ماذا ستطبخين اليوم سيدتي انستي الجزء41

[ام ايناس]

رد: ماذا ستطبخين اليوم سيدتي انستي الجزء41

امممم نور هادا وين شفت الدشيشة راهي تشهي بصحتكم
نبيلة المحاجب يهبلو قلت نديرهم هاكاك ونسيت طبقتهم كامل بصحتكم راهم يشهيو
الحبوبة راكي تقولي حمر ويبرقو ويشهيو
​

 

[ام اية الرحمان]

رد: ماذا ستطبخين اليوم سيدتي انستي الجزء41

مساء الانوار مانعرف تفقدتوني والا نسيتوني

 

[oumniati]

رد: ماذا ستطبخين اليوم سيدتي انستي الجزء41

نهاركم مبروك يالفحلات
بصحتكم الاطباق التقليدية الله الله
انا راني بسم الله

 

[serinee]

رد: ماذا ستطبخين اليوم سيدتي انستي الجزء41

الله الله
كيما العادة كلشي من تحت اديكم بيشهي
يا مولات الدار بصحتكم الطعام بالمرقة
نور الحبوبة صحا غداكم مي ما قولتليش واشنو هداك وقيلا دشيشة
ام ايناس و ام فيروزا بصحتكم المحاجب ياو راهم يسخفو
انا اليوم درت مسفوف بالفول و الرايب
صحا قهيوتكم
​

 

[oumniati]

رد: ماذا ستطبخين اليوم سيدتي انستي الجزء41

عالسلامة ام اية الرحمان واش راكي يخي انت زهرة الجنوب

 

[انريس]

رد: ماذا ستطبخين اليوم سيدتي انستي الجزء41

لبنات انا الميكرو نتاعي مات اعطاكم عمرو كيما يقولوها السوارة قاوم قاوم وهذا وش قدر مسكين مات شهيد المة نورمالمن الادارة تعطيني تعويض هههههراني غير بالبورتابل جيت نشعل الميكرو مسكنين لقيتو ما يشعفش غاضني لربي المهم هاني نديباني بالبورتابل وخلاص غدايا كان بطاطة ام نداديشو جات تهبل محمد قالي عودي ديريهالنا طوك كداو و درت جاج محمر دد

 

[oumniati]

رد: ماذا ستطبخين اليوم سيدتي انستي الجزء41

ربي يعوضك انريس، اهم كاين ضحايا قبلك، ديري دوسي واستناي التعويض ههههههههه

 

[انريس]

رد: ماذا ستطبخين اليوم سيدتي انستي الجزء41

لبنات انا الميكرو نتاعي مات اعطاكم عمرو كيما يقولوها السوارة قاوم قاوم وهذا وش قدر مسكين مات شهيد المة نورمالمن الادارة تعطيني تعويض هههههراني غير بالبورتابل جيت نشعل الميكرو مسكنين لقيتو ما يشعفش غاضني لربي المهم هاني نديباني بالبورتابل وخلاص غدايا كان بطاطة ام نداديشو جات تهبل محمد قالي عودي ديريهالنا طوك كداو و درت جاج محمر دد

 

[ibtesem]

رد: ماذا ستطبخين اليوم سيدتي انستي الجزء41

هدو عملتهم كان لفطور مزال ماطابش

هدي تاع عيسى بالشكولة

بصحتكم جميعا
هدو تاع فريد هي تمد في المقادير انا نطيب ههه
كوكو ربي اخليك

​

 

[ام ريهام]

رد: ماذا ستطبخين اليوم سيدتي انستي الجزء41

انريس ربي يعوضك بلي خير منو والله يصبرك على اللمة
بيسو عملتيها يا بنت راني على السلاطة غيرت البارح هذا وين فقت ههههههههههه بصحتكم والبغرير تاع عيسى بالشوكولا يمممممممممممم يعرف اخير بصحتو ان شاء الله

 

[ام ريهام]

رد: ماذا ستطبخين اليوم سيدتي انستي الجزء41

على سلامتك مليكة وين راكي هذا طلي علينا شوية

 

[كوثر الوهرانية]

رد: ماذا ستطبخين اليوم سيدتي انستي الجزء41

مساء الانوار
جمعة مبارك على الجميع بصحتكم خوتاتي واش طيبتوا
ام فيروزا عداااااااااااااب كبير بالمحاجب نتاوعك راكي سخفتيني فيهم وقيلة نوض نعجن شويا ليا
نور التشيشة جاتك هبااااااااال الله يبارك
نوسة بصحتك المحاجب
خيروة يا خيرة جيتي و جبتي الخير معاك كل شيء يشهي من يديك الله يبارك و يزيد
سارة بصحتك المسفوف
بيسوا ام عشاكم يشهي و البغرير جاك هايل و بصحتوا سيسوا بالبغرير موداعن نتاعه
ام ريهام بصحتكم الطعام
اية الرحمان اهلا بيك اختي وين كنتي غايبة علينا
انريس بطاطة ندوشة هايلة و بنينة و مقرمشة عابيها عجبت السي محمد و طلبها من جديد و الدجاجة من يديك اكيد طعم لا يقاوم بصحتكم اختي
اليوم درت طعام بالمرقة و للقهوة درت تارتولات بكريمة الليمون و المرانغ
امسية سعيدة للجميع

 

[ibtesem]

رد: ماذا ستطبخين اليوم سيدتي انستي الجزء41

مقلوبة في خاطر خيرورتي
المقادير
ارز
دجاج
لحم مفروم
هنا كيما تحبي نوع الخضروات انا نفضل البذنجال نقطعو دوائر ونقليه من جهتين ماشي لازم اطيب المهم تحمريه من جهتين
ثوم
بصل مقطع
طماطم دوائر
مكسرات لوز جوز محمرين في الزيت
بهارات
التحضير
نغسل الدجاج نحطو يتغلى في الما والبهارت الموجودة عندك الهيل لفلفل اسود ملح بصل مقطع ثوم
من جيهة اخرى نطيب اللحم مرحي في الملح
هنا ناخد كاس روز نغسلوه مليح ونخلطو مع اللحم المفروم ونبرش عليه 3 سنات ثوم
نحضرو طنجرة تاع تيفال
نستف البصل مقطع دوائر
نزيد عليه الطماطم دوائر
من بعد الدجاج طايب
نستف البذنجال
ونحطو الروز لي خلطتو باللحم ونسقيها بالماء لي طيبت بيه الدجاج
هنا عملت طاس روز اعملي انت زوج ماء زيدي شوية متنسايش الخضر يطلقو الما
غطيها ونار قليلة اوخليها الى ان طيب
كي طيب خليها من بعد اقلبيها خليها
وزينيها بالمكسرات والمعدنوس
شهية طيبة
​

 

[om mimi.mili]

رد: ماذا ستطبخين اليوم سيدتي انستي الجزء41

مساء الانوار ان شاء الله تكونو لاباس والله يا نعيمة راني مع المرض واحد ينوض واحد يطيح اليوم صبح محمد غير يتقيا حاشاك مديتلو الدوى تاع خوتاتو راه ضرك مليح شويا الحمد لله ///ابتسام يعطيك الصحة كلشي رائع ومتحوف///على سلامتك كوثر //امنياتي كلشي 44444 يعطيك الصحة //الحبوبة//ام فيروز///اسما//دليلة على سلامتكم وصح قهيوتكم جبتلكم شوية بسبوسة زيدو من عندكم لاتاي والقراتان تاع العشى تاع البارح والفطور درت مسفوف مصورتش وبصحتكم كامل واش طيبتو تسلم الايادي

والحمد لله لى كل حال

 

[ام سراج الدين وملك]

رد: ماذا ستطبخين اليوم سيدتي انستي الجزء41

مساء الخير عليك

 

[prncess fifi]

رد: ماذا ستطبخين اليوم سيدتي انستي الجزء41

يمسيكم بلخير لبنات
جمعة مباركة على الجميع
يعطيكم الصحة وبصحتكم
ههههه خيرورة كنت نطل مور الريدو لقيت روحي حاصل فيها تسياق ومسيح الزيت وماعمباليش ايا قررت ماندخلش كامل وحبطت الريدو خخخخخخ قمة التفنيين ههههههه​

 

[oumniati]

رد: ماذا ستطبخين اليوم سيدتي انستي الجزء41

بصحتكم لبنات
بسوم عشاك كيما عشايا ههههه والبغرير شهيتيني فيه انت وام سيف ربي يستر برك، يعطيك الصحة على المقلوبة جاري التطبيق هذو اليومين بربي

مساء الانوار ام سراج واش راكي

ام ميمي انت مليكة؟ بصحتكم الغراتان والبسبوسة يا بسبوسة، انت ديري تاع السميد ولا الخبز؟

فيفي ويا فيفي يعزيني فيك انا قلت نديرلك تشغيل شباب تعياي ترقدي خيرمن القعدة تاع نصاص الليالي، ماحبيتيش، اسهري امالا مع كمشة كوكاو خخخخخخ

فريدة وام ميمي الله يسلمكم

انا لفطور البقايا تاع الفريجيدار، والعشاء مبحرررررررر

 

[om mimi.mili]

رد: ماذا ستطبخين اليوم سيدتي انستي الجزء41

الله يخليك امنيتي انا هي مليكة والبسبوسة انا ندير تاع السميد وهادي المرة جربت تاع مرت خويا جات خفيفة ولعيونك المقادير
*كاس جوز الهند
*كاس كاوكاو مرحي
*كاس دقيق رقيق
*02 مغارف كبار فرينة
*02 مغارف كبار لحظة
*كاس سكر مسحوق ضروري
*كاس زيت
*02 بيض
*01 ونصف خميرة
*زاست تاع حبة قارص كاملة
كاس صغير ماء بارد
نخلطو الكل حتى الحصول على عجينة رغوية وندخلوها تطيب نسقيوها وهي سخونة ونزوقوها بالكاوكاو ولا نواة كوكو وشهية طيبة
ان شاء الله تجربوها واكيد تعجبكم

 

[prncess fifi]

رد: ماذا ستطبخين اليوم سيدتي انستي الجزء41

ايه حقا نسيت نقولك هابي بورث داي هههه ربي يطول فعمرك حنونة وكل عام وانتي تكيسي بكياسة خضرا ههههههه تشفاي هههههههه
والكاوكاو مانحبوش هاتي حاجة طالعة شوية في النيفو ههههههه​

 

[oumniati]

رد: ماذا ستطبخين اليوم سيدتي انستي الجزء41

ربي يعيشك مليكة اختي، باينة تجي بنينة، عندي مانطبق هاذ ليامات، سبحان الله دايما تخصني حاجة اليوم ماعنديش الكاوكاو، وكي عولت على لكروكي كلاولي الياوورت وهكذا ههههه
المهم نجيبلك تطبيقي ان شاء الله

نخليكم على خير لبنات وقت صلاة، ولعشية قصيرة جهد الاشغال المعلقة، السبت والحد مانقدرش امالا يامن عاش وخلاص
السلام عليكم ورحمة الله