مالحلُّ ؟

[مشكلتي]

السلام عليكم

انا شاب عمري 20 سنه

راني شاك عندي انفصام في الشخصيه

مرات نتخيل حوايج مكاش منهم كامل و راني نكره الناس بزاف غي واحد و زوج اللي نحب نتعامل معاهم
و غي على سبه نعادي الناس و نتوسوس بزاف بزاف بزاف و كي نفوت نكره واحد نمقت على طول الحياة و حتى لاتفه الاسباب نعطيلها قيمه كبيره و نخسر الناس عليها و مارانيش نتفكر بزاف يعني ذاكرتي يوم عن يوم تنقص و وليت ننسى اغلب شي و التركيز لا يوجد أبدًا بحيث لازم تعاودولي الهدره مرتين والا تلاته باش نفهم

حاولت ننتحر تلات مرات من قبل و دوك راني نخمم فيه déja

كرررررهت كرهت كرهت من هاد الحياة توسويس و شعب مريض و اهل عباره عن كومة مشاكل برك
كرررررررررهت عطوني حل و الاّ نمضي في اللي حاولت فيه من قبل ؟

 

[روز]

رد: مالحلُّ ؟

تمت الموافقة

الكلمة الطيبة صدقة
ان شاءلله تلقى الدعم والراحة التي تبحث عنها في الردود
​

 

[!≈[سُِـِيٌــِـِفّ اٌڷِخً‘يٌـرُ]≈!]

رد: مالحلُّ ؟

السلام عليكم و رحمة الله تعالي و بركاته

اخي الكريم أنت شاب كباقي شباب العربي

الكل يعاني

لكن الكل يختلف في طريقة عيشه

صديقي او ان احببت اخي أول شيء أبعد عن تفكيرك كلمة انتحار

انتحار= قتل نفس = جهنم و لعياذ بالله

ثانيا تقرب من الله و أدعوه بدون ملل

فلقد قال قال الله تعالى: {وَقَالَ رَبُّكُمُ ادْعُونِي أَسْتَجِبْ لَكُمْ إِنَّ الَّذِينَ يَسْتَكْبِرُونَ عَنْ عِبَادَتِي سَيَدْخُلُونَ جَهَنَّمَ دَاخِرِينَ }غافر60

إلا يكفيك هذا قول الله تعالي

و حاول أن تكون أنسان اجتماعي

و ربي يقدرلك الخير

و اتمني من الاخوي الكرام بدعاء لك

سلام
​

 

[أم عبد الله]

رد: مالحلُّ ؟

اخي شوف مزالك صغير ماتقلق روحك ماتحير
شوف معايا كامل عندنا مشاكل يعني ماشي غير انت
ياك راك معايا
قولي حاجة برك
حبيت تنتحر
انتحر
مي استنى قولي من بعد واش ؟
يعني بعد الانتحار واش راح يستناكـ
تهرب من جحيم الدنيا لي فانيه لجحيم اللآخرة
ماشكيتش تكون ساذج لهاذي الدرجة
تنسى
هاذي نورمال
مام انا عندي هاذا المشكل والحمد لله وليت نخلي دي نوت ع كلش باش ماننساش ولا كل شيء نعلقو بسبب باه نتفكرو
الحل لي لقيتو للنسيان هو المنتدى ولا كيما قال طبيبي الكتابة
حاول تكتب
ماشي المهم تكون كـآتب محترف باش تشد الكريو ديالك وترسم ع الورقة
شدو واعطيلو ورقة وخليه يرقص هو والحروف وما تحاولش تحبسو خلي حالة الكتابة تسيطر عليك وعلابالك ماتندمش
لي تكرها ولي تحبها اكتبها في كتاب خاص بيك انت لي ميموري ديالك وكل ليلة اقراه شوي
تتعود ع حاجات نسيتهم وتتعرف ع نفسك بيه
و ادخل معانا شارك اضحك اكتب ارسم ناقش حاور المهم خرج روحك من العزلة
راهي صعيبة الوحدة
ورانا لهنا اخي الصغير كل حاجة تخصك سقصينا ماتحشمش يدينا ديما ممدودين ليك
وحاول في الاخير تعرف السبب وراء هاته الحالة
باش تتفاداه مستقبلا
ونحي خويا فكرة الانتحار من بالك خمم في وين راك رايح خمم في يماك موراك وفي باباك واش راح يصرالو
خمم فيهم ماشي في روحك
عش للآخرين اسعدهم وتلقائيا ستجد السعادة اقترنت بك

اعذرني ع ردي ولكني اعتبرتك اخي الصغير فتكلمت بعفوية
سلامي​

 

[YAHIA S]

رد: مالحلُّ ؟

السلام عليكم

الانتحار اخي ليس حل لا في دنيا ولا في الاخرة لانها لو كان هو الحل لما جميعنا انتحرنا و ارتحنا
من ناحية الاصدقاء و كذا امور فكلنا نعاني في هذا الزمن من صديق
يوجد من يسامح و يوجد من لا يستطيع و حقيقتا انا مثلك اذا فقدت صديق فقدته الى الابد
كانه غير موجود في دينا لاني اعطيه فرص من قبل لكن ان فعل لي شئ او اقترب من خط الاحمر الذي هو ملكي
لن اسامح و من جهة اخرى نسيان امر طبيعي فكلنا ننسى و كلنا نخطا و نستعيد ثقة بالنفس و نعود من جديد اقوى
من سابق و كلام الناس لا يهم فهي غاية لا تدرك مهما فعلت لن يعجبهم حالك و لا كلامك و شخصيتك خاصتا اذا كنت بارز في حياتك و ناجح اما عن تركيز حاول افراغ تفكيرك من هذه الافكار و كل واحد ولديه نسبة تركيزه و راسه في استعاب الاشياء
لكن انت عليك معرفة في هذه الحياة
من انت من خلالها ؟
ماذا تريد من الحياة ؟
و ماذا تطمح منها ؟
و ماهو مبتغاك ؟
و ما هي طريقة التى تناسبك للوصول الى هدفك بما يرضي الله سبحانه ؟
اجعل تفكيرك اوسع لتنظر الى حياة بشكل افضل و احسن لانها هي تملك نفس جيد و نفس سئ
فعليك رؤيتها او صنعها من ناحية التى تريد ان تراها انت و ليس التى يريد الناس الى يرونها لك
موفق باذن الله
تحياتي​

 

[دعاء19]

رد: مالحلُّ ؟

انتحار يلجئون له فقط اصحاب شخصية ضعيفة لاسباب تافهة يكوهون الحياة
من خلال كلامك انت اصلا تفكر فقط في اشياء السلبية وتحس ان الحياة ليس لها طعم لكن مخطئ الحياة جميلة بحلوها ومرها وربي عطنا الحياة باش يختبر صبرنا وادا مصبرناش نلجئ لله عز وجل بالتقرب له وعندها ستحس بالطمئنينة جرب تقرب لله من العبادة وصلاة ودعاء وستحس براحة نفسية
اما بخصوص الناس تكرههم انت قلتها يعني تعي بمشكلتك حاول تتقبل البشر كيفما كان وادا كانت لك قدرة على دهاب الى طبيب نفسي حتى تفرغ مافي قلبك ويرشدك لتتخلص من افكار سلبية كالانتحار وكره الناس لانك مراهق ومراهقتك صعبة
نتمنى تتخلص من هده افكار وربي يصلح احوالك

 

[عفيفة الحبوبة]

رد: مالحلُّ ؟

ربي يهديك خويا هدا كله من عمل الشيطان
انسى الانتحار لانه عداب كبير صدقني
و استعن بالله و كثر من الصلاة و ابكي لله عز و جل و ادعيه و ترجاه باه يساعدك و يكون معاك
ننصحك تاني بالاكثار من قراءة القرءان لانه دواء للقلوب و شفاء للصدور
اكثر من الدكر و الرقية رقي نفسك قبل ما ترقد و كي تنوض
ربي يحفظك و يحميك و يهدي بالك ​

​

 

[tatou y]

رد: مالحلُّ ؟

واش نقولك خويا حالتك هذي راهي سحابة وتمر هذا مكان
أما بخصوص ما ذكرته من رغبتك في الانتحار، فأقول: لا تظن - أخي الغالي - أن الانتحار سينهِي مشاكلك وآلامك، أو أنه سيحلها لك، بل على العكس قد يزِيد الهم والعذاب وتذكر دائما قد يوجد من ينتضرك ومن يحبك فلا تجعل أيامه مرارة وسوادا بسبب تفاهة أفكار ​

 

[ضحکَة خچڸ ღღ]

رد: مالحلُّ ؟

اخي في الله
والله تشوكيت من السن نتاعك يعني شاب في مقتبل العمر
يخمم في الانتحار ؟؟؟
مهما كانت الاسباب والاحزان لي راك تعيشها مي خلي ايمانك بربي قوي
سبحان الله ولا تلقوا بأيديكم الى التهلكة
والنفس عند ربي عزيزة يا اخي عمرو ماكان الانتحار حل للمشاكل
كون جا هو الحل كون نصف البشرية راهم ماتو من زمااان

بالاك راك تعاني من الوسواس القهري اقرى عليه مليح درك تلقى الحل
وننصحك بالرقية والدعاء وذكر الله

ومن بعد هادوما كامل شوف طبيب نفسي بالاك يقدر يعاونك من بعد ربي سبحانو
ربي يفرج عليك خويا وان شاء الله ازمة وتعدي

لك مني دعوة في ظهر الغيب
​

 

[علي الفاضلي]

رد: مالحلُّ ؟

ربي يصلح حالنا وحالك.

انصحك واشير عليك بالرقية الشرعية ..لربما هناك اذى .

او الاتصال بطبيب نفسي موثوق به ...

الانتحار راه كارثه ليس بعدها كارثه ..

الحياة مهما كانت فهي مرحلة قصيرة وعابرة سواء كانت سعيدة ام حزينة ..

والاخرة خير وابقى ...الا الانتحار الغيه من قاموس فكرك وعقلك ... راه= جهنامه وما ادراك ماهيه ؟؟؟

ربي يشفينا ويشفيك.

 

[بنت حارتنا]

رد: مالحلُّ ؟

خووي ولا تقول هذا الكلام

والله انه الكثير من الناس منهم صارو ينسوا هالوقت
انت يمكن عندك مشكلة اكبر من مشكلة اللي ذكرتها مش حاب تحكي فيها وهي اللي تخليك
ما تحبش ناس او ربما انت تفكر بزااف في شي ما خبرتنا فيه و هذا الشي اللي تعبك
عند حل واحد وسريع و هو
قراءت القران والاستغفاار وترك كل هموك على ربك
بسم الله الرحمن الرحيم
يَا أَيُّهَا النَّاسُ قَدْ جَاءَتْكُمْ مَوْعِظَةٌ مِنْ رَبِّكُمْ وَشِفَاءٌ لِمَا فِي الصُّدُورِ وَهُدىً وَرَحْمَةٌ لِلْمُؤْمِنِينَ
صدق الله العظيم
وبإإذن الله سوف تكون بخير
اخي اتمنى لك حياة سعيدة

 

[صحْوَةُ أَمَة]

رد: مالحلُّ ؟

السلام عليكم ورحمة الله وبركاته

قد أفاض إخوتي وأخواتي من قبلي في الرّدود القيّمة ،
ولكن أحبّ أن أثبّت في نظرك شيئا أساسيّا:
'ألا بذكر الله تطمئنّ القلوب'
فكلّ الإضطرابات التي ذكرتَهَا لنا ، هي شائعة كثيرا عندنا في هذه الأيّام ،
لأنّنا ابتعدنا عن كتاب الله وعن الصلاة ،
أخونا الكريم ، حاول أن تأخذ حمّاما دافئا،
وتوضّأ ثمّ اذهب لأقرب مسجد،
صلّ ركعتين ، وادعُ في سجودك لربّنا أن يهديك للحل الصائب،
ثم أمسك مصحفا وحاول أن تقرأ بقلبك وليس بلسانك فقط،
وإن بدأت دموعك تنهمر وشريط حياتك يمرّ أمام عينيك،فأهنئك من صميم القلب ،
لأن هذا أكبر دليل أن ضميرك واعٍ وقلبك حي نابض ،
وأنت قريب من الله الكريم ،
فادعه واخشع، وارتمِ تحت قدمي والديكَ ،
وحاول أن تتذلل لهما فستنال كلّ العزّ بإذن الله ـ

ثبّتك الله ورزقك المعافاة من كل سوء،
​

 

[هآجر]

رد: مالحلُّ ؟

عليك بالقرآن و الصلاة والتقرب لله عز وجل

 

[adel._dz]

رد: مالحلُّ ؟

القلقة مشي ملاحة ..........؟
واحد قلق اعطوه سيارة عاود قلق نحوهالو
من هذا المثل أحي الكريم نستنتج بان الانزعاج يبعدك عن العيش فالحياة حلوة كما تعلم رغم حقارتها
المهم استمع للقرأن الكريم ففيه شفاء للصدور
وربي يفرج

 

[Mima Anoussi]

رد: مالحلُّ ؟

هذا كلو من وسواس الشيطان
وسن المراهقة
الله يصلح حالك وماتفكرش في الانتحار لانو حرام وماراح تربح والو​

 

[الرومنسي الجاد]

رد: مالحلُّ ؟

بيناتنــا ،، ومنهفك متهف روحك ،،

توسويس كيما هدا باين لي يديره ،،

حبيبنــا نقص و لا حبس ،، واعرا مي خمم فيه غاية و دورها صوالح خفاف ،،

نصيحة برك رانــا فيها كاع /:

 

[♫الباحثة عن الحظ♫]

رد: مالحلُّ ؟

سلام خويا يمكن تعاني من الفراغ
هو يخليك هاك ربي يفرجها عليك صلي و استغفر ربي
​

 

[أم نورس]

رد: مالحلُّ ؟

Akhi makan ghir alkhir inchallah hala watzoul ba3ad 3lik takhmam falintihar ou hatt fi rassak bali rah tathassan bidnillah
Ana khouya mna klamak hassit bali rak t3ani min iktiaab nafssi chouf khouya rouh l3and tbib wahkilou wachbrak hass
Aliktiaab rah marad kima ga3 alamrad 3ndou 3ilaj
Wallah ya akhi 3raft inssan 3andou nafss almouchkil atta3ak ou allage wa3titou nafss annassiha ou rah labass 3lih bra ou 3aiach hiatou wala hamdoulilla

 

[حفيد هواري بومدين]

رد: مالحلُّ ؟

عندك انفصام في الشخصية شوف طبيب يعاونك
في ريعان الشباب تروح تنتحر ؟؟؟ وعلابالك راحة تكملك في جهنم
انت ناوي دير حاجة مليحة احفظ القرأن وهني على روحك

 

[حسان]

رد: مالحلُّ ؟

الاخ الكريم انصحك بكتاب رائع ربما سيغير حياتك نحو احسن كما غير مئات من بشر أكثر منك و منهم من رمى نفسه في الشارع لياكله دود و مع هذا كتاب أصبح من أشهر شخصيات القرن العشرين

انه كتاب دع قلق و أبدأ حياتك من جديد للكاتب الشهير امريكي