العيب فينا وربي يعافينا

[MĭŠš Čhŏů]

رد: العيب فينا وربي يعافينا

راني معاك خويا ....سلال قسورة الجزائر
ماعجبتنيش أغنية الدوبل كانو......... دارت فتنة كبيرة
سلال راجل ونص في كلش
ياخويا حتى وتكون فقاقير يقصد بيها جمع فقير ويقول نقلبوا الديمينوا ويقول مرميطة
المهم مايهدرش فرنسي
بهدلوا بينا بالفرونسي قلبونا بدون شخصية

نحن في بلد الديموقراطية
لكننا لا نراها
لطفي دوبل كانون دار الغنية دفاعا عن الذات الإلهية.
لنقل ان لطفي تمادى قليلا في اغنيته ..
لكن ما رأيك في منعه من إقامة الحفلات؟؟؟!!

على كل أنصحك بسماع أغنية " إن شاء الله " للطفي

​

 

[ام ريهام]

رد: العيب فينا وربي يعافينا

اتقو الله ما تخلوش الجزائر والجزائرين اضحوكة

ما تهدروش قبل ما تفهموا عيب وعار علينا هاذي بلادنا والجزائريين كامل ولادها متعلم ولا جاهل ما نكبروش الفجوة وما نسمحوش لحتى واحد باش يضحك علينا
تحية لكل الجزائريين بدون استثناء سلام

 

[الناقد الصريح]

رد: العيب فينا وربي يعافينا

نحن في بلد الديموقراطية
لكننا لا نراها
لطفي دوبل كانون دار الغنية دفاعا عن الذات الإلهية.
لنقل ان لطفي تمادى قليلا في اغنيته ..
لكن ما رأيك في منعه من إقامة الحفلات؟؟؟!!

على كل أنصحك بسماع أغنية " إن شاء الله " للطفي

​

:s
راهي عندي في التليفون اختي ...انتاع ماهر زين وهو زاد فيها
الذات الالهية ما ندافعوش عليها بالمعايرة و*****الفتنة*****
هو مغني قاري علم النفس ولا ماعلاباليش :s حفظ زوج ولا ثلاثة من أسماء فلاسفة ولا علماء ولا...و****يغني**** بيهم
وهذاك وزير أول كل واحد في بلاصتوا

 

[الرومنسي الجاد]

رد: العيب فينا وربي يعافينا

منذ زمن لم أطلع ع جريدة فمــا بالي بقناة تبث لاشيئيــات هههـ

أمر مُحزن أن نُدرك سُخفــا أتقنــا نحن و تفننــأ في صنعه و غرسه في عُمق دواتنــأ

شهر واحد ليكون في هامش الاحداث فلا تتلذذو بالحديث فيه كثيرا
​

 

[محمد35]

رد: العيب فينا وربي يعافينا

السلام عليكم ورحمة الله

أخي الكريم

دعني أقول لك انا ما قاله الوزير الأول عبد المالك سلال صحيح فيما يخص كلمة فقاقير

لكن يا اخي ألم تسمع ما قاله إيضا ان لم تسمع فاقول لك

لقد اخلط بين القران الكريم و الشعر هل هذا يكفيك

الله يهدينا و يصلح ولاتا امورنا

هذا ما استطيع قوله

سلام
​

 

[SOFIANE020]

رد: العيب فينا وربي يعافينا

SOFIANE020
شكرا لك على التعليل
​

ولكي اختي الكريمة

 

[MĭŠš Čhŏů]

رد: العيب فينا وربي يعافينا

السلام عليكم ورحمة الله

أخي الكريم

دعني أقول لك انا ما قاله الوزير الأول عبد المالك سلال صحيح فيما يخص كلمة فقاقير

لكن يا اخي ألم تسمع ما قاله إيضا ان لم تسمع فاقول لك

لقد اخلط بين القران الكريم و الشعر هل هذا يكفيك

الله يهدينا و يصلح ولاتا امورنا

هذا ما استطيع قوله

سلام
​

اخي شرحت مسبقا لكن سأعيد:

الوالد لإبنه: وين وصلت في حفظ القرآن؟
الولد: قل أعوذ
وبعد مدة
الأب: وين راك واصل؟
الولد: راني في قل أعوذ
وبعد مدة أطول
الأب: هيه وين راك؟
الإبن : في قل أعوذ
الأب: إمّالا، أبقى في ''قل أعوذ '' وروح تسرح بالمعزات.

أولا: إن السيد سلال لم يكن يجهل الفرق بين الشعر والقرآن كما توهمنا لأول مرة.

ثانيا: القول مثل متداول ويضرب لمن لا يريد أن يتقدم ويتطور إلى الأفضل

 

[هدوء المطر]

رد: العيب فينا وربي يعافينا

وعليكم السلآم ورحمة الله،
بعيداً عن ماذا كان يقصد الوزير الأول بكلمة ''فقاقير''،. دعونا نتناقش بكل شفافية ونزاهة، و''مانغطّوش الشمس بالغربال''،.
من المفروض قبل أن نتكلم ونضحك عن سلآل، يجب أن نرى ونُقيّم مستوآنا نحن في اللغة العربية،. فالجزائريون معظمهم هذا إن لم أبالغ وقلت ''جميعُهم''، لو أنّك طلبت منهم تصريف أي ''فعل'' لإنبهرت من إجاباتهم الكآرثية،. فجُلّهُم يتكلمون اللغة الفرنسية ويعتبرون من لا يُتقِنُها ''مآشي متحضّر وجآهل''، حتى ولو هنآك من لآ يُتقن هذه الأخيرة فستجد كلآمه هجين بين العامية واللغة الفرنسية،. لا مشكلة إن تحدّثنا باللغة الفرنسية لكن بالمقآبل يجب علينا أن نُجيد لغة القرآن ونفتخر بهآ،.
ربما خرجت عن الموضوع قليلاً لكن أردت فقط أن أوصِل لكم بأن المشكلة ليست في سلآل فحسب، بل المشكلة فينآ نحن كذلك، سلآل ما هو إلاّ مِرْآة تعكِسُ صورة الشعب الجزائري، هكذا لنكونَ صريحين مع بعض،.
حتى لطفي دوبل كانون، أخرجَ أغنية ينتقد فيها الوزير الأول ويصفه بكلمآت جارحة،. تَهُز مشآعر حتى من يسمعها، فما بآلك بالشخص المعني،.
البعض منكم قد لآ يعجبه كلآمي، ولكن هذه هي الحقيقة.
شكراً لك الأخ سفيآن على الموضوع،.
في أمان الله.​

 

[علي الفاضلي]

رد: العيب فينا وربي يعافينا

يا جماعة الخير المشكل اكبر من موضوع سلال وتهريجاته ..

البلاد راهي مريضة ...والله الشافي.

والعباد في حاله ... والله المغني .

والامور مدهورة ..والله المصلح.

الله ايبدل اعلينا هذا الوجوه بما هو خيرا منهم ...

 

[anissa 13]

رد: العيب فينا وربي يعافينا

راني نتبع فالموضوع من بعيد وراني مستغربة تصدقوني هدا سلال والله جامي سمعتلو بصفتي مقيمة بالخارج مانتبعش الاخبار الوطنية بزاف سيرتو ادا كان الامر يتعلق بالسياسة
باختصار شديد العيب فينا والله يهدينا كيما قال صاحب الموضوع
مهما كان الوزير ماشي مليح حتى الشعب ماشي فالمستوى
​

 

[وانيس]

رد: العيب فينا وربي يعافينا

قالو ربي مداير JUMELLES يعس فينا واحد بواحد قولولي هذي هدرة بهدل بينا

 

[nanoche]

رد: العيب فينا وربي يعافينا

السلام عليكم ورحمة الله
أولا يا أخي حتى وان كان الوزير يقصد بالفقاقير (عبارة عن نظام ري تقليدي يسمى الفقارة يستعمل في المناطق التي يشح فيها الماء كما يساعد هذا النظام على توزيع الماء بشكل متساوي ....)فانه واللغة العربية مثل الطريق المزدوج لا يلتقيان ابدا حتى وهو يقرأ من الورقة فهو يخطيء وإذا قصد بالفقاقير كما قلت انت فماذا قصد بالخضاضير؟؟؟ وماذا قصد بالمطاطير؟؟
وماذا قصد عندما وصف جمعا من الطلبة بـ"العتاريس" وماذا قصد عندما قال "اللي يحب يقعد في الشعر، يقعد في قل أعوذ برب الفلق"؟؟؟؟:s:s:s
وانا اظن أنه هو من جلب السخرية لنفسه وللشعب الجزائري والله كان الأجدر به أن يستعمل اللغة العامية فربما كان تعبيره أكثر بلاغة ورسالته مفهومة أكتر
​

 

[MĭŠš Čhŏů]

رد: العيب فينا وربي يعافينا

راني نتبع فالموضوع من بعيد وراني مستغربة تصدقوني هدا سلال والله جامي سمعتلو بصفتي مقيمة بالخارج مانتبعش الاخبار الوطنية بزاف سيرتو ادا كان الامر يتعلق بالسياسة
باختصار شديد العيب فينا والله يهدينا كيما قال صاحب الموضوع
مهما كان الوزير ماشي مليح حتى الشعب ماشي فالمستوى
​

كيفاش تحبي الشعب فالمستوى واللس حاكمينوا معندهمش مستوى؟؟!!

شكرا
​

 

[وانيس]

رد: العيب فينا وربي يعافينا

السلام عليكم ورحمة الله
أولا يا أخي حتى وان كان الوزير يقصد بالفقاقير (عبارة عن نظام ري تقليدي يسمى الفقارة يستعمل في المناطق التي يشح فيها الماء كما يساعد هذا النظام على توزيع الماء بشكل متساوي ....)فانه واللغة العربية مثل الطريق المزدوج لا يلتقيان ابدا حتى وهو يقرأ من الورقة فهو يخطيء وإذا قصد بالفقاقير كما قلت انت فماذا قصد بالخضاضير؟؟؟ وماذا قصد بالمطاطير؟؟
وماذا قصد عندما وصف جمعا من الطلبة بـ"العتاريس" وماذا قصد عندما قال "اللي يحب يقعد في الشعر، يقعد في قل أعوذ برب الفلق"؟؟؟؟:s:s:s
وانا اظن أنه هو من جلب السخرية لنفسه وللشعب الجزائري والله كان الأجدر به أن يستعمل اللغة العامية فربما كان تعبيره أكثر بلاغة ورسالته مفهومة أكتر
​

عندك حق لوكان ستعمل العامية خير :regards01:

 

[marouf bahaa eddine]

رد: العيب فينا وربي يعافينا

rak ghalat kichghol hadhi hokoma hiya " el khayr " w eli yakchaf

akhbarha w h9a2i9ha li hiya ma t9olhomch l nas, ydir fitna

!!!!!!!!!!!!!!!

w 3rab machi sam3in ga3 b algerie khatch mathamch usa w israel

lokan jat 9odamha thamak tchof drapeau de israel en algerie

w 9imat jahl ki y9olo "hadho li yatmasakhro b cha3b : 3andna

a9wa jaych w israel tkhafo, !!!!!!!!!!!!!!!!!!!!!!!!!!!!!!!!!!!!!!!!!,hhhhhhhhhh

les pays li 9odam palestine ykhafo israel dzair matkhafch menha

!!!!!!!!!!!!!!!

hhhhhhhhhh:p


el mohim 3endhom ki yahtajo m ' dzair =:regards01: ' kach haja

yjibolhom kolach bla ma ydemendiw menha

 

[SOFIANE020]

رد: العيب فينا وربي يعافينا

هدا محبطططططططططططط اخي
لاكن معليش

 

[anissa 13]

رد: العيب فينا وربي يعافينا

كيفاش تحبي الشعب فالمستوى واللس حاكمينوا معندهمش مستوى؟؟!!

شكرا
​

عندك الحق اختي اللي يحكمو ماهمش فالمستوى
بلادنا مافيهاش العدل تماما بصح كاين ربي
انا قصدت الشعب اللي مايستاهلش الخير راكي تعرفي ياختي حبة طوماطيش تخسر كامل الصندوق كاين ناس فبلادنا مشاءالله عليهم آداب وتربية ودين بصح اللي مايسواش يخسرها عليهم
​

 

[امينة02]

رد: العيب فينا وربي يعافينا

هو شايف روحو مازال عايش في العصر الحجري كن خلى بلاصتو للجيل تاع هذا العصر ويكمل يعييييييش في العصر الحجري قدما يحب وااااحد مايقلقو

 

[SOFIANE020]

رد: العيب فينا وربي يعافينا

هو شايف روحو مازال عايش في العصر الحجري كن خلى بلاصتو للجيل تاع هذا العصر ويكمل يعييييييش في العصر الحجري قدما يحب وااااحد مايقلقو

ونتي في بالك حنا واش من عصر رانا فيه
انظري من حولك
شكر

 

[الورد الأحمر]

رد: العيب فينا وربي يعافينا

السلام عليكم ورحمة الله وبركاته
بغض النظر عن صحة كلمة فقاقير، مهما كانت نية معناها في نظره، مع أني من خلال حديثه لمست أنه يتكلم فعلا عن الفقارة نظام الري، بالتوازي مع الميزانية، فما دخل الفقير في الاقتصاد وميزانية الدولة، أصاب في هذه الكلمة، لكن هذا الوزير له موسوعة مفردات تعنيه وحدهـ غير موجودة في أي قاموس من القواميس مهما تنوعت اللغات، أعتقد أن قاموسه اسمه سلاليات، فعلا ما يقوله شيءٌ مُخزي، فهذا الوزير مع "كوطة" أخرى من الوزراء "بهدلوا" بينا في المحافل الرسمية العربية، عربيتهم يندى لها الجبين، تترك الحضور من الوزراء العربيين بفمٍ مفتوحٍ لا يفقهون إن كانت عربيتهم عربية أم بنت عمتها !، لكم اليوتوب ولكم أن تبحثوا عن فيديوهاتهم، لتروا بأنفسكم وتحكموا، إن كان هذا الوزير فعلا محنك، أو غبي، فإني أرى الغبي من يعتبره محنكا ويدري ما يفعله، بدون ذكر مساسه لكيان الله عز وجل، ونسب أقوال لله والرسول لم ترد لا في القرآن ولا في السنة ولا في أي اجتهاد لأحد العلماء المسلمين، باختصار هذا الوزير وجماعة معه، يمكن أن نختصرهم في قول "عندما تُسند الأمانة لغير أهلها".