الحيـاة لي رانا عايشينها ؟ ما محلها من الاعراب ؟؟

[ضآحكة مستبشرة]

السلام عليكم
والله يا أسومة الدمعة طيحتيهالي راكي دخلتي لداخل لداخل لداخل الجرح
الكلام هادا راهو يحرق في قلبي وبالاك لو نحب نعبر عليه مانقدرش ونتي راكي قمتي بالواجب ماشاء الله
وربي يرحم يامات بكري كان شوي تراب يفرحنا وعشر حجرات يسليونا .. نطيحو .. نتجرحو بصح الضحكة دايما على وجهنا
دركا تفتح عينيك تلقى تيليفون قدامك بالملاين بضغطة زر العالم بين يديك، تغلقو تلقى الميكرو مقابلك نفس الشي
ناكلو واش نحبو ونلبسو واش نحبو بصح الضحكة راحت، ولا كلشي موفر في حياتنا بصح اهم شي راح ولي هو النية
راحت الدنيا خلاص ولا كلشي مر ولو حتى تزور العالم كامل تبقى المرارة هاديك في قلبك على عكس بكري
التمرميد والحلاوة، الله غالب كل وقت ووقتو وكيما قلتيها والله معيشة في الريف خير من الدنيا ومافيها على الاقل تقابلي المناظر
الطبيعية وتسبحي لربي، ربي يفرج ان شاء الله
شكرا اسومتي على الموضوع ماقدرتش نضيف بزاف خاطر راكي حكيتي على كلشي الله يبارك
بالتوفيق غاليتي
​

و عليكم السلام و رحمة الله
ايه يا مريوم الدمعة تطيح كي يكون القلب مجروح من حاجة
الله يحفظك ختي ربي يحميك
بكـــري الصغر يا سعدو لي عاش يامات الطفولة خاطرش الوقت لي رانا فيه رح تخلاص علينا مال فيه
دوكا مين تدور تصيب التكنولوجيا قدامك تكره من التيليفون تروح للميكرو تكره من الميكرو تروح للتلفاز و كيما قلتي بضغطت زر العالم بين يديك
بكري باش تسمع خبر على واحد يلزملك
الله غالب تبدلت الدنيا و دار الزمان كل حاجة عيانة راهي متواجدة و متوفرة في وقتنا بسبب التكنولوجيا
العفو حنونة
شكرا على المرور الراقي غاليتي
و ان شاء الله ربي يفرج و يلطف بينا ​

 

[ضآحكة مستبشرة]

السلام عليك
منقدروش نغطو الشمس بالغربال
هدرتك قاستني
و متزعفيش مني كون نحلو الشخصيات لي شفتيهم تلقيهم جاو من و من النزوح الريفي من الأسباب
في وقتنا هذا كي المدينة كي الريف كل شي تبدل لأن كون متبدل كون أنت مراكيش فالعاصمة تقري
أنا نسكن فالمدينة وبغيت نروح نقرا لسيدي بلعباس و دارنا مبغاوش و أنت تسكني فالريف وخلاوك تروحي للمدينة شفتي الفرق وين راه
الناس لي شفتيهم تما مهمش ولاد العاصمة تلقيهم جاين من هاك وهاك لاعبينها عايشين الحرية لأن مهمش في ولايتهم وناس متعرفهمش ممكن أنت الواحدة فالمئة لي جيتي من الريف للعاصمة ومازال حاكمة في شرفك و أخلاقك كاين لي باعو جلباب كي دخلو للمدينة وتركو كل شي الأخلاق و تبنو الحرية و الفسق
و عن التكنولوجيا حنا ديما نستعملوها في حوايج ماشي ملاح كيما مؤخرا ظهر منشور نتاع ايماجيني تديها وهرانية تنوض فليل تقولك اوبي حليبي و كون تديها تلمسانية تنوض في ليل تقولك السلعة نتاع المروك بنينة يعني حاشاكم الزطلة ووووووو مستوى منحط يشوهو في صورة البنت الجزائرية عيب تلقيه 12 سنة فايس بوك والشعر و السروال هابط و الوالدين على بالهم ولدهم شاقاعد يدير
متزعفيش مني على الهدرة الأولى لأن ممكن معرفتيش توصلي الفكرة مليح و ممكن أنا فهمت غالط
....
كلنا اخوة

و عليكم السلام و رحمة الله
لالا اختي آمنة مقستيهاش انا كي حكيت محكيتش على لي يجو من مناطق اخرى انا حكيت على لي فري من alger
مكاش فرق بين بنات الريف و المدينة الا في امور باينة متحتاجش لتوضيح بنات الريف كيما المنطقة لي ساكنة فيها انا و تختلف من منطقة لاخرى
مزالت الطفلة يحكم فيها الاب ديالها ولا خوها الكبير صح منا و منا كاين بنات و كاين
مي لبلاصة لي نسكن فيها مزال فيها احترام كبير على خلاف المدن الكبرى
هههههه اوبي حليبي اسمحيلي بصح راكم ديتو الشهرة بيها هههههه نزعق برك
انت لي اسمحيلي خاطرش مفهمتيش واش حبيت نوصل
شكرا على المرور غاليتي
بارك الله فيك
​

 

[فتاة حساسة]

فكرتيني في هدرة جداتي ربي يرحمها ويوسع عليها .قاتلي لوكان يخرجو تاع بكري يشوفو واش راه صاري .يرجعو يدفنوا رواحهم
كل شي تبدل كل شي وحاجة مابقات كيما بكري .صدقيني والله تواحشت يامات كان همي الكبير فيها نخرج نلعب كادو برا ..
ايه يا الدنيا .ربي يجيرنا من الشي اللي جاي .مشكورة حبيبتي على الموضوع دمتي بود

 

[فتاة حساسة]

فكرتيني في هدرة جداتي ربي يرحمها ويوسع عليها .قاتلي لوكان يخرجو تاع بكري يشوفو واش راه صاري .يرجعو يدفنوا رواحهم
كل شي تبدل كل شي وحاجة مابقات كيما بكري .صدقيني والله تواحشت يامات كان همي الكبير فيها نخرج نلعب كادو برا ..
ايه يا الدنيا .ربي يجيرنا من الشي اللي جاي .مشكورة حبيبتي على الموضوع دمتي بود