانية

الراجل كيما قتلك اذا يقدر على زوج او اكثر عادى
المراة ماراحش تتقبل الامر فى الاول ومن بعد تقبل بالواقع

ذرك الزواج صعيب الواحد كى يزوج وحدة راهو هايل ههه
مرسى اختى
​

:dآآآآآآآآ راك حاصل امالا .ربي يكون ف العون.تحياتي

 

[hadda0425]

رد: لوكان حب حياتك يزوج علييييييك؟؟؟؟؟واش يصرالك؟

انا ما نقبلش 100ب 100
بصح يا ليلى انت قلت جارتك ازوج عليها وجابها لدار
ما قلتيش الاسباب علاه
ممكن ماعندهمش ولاد
ممكن هي مريضة
ممكن هي سمحتلو يزوج
ممكن عندو دراهم وما لقاش كيفاه يديرلهم على خاطر العرب هادي خدمتهم كي يديرو الدراهم يجرو للنسا
اذا هادو هما الاساب لي خلاو يزوج الله يوفقهم
اما اذاكان اسباب اخرى تع الحب والعشق وطيحاتو في شباكها
وهو مزلوط وباباة ولاد والسكنة مكانش ولا الضيق والغدا ما يلحقش على العشا وهو رايح فيها
لحديد ليه هههههههههه
باينة بلي جارتك مغلوب على امرها مسكينة
​

 

[منايا الجنة]

رد: لوكان حب حياتك يزوج علييييييك؟؟؟؟؟واش يصرالك؟

اختي سمحيلي على الجملة هدي الي قلتيها مع العلم انو هو المسؤول هنا راكي غالطة بل الامر بيد الله عز وجل
أيَحْسَبُ الْأِنْسَانُ أَنْ يُتْرَكَ سُدىً* أَلَمْ يَكُ نُطْفَةً مِنْ مَنِيٍّ يُمْنَى * ثُمَّ كَانَ عَلَقَةً فَخَلَقَ فَسَوَّى*فَجَعَلَ مِنْهُ الزَّوْجَيْنِ الذَّكَرَ وَالْأُنْثَى) (القيامة:37-39)

 

[ملكًة الاحسآس]

رد: لوكان حب حياتك يزوج علييييييك؟؟؟؟؟واش يصرالك؟

وعليكم السلآآم
أممم عن نفسي وبعيد عن الدين
نقولكـ لآ وألف لآ مانقبلش لسبب أو لآخر
نفضل الانفصآل على أني نشوفه مع وحده أخرى
ومش أي وحده أخرى مرته كيفي كيفهآ
يعني رآفضة الفكرة تمآمآ يآنكون مرته وحدي ولآ مآنكونش خلآص

​

 

[ام العرائس]

رد: لوكان حب حياتك يزوج علييييييك؟؟؟؟؟واش يصرالك؟

والله غير انحير في عقلية الرجالة المرا جابت بنات وهو المسؤول نعرف بان اله هو الي يمد مالا يصبر على قضا الله ولكان يشوف للأمر عليا مالا هو السبة لانه هو لمدx او y المرا ما تمد غير x. هكاك على راي جارتي كون انزيد انجيب طفلة اخلاف انطلق هاد الراجل الي ما يعرفش يجيب الذكورة. اما عن الزواج. فالله أحله للرجل لكنه لم يفرض على المراة قبوله فلها الاختيار وعن العدل والقدرة رجال هاذ الزمان مرا وحدة حاصلين فيها!

 

[Ma$Ter]

رد: لوكان حب حياتك يزوج علييييييك؟؟؟؟؟واش يصرالك؟

هنا ممكن تقولو لا لا لا
لاكن لو يحدث الامر فى الحقيقة راح تلقى امامك اختيارين احلاهم مر ...
كى تكونى رافضة الفكرة يعنى راح تطلبى الطلاق وتروح لدار والديك ؟
وتعرفى المجتمع كيفاه يشوف مع المطلقة ؟ حتى لو مضلومة
والمطلقة تعرفى بلى ما تعيشش نورمال حتى فى دار باباها ؟
هنا ممكن المراة تتقبل الامر... ^^
​

 

[nanoche]

رد: لوكان حب حياتك يزوج علييييييك؟؟؟؟؟واش يصرالك؟

مساء الخير اختي
هاذ الموضوع كنت حكيت فيه أنا و زوجي قبل الزواج و أكيد رأيي الخاص على بالي بليك ماكانش بزاف اللي يشاركوني فيه
أنا ما نعتبرش زواج الراجل من امرأة تانية لوجود نقص أو خلل في الزوجة الأولى بالعكس كاين اللي ما عندو ما خاصو مع الزوجة الأولى مي يجي نهار و يعاود الزواج و يبقى الكل يتساءل علاااش:s:-o؟؟؟ كانو يبانو كوبل هايل
مي كاين نقائص ما يقدر يعرفها غير الزوج في زوجتو و اللي تعتبر سر من اسرار الحياه الزوجية اللي ما تتناقش غير بيناتهم
وانا قلت مرة لزوجي راح نحاسبك قدام ربي و ما نسمحلكش اذا كنت قصرت في حقك من أي جهة و ما قتليش نبهني و نبهني و اذا شفتني ما تبدلتش او ما قدرتش نرضيك من اي ناحية من النواحي اتزوج عليا بصح ما تخدعنيش برك لأني بطول الايام راح يتداوى جرح الزوجة التانية لأنها حلالك حتى ويلا وجعتني مي والله ما نسمحلك تروح للحرام باش تبقى قدام عيني ملاك يحبني
يعني بالمختصر المفيد نقبل يتزوج عليا ببنت فاميلية تخاف ربي وما نقبلش يروح للحرام و يجيبلي أمراض (هذا رايي الخاااااااااص)
​

 

[أم راضية ~_]

رد: لوكان حب حياتك يزوج علييييييك؟؟؟؟؟واش يصرالك؟

السلام عليكم ورحمة الله وبركاته
مع انو مجرد التفكير يقلق نوعا ما
لكن انا شخصيا نفضل يتزوج ايه قدام ربي وعبادو و ما يروحش طريق الحرام و يتبدل عليا و يبقى يكذب ويصيب فالسبايب..
ماعجبتوش , ماعمرتلوش عينو , ماكفيتوش ,, عادي يتزوج وحدوخرا قدام الناس كامل و برضايتي
مادام ربي اعطاه الحق باش يتزوج اربعة هاهم النسا قدامو يخير الي عجباتو ويبين شطارتو ادا يقدر يطبق شرع ربي كااااااااااامل ماشي شكليا برك ..!!!
صح هي تقيس بزااااف المرا بصح انا رايي هادا هو
على خاطر القلوب ما يعلم بيها غير ربي سيغتو في هاد الوقت كامل يعرفو يمثلو !!!
وكلام نانوش مليييح بزااااف ( يعطيك الصحة راني معااااااااك )​

 

[ليلى الشاوية]

رد: لوكان حب حياتك يزوج علييييييك؟؟؟؟؟واش يصرالك؟

مساء الخير اختي
هاذ الموضوع كنت حكيت فيه أنا و زوجي قبل الزواج و أكيد رأيي الخاص على بالي بليك ماكانش بزاف اللي يشاركوني فيه
أنا ما نعتبرش زواج الراجل من امرأة تانية لوجود نقص أو خلل في الزوجة الأولى بالعكس كاين اللي ما عندو ما خاصو مع الزوجة الأولى مي يجي نهار و يعاود الزواج و يبقى الكل يتساءل علاااش:s:-o؟؟؟ كانو يبانو كوبل هايل
مي كاين نقائص ما يقدر يعرفها غير الزوج في زوجتو و اللي تعتبر سر من اسرار الحياه الزوجية اللي ما تتناقش غير بيناتهم
وانا قلت مرة لزوجي راح نحاسبك قدام ربي و ما نسمحلكش اذا كنت قصرت في حقك من أي جهة و ما قتليش نبهني و نبهني و اذا شفتني ما تبدلتش او ما قدرتش نرضيك من اي ناحية من النواحي اتزوج عليا بصح ما تخدعنيش برك لأني بطول الايام راح يتداوى جرح الزوجة التانية لأنها حلالك حتى ويلا وجعتني مي والله ما نسمحلك تروح للحرام باش تبقى قدام عيني ملاك يحبني
يعني بالمختصر المفيد نقبل يتزوج عليا ببنت فاميلية تخاف ربي وما نقبلش يروح للحرام و يجيبلي أمراض (هذا رايي الخاااااااااص)
​

عندك قلب حديد.انا مستحييييل نقبل و ادا يحب يفرضها عليا نخير اني نطلق خير ما نعيش ف الدل.والله الراجل الى يزوج على مرتو نحلفلك ما يعود يقدرها .هي بعد تحس في روحها حاجة زايدة.راكي غالطة راكي غالطة راكي غالطة.:down: