هنا تقرير الدرس الثاني

[راضية حامدة]

السلام عليكم و رحمة الله

في انتظار تقاريركم​

 

[larose]

رد: هنا تقرير الدرس الثاني

سلام
درجة الاحترام انا نقدرها ب85بالمئة و لا اكتر شوية يعني مبيناتناش الرسميات و مبيناتناش طياحة لقدر حشاكم
الموقف اللي صرا هو انو انا حساسة بزاف و مارقا سعات....راجلي عندو 2 بيس يخدم بيهم في زوج واحدة نتاعي انا و دارهم يعني لليني و لوخرا عادي يحكي مع الناس كامل.انا لحكاية هادي قلقتني شحال من مرة و انا نقولو نحيها و يقولي ايه و مينحيهاش هداك النهار خيرتو بيني و بين لا بيس اكيد انا زودتها شوية مي الله غالب ساعفني ساعفي ياسدي خرج من عقلو قالي ادا لحكاية هدي تريحك معليش وقالي كي نجيك المرة الجاية نجيبهالك و هرسيها في الهراس وليت هداني ربي تسايرنا وكي يجي يقولسي حاجة مش مليحة يسكر تليفونو باه ميقولهاليش وانا نقولو علاه تسكر التليفون ف وجهي و نزيد ندير مشكل المهم في بعض الاحيان انا اللي نستفزو كي يكون عندنا ياسر متعايطناش ايا نغيرو الجو شويا هههههههه

بالتاكيد يوجد احترام بين الزوجين اللي هو اساس الاستمرار و المحبة الزوج كي يشوف الزوجة نتاعو تحتارمو و تقدرو اكيد مش يدير حاجة اللي تزعفها وتجرحها و تزيد تكبار في عينو
و السلام عليكم.

 

[ThIs Is Me]

رد: هنا تقرير الدرس الثاني

السلام عليكم

درجة الاحترام مئة بالمئة ماشاء الله
مواقف مكانش و الحمد لله

الاحترام بين الزوجين لازم و اكيد بالنسبة لي لانه توجد مواقف متل المناوشات و المشاجرات يجب ان يتواجد فيها الاحترام و الا سب و شتم كل واحد منهما الآخر فالاحترام بين الزوجين واجب لعدم تعدي كل واحد على حدود الاخر
و هو من اسس الزواج الناجح

 

[هــــيلدا]

رد: هنا تقرير الدرس الثاني


اذكري نسبة على مئة لدرجة الاحترام بينك و بين خطيبك
100% بيني وبين خطيبي نسبة كبيرة من الاحترام والحمد لله هو رزين بزاف الله يبارك و يعرف حدوده جيدا وانا بدوري لا اتخطى حدودي معه.
اذكري موقف حصل هذا الاسبوع كان فيه اما احترام او نقص منه و ما كانت ردة فعلك (موقف ايجابي ام سلبي )

عندي عامين خطوبة معه لحد الآن لم يصادفنا موقف مثل ما قلت، صحيح اننا نتشاجر في بعض الاحيان لكن بدون تعدي الحدود، وغالبا ما يكون الشجار مفتعل من طرفي لكنه لا يولي كلامي أهمية يقولي انا نخليك من بعد شوية نعاودلك، مرات يعاودلي كي يشوفني بللي الحاجة للي تشاجرنا عليها عندي فيها الحق وكي نكون انا الغالطة يخليني حتى نعرف روحي،بصح ديما الاحترام بيناتنا

هل تؤمنين بالاحترام بين الزوجين ام انت ممن يرى انه بينك و بين زوجك لا توجد حدود ؟
اكيد أؤمن بالاحترام اذا طاح القدر اليوم بنسبة راح يزيد يطيح الغدوة بنسبة حتى مايبقاش قدر بيناتنا، انا وزوجي متفتحين في علاقتنا لأقصى الحدود لكن عندما يتعلق الامر بالاحترام فهنا يتوقف كل شيء

 

[ميلاد انثى]

رد: هنا تقرير الدرس الثاني

نسبة الاحترام بيننا 100 بالمئة و الحمد لله

موقف حصل هذا الاسبوع كان فيه اما احترام او نقص منه
هذا الاسبوع كيما تعرفو احتفلنا بالمولد النبوي الشريف ،و حنا في العادات نتاعنا اهل العريس يروحو عند العروسة نتاعهم ويديولها حوايج بالمناسبة ،انا حكيت مع خطيبي في التيليفون وقتلو هذا الهدرة قالي بلي الاحتفال بالمولد بدعة ومالازمش نخصصو فيه اي احتفال او زيارة، انا زعفت و قتلو بلي هذي المناسبة مفيدة تزيد تقرب بين اهلي و اهلك يعني نزيد نتعرف بيهم مليح و يتعرفو بيا، هو كان مصر على رايو و محبش يتنازل ، انا زعفت بزافو حسيت بلي مانيش عزيزة عند راجلي و زيد نتاع لافامي و صحاباتي حيسقسيوني على واش جابولي في المناسبة هذي
راجلي قالي بلي من جهة عندي حق و من جهة اخرى حتى هو عندو حق، في الخير انا احترمت وجهة نظرو هو لانها اقرب للمنطق و الشرع و تصالحت معاه بعد ما رضاني بالتأكيد و قالي اذا حابة تزيدي تتعرفي باهلي نجيو زيارة في اقرب فرصة، والحاجة لي عجبتني بزاف ليوم تلاقيت معاه و جابلي كادو فرحني بيه .
في الخير انا نشوف بلي الاحترام شيء اساسي في العلاقة بين الزوجين لانه كلما المرأة احترمت روحها و احترمت زوجها و اهلو راح تكبر في عينو و يزيد الحب بيناتهم و يخلي راجلها يحترمها رغما عنه

 

[larose]

رد: هنا تقرير الدرس الثاني

وينك يامددام و ينو الدرس الجديد نشاء الله تكوني بخير

 

[راضية حامدة]

رد: هنا تقرير الدرس الثاني

لي عودة في المساء ان شاء الله

 

[راضية حامدة]

رد: هنا تقرير الدرس الثاني

من خلال تقاريركم كلكم ما عندكمش مشكل من هذه الجهة
الحمد لله
لكن حاولو تحافظو عليه قدر المستطاع الى اخر العمر
وصيتي لاي عروسة هي
الاحترام ثم الاحترام

 

[ميلاد انثى]

رد: هنا تقرير الدرس الثاني

انتظرنا تحليلات اعمق.....................:s:s:s:s