أهلا بك
شكرا على حسن المُتابعة
الهُــدوء المزعج ~''
- كاتب الموضوع لمعانُ الأحداق
- تاريخ النشر
شكرا على حسن المُتابعة
- إنضم
- 23 جويلية 2019
- المشاركات
- 932
- نقاط التفاعل
- 2,225
- النقاط
- 51
- العمر
- 25
- محل الإقامة
- الجزائر
- الجنس
- ذكر
موهبةمش لازم تكون شباب و لابس لبسة جميلة باه تتصور
و لا لازم يكون صوتك جميل و موسيقي باه تغني
اي حاجة حاب تديرها ، ديرها .. ديرها لروحك مش شرط تعجب شخص آخر .. عيش لنفسك !
لا نجعل الآخرين معيارا لحياتنا
علابالي ماهيش نورمال انك تقطع علاقتك مع كامل الناس .. مي التعامل معاهم رجع " مُرهق " ، تتعب داخل راسك ، حكاياتهم ، حواراتهم العقيمة ، هدرات ماعندها حتى معنى ، ناس تدخل في خصوصياتك و ناس اخرى تقول حاجات مالازمش تنقال ، و كاين لي يدي عليك نظرة و يبقى حاطها عليك طول ، تلقى روحك قاعد تبرر لواحد و تشرح لـ لوخر و توضح لهذا و حتى تعتذر لهذاك .. و انت أصلا ماعندكش طاقة ، الطاقة لي عندك هات يا تكمل بيها نهارك ، المهم حاول تخلي روحك بعيد على الناس و قلل دائرة معارفك .. أي شخص تحس رح يديرلك إضافة سلبية خلي علاقتك بيه سطحية ، في النهاية ردة الفعل تاعنا تعتمد على وش يصرا حولنا ..
ايه و لي ماراهش يصلي يبدا يصلي خاوتي .. الصلاة الصلاة
مسلم و ماتصليش !! كيفاه حاب ربي يباركلك في وقتك و يحققلك وش حاب و انت ماتديرش وش قالك !! ماتقولش ماعندكش الوقت هي كلها 5 دقايق و راك زدت بيها درجات في ميزانك ، بلا ماننساو انها راحة و طمأنينة ، و اول حاجة يُسأل عليها العبد يوم القيامة .. ماتكونش من الغافلين تخسر الدنيا و الآخرة
مسلم و ماتصليش !! كيفاه حاب ربي يباركلك في وقتك و يحققلك وش حاب و انت ماتديرش وش قالك !! ماتقولش ماعندكش الوقت هي كلها 5 دقايق و راك زدت بيها درجات في ميزانك ، بلا ماننساو انها راحة و طمأنينة ، و اول حاجة يُسأل عليها العبد يوم القيامة .. ماتكونش من الغافلين تخسر الدنيا و الآخرة
- تصالح مع نفسك و سامحها ، ماتبقاش تعدد في الغلطات لي درتهم ، العيب مش كي تغلط ، كامل نغلطو .. العيب انك تغلط و ماتصلحش الغلطة تاعك
مش لازم واحد كي يآذيك ولا يجرحك ، انت ثاني لازم تدير نفس الشي و ترد الاساءة بالاساءة ، نحيه من بالك و كمل عيش نورمال ، تعامل معاه بأخلاقك مش بأخلاقو .. و اذا أثر عليك بزاف " وكل عليه ربي " و فوت .. ماتبقاش تحاول تنتقم ..
بصح كي واحد يوقف معاك و يدير فيك الخير ، وي ، هذا لي يليق تردلو الجميل و تعرف تتعامل معاه ، ماتقيسوش و لا تجرحو ، لأنو ماهوش انسان عادي في حياتك .. الانسان لي يدير الخير راه انسان بزاف ناس ملاح و طيب ، كون معاه انت ثاني هكا
بصح كي واحد يوقف معاك و يدير فيك الخير ، وي ، هذا لي يليق تردلو الجميل و تعرف تتعامل معاه ، ماتقيسوش و لا تجرحو ، لأنو ماهوش انسان عادي في حياتك .. الانسان لي يدير الخير راه انسان بزاف ناس ملاح و طيب ، كون معاه انت ثاني هكا
