ماذا ستطبخين اليوم سيدتي انستي الجزء41

[ام ايناس]

رد: ماذا ستطبخين اليوم سيدتي انستي الجزء41

الله يسلمك نبيلة
البارح كان العام تاع لي كابيل وانا نسيتو كل عام نديرو قريب بكيت
​

 

[روز]

رد: ماذا ستطبخين اليوم سيدتي انستي الجزء41

كل مولد نبوي وانتم بالف خير
ان شاءلله لمتنا في الجنة
الله يبارك عليكم لبنات كي العادة منين ندخل وانا نتشهى نزيد
حابة نعمل شخشوخة غدوة ومرة نقول ماكاش احسن من الطعام
بصحتكم وش طيبتو ووش رايحين اطيبو

 

[om mimi.mili]

رد: ماذا ستطبخين اليوم سيدتي انستي الجزء41

مساء الانوار وشراكم ان شاء الله لاباس//دليلة بصحتك القريوش///ام خديجة ماكلتك تشهي كيما العادة////ام نوسة//ميس مرام/*/سارة مساء النور //نعيمة فطورك يشهي بصحتكم طولتي هادي خرجة مشي خفيفة تقيلة ههههههههههههه//اسما //الحبوبة//ام فيروز مساء الورد //زينوبة البيتزة اممممممممممممم/// انا اليوم ما درتش الفطور بقاتلي تاع البارح والعشى درت مرقة بسباس راهي تطيب

 

[بوح المشاعر]

رد: ماذا ستطبخين اليوم سيدتي انستي الجزء41

مساء النور على سيدات المطبخ
تحيية كبيرة لكل الغاليات نقولكم والله راني توحشتكم
وتوحشت نكون معاكم
ونشارك معاكم كي زمان الله غالب راني بلا كاميرا كي راحتلي
حشمت ندخل بيديا فارغين مرة على مرة نتبع فيكم من خلف الستار
و نطمن انكم بخير يالغاليات الله يبارك عليكم الكل الكل الكل
مميزات باطباقكن و لمساتكن الساحرة
نقول فقط لكل ام واخت غالية فتحت كوزينتها
وجمعتنا فيها على مائدة الاخوة
ربي يفتح كل بواب الخير في طريقك وطريق عايلتك يارب
وربي يديم عليكم الصحة والهناء
تحية كبيرة محملة بالشوق و المحبة للغاليات
خيرة ابتسام ام ندوش ايمان 27
كوثر الوهرانية ام منصف وروعة حدة ام خديجة روز و حاملة المسك
سماح و ننوس و سميرة 25 سارة كوين نور الحبوبة
نسيمة 87 زآئرة حلوة ام رحاب ام اينآس
و الحبوبات الزينات شهرا ميمي عفاف الجزائرية سرين ولونا
بنت الجسور المعلقة وندى الورود ميس سوسو و سندريلا زماني زاسيا
و بلا ماننسى الغاليات تاني ام ريهام و انريس ام فيروز ام ميمي وميلي سارة
ام انوسة ام رزق الله ام سراج الدين وملك
و ماننساش اخي في الله معتز اللمة
و لكل غايبة نقولها ان شاء الله تولي و ان شاء الله غيابك
يكون خير في خير و كل مريضة نقولها ربي يشافيك ويحفظك لغواليك
كل الغاليات من الالف لليآء و بدون استثنآء لي عندها دعوة وامينة
ربي يحققهالها في هاته الايام المبآركة يارب
في الاخير نقولكم صحا غذاكم [ وقت لعشاء دوكا ]
الكل وصحا عشاكم
وربي يدوم النعمة ويحفظها من الزوال علينا وعليكم
وكل مولد وانتم بالف خير



​

 

[ام ايناس]

رد: ماذا ستطبخين اليوم سيدتي انستي الجزء41

بوح المشاعر انا ما نرحبش بيك راكي نسيتيني ونسيتي العشرة يا طفلة هههه :p:p:p
بالاك كي غبت العام لي فاتو راكم نحيتوني من لاميموار
الف مراحب بيك ليك وحشة كبيييرة شاركي معانا معليش مرة علة مرة اخطفي تصويرة :up:
الله يسلمك مليكة
​

 

[بوح المشاعر]

رد: ماذا ستطبخين اليوم سيدتي انستي الجزء41

بوح المشاعر انا ما نرحبش بيك راكي نسيتيني ونسيتي العشرة يا طفلة هههه :p:p:p
بالاك كي غبت العام لي فاتو راكم نحيتوني من لاميموار
الف مراحب بيك ليك وحشة كبيييرة شاركي معانا معليش مرة علة مرة اخطفي تصويرة :up:
الله يسلمك مليكة
​

له له له كلو الا زعل الغاليات
والله مانسيت وحدة فيكم كلكم في القلب
والعشرة الطيبة لحلوة ماتهونش صح ممكن الايام تدينا وتغيبنا
بصح ماننسوش العشرة الطيبة راكي في البال
لا لا واش نحوك هذا نتنحى انا و ماتتنحوش انتم يالفحلات
ترحب بيك الجنة يَ الغالية وربي يعلي شانك
ان شاء الله ايلا مدلي خويا بورطابله راني نشارك ونخطف تصويرتي
ههههه قصدي صورة ونشارك بيها
اسمحيلي ي زينة راني عدلت قبل ما تكتبي ردك
وهاذي تحية كبيييرة محملة بالشوق و المودة ليك

​

 

[shahrazad]

رد: ماذا ستطبخين اليوم سيدتي انستي الجزء41

مساء الخيرات لبنااات
بصحتكم كامل وش طيبتو
بوحة وين رحتي يابنتي وخليتينااا حراام عليك توحشناك وتوحشنا الغزل والشعر هههه
وتوحشنا اطباقك علاه راكي غايبة يعني ايا المهم راكي بخير ياالزينة
روزيتاا طل القمر كل عام وانتي بالف خير ماتنسايش تصوريلنا الطعام ولا الشخشوخة المولد
اليوم فطورنا كان عدس وخدمت رشتة للمولد
​

 

[حاملـة المسك]

رد: ماذا ستطبخين اليوم سيدتي انستي الجزء41

السلام عليكم

طل القمر علينا و باحت المشاعر .. نورتي بوحة
انريس وجدت الشخشوخة :d
شهرورة صبتي الوقت باش تعملي الشعر المشبشب:d
روز وش خصو الطعام:d
شوفي عمر بن عمر كعلا شانو وين راه :s

العشا سلطة و سندويتشات شورما جاهزة اممممم و فواكه
بصحتكم لبنات .. دواااام النعم.​

 

[ام ريهام]

رد: ماذا ستطبخين اليوم سيدتي انستي الجزء41

مليكة راني رجعت تم تم كنت ندير شوية قاطو ومن بعد راني وجدت ندير بيتزاللعشا
القاطو باش تديه ريهام غدوة للمدرسة اديرو حفلة المولد النبوي الشريف وغدوة نزيدلها شوية طمينة ورفيس المعلمة تاعهم شراطة بزاف هههههههه
دليلة العام الامازيغي اانا تاني ما دراوش البارح تفكرتو وشريت صوالحو بصح خليتو لغدوة وندير كلشي مع بعض

بصحتكم كامل الاطباق راهي تشهي

 

[انريس]

رد: ماذا ستطبخين اليوم سيدتي انستي الجزء41

مساء الخير لبنات راني جيت انا والله من قبيل وانا مقابلة الميكرو نحمل في الصور نتاع البارح بسيييييف وباه قدرت نحطهم روحو شوفو سطيف و ما تعلقوووووووووووووووووووووووش محبش يهبطني من الطوموبيييييييييل تحضيراتكم للمولد النبوي الشريف
انا اليوم عندي الف حاجة تستنا فيا غدوا عيد ميلاد محمد ومازال مدرت والو راني حاصلة نتاع الصح وغدوا نصبح خدامة ملقيت كيفاه ندير وراني نصحح في وجهي و مقابلة الميكرو

 

[oumniati]

رد: ماذا ستطبخين اليوم سيدتي انستي الجزء41

بصحتكم ماقدمتم يا لماويات

بوحة الزينة اشرقت الانوار، مرحبا بيك بالاطباق وبلا اطباق محدش يحوشك خخخخخ، نورتي يا شاعرتنا

رغود من صابني ساسوكي ونجمع معاهم خخخخخ

تحياتي للجميع

 

[M3TaZ eLLMa]

رد: ماذا ستطبخين اليوم سيدتي انستي الجزء41

السلام عليكم

مرحبا بأمهتنا واخوتنا الطيبين منورين والصفحة كل يوم راها تزيد تبهى أكثر وأكثر الله يبارك واللهم لا حسد يارب

ما شاء الله اطباقكم روعة في روعة ربي يحفظكم يارب وربي يعطيكم على قد نيتكم وربي يجزيكم الخير وربي يرزقكم بكل ما تحبونه يارب وربي ينجحلكم أولادكم وينورها في وجه أزواجكم يارب

شكرا أمي الطيبة أم ريها اللهم أمين يارب ربي يحفظك يارب
أخت الطيبة انريس الله يفرح قلبك يارب بالنسبة لبنت عمي حدة يعني السبب هو الميكروا إن شاء الله يشرلها زوجها واحد جديد يارب وربي يفرحك يا طيبة

مشرفتنا الملينية صدقيني اسمك هبلني لم استطع حفظه ههههه الله غالب خلي نسميك هكذا المهم حنى نقلولوا القرنون كيما انتم ونعملوه نفس الوصفة نتاعك يا طيبة تقريبا زي الخرشف بالضبط لأنو طعم تقريبا ما يتغيرش .الله يحفظك يا مشرفتنا الطيبة

أخت الطيبة بوح المشاعر أولا الحمد لله على العودة وشكرا على السؤال يا طيبة وربي يفرحك وربي يعطيك ما تتمني يارب وجزاك الله خيرا

والباقية نقلكم ربي يفرحكم يارب كل أخت بأسمها وربي يجزيكم الخير

ليلتكم سعيدة وسامحونا مضطر للخروج

تقبلوا شكري وتقديري

موفقين يارب
​

 

[ام سراج الدين وملك]

رد: ماذا ستطبخين اليوم سيدتي انستي الجزء41

مساء الخير لبنات واش راكم صافا
كل شي قدمتوه فوووور يعطيكم الصحة صحى عشاكم كامل

بصحتك حبيباتي

 

[ام سراج الدين وملك]

رد: ماذا ستطبخين اليوم سيدتي انستي الجزء41

مولودكم مبروك مسبقا

 

[ام ريهام]

رد: ماذا ستطبخين اليوم سيدتي انستي الجزء41

شكرا للابن البارمعتز ربي يخليك ويحفضك والله كلامك روعة كل واحدة تعطيعا حقها وبزيادة الله ينورها في وجهك ويحققلك جل امانيك في هذه الايام المباركة بمناسبة مولد خير اللانام محمد صلى الله عليه وسلم

لبنات انا راني كاو عييت نخليكم على خير صح راني نخرج من كوزينتي بكري بصح واش نقوللكم على بالي راهي في ايدي امينة وماهرة في كلشي في غسيل الماعن والتسياق ليوم نمد الدالة لام خديجة نتعبها معانا تهلاو في رواحتيكم ولكم مني احلى سلام

 

[ام سراج الدين وملك]

رد: ماذا ستطبخين اليوم سيدتي انستي الجزء41

تصبحي على خيــــــــــــــــــــــــر ام ريهام احلام سعيدة

 

[انريس]

رد: ماذا ستطبخين اليوم سيدتي انستي الجزء41

انا دخلتلي المعارضة للموضوع نتاعي هربت ههههه محبيتش نرد والله منحب نفتي في هذو الامور واعرة بزاف واحد يهدر في موضوع نتاع دين هنا انا نشوف السكوت هو خير جواب زعمة راني نحكي لجيراني ههههه منيش حابة نحكي لهيه باه مندخلش في نقاشات منعرف وين تروح بينا ومن فضلكم يا لبنات راكم عزاااااز عليا رانا خسرنا وحدة بسبب موضوع الجمعية السخيفة منيش حابة نقاشات مثل هذا النوع تزيد تتعاود معنديش استعداد نسمح في حتى وحدة فيكم مالا نقلكم اللي تلقا المعارضة في موضوعي امااااانة بالله ما ترد تدير روحها مسمعتش كل واحد حر لي يحتافل اهلا و سهلا واللي ميحتافلش مرحبتين رانا كامل خاوة وكل واحد كيفاه يعبر على حبو للرسول و انما الاعمال بالنيات ربي راهو عالم راني فرحانة نتاع الصح بهذا النهار اللي جا فيه حبيبنا و هادينا و نورلنا طريقنا تبقى طريقة التعبير كل واحد كيفاه يعبر عليها
وصح مولودكم سبقتني ام سراج الدين و يعطيكم الصحة يا اغلى صحابات بيزووووووووووووو

 

[ام سراج الدين وملك]

رد: ماذا ستطبخين اليوم سيدتي انستي الجزء41

شكرا ختي انريس
الصلاة والسلام على نبينا الحبيب

 

[ام سراج الدين وملك]

رد: ماذا ستطبخين اليوم سيدتي انستي الجزء41

تصبحو على خير غدوى ان شاء الله

 

[ام فيروزا]

رد: ماذا ستطبخين اليوم سيدتي انستي الجزء41

صح عشاكم يالحراير
يسلم يديك ام سراج عشاك يشهى